Սերժ Սարգսյանի վարչապետության դեմ պայքարելու նպատակով Ազատության հրապարակն ապրիլի 1-ից միանգամից երեք տարբեր ուժեր «բրոնյա» են արել: Քաղաքացիական պայմանագիր կուսակցության վարչության անդամներ Նիկոլ Փաշինյանը եւ Վահագն Հովակիմյանը դիմել են Երեւանի քաղաքապետարան, որպեսզի ապրիլի 13-ից 17-ը ներառյալ անընդմեջ Ազատության հրապարակում հանրահավաքներ եւ երթեր իրականացնեն: Երեւանի քաղաքապետարանը Քաղաքացիական պայմանագիր կուսակցության հանրահավաք անցկացնելու մասին հայտն ընդունել է ի գիտություն, բայց որոշ սահմանափակումներ է մտցրել՝ մտածելով Սերժ Սարգսյանի հանգիստը չխաթարելու մասին:

Բանն այն է, որ Քաղաքացիական պայմանագիր կուսակցության անդամները ցանկացել են երթ իրականացնել Ազատության հրապարակ-Բաղրամյան պողոտա-Դեմիրճյան փողոց-Պռոշյան փողոց-Պարոնյան փողոց-Մաշտոցի պողոտա-Ազատության հրապարակ երթուղով, իսկ քաղաքապետարանն էլ առաջարկել է մեկ այլ երթուղի՝ Ազատության հրապարակ-Մաշտոցի պողոտա -Գ. Լուսավորչի փողոց-Իտալիայի փողոց- Վ. Սարգսյան փողոց-Հանրապետության հրապարակ-Նալբանդյան փողոց-Թումանյան փողոց-Ազատության հրապարակ:

Քաղաքապետարանում այս սահմանափակումը դնելով՝ հաշվի են առել այն, որ Բաղրամյան պողոտայում գտնվում է Ազգային ժողովը, իսկ դրանից մի քանի քայլ այն կողմ՝ Բաղրամյան 26-ում, նախագահի նստավայրն է: Պռոշյան փողոցում էլ կառավարական ամառանոցն է, որտեղ բնակվում է Սերժ Սարգսյանը: Ստացվում է, որ ՀՀԿ-ն անհանգիստ է եւ ամեն ինչ անում են, որ Սերժ Սարգսյանի «տարածքում» որեւէ ցուցարար չհայտնվի:

Ապրիլի 9-ին, 10-ին, 11-ին, 17-ին, 18-ին, 19-ին, 20-ին եւ 21-ին հանրահավաք եւ երթ իրականացնելու հայտ է ներկայացրել նաեւ Զարուհի Փոստանջյանի կողմից ղեկավարվող «Երկիր Ծիրանի» կուսակցությունը: Նրանց երթուղին հետեւյալն է՝ Ազատության հրապարակ-Թումանյան փողոց-Նալբանդյան փողոց-Մոսկովյան փողոց-Մաշտոցի պողոտա-Ամիրյան փողոց-Վազգեն Սարգսյան փողոց-Հանրապետության հրապարակ- Աբովյան փողոց-Հյուսիսային պողոտա-Ազատության հրապարակ:

Ապրիլի 2-ից մինչեւ ապրիլի 20-ն Ազատության հրապարակը «բրոնյա» են արել նաեւ «Սասնա Ծռեր» խմբի համակիրները եւ Հանուն Հայաստան Պետության ճակատի ներկայացուցիչները: Նրանք նշյալ օրերին ցանկանում են առավոտյան 11:00-ից մինչեւ երեկոյան 11:00-ն հանրահավաք անցկացնել:

Ստացվում է, որ միաժամանակ երեք տարբեր ուժեր նույն օրերին եւ նույն ժամերին հանրահավաքներ ու երթեր են իրականացնելու նույն հրապարակում: Չի բացառվում, որ քաղաքապետարանը հանրահավաք իրականացնողների ցանկությունը միաժամանակ բավարարել է այն մտադրությամբ, որ միմյանց խանգարեն՝ տապալելով մեկը մյուսի նախաձեռնած գործընթացները:

«Հայկական ժամանակ»-ը Երեւանի քաղաքապետարանից հետաքրքրվեց, թե ինչու՞ են միաժամանակ տարբեր ուժերի թույլ տվել նույն ժամին գործընթացներ իրականացնել: Կառույցի տեղեկատվության եւ հասարակայնության վարչության պետ Արթուր Գեւորգյանը տեղեկացրեց, որ հարցին կարող է պատասխանել քաղաքապետարանի լիազորված անձը, որն ընդունել է իրազեկումներն ի գիտություն: Կառույցից հարցին ցանկանում են միայն գրավոր պատասխանել:

