Մենք ենք ու Գերմանիան. խմբագրական

Վերջին շրջանում կարկառուն ՀՀԿ-ականները Սերժ Սարգսյանին համեմատեցին Ուինստոն Չերչիլի ու Շառլ դը Գոլի հետ: Թե ինչ է տեղի ունեցել Բրիտանիայում Չերչիլի օրոք կամ Ֆրանսիայում դը Գոլի օրոք, նրանք չհամեմատեցին այն բանի հետ, թե ինչ է տեղի ունեցել Հայաստանում Սարգսյանի պաշտոնավարման օրոք: Պարզապես, հիշեցին Չերչիլի ու դը Գոլի հետ կատարված մի երկու դիպված՝ ցույց տալու համար, որ Սերժ Սարգսյանը նրանց կալիբրի քաղաքական գործիչ է:

Մի համեմատություն էլ կա Հայաստանի ու Գերմանիայի միջեւ: Համեմատության առիթը խորհրդարանում վարչապետի քվեարկության բաց լինելն է: Համեմատության հեղինակը ԱԺ պետաիրավական հարցերի հանձնաժողովի արդեն նախկին նախագահ, ուղիղ ու հարթ ճանապարհով դեպի ՍԴ նախագահի պաշտոնը սլացող Հրայր Թովմասյանն է: Վերջինս ասել էր, թե վարչապետի ընտրության բաց լինելը վերցվել է միջազգային փորձից, օրինակ, Գերմանիայում կանցլեր ընտրվում է բաց քվեարկությամբ: Ինչու էր պետք այս համեմատությունը: Այն պարզ պատճառով, որ որեւէ այլ փաստարկ տրամաբանական չէր հնչի: Նա ասել էր, թե վարչապետի ընտրությունը քաղաքական է, այդ իսկ պատճառով պետք է բաց լինի: «Քանի որ մենք գործ ունենք քաղաքական պրոցեսի հետ, եւ քաղաքական մեծամասնությունն է ներկայացնում թեկնածուին, ու պետք է նրա դիրքորոշումն էլ հստակ երեւա, թե ինչպես է քվեարկել»,-  ասել էր ՀՀԿ-ական նախկին պատգամավոր Հրայր Թովմասյանը:

Զավեշտալի է հնչում: Այսինքն՝ ՀՀԿ-ականները իրենց բարձրագույն մարմնում որոշում են, որ իրենց վարչապետը պետք է լինի Սերժ Սարգսյանը, որոշում են, բնականաբար, միաձայն ու ծափահարություններով: Բայց հետո ուզում են տեսնել, թե խորհրդարանում իրենց իսկ կուսակիցները՝ ՀՀԿ-ական պատգամավորները ինչպես են քվեարկել:

Ստացվում է, որ ՀՀԿ-ն վստահ չէ ինքն իր վրա, այդ կուսակցությունում լուրջ մտավախություններ ունեն, որ իրենք իրենց «քցելու են», որ խորհրդարանում իրենց պատգամավորները, որոնց մեծամասնությունը նաեւ ՀՀԿ ղեկավար կազմում են եւ միաձայն են քվեարկել Սերժ Սարգսյանին վարչապետի պաշտոնում առաջադրելու որոշմանը կողմ, կարող են «թռնել»: Այդքան էլ կուռ չեն, հա՞: Ինչ-որ բանից վախենում են, հա՞:

Բայց քանի որ հենց այդ պնդումների հեղինակներն էլ են, թերեւս հասկանում իրենց իսկ պնդումների զավեշտը, «նավսյակի» բերում են լրացուցիչ «փաստարկ»: Ասում են, որ Գերմանիայում էլ է այդպես՝ դաշնային կանցլերին ընտրում են բաց քվեարկությամբ:  Գերմանիայում: Ոչ ավել, ոչ պակաս՝ Գերմանիայում: Ոչ թե Զիմբաբվեում, ոչ թե Սուրինամում, Սոմալիում, Թուրքմենստանում կամ Հյուսիսային Կորեայում, այլ հենց Գերմանիայում: Համեմատում են աշխարհի ամենազարգացած, ամենահզոր, ամենաժողովրդավարական, ամենաօրինապահ երկրներից մեկի՝ Գերմանիայի հետ:

Շատ լավ: Դե ուրեմն շարունակենք համեմատությունը: Դե այն, որ Գերմանիայում «Մերսեդես» ու «ԲՄՎ» են արտադրում, հաշիվ չի, որովհետեւ մենք էլ պղնձի հանքաքար ենք արտադրում: Այս համեմատությունից անցնենք: Գերմանիայում մեկ շնչին հասնող ՀՆԱ-ն 42 հազար դոլար է, Հայաստանում 3 հազար 500՝ 12 անգամ քիչ: Կարելի է կռահել, որ այս համեմատությունը ՀՀԿ-ականները կհամարեն անտեղի: Այնքան էլ հասկանալի չէ, թե ինչու է Գերմանիայի կանցլերի ընտրության կարգը համեմատելի ՀՀ վարչապետի ընտրության հետ, իսկ մեկ շնչին հասնող ՀՆԱ-ն համեմատելի չէ, բայց համարենք այդպես ու կատարենք այլ համեմատություն:

Վերադառնանք հետպատերազմյան Գերմանիա: 1954-1960 թվականների ընթացքում Գերմանիայի ՀՆԱ-ն կրկնապատկվել է, իսկ արդյունաբերական արտադրանքի ծավալը՝ եռապատկվել: Սա արդեն համեմատելի է Հայաստանի հետ: Նկատեք, որ համեմատությունը արվում է ոչ թե պատերազմին անմիջապես հաջորդած տարվա հետ, երբ Գերմանիան հիմնահատակ ավերված էր, այլ դրա ավարտից տարիներ անց արձանագրված ցուցանիշներին: Փաստորեն, ընդամենը 6 տարվա ընթացքում Գերմանիայի տնտեսությունը աճել է երկու անգամ:

Սերժ Սարգսյանը 10 տարի անընդմեջ ունեցել է երկրի առաջին դեմքի կարգավիճակ, ունեցել է լիակատար իշխանություն եւ այս տասը տարվա ընթացքում մեր ՀՆԱ-ն աճել է... Ներեցեք, չի աճել, մնացել է նույնը: Բայց կան ցուցանիշներ, որ կրկնապատկվել են Սերժ Սարգսյանի օրոք: Օրինակ, ՀՀ արտաքին պարտքը ավելի քան կրկնապատկվել է: Հետպատերազմյան Գերմանիան ստիպված էր բացել սահմանները ներգաղթողների առաջ, որպեսզի թափուր աշխատատեղերը լրացվեին, իսկ Սերժ Սարգսյանի օրոք Հայաստանի բնակչության մոտ 12 տոկոսը անվերադարձ հեռացել է Հայաստանից: Դե իհարկե, չարժե նույնիսկ խոսել այն մասին, որ Գերմանիայում կանցլերին բաց քվեարկությամբ ընտրող խորհրդարանական մեծամասնությունը ընտրակաշառքներով չէ, որ ձայներ է ստանում Բունդեսթագում, որ Գերմանիայում մի քանի տարին մեկ ընդդիմությունն է գալիս իշխանության, որ այդ երկրում օրենքը գործում է անվերապահորեն... 

Բայց մի բան էլ կա, որ համեմատելի է Գերմանիայի հետ: Հետպատերազմյան Գերմանիայի առաջին կանցլերը՝ Կոնրադ Ադենաուերը (աջ նկարում) իր պաշտոնում մնացել է 14 տարի՝ 1949 թվականից մինչեւ 1963 թվականը: Կարկառուն ՀՀԿ-ականները Սերժ Սարգսյանին համեմատում են Չերչիլի ու Դե Գոլի հետ, բայց Ադենաուերի անունը չեն տալիս: Հաստատ խաբար չեն, որ այդպիսի գործիչ էլ է եղել: Ճիշտ է, Սերժ Սարգսյանի հետ Ադենաուերի համեմատությունը կսկսվի ու կավարտվի միայն պաշտոնավարման երկար ժամկետով, բայց դա կարեւոր չէ: Կարեւորը որեւէ մեկի հետ համեմատվելն է: Ի դեպ, Գերմանիայի ներկայիս կանցլեր Անգելա Մերկելը պաշտոնավարում է արդեն 12 տարի: Սա էլ հուշում կարկառուն ՀՀԿ-ականների համար:

Առաջիկայում պետք է սպասել, որ Սերժ Սարգսյանին կհամեմատեն Վաշինգտոնի, Ռուզվելտի, Հավելի, Լյուդովիկոսի, Նապոլեոնի հետ: Ամեն ինչ դեռ առջեւոմ է:

Խմբագրականը տպագրվել է «Հայկական ժամանակ» օրաթերթի մարտի 14-ի համարում:

Տպել
10481 դիտում

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը