Դրամատիկ ոչինչ չի լինի, եթե ստեղծվի ժամանակավոր կառավարություն՝ Փաշինյանի ղեկավարմամբ

ՀՀ նախկին Պաշտպանության նախարար Սեյրան Օհանյանը ֆեյսբուքյան իր էջում ներկայացրել սեփական դիրքորոշումը՝ առկա ներքաղաքական իրավիճակի ու լուծումների շուրջ: Ըս Ս. Օհանյանի՝ Նիկոլ Փաշինյանը վաստակել է ժամանակավոր կառավարության վարչապետը դառնալու շնորհը:

ՀՀ ԱԺ նախագահ Արա Բաբլոյանին
ՀՀ վարչապետի պաշտոնակատար Կարեն Կարապետյանին
ՀՀԿ խմբակցության ղեկավար Վահրամ Բաղդասարյանին
ՀՀԿ պատգամավորներին

Հարգելի' պարոնայք, Դուք մեր հայ հերոսական ժողովրդի նույնքան զավակներն եք, որքան Հանրապետության քաղաքների հրապարակներում ծովի պես ծփացող ժողովուրդը:

Բաժանված լինելով իրարից տարբեր կուսակցական կրծքանշաններով՝ Մայիսյան եռատոնին ընդառաջ մենք կարող ենք մեր իսկ ձեռքերով մահացու թակարդ պատրաստել մեր փոքրիկ, անկախ պետության հաղթանակած ժողովրդի համար:

Կարծում եմ՝ մեզանից յուրաքանչյուրը, անկախ կուսակցական պատկանելությունից, հասկանում է ժողովրդի ըմբոստացման իրական հիմքերը և ծնող պատճառները: Եթե օբյեկտիվ իրադրության հետ հաշվի չնստենք կամ շարունակենք ընդվզող ժողովրդին դատապարտել, կեղծ տեղեկատվությամբ փորձել շեղել կամ սրել իրավիճակը՝ խառնելով աշխարհաքաղաքական կենտրոններին և ճիշտ ուղղությամբ չտանել ժողովրդի այս հսկայական ներուժը, ապա Հայաստանը կմղենք անհեռանկար արկածախնդրության և դրան հաջորդող պերմանենտ հեղափոխությունների հորձանուտ:

Ընդունե'ք սա որպես ընկերոջ՝ երկրի ռազմաքաղաքական իրավիճակին քաջ տիրապետող գործչի պատճառաբանված կոչ:

Ուզում եմ Մայիսի 1-ին՝ Աշխատավորների համերաշխության միջազգային տոնին ընդառաջ, փողոց դուրս գանք խաղաղ և հաղթանակած, իսկ 2018 թ.-ի մայիսի 1-ը դառնա իսկապես մեր ժողովրդի համար զարթոնքի, միասնության, գալիք հաղթանակների կերտման սկիզբ: 
Ստեղծված իրավիճակում անհրաժեշտ է արագ և ճիշտ տակտիկական լուծումներ գտնել:

Եթե իսկապես իշխող կուսակցությունը կրում է Նժդեհի գաղափարախոսությունը, ապա ուզում եմ մեջբերել նրա խոսքը. 
«Հասկանա՛նք, վերջապես, քանի ուշ չէ, հասկանա՛նք, որ հայը պատճառ չունի՛ կուսակցականանալու: Իսկ մեր ժողովրդի թվական տկարությունը, մեր հայրենիքի աշխարհագրական դիրքը և երեկվա մեր Եղեռնը բավ են՝ գիտակցելու, որ հայը կուսակցականանալու նաև իրավո՛ւնք չունի»:

Մեր ժողովուրդը միասնական է կերտելու իր ապագան, և որևէ կուսակցական կրծքանշան չի կարող տարանջատել կամ թշնամացնել մեզ միմյանցից:

Ողջախոհությունը պիտի հաղթի:

Մեր երկրում դրամատիկ ոչինչ չի լինի, եթե ստեղծվի ժամանակավոր կառավարություն, որը կղեկավարի Նիկոլ Փաշինյանը, և որին կհաջորդեն քաղաքական համապատասխան ընթացակարգերը:

Ինչի՞ց եք վախենում. եթե դուք, ինչպես ասում եք, ժողովրդի ընտրյալն եք և մեծամասնություն, ապա լսե'ք նրա ձայնը, կանգնե'ք նրա կողքին և ապագա նոր խորհրդարանական ընտրություններում վերահաստատեք այն:

Եթե երկրի քաղաքացին՝ Նիկոլ Փաշինյանը, իր գաղափարակիցների հետ կարողացել է համախմբել բոլորին, ապա իրավունք է վաստակել առաջնորդելու հետագա քաղաքական գործընթացները:

Հրապարակներում համախմբված ժողովուրդը խառնամբոխ չէ', այլ համակարգված մի կուռ բանա'կ, որը ինչպես այսօր, այնպես էլ Հայաստանին և Արցախին սպառնացող վտանգի ցանկացած պահին պատրա'ստ է կանգնելու առաջնագծում:

Երկրի համար օրհասական պահին կատարե'ք Ձեր քայլը:

Իմ անունից կարող եմ ասել այսքանը:

Ես այն առաջին անգամ արել եմ 1988 թ.-ին, երբ լինելով խորհրդային բանակի սպա, վտանգի պահին կանգնեցի արցախահայության կողքին՝ հանուն մեր ազգային արժանապատվության և Արցախի պաշտպանության: 
Երկրորդն արել եմ 2017-ի խորհրդարանական ընտրություններից առաջ՝ բարձրաձայնելով խնդիրները և կանխատեսելով այս օրը:

Խոսքս ուզում եմ ավարտել Մեծն Կոմիտասի խոսքերով.
«Ժողովո'ւրդն է ամենամեծ ստեղծագործողը. գնացե'ք և սովորե'ք նրանից»:

Ապավինում եմ ողջ ՀՀԿ-ի անձնակազմի ողջախոհությանը, որոնցից շատերի հետ միասին Անկախության տարիներից ի վեր երկար ճանապարհ ենք անցել:

Կանգնե'ք ժողովրդի կողքին:

Մեր փրկությունը մեր միասնական ուժի մեջ է:

Տպել
2404 դիտում

Վիլնյուսի օդանավակայանում տոնածառը զարդարել են ուղեւորներից վերցված իրերով

Խորանաշատ վանքը և կարասը՝ 2020-ի եվրոպական մշակութային ժառանգության ամենավտանգված հուշարձանների ցանկում են

ԱՄՆ-ը արգելափակել է ԿԺԴՀ-ում մարդու իրավունքների հարցերով ՄԱԿ-ի Անվտանգության խորհրդի նիստը

«Նարգիլեի օգտագործումը թերևս ավելի վնասակար է». նախարար Արսեն Թորոսյանը պատասխանել է դպրոցականների հարցերին

Ինչ կապ ունեն TRACECA-ն ու պանթեոնը. Բաքու մեկնած հայ պաշտոնյաները հրաժարվել են մասնակցել ընթրիքի, այցելել գերեզման

Գեղարքունիքի մարզում ձմեռային զորակոչը կմենկնարկի 2019 թվականի դեկտեմբերի 16-ին

Բնապահպանության եւ ընդերքի տեսչական մարմնի ղեկավարի նախկին տեղակալը դատի է տվել վարչապետին

Իրանի խորհրդարանական ընտրություններին ավելի քան 15 հազար 500 թեկնածու է գրացվել

ԱԺ-ում քննարկվել են տեղական ինքնակառավարմանն առնչվող հարցեր

Գյումրիում ձերբակալվել է Շեկոյի ընկերը՝ Զոհրաբ Ե.-ն

Պետության աջակցությամբ Արամուսում հիմնովին կառուցվում է մանկապարտեզի նոր շենք. համայնքը 40 տարի մանկապարտեզ չի ունեցել

ԱՄՆ-ի Ներկայացուցիչների պալատը 2 մեղադրանք է առաջադրել նախագահ Դոնալդ Թրամփին

ՀՀ արդարադատության նախարարության ու IRZ-ի միջեւ հնարավոր է համագործակցություն անչափահասների արդարադատության ոլորտում

Ոստիկանները բացահայտել են Գյումրիում կատարված դանակահարությունը (տեսանյութ)

«Միսս տիեզերք 2019»-ում Հայաստանի ներկայացուցիչն ընկճված է ներկայացրել ազգային հագուստը. զարդերը տրամադրել էր Սիրուշոն

Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

«Աջափնյակ» բարեգործական հիմնադրամից յուրացվել է 10 միլիոն դրամից ավելի գումար․ նոր բացահայտում

Մենք շատ ընդհանրություններ ունենք և շատ բան կարող ենք սովորել միմյանցից. Արմեն Սարգսյանն ընդունել է Ֆինլանդիայի դեսպանին

Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

Ուռուցքաբանության ազգային կենտրոնում հերթական բարդ վիրահատությունն է կատարվել. ԱՆ