Առաջիկայում՝ մինչեւ վարչապետի ընտրությունները Հայաստանի ներքաղաքական կյանքում ակտիվ զարգացումներ են լինելու, չի բացառվում, որ հասարակական ընդվզում սկսվի՝ Սերժ Սարգսյանի վարչապետացումը կանխելու նխատակով: Ու թեեւ որքան էլ իշխանության ներկայացուցիչները հայտարարեն, որ վարչապետի թեկնածու հարց չի քննարկվել, միանշական է, որ սուպերվարչապետի պաշտոնը զբաղեցնելու է նա: Ոչ վաղ անցյալում ԱԺ ԵԼՔ խմբակցության ղեկավար ՆԻկոլ Փաշինյանը հայտարարել էր, որ Հայաստանի քաղաքական օրակարգի թիվ մեկ խնդիրը Սերժ Սարգսյանի վերարտադրության կանխումն է եւ, որ նա պատրաստ է «գործուղվել» Ազատության հրապարակ:

«Բացառվում է, որ ես Ազատության հրապարակում կոնկրետ անելիք ունենամ եւ այդ անելիքը չանեմ, ես սա հենց անձնապես կոնկրետ ինձ համար եմ ասում։ Ես միշտ էլ Ազատության հրապարակում եմ, բայց խնդիրը հետեւյալն է՝ էլ ովքեր են Ազատության հրապարակում»,- ասել էր նա։

Միանշանակ պարզ է, որ հասարակական ընդվզման համար անհրաժեշտ է ՀՀ քաղաքացիների անմիջական մասնակցությունը: Ժուռնալիստների Գյումրու «Ասպարեզ» ակումբի խորհրդի նախագահ Լեւոն Բարսեղյանը կարծում է, որ ժողովրդին ուղղոդող քաղաքական էլիտա է անհրաժեշտ:

«Հասարակության այն մասը, որ չի հանդուրժելու չի հանդուրժելու նաեւ հիմա՝ համարում են, որ մարդն ապօրինի է զավթել իշխանությունը եւ թագավորում է: Այն մասը, որ վախեցել է, նահանջել է, գնվել է, ծախել է քվեն, նրանք էլի սուս ու փուս շարունակելու է իր գոյությունը: Ընդ որում այս երկու խմբիերից էլ կան անձիք, որ պատրաստ են ցանկացած պահի լքել երկիրը՝ հնաարավորություն ունենալու դեպքում: Կասկածում եմ, որ բողոք կամ ընդվզում կլինի ժողովրդի կողմից: Միաժամանակ իշխանությունն էլ չի ջանում բարեփոխել կառավարման համակարգը: Հասկանալի է, որ Մարտի 1-ը չեն բացահայտելու, որովհետեւ իրենց կմեղսագրվի լուրջ բաներ: Ամեն ինչ անում են, որ վերատարդրվելուն չվնասի, եթե հավանականություն լինի, որ բարեփոխումը վնասելու է վերարտադրությանը, ապա չեն անի, օրինակ հասարակ բան՝ պատմության դասագրքերում, եթե ճշմարտությունը գրվի սերունդը կիմանա եւ դա կարող է վնասել իշխանության վերարտադրությանը, դրա համար սուտն է գրվում, դրա համար Սերժիկի նկարն է դպրոցներում խփած: Սա պատահական չեն անում, սա թյուրիմացության արդյունք չէ, պայքար է իշխանության պահպանման համար: Բողոքավոր ժողովրդին պետք է առաջնորդի էլիտա, դա կարող է լինել ԵԼՔ-ը կամ ԵԼՔ եւ մեկ այլ կուսակցություն: Առանց սրա հնարավոր չէ, կամ կարող են հավքվել ցույց անել եւ գնալ տուն: Ընդդիմությունը հյուսծված է Հայաստանում: Բարգավաճ Հայաստանը ընդդիմություն չէ, մնում է միայն ԵԼՔ-ը իր ստացած 120 հազար քվեներով»,- ասում է Լեւոն Բարսեղյանը:

