Վանաձորում ցուցարարների ու ոստիկանների միջեւ բախումներ եղան (լուսանկարներ)

Վանաձորցի հարյուրավոր ուսանողներ ու դպրոցականներ մինչ այս պահը շարունակում են բողոքի ցույցեր իրականացնել մարզկենտրոնի տարբեր հատվածներում:

Քաղաքացիները քանիցս փորձել են փակել քաղաքի գլխավոր ճանապարհները: Ի տարբերություն երեկվա, այսօր արդեն ոստիկանները մեծ թիվ են կազմել ու ժամանակ առ ժամանակ ուժի կիրառմամբ ցուցարարներին հեռացրել փողոցից:Ոստիկանների եւ ցուցարարների միջեւ նաեւ փոքր բախումներ են տեղի ունեցել:

Ցուցարարները նստել են անցումների վրա, դադարեցրել ճանապարհով անցնող մեքենաների երթեւեկությունը, այնուհետ արդեն տեսնելով, որ ոստիկանությունը հեռացնում է իրենց ու փակում իրենց ճանապարհը, սկսել են մի քանի անգամ անցնել հետիոտնային անցումներով՝ կաթվածահար անելով քաղաքի ամենաբանուկ Տիգրան Մեծ պողոտան:

Ցուցարարները ժամանակ առ ժամանակ բաժանվել են երկու խմբի, փորձել քաղաքի միանգամից երկու տարբեր հատվածներ փակել, ինչը ոստիկանների կողմից կանխվել է:

Մասնակիցների թիվը նախօրդ օրվա համեմատ գրեթե եռակի ավել է: Բացի համազգեստով ոստիկաններից, մեծ թիվ են կազմում նաեւ քաղաքացիական հագուստով ոստիկանները:

Ցուցարարների հետ մի քանի անգամ հանդիպել ու զրուցել է ոստիկանության Լոռու մարզային վարչության պետ, գնդապետ Արամ Ղազարյանը՝ պահանջելով խաղաղ երթը չվերածել բախումների, հիշեցնելով, որ ցուցարարների մեջ քիչ չեն անչափահասները:

Իրավապահները ցուցարարներին հորդորում են չփակել ճանապարհն ու չխոչընդոտել երթեւեկությանը: Փողոցները փակած ցուցարարները ոստիկանության կողմից հեռացվում են:

Մեր թղթակիցը հաղորդում է, որ ցուցարարները, որոնք հիմնականում դպրոցահասակներ ու ցածր կուրսերի ուսանողներ են, որեւէ կերպ չեն ենթարկվում իրավապահների հորդորներին՝ նրանցից պահանջելով ուժ չկիրառել:

Վանաձորցի ցուցարարները ներկայումս գտնվում են քաղաքի կենտրոնական՝ Հայքի հրապարակում, որտեղ քննարկում են իրենց հետագա քայլերը: 

Նկատենք նաեւ, որ ցուցարարներից մի քանիսը բառացիորեն անհարգալից վերաբերմունք են ցուցաբերում իրավապահների հանդեպ՝ նրանց հասցեին հնչեցնելով վիրավորական արտահայտություններ, ինչպես նաեւ իրենց պահվածքով արտահայտում են իրենց արհամարհական վերաբերմունքը իրավապահների հանդեպ: Վանաձորում իրականացվող ցույցը չունի լիդեր, որն էլ շատ հաճախ պառակտման ու հակասական տրամադրություն է ստեղծում հենց ցուցարարների մեջ:

Տպել
1698 դիտում

Երևանում հարձակվել են բժշկական համալսարանի դասախոսի վրա, ծեծի ենթարկել, վնասել նրա մեքենան

Վանաձորի փողոցները սահադաշտի են վերածվել. քաղաքապետի պարզաբանումն ու մարզպետի դժգոհությունը

Փակ ու դժվարանցանելի ճանապարհներ, բուք, մերկասառույց ու ձյուն. ՀՀ ճանապարհները՝ 23:00-ի դրությամբ

Երեւանում ավտոմեքենան հարվածել է գազի խողովակին. գազի արտահոսք է եղել

Ի՞նչ ունեցվածք է հայտարարագրել կաշառք ստանալու եւ փողերի լվացման մեջ մեղադրվող ՀՀԿ-ական Արամ Հարությունյանը

Կարևորվեց երկխոսության խթանումը Աֆրիկյան Միության հետ. հանդիպել են ՖՄԿ գլխավոր քարտուղարն ու ԱԳ նախարարը

Գյումրու ոստիկանները հայտնաբերել են սիգի ապօրինի առեւտրով զբաղվող 4 անձանց

Նիկոլ Փաշինյանը շնորհավորական ուղերձներ է ստացել Էստոնիայի և Լատվիայի վարչապետներից

Մոսկվայի օդանավակայաններում 51 չվերթ է հետաձգվել ու չեղարկվել. ինչ պատկեր է «Զվարթնոց»-ում

Համացանցում կեղծ տեղեկատվություն է տարածվում. դպրոցների եւ մանկապարտեզների աշխատանքները չեն դադարեցվել

«Մանսուրյան- 80» միջոցառումների նախապատրաստական շրջանն արդեն մեկնարկել է. Երևանը կշնչի «կենդանի դասականի» երաժշտությամբ

Հրանտ Մարգարյանը իրավիճակին չի տիրապետում. «Իմ քայլի» երիտասարդ պատգամավորների պատասխանը

Երեւանի մի շարք մանկապարտեզներում նորոգվում եւ կահավորվում են տարիներ շարունակ չօգտագործված սենյակները

Աշոցք-Բավրա ճանապարհահատվածը ուժեղ բքի և ցածր տեսանելիության պատճառով դժվարանցանելի է

Զորակոչվելուց հետո բռնության է ենթարկվել հրամանատարի կողմից. Զինծառայողը շտապ բուժօգնության կարիք ունի

Մշակույթի նախկին նախարարների օրը սկսվել ու վերջացել է «պաշտոնական հանգուցյալների» պանիխիդայի մենյուն կազմելով

ՀՀԿ-ն ակտիվանում է. Սերժ Սարգսյանը վաղը Մելիք Ադամյան 2-ում նիստ է անցկացնելու

Ռաֆայել Քոթանջյանի նկատմամբ կատարված կողոպուտի հեղինակներից մեկը Վրաստանի քաղաքացի է

Դասերը չեն դադարեցվի. առողջապահության նախարարության հայտարարությունը

Ըստ Սերգեյի՝ Միքայելյանի մասին կատակին հավատացել են, քանի որ նրանից նման որոշում սպասում են