«Հանուն Հայաստան Պետության» ճակատի ներկայացուցիչ Պետրոս Մակեյանը ՀԺ-ի հարցին ի պատասխան նշեց, որ թեեւ ապրիլի 1-ից 20-ի իրազեկում են ներկայացրել, սակայն գործողությունները սկսում են ապրիլի 9-ից: Նա միաժամանակ տեղեկացրեց, որ առայժմ պարզ չեն ապրիլի 9-ից հետո իրականացնելիք իրենց հետագա քայլերը: Ապրիլի 13-ին Քաղաքացիական Պայմանագիր կուսակցությունը եւս սկսում է իր հանրահավաքները: Նրանք մինչ այդ շրջելու են մարզերով, իրազեկելու են իրենց հանրահավաքի մասին, իսկ ապրիլի 13-ին գործողություններ են սկսելու Երեւանում՝ Ազատության հրապարակում:

Պետրոս Մակեյանից հետաքրքրվեցինք՝ արդյո՞ք ուժերը նույն օրը հրապարակում լինելով՝ միմյանց չեն խոչընդոտի, վերջինս ասաց.

«Միասնությունը ե՞րբ է խոչընդոտել, տարանջատումն է խոչընդոտում: Ես կարծում եմ, որ մինչեւ ապրիլի 13-ը համագործակցության խնդիրները պետք է քննարկվեն եւ լուծվեն, հակառակ դեպքում՝ խոչընդոտներ կլինեն»,- ասաց Մակեյանը:

Քաղաքացիական պայմանագիր կուսակցությունից եւս չեն կարծում, որ եթե տարբեր ուժեր միեւնույն ժամին լինեն Ազատության հրապարակում, ապա կխանգարեն միմյանց: Պատգամավոր Արարատ Միրզոյանը ՀԺ-ի հետ զրույցում ասաց, որ հրապարակը միմյանց միջեւ կիսելու խնդիր չեն տեսնում, ավելին նա հույս հայտնեց, որ Ազատության հրապարակը մարդաշատ է լինելու:

Զարուհի Փոստանջյանն էլ թեմայի շուրջ չցանկացավ մեկնաբանություն տալ:

Տպագրվել է «Հայկական ժամանակ» օրաթերթի ապրիլի 6-ի համարում:

Տպել
4534 դիտում

Արմաշում գործարկվելու է շչակ․ մարզպետարանը խնդրում է խուճապի չմատնվել

«Կհամոզեմ»․ Արամ Mp3-ը նոր երգ ու տեսահոլովակ է ներկայացրել (տեսանյութ)

Հայաստանի, Ռուսաստանի և Ադրբեջանի փոխվարչապետները դիտակել են տրանսպորտային կոմունիկացիաների վերականգնման հեռանկարները

Իրան-Հայաստան առևտրի պալատի նախագահն առանձնացրել է երկու երկրների միջև հեռախոսային կապի անհասանելիությունը

Արգավանդ համայնքում ավարտվել են մարզի հրատապ խնդիրների լուծման ծրագրով նախատեսված աշխատանքները

Ջերմաստիճանի նվազման վերաբերյալ կանխատեսումը վերաբերում է միայն գիշերային ժամերին․ ՇՄ նախարարությունը պարզաբանում է

Հայ-հունական միջպետական հարաբերությունները բարձր մակարդակի վրա են․ Սիմոնյանը հանդիպել է Հունաստանի խորհրդարանի նախագահին

Արդյոք պատվաստված դասախոսը 80 հոգանոց լսարանում դասավանդելիս պաշտպանված է «Քովիդ-19»-ից. պարզաբանում է մասնագետը

Արցախի աշխատանքի, սոցիալական և միգրացիայի հարցերի նախարարի տեղակալն ազատման դիմում է ներկայացրել

Վահե Գևորգյանը Մալթայի նորանշանակ դեսպանի հետ քննարկել է երկկողմ հարաբերություններին առնչվող հարցերի լայն շրջանակ

Արարատ Միրզոյանը և Բրազիլիայի դեսպանն ընդգծել են երկկողմ քաղաքական երկխոսության ակտիվացման կարևորությունը

Առողջապահության փոխնախարը Կոտայքում մասնակցել է առողջապահական կազմակերպությունների ներկայացուցիչների խորհրդակցությանը

«Ազնավուր» հիմնադրամը Վանաձորի բժշկական կենտրոնում վերականգնողական բաժանմունք է ստեղծել