Բարսեղյանը կարծում է, որ Սերժ Սարգսյանի  կողմից 15-20 տարի ղեկավարելն արդյունավետ չէ՝ վնասակար է:

«Եթե մի քիչ էլ ետ գնանք, ապա Սերժ Սարգսյանը նույն բանն ասաց 2014 թվականի ապրիլի 10-ին՝ ասելով, որ սխալ է մարդը հավակնի պաշտոնավարման 3-րդ ժամկետին: Հիմա հավանականությունը շատ մեծ է, որ նա շարունակելու է իր թագավորությունը եւս  6-7 տարի, սա նշանակում է, որ նա իր խոսքից հրաժարվել է, միտքը փոխել է, վերանայել է իր դիրքորոշումն՝ անկախ նրանից, որ իր պաշտոնի անվանումը փոխվում է: Նախագահ էր, հիմա ահռելի լիազորություններով վարչապետ են սարքում: Չնչին հավանականություն կա, որ չի դիմի այդ քայլին եւ խայտառակ չի լինի ստախոսության համար»,- ասում է Լեւոն Բարսեղյանը:

ՀՀԿ խմբակցության ղեկավար Վահրամ Բաղդասարյանն էլ թեմայի շուրջ ՀԺ-ի հետ զրույցում անդրադառնալով Նիկոլ Փաշինյանի հայտարարությանը՝ ՀՀ քաղաքացու իրավունքն է գնալ իշխանության վզից բռնել եւ դուրս շպրտել Ազգային ժողովի, նախագահականի եւ կառավարության շենքերից եւ պատասխանելով մեր հարցին, թե՝ մտավախություն չունենք, որ առաջիկայում հասարակական ընդվզում կառաջանա՝ իշխանափոխության եւ Սերժ Սարգսյանի վարչապետ դառնալու պահանջով, Բաղդասարյանն ասաց.

«Բա ընդդիմությունն ինչպե՞ս պետք է իր կերպարը պահի: ԵԼՔ-ը իր ընդդիմադիր կերպարը պահելու համար պետք է տարբեր միջոցառումներ ձեռնարկի, բայց երբ տեսնում եք հավաքված մարդկանց արդեն պարզ է՝ կայացած է նրանց միջոցառումը, թե՝ ոչ: Ես հասարակական ընդվզման հիմքերը չեմ տեսնում»,- ասաց Վահրամ Բաղդասարյանը:

ՀՅԴ խմբակցության քարտուղար Աղվան Վարդանյանը եւս կարծում է, որ հասարակական ընդվզման հիմքեր չկան, թեեւ իշխանափոխություն պահանջողներին հաջողություն մաղթեց: Իշխանության մտածածի նման այնքան էլ կյանքը Հայաստանում անհոգ չի անցնում: Միայն իշխանափոխության պահանջով  փողոց դուրս գալու համար  մի քանի լուրջ պատճառններ կան՝ անկայուն գնաճից սկսած մինչեւ անարդարության բացակայություն, որը թեեւ իշխանական կողմին չի անհանգստացնում:

Հ.Գ.Մարտի 2-ին ԱԺ-ն ընտրելու է երկրի 4-րդ նախագահին, սա զուգադիպում է 2008 թվականի Մարտի 1-ին եւ 2-ին դեպքերի 10-րդ տարելիցի օրվան, երբ Սերժ Սարգսյանի իշխանության գալը կանխելու համար առնվազը 10 քաղաքացի զոհվեց: Չգիտես ինչու, բայց իշխանությունը սա եւս հասարակական ընդվզման կարեւոր հիմք չի ցանկանում համարել:

Նյութը տպագրվել է «Հայկական ժամանակ» օրաթերթի փետրվարի 24-ի համարում:

Տպել
2309 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան