Կներեք, որ ֆիզիկապես ուշացա հեղափոխությունից, բայց հոգեպես այստեղ էի. Սերժ Թանկյան

Հայտնի ռոք երաժիշտ, System of a Down խմբի մենակատար Սերժ Թանկյանը ներողություն խնդրեց հայաստանցիներից, որ ավելի շուտ չի կարողացել միանալ այստեղ ընթացող թավշյա հեղափոխությանը: Նրա ինքնաթիռը Երեւանի «Զվարթնոց» օդանավակայանում վայրէջք կատարեց այսօր՝ մայիսի 7-ին՝ 20:00-ի սահմաններում: Նրան օդանավակայանում դիմավորելու էր եկել ՀՀ վարչապետի թեկնածու, ԱԺ պատգամավոր Նիկոլ Փաշինյանը: Վերջինիս հրավերով էլ նրա հետ Թանկյանին դիմավորելու էին եկել բազմաթիվ քաղաքացիներ, որոնք հավաքվել էին օդանավակայանի շրջակայքում: Թանկյանն ու Փաշինյանը ժողորդի հետ միասին գնացին Հանրապետության հրապարակ, որտեղ հանդես եկան ելույթով:

Սերժ Թանկյանն ասաց.

«Բարեւ, սիրելի՛ ժողովուրդ: Շատ կարոտել եմ ձեզ: Շատ հուզված եմ: Ուզում եմ գրածներս կարդալ, որ չշփոթվեմ:

Իմ սիրելի՛, հաղթակա՛ն ժողովուրդ, մեր նոր ազատ, անկախ եւ երջանիկ Հայաստանի հետ: Շատ կներեք, որ ֆիզիկապես մի փոքր ուշացա այս գեղեցիկ հետափոխությունից, բայց հավատացեք, որ վերջին 2-3 շաբաթը հոգեպես այստեղ էի՝ ձեզ հետ, եւ ոչ միայն ես, այլեւ ողջ սփյուռքահայությունը:

Ուզում եմ շնորհակալություն հայտնել ձեզ, իմ սիրելի՛ ժողովուրդ, որ կարողացաք ձեր խաղաղ ցույցերով ստեղծել հայ ազգի պարծանքի արժանի հայրենիք: Հիմա արդեն ողջ աշխարհը ձեզ է նայում որպես դրական օրինակ:

Աշխարհը տարիներ շարունակ մեզ ճանաչում է ցեղասպանությամբ, երկրաշարժով եւ պատերազմով, բայց այժմ այս շարժումով դուք բարձրացրեցիք ամբողջ հայ ժողովրդի վարկանիշը:

Այս հեղափոխության միտքը եղավ ընդդիմադրությունը, իսկ սիրտը՝ սերը: Սիրո այս ուժն էր, որ բոլորովին հաղթահարեց այլ բացասական բոլոր ուժերին, բայց դուք նախ հաղթահարեցիք ձեր վախը: Ես ձեր նման տարիներով երազում էի այս օրվա մասին եւ լիովին հպարտանում եմ ձեր կողքին կանգնելով:

Տարիներով ինձ ասում էին. «Սե՛րժ, արի Հայաստան, եւ 100 հազար ժողովուրդ կհետեւի քեզ»: Իմ պատասխանը միշտ նույնն էր. «Երբ հայ ժողովուրդը պատրաստ լինի կանգնելու, ոչ Սերժ Թանկյանի պետքը պիտի ունենա, եւ ոչ այլ անձերի, քանի որ պատրաստակամ պետք է լինի պայքարելու»:

Խոնարհվելով ձեր առջեւ՝ ես եկա ձեզ հետեւելու եւ ձեզ աջակցելու, կերտելու համար երազանքի հայրենիք:

Ուզում եմ շնորհավորել Նիկոլին եւ բոլոր մեր երիտասարդներին, կազմակերպիչներին, որ կարողացան հուսահատությունը եւ զայրույթը վերածել դրական, խաղաղ եւ արդյունավետ պայքարի: Բրավո: Շնորհակալություն»:

Հիմա համբերության ժամանակն է: Այսինքն՝ գործը նոր է սկսելու: Պետք է շարունակել պայքարը այս գործով, բարեփոխումներով, քանի որ արդարության ճամփան մի քանի հաղթանակով չի կերտվում, սիրելի՛ ժողովուրդ: Շնորհակալություն»,- ասաց նա:

Թանկյանն անընդհատ ասում էր, որ Երեւանում համերգ չի տալու, սակայն ի վերջո մի փոքր երգեց: Նա կատարեց «Բարի արագիլ» երգից մի հատված: 

Այնուհետեւ ելույթ ունեցավ Նիկոլ Փաշինյանը:

«Սիրելի՛ ժողովուրդ: Հայաստանի Հանրապետության հպա՛րտ քաղաքացիներ: Ո՞նց եք:

Ժողովո՛ւրդ ջան, ո՞ր օրն էր, որ գնում էինք Գյումրի: Այդ օրը իմ մեքենայի մեջ էր նաեւ Արսինե Խանջյանը, եւ մենք չգիտեինք, թե ճանապարհին ինչ է տեղի ունենալու, եւ երբ Աշտարակում Ագարակում, բոլոր գյուղերում փակում էին ճանապարհը, եւ մենք դուրս էինք գալիս, եւ մեզ դիմավորում էին աղ ու հացող, երգով-պարով, Արսինե Խանջյանը գրում էր անընդհատ, Ատոմ Էգոյանին եւ Սերժ Թանկյանին ասում էր. «Հազար ափսոս, որ դուք այստեղ չեք եւ չեք տեսնում, թե ինչ է տեղի ունենում: Բայց այսօր ստացվեց այնպես, որ Երևանի «Զվարթնոց» օդանավակայանից Երևան ընկած ճանապարհին նույնը կրկնվեց և Սերժ Սարգսյանը.... (խմբ. Փաշինյանը պատահաբար Սերժ Թանկյանի փոխարեն ասաց՝ Սերժ Սարգսյան, և հավաքված հազարավոր մարդի ծիծաղեցին)»,- ասաց նա:

Թանկյանը մոտեցավ խոսափոխին և կատակեց.

«Ինձ մի մերժեք»:

Հետո Փաշինյանը շարունակեց ելույթը.

«Սե՛րժ ջան, ինձ մոտ վերջին 15 տարին ավտոմատ ռեժիմ է. հենց ասում եմ Սերժ, հետևից Սարգսյանը գալիս է, կներես»:

«....եւ Թանկյանը սեփական աչքերով տեսավ այն, ինչ տեսել էր Արսինե Խանջյանը: Այնպես որ, Արսինե՛ ջան, իսկապես շատ ուրախ եմ, եւ Սերժն էլ շատ ուրախացավ՝ այդ մթնոլորտը տեսնելով Հայաստանի Հանրապետությունում:

Երեկ իմ ընկերներից մեկն էր եկել Լոնդոնից եւ ասում էր, որ արդեն օդանավակայանի դռան մոտից մթնոլորտի փոփոխությունը երեւում է: Եվ մարդիկ այսօր ճանապարհներին ասում էին՝ սա ուրախություն է, եւ մենք նրանց ասում էինք՝ ժողովո՛ւրդ ջան, դա է ամենակարեւոր բանը: Հայաստանի Հանրապետությանը, Հայաստանի ժողովրդին, հայ ժողովրդին այլեւս երբեք ուրախությունը, հպարտությունը, երջանկությունն ու հզորությունը չպետք է պակասի:

Կեցցե՛ հզորագույն Հայաստանի Հանրապետության քաղաքաղին, կեցցե՛ հզորագույն հայ ժողովուրդը Հայաստանում եւ սփյուռքում:

Ժողովո՛րդ ջան, լրացել է վարչապետի ընտրությունների 2-րդ փուլի թեկնածուների առաջադրման ժամկետը: Եվ այս պահի դրությամբ առաջադրված է 1 թեկնածու, եւ այդ թեկնածուին դուք եք առաջադրել:

Վաղը՝ 12:00-ին, Ազգային ժողովում սկսվելու է վարչապետի ընտրությունը, եւ ինչպես պայմանավորվել էինք, ժամը 11-ից կոչ եմ անում Հայաստանի քաղաքացիներին, խնդրում եմ՝ հավաքվել Հանրապետության հրապարակում: Ես ուզում եմ ասել՝ նախ, ես արդեն իսկ պաշտոնական հավաստիացում եմ ստացել, որ ժողովրդի թեկնածուի օգտին քվեարկելու է «Հայ հեղափոխական դաշնակցություն» խմբակցությունը, ԵԼՔ խմբակցությունը, «Ծառուկյան դաշինք» խմբակցությունը եւ «Հանրապետական» խմբակցության մի շարք պատգամավորներ: Այսինքն՝ ունենք 95% հավանականություն, որ վաղը ձեր առաջադրած թեկնածուն կընտրվի Հայաստանի Հանրապետության վարչապետ:

Մարդիկ հարցնում են ասում են՝ վաղը աշխատանքի՞ ենք, դասի՞ ենք եւ այլն, բա վաղը գործադուլ, դասադուլ չե՞նք անում: Ո՛չ, ժողովո՛ւրդ ջան, վաղը գործադուլ, դասադուլ չենք անում: Ես ուղղակի վաղը հայտարարում եմ ոչ աշխատանքային օր:

Եվ ուրեմն, սա Հայաստանի քաղաքացու հաղթանակի ժամն է, սա հայ ժողովրդի հաղթանակի ժամն է, սա հայ ժողովրդի ազգային միասնության ժամն է, սա Արցախի Հանրապետության, Հայաստանի Հանրապետության աստղային ժամն է: Եվ վաղը մենք հավաքվում ենք ժամը 11-ից Հանրապետության հրապարակում՝ հայ ժողովրդի, Հայաստանի քաղաքացու, Արցախի Հանրապետության, սփյուռքի եւ Հայաստանի Հանրապետության դարակազմիկ հաղթանակը տոնելու եւ նշելու:

Եվ ուրեմն, կեցցե՛ ազատությունը, կեցցե՛ Հայաստանի Հանրապետությունը, կեցցե՛ք մենք  եւ մեր երեխաները, որ ապրում ենք ազատ եւ երջանիկ Հայաստանում:

Հա-յաս-տան, Հա-յաս-տան:

Եվս մեկ անգամ ողջունենք մեր փառապանծ հայրենակից, մեր եղբայր Սերժ Թանկյանին: Ուզում եմ մի գաղտնիք բացել: Ճանապարհին ես Սերժ Թանկյանին համոզում էի մշտական բնակության տեղափոխվել Հայաստան, եւ նա խոստացավ, որ կմտածի այդ մասին»,- ասաց Նիկոլ Փաշինյանը:

Տպել
3775 դիտում

Արձանի մասին խոսք եղավ, բոլորն ակտիվացան. վարչապետը՝ Ծառուկյանի՝ Հիսուս Քրիստոսի արձանը տեղադրելու ցանկության մասին

Դժբախտ պատահար Երևանի Գրիբոյեդովի փողոցում. շինհրապարակում անգիտակից վիճակում հայտնաբերվել է աշխատակիցը

Եթե ՌԴ-ն «ներխուժի» Ուկրաինա, ի՞նչ դիրքորոշում է հայտնելու ՀՀ-ն՝ որպես ՀԱՊԿ նախագահող երկիր․ մեկնաբանում է Փաշինյանը

Նորակոչիկները երդվել են անձնվիրաբար ծառայել հայրենիքին

«Դատալեքս» տեղեկատվական համակարգն այս պահին չի գործում. Բարձրագույն դատական խորհուրդը պարզաբանում է տարածել

5 զավակ, 9 թոռ, 15 ծոռ. վանաձորցի Եվգին տատը ծննդյան 100-ամյակն է տոնել

Հայկ Չոբանյանը նշանակվել է «Առաջատար տեխնոլոգիաների ձեռնարկությունների միության» գործադիր տնօրեն

Անթալիայի դիվանագիտական ֆորումին Հայաստանի մասնակցության հավանականությունը մեծ է․ Փաշինյան

Ադրբեջանը Շուշիում հայկական կողմին է փոխանցել Որոտանից հայտնաբերված ևս մեկ աճյուն

ՊՆ-ից արձագանքել են Սուրեն Պապիկյանի հարսանիքի առթիվ դրամահավաքության մասին լուրերին