Ո՞վ է համարվում գործազուրկ և ի՞նչ փաստաթղթեր են անհրաժեշտ գործազուրկի կարգավիճակ ստանալու համար

Գրոսմայստեր Հայկ Մարտիրոսյանը դարձել է «Yerevan Open»-ի բլից մրցաշարի երրորդ մրցանակակիր

Ամերիկյան ընկերությունը «Քովիդ-19»-ի բուժման համար Հայաստանին կտրամադրի Veklury դեղամիջոցը

ԱԺ տարածքում լրագրողների տեղաշարժի իրավունքը չի սահմանափակվել, մեծացվել է․ ԱԺ-ից մեկնաբանում են «Ժանգոտ կողպեք» մրցանակը

Լրացավ նահատակված գնդապետ Թաթուլ Ղազարյանի և փոխգնդապետ Արմեն Օհանյանի մահվան տարելիցը (լուսանկարներ)

Հարուցվել է 472 վարչական վարույթ, կայացվել՝ 402 վարչական տուգանքի որոշում. Բնապահպանության և ընդերքի տեսչական մարմին

Ֆրանս-հայկական մասնագիտական ուսումնական կենտրոնը 20 տարեկան է․ այն 2 երկրների միջև համագործակցության հիմնաքարերից մեկն է

Պահպանված չեն եղել ճանապարհաշինարարական նորմերը. Դատախազությունը «Գազելի» վթարի վայր է հրավիրել պատասխանատուներին

Ջրաշեն համայնքում շչակ է գործարկվելու

Խորհրդարանական ձեւաչափի զարգացումը ՀԱՊԿ-ում Հայաստանի առաջնահերթություններից է. Հակոբ Արշակյան

Երեխաների ճակատագիրը եթե ձեզ համար նորություն է, նրա ընտանիքի համար վիշտ է. վարչապետի օգնականը՝ ԶԼՄ-ներին

57-ամյա տղամարդը Ոսկեվազի գերեզմաններից գողություն է արել (տեսանյութ)

Արցախի պետական նախարար Արտակ Բեգլարյանը Մոսկվայում քննարկել է Արցախի վերականգնմանն ու զարգացմանն առնչվող մի շարք հարցեր

2021թ. 9 ամիսների ընթացքում պետական բյուջե վճարվել է 871 մլրդ 241 մլն դրամ հարկ. ովքեր են 10 ամենախոշոր հարկատուները

Թիվ 34 տարածքային ընտրական հանձնաժողովի քվեարկության արդյունքների վերահաշվարկը ԿԸՀ-ն ավարտել է

Հայհոյանքներ են հնչեցրել, տարբեր իրերով հարվածել են դատախազության շենքին․ քրեական գործի նախաքննությունն ավարտվել է

Արարատ Միրզոյանը եւ Միացյալ Թագավորության դեսպանը քննարկել են հայ-բրիտանական երկկողմ օրակարգի հարցեր

Այսօր վթարի ենթարկված և 5 անձի մահվան պատճառ դարձած «Գազելը» պատկանում է ֆիզիկական անձի, բանվորների է տեղափոխել. ՔՏՀԱ

Երևանում, Վանաձորում և Գյումրիում կկայանա ամենամյա գլխավոր իրադարձությունը՝ «Հայաստան - Ինժեներական շաբաթ 2021»-ը

Քիչ առաջ ավտովթարի հետևանքով տուժած Մարալ Նաջարյանը և նրա քույրն արդեն տանն են, իրենց լավ են զգում

Անցկացվել են զորամասերի սպա-իրավաբանների հավաքներ

Երկրներում, որոնք հարուստ չեն բնական ռեսուրսով, կարևոր է մարդկային կապիտալը. հավատարմագրերն է հանձնել Մալթայի դեսպանը

Հայաստանը`համաշխարհային դերակատար միկրոէլեկտրոնիկայի կրթության բնագավառում. Վիվա-ՄՏՍ

Երիտասարդները գնում են այն մասնագիտության հետևից, որը նրանց գումար է բերելու և մոռանում են գիտության մասին. Հովհաննիսյան

22-ամյա երիտասարդը փորձել է դատապարտյալներին 33 փաթեթ թմրանյութ փոխանցել (տեսանյութ)

ԵՊՀ-ում պատվաստված է դասախոսների 50 տոկոսը. ինչ է սպասվում չպատվաստված կամ չթեստավորված դասախոսներին

Պետք է հարգել արդյունագործական որսի թույլատրելի չափաքանակների և ժամկետների վերաբերյալ Կառավարության որոշումը