Երբ Սարգսյանը մատ է թափ տալիս, մոտս այդ մատը ջարդելու ցանկություն է առաջանում. Սանասարյան

Սերժ Սարգսյանը մարտի 18-ի իր հարցազրույցում խոսել էր նաեւ իր վերարտադրության դեմ փողոցային պայքար սկսող ուժերի մասին եւ նրանց նախազգուշացնող միտք արտահայտել: «...Չի կարելի հաշվի չառնել սպառնալիքները, որոնք սահմանադրական փոփոխությունների ընթացքում, ցավոք, միայն ավելացել են. մենք անցանք ապրիլյան պատերազմ, տեսանք մայրաքաղաքում զենքի ուժով հարցեր լուծելու պատրաստ մարդկանց գործողություններ, այսօր էլ տեսնում ենք ուժեր, որոնք, հաշվի չառնելով հնարավոր հետեւանքները, պատրաստ են փողոցում խնդիրներ դնել, անկախ նրանից՝ այդ խնդիրները քաղաքագիտության եւ տրամաբանության շրջանակում են, թե՝ ոչ»,- մասնավորապես ասել էր Սերժ Սարգսյանը։

Այս խոսքերից տպավորություն է, որ Սերժ Սարգսյանը նույն հարցազրույցում ինչպես ակնարկել է իր վարչապետ դառնալու մասին, այնպես էլ ակնարկում է այն բռնությունների մասին, որոնք կիրառավելու են խաղաղ ցուցարարների եւ քաղաքական գործիչների նկատմամբ:

«Հայկական ժամանակ»-ը ՀՀ արդարադատության նախարար Դավիթ Հարությունյանից հետաքրքրվեց, թե սա արդյո՞ք զգուշացում չէ ընդդիմադիրներին, ովքեր փորձում են քաղաքական գործընթացներ իրականացնել:

«Սա սպառնալիք չէ: Սա քաղաքական գնահատական է ոմանց հնչեցրած այն հայտարարություններին, որոնք ասում են, որ մենք ունենք վարչապետի մեր թեկնածուն: Քաղաքագիտության տեսանկյունից վարչապետի թեկնածուն քաղաքական մեծամասնության թեկնածուն է: Պատկերացրեք որեւէ մեկին, որը քաղաքական մեծամասնության աջակցությունը չի վայելում, բայց նա վարչապետ է: Պատկերացրեք, թե ինչպես է աշխատելու այդ անձը, երկիրը կհայտնվի փակուղում: Գործադիր իշխանությունը, որը չի վայելում իշխանության աջակցությունը խորհրդարանում, դատապարտված է անհաջողության»,- ասաց նա:

Դավիթ Հարությունյանի ուշադրությունը հրավիրելով Սերժ Սարգսյանի «հաշվի չառնելով հնարավոր հետեւանքները» խոսքերի վրա, հետաքրրքվեցինք՝ արդյո՞ք նա նկատի է ունեցել 2008 թվականի մարտի 1-ի եւ ՊՊԾ գնդի գրավմանը հաջորդած իրադարձությունները, երբ խաղաղ ցուցարարներին բերման էին ենթարկում: Նախարարն ասաց, որ հարցը պետք է ուղղել Սերժ Սարգսյանին:

ԵԼՔ խմբակցության պատգմավոր, Քաղաքացիական պայմանագիր կուսակցության վարչության անդամ Արարատ Միրզոյանը ՀԺ-ի հետ զրույցում նշեց, որ ցանկություն չունի Սերժ Սարգսյանի այդ խոսքերը վերագրել որպես իրենց ուղղված մեսիջ:

«Սերժ Սարգսյանը իր մոտեցումներն է հայտնել, կարելի է ասել՝ իրեն չվերաբերվող մի հարցի շուրջ: Մենք կորոշենք՝ փողոցային պայքար սկսում ենք, թե՝ ոչ: Վստահամաբար այդ ամենի համար հիմքեր կան»,- ասաց Միրզոյանը եւ անդրադառնալով Սերժ Սարգսյանի՝ «հաշվի չառնելով հնարավոր հետեւանքները» արտահայտությանն՝ ասաց. «Հավանաբար ակնարկել է այն, որ անցած խորհրդարանական ընտրություններին ՀՀԿ-ն բավականաչափ ձայներ է հավաքել եւ նրանք իրավունք ունեն իրենց թեկնածուն առաջադրել: Ես էլ ուզում եմ ասել, որ Սերժ Սարգսյանն այդքան լուրջ քաղաքագիտական գիտելիքներ չունի, որովհետեւ, եթե մեկ տարի առաջ անգամ քվերակել են այդպես, դա բոլորովին ժողովրդին չի զրկում իրավունքից, որ հիմա այլ կերպ արտահայտեն իրենց կարծիքը: Փողոցում կամարտահայտությունը նունպես ժողովրդի ձայն է եւ այդ ձայնը իշխանություններ է բերում, ինչպես նաեւ հեռացնում»,-ասաց Միրզոյանը:

Հարցին՝  արդյո՞ք Սերժ Սարգսյանը այս խոսքերով ակնարկել է, որ խաղաղ ցուցարարների հետ տեղի կունենա այն, ինչ տեղի ունեցավ Մարտի մեկին եւ ՊՊԾ գնդի գրավման օրերին, Միրզոյանն ասաց, որ ՔՊ-ն հայտարարել է խաղաղ փողոցային պայքարի մասին, որը չի ուղղորդվելու բռնի մեթոդներով:

«Նա կարող է հազար ու մի բան սպառնալ, բայց խաղաղ ցուցարարների նկատմամբ սպառնալիքն ապօրինի, հանցավոր քայլ է: Մենք արդեն հայտարարել ենք, որ ոչ բռնի պայքար ենք իրականացնելու իրենց իշխանության դեմ: Այս մարդկանցից ամեն ինչ սպասելի է, բայց այնպես չէ, որ Սերժ Սարգսյանը նորեկ է ընդդիմությանը ճնշելու, բռնություններ գործադրելու հարցում: Իրենցից սպասելի է բռնություններ էլ, սպառնալիք էլ: Մենք մեր կողմից ենք հայտարարում, որ անելու ենք խաղաղ անհնազանդություն»,- ասաց Միրզոյանը:

Սերժ Սարգսյանը փողոցային պայքարի դուրս եկողների խնդիրը որակել էր քաղաքագիտության տրամաբանության շրջանակներից դուրս: «Մերժիր Սերժին» նախաձեռնության համահեղինականերից Դավիթ Սանասարյանն էլ կասկածի տակ դնելով Սերժ Սարգսյանի քաղաքագիտական մակարդակը, նշում է, Սարգսյանը քաղաքագիտությունից վաղուց է հեռացել:

«Նա ստում է, հրապարակայնորեն մի բան է խոսք տալիս, հետո անում է մի բան: Միայն իր վարչապետության մասին չէ խոսքը, իր քարոզարշավներին ասել է մեկ բան եւ արել է լրիվ ուրիշ բան: Երկրորդ, երբ Սերժ Սարգսյանը մատ է թափ տալիս եւ ով ուզում է լինի այդ մատ թափ տվողը, իմ մոտ այդ մատը ջարդելու ցանկություն է առաջանում: Իր խոսքը ինձ պայքարելու ավելի մեծ ցանկություն է տալիս»,- ասում է Դավիթ Սանասարյանը:

Նրա կարծիքով՝ Սերժ Սարգսյանն այս խոսքերով վախեցնում է, որ հնարավոր հետեւանքը կարող է հանգեցնել նրան, որ խաղաղ ցուցարարից կդառնաս քաղբանտարկյալ կամ իշխանությունները կկրակեն: Սանասարյանի խոսքով՝ իրենց պայքարի գործողությունը նախապատրաստական փուլում է: Այս ընթացքում հանդիպումներ են ունենում քաղաքական ուժերի, գործիչների եւ ակտիվիստների հետ: Մարտի 24-ին տեղի է ունենալու «Մերժիր Սերժին» նախաձեռնության առաջին հավաքը, որին հաջորդելու է նաեւ երթ: Այս ուրբաթ շարժումը նաեւ ամբողջությամբ ներկայացնելու է իրենց գործողությունների ճանապարհային քարտեզը:

Նյութը տպագրվել է «Հայկական ժամանակ» օրաթերթի մարտի 22-ի համարում:

Տպել
3177 դիտում

Մենք կարողացել ենք պատվով հաղթահարել արտաքին և ներքին ամենատարբեր մարտահրավերները. ԱԻ նախարար

Այսօր դժվարին օրեր ենք ապրում, բայց վստահ եմ՝ միահամուռ ուժերով կհհաղթահարենք նաև այս մարտահրավերը. Ա. Թորոսյանի ուղերձը

Հայաստանից մուտք գործողների համար GOOGLE որոնողական համակարգն այսօր եռագույն է

Այսօր մենք տոնում ենք ազգովի՝ որպես անբաժանելի մի մարմին և անսասան մի ուժ. Արցախի նախագահի շնորհավորական ուղերձը

Մեր անկախ պետության դեմքը՝ ԶՈւ պատվոպահակային վաշտը, դեֆիլե է իրականացնում Խոր Վիրապում (տեսանյութ)

Մեր պատմության կարևորագույն տոնի առթիվ, վարչապետը կհրապարակի մինչեւ 2050 թ. ռազմավարությունը

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը