Եթե ոչ Սերժ Սարգսյանը, ապա՝ ո՞վ. ով ունի Շարմազանովի այս հարցի պատասխանը

Երկար ժամանակ է Հանրապետական կուսակցության անդամները խոսում են Սերժ Սարգսյանի՝ վարչապետի պաշտոնում անփոխարինելի լինելու մասին: Այս մասին արդեն քանիցս նշել է ՀՀԿ խոսնակ, ԱԺ փոխնախագահ Էդուարդ Շարմազանովը, որը երեկ նոր հարցադրում առաջ քաշեց. «Եթե ոչ Սերժ Սարգսյանը, ապա ո՞վ»,- «Ազատության» ռ/կ-ի հետ զրույցում ասաց նա:

Այս հարցը մենք ուղղեցինք այլ պատգամավորների եւ քաղաքական գործիչների: Իսկապես, դրան պատասխան չկա, այսինքն՝ եթե ոչ Սերժ Սարգսյանը, ուրեմն՝ ոչ ո՞ք: ՀՀԿ խմբակցության անդամ, «Հզոր հայրենիք» կուսակցության ներկայացուցիչ Շիրակ Թորոսյանը եւս հակված է Սարգսյանի՝ ամենահարմար թեկնածու լինելուն: «Հայկական ժամանակ»-ի հարցին՝ ո՞վ կարող է փոխարինել Սերժ Սարգսյանին, ո՞վ է ավելի հարմար թեկնածու վարչապետի պաշտոնի համար, Թորոսյանը պատասխանեց.

«Վարչապետի ընտրության հարցում պատասխանատուն Հանրապետական կուսակցությունն է, այլ ոչ խմբակցությունը, եւ որոշում կայացնելու է կուսակցությունը՝ թե ով լինի վարչապետ: Ընդհանրապես, վարչապետի թեկնածուի հետ կապված այս ամբողջ աժիոտաժը տեղին չէ եւ անիմաստ է մի պարզ պատճառով: Մեր սահմանադրությունն ասում է, որ վարչապետ պետք է առաջադրի Ազգային ժողովում մեծամասնություն կազմող կուսակցությունը: Իսկ ԱԺ-ում մեծամասնություն կազմում է Հայաստանի Հանրապետական կուսակցությունը: Կուսակցությունն էլ կորոշի, թե ով է լինելու վարչապետի թեկնածուն: Եվ եթե դա Սերժ Սարգսյանը լինի, ուրեմն ինքն էլ կլինի, եթե այլ մեկը՝ ուրեմն այլ մեկը: Ինչի՞ մասին է խոսք»,-մեր զրույցում ասաց Շիրակ Թորոսյանը:

Հարցին՝ այնուամենայնիվ, բացի Սերժ Սարգսյանից է՞լ ով կարող է հավակնել վարչապետի պաշտոնին, ո՞վ կարող է «փոխարինել» Սարգսյանին, Թորոսյանն ասաց.

«Որպես խմբակցության անդամ, եւ որպես անհատ, կարող եմ ասել , որ եթե այսօր Հանրապետական կուսակցությունը հենց կուսակցության առաջնորդին առաջադրի վարչապետի թեկնածու, ապա դա ճիշտ որոշում կլինի: Որովհետեւ ամբողջ աշխարհում հաճախ այդպես է. եթե որեւէ կուսակցություն հաղթում է ընտրություններում, եւ եթե Կառավարության ղեկավար է առաջ քաշվում, ապա այդ թեկնածուն, բացառապես լինում է կուսակցության առաջնորդը: Տեսե՞լ եք, Գերմանիայում արդեն երրորդ անգամ հաղթեց քրիստոնյա-դեմոկրատական կուսակցությունը, եւ որպես վարչապետի թեկնածու երրորդ անգամ առաջադրվեց Անգելա Մերկելը: Այնտեղ ոչ ոք չասաց՝ արդեն երրորդ անգամ է, եւ ճիշտ կլինի՝ Մերկելը չլինի: Համոզված եմ՝ ճիշտ կլինի, եթե Հանրապետական կուսակցությունն առաջ քաշի Սերժ Սարգսյանին: Դա բնական է, օրինաչափ եւ ճիշտ»,- ասաց Թորոսյանը:

Հակառակ կարծիքին են ԱԺ ԵԼՔ խմբակցության անդամները՝ ինչպես հաճախ են նշել իրենց խոսքում: Մասնավորապես՝ խմբակցության պատգամավոր Արարատ Միրզոյանը մեր զրույցում ասաց, որ իրենց համար ՀՀԿ-ի ցանկացած թեկնածուն է անընդունելի.

«ԵԼՔ խմբակցությունն ունի վարչապետի իր թեկնածուին, իսկ իշխանական թեւի թեկնածուի մասին թող մտածեն իշխանական թեւերը՝ այն վերապահումով, որ նույն մարդը չպետք է երրորդ անգամ պաշտոնավարի: Իսկ ՀՀԿ-ում ավելի ընդունելի թեկնածու չկա: ԵԼՔ-ն իր թեկնածուն ունի, եւ հանդես է գալու Հայաստանի զարգացման իր տեսլականով, իսկ թեկնածուի մասին կհայտարարենք, երբ խմբակցությունը կայացնի իր հստակ որոշումը»,- եզրափակեց Միրզոյանը:

ՀՅԴ խմբակցության պատգամավոր Արմեն Ռուստամյանն ասաց, որ ինքը հեռախոսով չի պատասխանում հարցերին:

Իսկ ԱԺ Ծառուկյան խմբակցության պատգամավորներ Իվետա Տոնոյանն ու Գեւորգ Պետրոսյանը միեւնույն խուսափողական պատասխանը տվեցին՝ քանի խմբակցությունում չեն քննարկել այս հարցը, իրենք զերծ կմնան սեփական դիրքորոշումը հայտնելուց:

Պետրոսյանն իր խոսքում ասաց, որ համաձայն է կուսակցության նախագահ Գագիկ Ծառուկյանի այն կարծիքին, որ անփոխարինելի մարդիկ չկան: Իսկ քանի դեռ Սերժ Սարգսյանը չի առաջադրվել վարչապետի պաշտոնում, Գեւորգ Պետրոսյանն ասաց, որ հարցի մասին խոսելն անիմաստ է.

«Ով էլ առաջադրվի, իր թեկնածության հարցը կքննարկենք մեր խմբակցությունում, ապա նոր կհայտնենք մեր որոշման մասին»,- ասաց Ծառուկյան խմբակցության պատգամավորը:

Ստացվում է, որ, ըստ էության, միայն ԵԼՔ խմբակցությունն է, որ ունի Շարմազանովի հարցի պատասխանը՝ եթե ոչ Սերժ Սարգսյանը, ապա ո՞վ: ԵԼՔ-ի թեկնածուի անունն էլ, սակայն ՀՀԿ-ի թեկնածուի նման առայժմ չի հրապարակվում:

ՀայԱրփի Բաղդասարյան

Նյութը տպագրվել է «Հայկական ժամանակ» օրաթերթի մարտի 6-ի համարում:

Տպել
3887 դիտում

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին