Ուզում եմ տարվա մեջ գոնե 2 ամիս ՀՀ-ում լինել. Սերժ Թանկյանն ասել է ԱԺ-ում

Հայտնի ռոք երաժիշտ, System of a Down խմբի մենակատար Սերժ Թանկյանը ցանկանում է տարվա մեջ հնարավորինս շատ ժամանակ անցկացնել Հայաստանում: Նա Երեւան էր ժամանել երեկ՝ մայիսի 7-ին, եւ այսօր Ազգային ժողովի շենքում՝ օթյակից հետեւում էր ԱԺ հատուկ նիստին, որի ընթացքում ընտրվում է ՀՀ վարչապետը: Լրագրողներն առիթն օգտագործել ու մի քանի հարց են տվել նրան:

- Եկե՞լ եք Նիկոլ Փաշինյանին Ձեր աջակցությունը հայտնելու:

- Այո՛, աջակցությունը հայտնելու Նիկոլին եւ ժողովրդին, ինչպես նաեւ ներկա լինելու քվեարկությանն ու խորհրդարանի ժողովին: Շատ ուրախ եւ հպարտ եմ ներկա լինելու համար:

- Ինչպե՞ս է:

- 2015 թ.՝ System of a Down-ի շոուի ժամանակ մեր տեսած եռանդը եւ երիտասարդների ժպիտներն արդեն տեսանք նաեւ Հայաստանի փողոցներում: Այդ նույն եռանդն էր, նույն ուրախությունը, որ այս հեղափոխության կարեւոր մասը եղավ: Եւ ես գիտեի, որ այդ ժպիտները սրան պետք է հասնեին: Չգիտեի՝ ինչքան ժամանակից դա կլինի, բայց հայտնի էր, որ այս նոր եռանդը, նոր ուրախությունը մի տեղ պետք է հասներ:

- Որքա՞ն ժամանակ եք Երեւանում անցկացնելու եւ հնարավո՞ր է, որ մտափոխվեք ու համերգ տաք:

- Հիմա հենց Ազգային ժողովի մեջ համերգ եմ տալու (կատակում է): Ո՛չ: Շատ չեմ մնալու՝ 1 շաբաթի չափ, բայց շուտով հետ եմ գալու:

- Հանրապետական կուսակցության իշխանության տարիներին ահռելի արտագաղթ էր, հուսահատություն: Դուք ի՞նչ եք կարծում, այս հեղափոխությունից հետո... ի՞նչ են ասում Ձեր ընկերները, վերադառնալո՞ւ են: Կլինի՞ այդ ներգաղթը:

- Անպայման: Դա ժամանակի հարց է: Ժամանակի ընթացքում, բարեփոխումների հետ եւ դրական փոփոխությունների հետ միասին, կարծում եմ, կփոխվի այդ արտագաղթը, եւ մարդիկ պետք է սկսեն հետ գալ: Երբ դուք ունենում եք հասարակություն, որտեղ մարդիկ հավասար են, որն ազատվել է կոռուպցիայից եւ մի քանի խնդիրներից, ինչպիսին է, օրինակ, գործազրկությունը, եւ ներդրումներ է բերում երկիր... քանի որ, երբ այդպիսի բաները նվազում են, երկրի նկատմամբ վստահությունը մեծանում է, եւ ավելի շատ ներդրումներ կլինեն, ավելի շատ աշխատատեղեր կլինեն, մարդիկ հետ կգան եւ պոզիտիվ կլինեն: Սա տեղի է ունենալու, պարզապես մի քանի տարիների հարց է: Պետք է համբերատար լինենք, պետք է ջանասիրաբար աշխատենք, որ այդ փոփոխությունները մեր երկրի համար հնարավոր դառնան: Ես տեսնում եմ, որ Հայաստանում մարդիկ շատ դրական են տրամադրված, եւ սա միայն սկիզբն է:

- Դուք ի՞նչ դեպքում կգաք Հայաստան ապրելու:

- Արդեն գալիս եմ (ծիծաղում է): Ես թափառական մի անձ եմ, քանի որ երաժիշտ եմ եւ ողջ տարին պտտվում եմ աշխարհով, բայց ուզում եմ, անպայման տարին 2 ամիս Հայաստանում մնալ, ինչպես 2 ամիս Նոր Զելանդիայում մնում եմ: Բայց անպայման մի տեղ ուզում եմ գտնել Հայաստանում:

- Առաջիկայում սպասվո՞ւմ է համերգ:

- Անպայման մի ուրիշ օր պետք է համերգի պատրաստությունն անենք, բայց հիմա այդ պատրաստությունը չկա դեռ:

Տպել
2365 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