Վարդենյաց լեռնանցքը փակ է, Նիգավան-Ալագյազ ճանապարհահատվածում բուք է

Սայաթ Շիրինյանը բերման է ենթարկվել գողության կասկածանքով. Ոստիկանություն

Հայաստանը չպետք է անցնի կիսանախագահական կառավարման համակարգի․ Նիկոլ Փաշինյան

Փաստաբանի միջոցով «Վարդաշեն» ՔԿՀ-ի կալանավորված անձին փորձել են փոխանցել մեթամֆետամին

Արմեն Սարգսյանի հրաժարականի մասին տեղեկացել եմ հրապարակային հայտարարելուց ընդամենը 3,5 ժամ առաջ․ Նիկոլ Փաշինյան

Մեկնարկել է ՀՀ վարչապետ Նիկոլ Փաշինյանի առցանց ասուլիսը (ուղիղ)

ՃՈ ուժեղացված ծառայություն մարզերում. հայտնաբերվել է 4.342 խախտում

Սայաթ Շիրինյանին բերման են ենթարկել, ըստ տեղեկությունների՝ նա Ոստիկանության Մարտունու բաժնում է. փաստաբան

Պարո՛ն Սամսոնյան, հարկ է աշխատանքն այնպես կազմակերպվի, որ քաղաքացին դժգոհ չլինի. Շիրակի մարզպետը՝ Գյումրու համայնքապետին

Հայոց բանակի կազմավորման 30-րդ տարեդարձը Գյումրիում կնշվի հավաք և զուսպ

Թմրամիջոցներ կարմիր պղպեղի տուփում և արգելված իրեր դատապարտյալի խցում ու նրա համար նախատեսված հանձնուքում

Մեզ սպառնում են. Մորգենշտերնի համերգի կազմակերպիչները մեկնաբանում են կատարվածը

Զորամասերից մեկում անցկացվել են ցուցադրական մարտավարական զորավարժություններ

Հայրենասեր լինելու համար պետք է համախմբվել մեկ նպատակի շուրջ, ինձ համար այլ նպատակներ չկան. Տիգրան Արզաքանցյան

Էջմիածում այրվել է չշահագործվող շինության տանիք

ՍԱՏՄ-ն կորոնավարակի հաղթահարմանն ուղղված ստուգայցեր է անցկացրել հանրային սննդի օբյեկտներում

Քննարկվում է Երեւանյան լճի տարածքում հանգստի գոտի կառուցելու հնարավորությունները

Երևանի քաղաքապետարանում կներդրվի փաստաթղթաշրջանառության էլեկտրոնային «Mulberry» համակարգ

Վարչապետ Նիկոլ Փաշինյանի և Արցախի նախագահի գլխավորությամբ տեղի է ունեցել խորհրդակցություն (լուսանկարներ)

Ոստիկանության ստորաբաժանումները մեկ օրում բացահայտել են հանցագործության 133 դեպք

ՀՀ տարածքում կան փակ և դժվարանցանելի ավտոճանապարհներ

Դոլարն ու եվրոն էժանացել են. Կենտրոնական բանկը սահմանել է նոր փոխարժեքներ

2021թ. 12 ամիսների ընթացքում պետական բյուջե վճարվել է 1 տրիլիոն 206 մլրդ դրամ հարկ. ովքեր են 10 ամենախոշոր հարկատուները

Բելառուսի արդարադատության նախարարը հետաքրքրված է Հայաստանում ՔԿԱԳ ոլորտի թվայնացման աշխատանքներով

Քրիստինե Գրիգորյանն ընտրվեց Մարդու իրավունքների պաշտպան

ՌԴ-ում ՀՀ դեսպանը հայտարարել է դիվանագիտական առաքելությունն ավարտելու մասին

ԱՄՆ պետդեպարտամենտն ամերիկացիներին խորհուրդ է տալիս չմեկնել Ուկրաինա

Նոր նշանակում քննչական կոմիտեում

Հանրապետության գետերը գտնվում են ձմեռային սակավաջուր փուլում

Մեծ Բրիտանիան սկսել է Ուկրաինայից տարհանել իր դեսպանատան աշխատակիցներին