Թիմակիցները քննադատում են նաեւ Մխիթարյանին. «Արսենալի» հանդերձարանում մթնոլորտը լարված է

Լոնդոնի «Արսենալի» հանդերձարանում մթնոլորտը լարված է: Այս մասին գրում է բրիտանական The Sun-ը: Թիմը 4 պարտություն է կրել վերջին 4 խաղում, ինչը սրել է իրավիճակը: Ֆուտբոլիստները մեղադրում են մեկը մյուսին, իսկ գլխավոր մարզիչ Արսեն Վերգերն այլեւս չի վերահսկում իրավիճակը:

Նշվում է, որ «զինագործների» խաղացողներից ոչ մեկը չի ցանկանում ընդունել մեղքի իր բաժինը: Անհաջողությունների համար նրանք քննադատում են մեկը մյուսին, ու սլաքներն ուղղված են հատկապես Հենրիխ Մխիթարյանի ու Մեսութ Օզիլի վրա:

Մխիթարյանը ձմեռային տրանսֆերային պատուհանի ընթացքում թիմի աստղային ձեռքբերումներից է, ու նրանից սպասելիքները շատ են, որոնք, սակայն նա չի արդարացնում: Ըստ թիմակիցների՝ հանդիպումների ընթացքում ՀՀ հավաքականի ավագը չի հասցնում այն մրցակիցների հետեւից, որոնց վերահսկելն իր պարտականությունն է:

Օզիլն էլ ձմռանը թարմացրել է պայմանագիրը՝ դառնալով ակումբի պատմության ամենաբարձր վարձատրվող խաղացողը, սակայն նրա խաղը եւս չի գոհացնում թիմակիցներին: Նրանք մտածում են, որ վերջին հանդիպումների ընթացքում Գերմանիայի հավաքականի ֆուտբոլիստն անհետանում է խաղադաշտում:

Լրատվամիջոցը նշում է, որ համատարած հիասթափությունն ազդել է թիմային ոգու վրա: Ակումբում այլեւս ուշադրություն չեն դարձնում այն հանգամանքի վրա, որ ներքին տարաձայնությունները կարող են հանրությանը հայտնի դառնալ: «Արսենալի» ներքին խոհանոցը սովորաբար փակ էր բոլորի համար, բայց հիմա ամեն մանրուք հեշտ հասանելի է ԶԼՄ-ներին ու երկրպագուներին:

Արսեն Վենգերը՝ ֆուտբոլային լավագույն մարզիչներից մեկը, չի կարողանում ազդել իրավիճակի վրա: Ասուլիսների ժամանակ նա նշում է, որ շտկելու է թերությունները, սակայն ըստ The Sun-ի՝ այս պահին նա ինքն էլ կորցրել է հավատն իր ուժերի նկատմամբ ու չգիտի՝ ինչ անել: Հանդիպումների վերլուծություններ չեն արվում, խաղերից առաջ նա ֆուտբոլիստներին ցուցումներ չի տալիս, ամեն մեկն ինքն է որոշում՝ ինչ անել խաղադաշտում:

Մյուս կողմից նա կորցրել է նաեւ վստահությունը ղեկավարության կողմից: Ակումբում նկատել են, որ ղեկավարների հետ հարաբերությունները սառել են: Մարզիչը մշտապես մենակ է ու գրեթե ոչ ոքի հետ չի շփվում:

Երկրպագուների համբերությունը նույնպես հատել է: Նրանք դեռ նախորդ մրցաշրջանում էին ակցիաներ կազմակերպում՝ պահանջելով նրա հրաժարականը: Հիմա էլ նույն ցանկությունն ունեն: Վերջերս նույնիսկ իտալացի մարզիչ Կարլո Անչելոտիին խնդրել էին փոխարինել նրան:

Ֆրանսիացի մասնագետը դեռ 1 մրցաշրջանի պայմանագիր ունի, սակայն սպասվում է, որ նա ակումբը կլքի ժամանակից շուտ՝ այս ամառ: Ըստ խոսակցությունների՝ նրա տեղը կարող է զբաղեցնել Կարլո Անչելոտին, Գերմանիայի հավաքականի գլխավոր մարզիչ Յոահիմ Լյովը, «Սելթիքի» գլխավոր մարզիչ Բրենդան Ռոջերսը, «Արսենալի» նախկին ավագ Միկել Արտետան կամ «Մոնակոյի» գլխավոր մարզիչ Լեոնարդո Ժարդիմը:

«Արսենալի» միակ փրկությունն այս մրցաշրջանում կլինի Եվրոպա լիգայում հաղթելը: Դա թիմին ե՛ւ տիտղոս կբերի, ե՛ւ հաջորդ մրցաշրջանում Չեմպիոնների լիգայում հաղթելու հնարավորություն կտա: ԱՊԼ-ում խաղալով Չեմպիոնների լիգայի ուղեգիր ձեռք բերելը գործնականում եթե ոչ անհնար, ապա շատ բարդ է: Առաջնության ավարտից 9 տուր առաջ թիմը զբաղեցնում է 6-րդ հորիզոնականը: Ունի 45 միավոր: 4-րդ տեղում ընթացող «Թոթենհեմին» զիջում է 13 միավորով:

Եվրոպա լիգայի ընթացիկ մրցաշրջանի 1/8 եզրափակչում մրցակիցը Եվրոպայի ամենատիտղոսակիր թիմերից մեկն է՝ «Միլանը»: Առաջին հանդիպումը կայանալու է մարտի 8-ին Միլանում: Պատասխան հանդիպումը Լոնդոնում տեղի է ունենալու մարտի 15-ին:

Տպել
7596 դիտում

Սլավա Հայրապետյանը նույնպես դուրս մնաց գեղասահքի աշխարհի առաջնությունից

Հայաստանի ազգային հավաքականն արդեն Սարաևոյում է

Էկրաններին է աստղային դերասանական կազմով «Ա.Կ.Ա.» դրաման

Քաղաքապետարանը սկսում է կանաչապատել Սարալանջի համայնքապատկան հողերը՝ Մոնումենտից մինչև Մյասնիկյան

Ադրբեջանը սպառնալիքներ է ստեղծում Արցախի բնակչության գոյատևման համար. ԱԳ փոխնախարարը՝ Ադրբեջանի ԱԳ նախարարին

ԱՄՆ պետքարտուղարն այցելել է Երուսաղեմի Սուրբ Հարության տաճարի հայկական բաժին

Զինված ու դիմակավորված ավազակային հարձակում Արմավիրում․ հնչել են կրակոցներ

«Միսս Մոսկվա» մրցույթի հաղթողը պայմանագրի պահանջները չկատարելու պատճառով զրկվում է թագից եւ գլխավոր տիտղոսից

ԱԳ նախարարը հանդիպել է Շվեդիայի միջազգային զարգացման համագործակցության նախարարի հետ

Երբ մարդուն վտանգ ա սպառնում, ես կանխում եմ, ոչ թե ջարդում, քցում գետնին, մի քանի անգամ քացով տալիս. ԱԺ պատգամավոր

Չինաստանի գործարաններից մեկում պայթյունի հետեւանքով առաջացած հրդեհի մարմանը կցվել է 930 հրշեջ

Դպրոցի տարածքում վիճաբանությունն ավարտվել է դանակահարությամբ. Երիտասարդներից մեկը վնասվածք է ստացել սրտի շրջանում

«Վանաձոր» ՔԿՀ-ում տեսակցության եկածի մոտից գտել են 5.2 գր քաշով, դեղնականաչավուն զանգված

Մեծ Բրիտանիան ԵՄ-ից պետք է դուրս գա առավելագույնը մինչեւ ապրիլի 18-ը. ԵԽ նախագահ

«Օրենքով գող» Աստրախանցի Հայկոն ազատ է արձակվել, կալանքի հիմքեր չեն եղել

Երեւանի դատախազը Մարությանից պահանջել է գետնանցումներում եւ զբոսայգիներում տարածքներ զբաղեցնողների տվյալները

Էրդողանի ռեժիմի միջամտությունն այլեւս անընդունելի է Պոլսո Հայոց պատրիարքի ընտրության գործընթացում. Հայ դատի հանձնախումբ

Քաղաքապետարանի աշխատակիցները օրենքից դուրս գործող սգո սրահներ են հայտնաբերել. հարուցվել են քրգործեր

Դպրոցի տնօրենին անվստահություն կարող է հայտնել ծնողական խորհուրդը. Ավշարում կրքերը չեն հանդարտվում

ՊԵԿ-ը հորդորում է Բագրատաշենի մաքսակետից հանել աջ ղեկով մեքենաները, այլապես կգանձվի պահպանության վճար