Երևան
14 °C
Դուք կարծում էիք՝ ՀՀ զինված ուժերի գլխավոր շտաբի պետի տեղակալի պաշտոնից ազատվելուց հետո գեներալ-լեյտենանտ Հայկազ Բաղմանյանը կկանգնի ինչ-որ պատասխանատվության առա՞ջ: Որեւէ մեկը մտածում էր, որ նրա անվան հետ կապվող բազմաթիվ չարաշահումներն ու հանցագործությունները կբացահայտվե՞ն... Երեկ Սերժ Սարգսյանի հրամանագրով Հայկազ Բաղմանյանը նշանակվել է ՀԱՊԿ միացյալ շտաբի պետի տեղակալ: Եվ այս նշանակումով բոլոր հարցերը փակված են:
Հայկազ Բաղմանյանը ՀՀ զինված ուժերի ամենակոռումպացված ներկայացուցչի համբավ ուներ: Օդում կախված լուրերի համաձայն՝ նա ահռելի ունեցվածքի տեր է, որին հասել է բանակը թալանելով: Օդում կախված այդ լուրերն այդպես էլ կախված կմնան, որովհետեւ Հայաստանում, ինչպես արդեն բազմիցս ապացուցվել է, արդարադատությունն ընտրովի է իրականացվում եւ մեծ հաջողությամբ շրջանցում է բոլոր նրանց, ում անձամբ Սերժ Սարգսյանը նպատակահարմար չի գտնում ուղարկել արդարադատության դուռը:
Վերջին կես տարվա ընթացքում պաշտպանության նախարարության մոտ մեկ տասնյակ մանր ու միջին պաշտոնյաներ ձերբակալվեցին՝ մանր ու միջին ծանրության մեղադրանքներով: Սա կարող է թյուր տպավորություն ստեղծել, թե քաղաքական որոշում է կայացվել զինված ուժերից կոռուպցիան ու թալանն արմատախիլ անելու հարցում: «Ամեն մի դրամի կորուստ կամ չարաշահում ուղիղ հարված է ոչ միայն բանակի հեղինակությանը, այլեւ մարտունակությանը: Կոռուպցիայի դեմ հետեւողական եւ անհանդուրժողական պայքարն այսուհետ պետք է լինի ձեր ծառայության անբաժանելի մասը: Այս գործընթացը երբեւէ հնարավոր կլինի հարյուր տոկոսով վերահսկել, եթե յուրաքանչյուր զինծառայող հոգու խորքում ունենա մի յուրատեսակ «տաբու»՝ բանակի եւ պետության միջոցների յուրացումն աններելի է, դավաճանությանը հավասար հանցագործություն է: Ուզում եմ, որպեսզի մեկ անգամ եւս բոլորի համար շատ հստակ լինի՝ մեր զինվորների, կրտսեր սպայակազմի կողմից անվստահությունը ղեկավար կազմի եւ ընդհանրապես մեր բանակի եւ պետության հանդեպ առաջին հերթին դրսեւորվում է հենց կոռուպցիոն երեւույթներով: Սա բոլորիս համար պետք է շատ հասկանալի լինի: Բայց հասկանալի լինելը շատ քիչ է, բոլորս պետք է պայքարենք այս երեւույթի դեմ: Սա դարձել է չարիք՝ չարիք պետության համար, չարիք բանակի համար»,-ընդամենը երեք օր առաջ ՀՀ Զինված ուժերի ղեկավար կազմի օպերատիվ հավաքի ժամանակ իր ելույթում ասել էր Սերժ Սարգսյանը:
Կարեւոր խոսք, որը արժեք կունենար միայն, եթե զուգորդվեր համապատասխան գործողություններով: Թերեւս հենց սրա համար են Պաշտպանության նախարարության պաշտոնյաները շարունակաբար ձերբակալվում եւ կալանավորվում: Թվում է, թե այդ ձերբակալություններն ու տարբեր ամբիոններից հնչած խոսքերը կհամադրվեն ու հանրությանը հավատ կներշնչեն, որ իսկապես բանակի կոռուպցիոն երեւույթները վերանալու են: Բայց երբ դրանց կողքին Հայկազ Բաղմանյանի նման ֆիգուրին ձեւական հարց անգամ չի տրվում, թե որքանով են նա ունեցվածքի եւ պաշտոնի անհամատեղելիության մասին ճիշտ օդում կախված լուրերը, ավելին, երբ նա առոք- փառոք ուղարկվում է ՀԱՊԿ բարձր պաշտոնի, նկատելի դիսբալանս է առաջանում բանակն արդիականացնելու եւ կոռուպցիայից մաքրելու մասին հայտարարությունների եւ իրականության միջեւ: ՀԱՊԿ-ն էլ, ստացվում է, հայկական բանակի վարկաբեկված եւ կոռուպցիոն հետագիծ ունեցող զինվորականներին գործի տեղավորելու լավ հնարավորություն է: Այս հատկանիշները թերեւս մեծ առավելություն են համարվում ՀԱՊԿ կենտրոնակայանում պաշտոն ստանալու ճանապարհին: Եվ դա զարմանալի չէ, հաշվի առնելով այդ կազմակերպության կազմում ընդգրկված երկրների արժեքային համակարգը, ժողովրդավարության, թափանցիկության, արդարադատության հետ նրանց կապը:
Հիշեցնենք, Հայկազ Բաղմանյանը ՀՀ Զինված ուժերում գլխավոր շտաբի պետի տեղակալի պաշտոնից ազատվեց պաշտպանության նախարար Վիգեն Սարգսյանի հորդորով: Համենայնդեպս զանգվածային լրատվամիջոցների առաջ այդպես ներկայացրեց տեղի ունեցածը Վիգեն Սարգսյանը: «Հայկազ Բաղմանյանը իմ հորդորով է աշխատանքից ազատման զեկուցագիր գրել, պատճառը իր աշխատանքային պարտականություններում թերանալն է»,-ասաց նա: Բաղմանյանը, որ երկար տարիների զինվորական պաշտոնյա է, չի թերացել նախորդ նախարարների հետ աշխատելիս, եւ թերացել է միայն Վիգեն Սարգսյանի՞ օրոք: Այդ դեպքում գուցե Վիգեն Սարգսյանը չի՞ կարողացել նրան ստիպել կատարել իր աշխատանքային պարտականությունները, այսինքն թույլ նախարար է եղել Բաղմանյանին ենթարկեցնելու համար:
Բաղմանյանի նոր նշանակումը հենց այս մասին է խոսում, որովհետեւ դժվար թե աշխատանքային պարտականությունները վատ կատարող կադրին Սերժ Սարգսյանն ուղարկեր ՀԱՊԿ աշխատելու: Հիմա արդեն պարզ է, թե ինչպես եղավ, որ Հայկազ Բաղմանյանը ազատման դիմում ներկայացրեց: Դա եղել է Սերժ Սարգսյանը գիտությամբ եւ համաձայնությամբ, եւ նպատակը եղել է այսպիսի մի ազատումով եւ Վիգեն Սարգսյանի հրապարկային հայտարարությամբ կարեւոր մեսիջ հղել Պաշտպանության նախարարության ողջ անձնակազմին, որ Վիգեն Սարգսյանին պետք է լուրջ ընդունել: Սա եղել է Սերժ Սարգսյանի մեծ օժանդակությունը իր հովանավորյալին՝ նախարարի պաշտոնում կայանալու հարցում: Ինչ վերաբերում է Բաղմանյանին, ապա Սարգսյանը նրան խոստացել է անգործ չթողնել եւ ահա իրականացրեց իր խոստումը:
Խմբագրականը տպագրվե է «Հայկական ժամանակ» օրաթերթի մարտի 23-ի համարում:
Ադրբեջանն ու Հայաստանը մինչև տարեվերջ կարող են ապացուցել, որ միջազգային միջնորդության ձևը հնացել է․ Le Figaro
Օդի ջերմաստիճանի նորմայից շեղման արժեքով Հայաստանն աշխարհում երկրորդ ամենատաք երկիրն է
Ինչ նպատակ ունի «Խաղաղության խաչմերուկ» նախագիծը․ վարչապետի ելույթը Եվրասիական բարձրագույն խորհրդի նիստում (տեսանյութ)
Հայաստանի և Ադրբեջանի միջև խաղաղության համաձայնագրի շուտափույթ ստորագրումը կարևոր է․ Էրդողանը՝ Ասադովին
Միայն փոխադարձ հարգանքով և կառուցողական լուծումներով կպահպանվի ԵԱՏՄ-ի արդյունավետությունը․ Փաշինյան (տեսանյութ)
Միքայել արքեպիսկոպոս Աջապահյանի առաջնորդությամբ Գյումրիից եկած խումբը միացել է Գալստանյանի երթին
Տավուշում մեքենաներ են բախվել․ տուժած 3 քաղաքացի է տեղափոխվել հիվանդանոց
Որպես ՀՀ իշխանության ներկայացուցիչներ մեծ պարտավորություն ունենք մեր պետականությունը պահպանել և ամրապնդել․ ՀՀ նախագահ
ՀԱՊԿ-ն արձագանքել է ՀՀ-ի՝ կազմակերպության գործունեության ֆինանսավորմանը չմասնակցելու որոշմանը
Մաշտոցի պողոտայից դեպի Հաղթանակի կամուրջ և հակառակ ուղղությամբ ճանապարհահատվածը առանձին ժամերի փակ կլինի
ԱՄՆ դեսպանը ընդդիմադիր պատգամավորների հետ հանդիպմանը ողջունել է ՀՀ-ի և Ադրբեջանի միջև ձեռք բերված համաձայնությունը
Հայաստանի Հանրապետությունը չի մասնակցի ՀԱՊԿ գործունեության ֆինանսավորմանը. ԱԳՆ խոսնակ
Ինչ իրավիճակ է Լարսի ճանապարհին
Հանրապետական կուսակցության երիտթևը միացել է Բագրատ արքեպիսկոպոս Գալստանյանի գլխավորած շարժմանը
Նիկոլ Փաշինյանի նախագահությամբ Մոսկվայում մեկնարկել է ԵԱՏՄ 10-րդ գագաթնաժողովը (տեսանյութ)
Ռեստորանային համալիրի մոտ՝ կիսախարխուլ փայտե տնակում, տղամարդու դի է հայտնաբերվել
236 մլն եվրոյի վարկային համաձայնագիր կստորագրվի. ներկայացվել է Հյուսիս-հարավի Սիսիան-Քաջարան հատվածի ծրագիրը (տեսանյութ)
Մայիսի 9-ին ՄԻՊ-ն արտակարգ ռեժիմով կաշխատի
Հուսամ՝ շարժումը հրապարակ հասնելուց հետո Քոչարյանի խմբակցությունը կպատասխանի տվածս պարզ հարցին. Ալեքսանյան
ԲԿ-ներից մեկում բուժում ստացող կալանավորի սենյակից կասկածելի իրեր են հայտնաբերվել, վերելակի աթոռի տակից՝ թմրանյութ
Նախագահը Սան Ֆրանցիսկոյի և հարակից շրջանների հայ համայնքին է ներկայացրել ՀՀ-ում տեղի ունեցող իրադարձությունները
Նոր նշանակում ՀՀ քննչական կոմիտեում
Մեծ Բրիտանիան կարտաքսի ՌԴ ռազմական կցորդին․ ռուսների համար դիվանագիտական վիզաների նոր սահմանափակում կգործի
Նորագյուղում Իվան Պասկևիչի հուշարձանի մոտից հեռացրել են հայկական դրոշը՝ թողնելով միայն ռուսականը. տելեգրամ ալիքներ
Կիրանցում այսօր սահմանազատում չի կատարվում
Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է
Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան
Աղետալի կարկտահարության հետևանքները․ Սուրենյանը տեսանյութ է հրապարակել Կարբիից
Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին
Երևանում առանց պետհամարանիշի ռուսական դրոշներով մեքենաներ են շրջում
«Ամիօ ժամանակաշրջան». կրթությունը հնարավորություն է, որը փոխում է կյանքը
Յունիբանկը բիզնեսին առաջարկում է «Պարզեցված» վարկ` առանց վերլուծության
Կոնվերս Բանկը ՎԶԵԲ տարեկան ժողովի գլխավոր հովանավորն է
Քննարկվել են պարենային անվտանգության ոլորտում փոխադարձ հետաքրքրության հարցեր. հանդիպում ՆԳՆ ոստիկանությունում
Ucom-ի ֆիքսված ցանցը արդեն գործում է Արտաշատում
Հրդեհ մայրաքաղաքի Աբովյան փողոցում
Զախարովան մանրամասնել է՝ ինչ են քննարկելու Պուտինն ու Փաշինյանը
Վիտալի Բալասանյանը միացել է Բագրատ սրբազանի գլխավորած շարժմանը
Հայաստանի և այլ երկրների համար ԵԱՏՄ-ին մասնակցությունը լի է առաջին հերթին իրենց համար օգուտներով. Կրեմլ
ՌԴ ԱԳՆ-ն ողջունել է Ադրբեջանի և Հայաստանի արտգործնախարարների առաջիկա հանդիպումը Ղազախստանում
© 2024 Հայկական ժամանակ