Վարչապետը ոստիկանության ղեկավար կազմին է ներկայացրել նորանշանակ ոստիկանապետին

Նորընտիր վարչապետ Նիկոլ Փաշինյանը ոստիկանության ղեկավար կազմին եւ կոլեգիայի անդամներին է ներկայացրել ոստիկանության նորանշանակ պետ Վալերի Օսիպյանին: 

ՀՀ կառավարության լրատվական ծառայության փոխանցմամբ, վարչապետը շնորհակալություն է հայտնել ոստիկանության նախկին պետ Վլադիմիր Գասպարյանին՝ պաշտոնավարման ընթացքում կատարած այն աշխատանքների համար, որոնք բխել են Հայաստանի Հանրապետության հանրային անվտանգության, օրինականության, մարդու իրավունքների պաշտպանության շահերից: 

«Ուզում եմ ձեւակերպել այն խնդիրները, որը ես դնում եմ ՀՀ ոստիկանության առաջ. առաջինն, իհարկե, իրավակարգի եւ օրինականության ամբողջական եւ անվերապահ պահպանումն է, երկրորդը՝ մարդու իրավունքների եւ ժողովրդավարության պաշտպանությունը: Այս խնդիրների մեջ ես ուզում եմ առանձնացնել մի քանի ենթախնդիրներ. առաջինը՝ Հայաստանի Հանրապետությունում քրեածին ակտիվությունը պետք է հասնի աննախադեպ ցածր մակարդակի, հաջորդը՝ մենք բոլորս պետք է դուրս գանք քաղաքացիներին անընդհատ եւ հնարավոր բոլոր առիթներով տուգանելու գործելակերպից, որովհետեւ նման գործելակերպով մենք, իմ կարծիքով, խաթարում ենք մթնոլորտն երկրում: Պարոն Օսիպյան, անհրաժեշտ է շատ արագ հասկանալ, թե ինչ որոշումներ պետք է կայացնենք, որպեսզի այս խնդիրը հնարավոր լինի երաշխավորել նաեւ դե յուրե»,- ասել է Նիկոլ Փաշինյանը՝ ավելացնելով, որ պատժելու քաղաքականությունը պետք է փոխարինել կանխարգելելու արդյունավետ քաղաքականության, որը չպետք է ընկալվի որպես չնկատելու քաղաքականություն: Վարչապետն ավելացրել է, որ ոստիկանությունը Երեւանի քաղաքապետարանի հետ պետք է լրջագույն միջոցներ ձեռնարկի քաղաքացիներին խցանումներից, անհարմարություններից զերծ պահելու համար: 

«Հաջորդ ուղղությունը, որ ցանկանում եմ մատնանշել՝ դա կոռուպցիայի դեմ պայքարն է: Հայաստանի Հանրապետությունում առաջինն ոստիկանական համակարգում պետք է բացառվի որեւէ կարգի կոռուպցիա եւ այստեղ մենք կարող ենք չնկատելու քաղաքականությունը փոխարինել պատժելու քաղաքականությամբ: ՀՀ-ում կոռուպցիան պետք է ընդհանրապես արմատախիլ արվի: Այն, ինչ վերջին մեկ ամսվա ընթացքում քաղաքական առումով տեղի ունեցավ ՀՀ-ում՝ շատերը գնահատում էին որպես անհնար մի բան: Հետեւաբար, եթե մենք սկսել ենք իրականություն դարձնել անհնարինը, ուրեմն պետք է նույն տեմպով շարունակենք նաեւ կոռուպցիայի դեմ պայքարը, եւ ես ակնկալում եմ, որ ՀՀ-ում այլեւս չի լինի լուր այն մասին, որ ճանապարհային որեւէ տեսուչ կաշառք է վերցնում: Այն պաշտոնյան՝ ոստիկանության, թե որեւէ այլ ոլորտի, որը կաշառք է վերցնում, կոռուպցիոն որոշումներ է կայացնում, պետք է սպասի իրավապահ մարմինների շատ արագ արձագանքին: Այդպիսի խնդիր ձեւակերպել եմ նաեւ Ազգային անվտանգության ծառայության տնօրենի առջեւ»,- ասել է Նիկոլ Փաշինյանը՝ հավելելով, որ պետական մարմինների ամենակարեւոր գործառույթը հետեւյալն է. առավել հարմարավետ դարձնել քաղաքացիների կյանքը, Հայաստանում ապահովել սիրո եւ համերաշխության մթնոլորտ: 

«Ըստ էության, ստացվել է այնպես, որ նաեւ քաղաքական իրադարձությունների բերումով քաղաքացիները, հատկապես ընդդիմադիր տրամադրված քաղաքացիները եւ ոստիկանությունը, երբեմն եղել են գծի տարբեր կողմերում: Ակնկալում եմ, որ մենք այդ գծերը կջնջենք, մանավանդ, որ վերջին մեկ ամսվա քաղաքական իրադարձությունների ժամանակ այդ գծերը սկսել էին ջնջվել, եւ ես ցանկանում եմ ոստիկանությանը հատուկ շնորհակալություն հայտնել վերջին մեկ ամսվա իրադարձությունների ընթացքում, առավել եւս վերջին 10-15 օրվա ընթացքում, հնարավոր օբյեկտիվ եւ սուբյեկտիվ պայմանների բերումով մաքսիմալ զսպվածություն ցուցաբերելու համար»,- նշել է վարչապետը: 

Ոստիկանության նախկին պետ Վլադիմիր Գասպարյանը շնորհակալություն է հայտնել գործընկերներին համատեղ աշխատանքի համար եւ կարեւորել ոստիկանության համակարգում բարեփոխումների շարունակությունը: Վլադիմիր Գասպարյանը բարձր է գնահատել Վալերի Օսիպյանի մասնագիտական կարողությունները եւ մաղթել նրան արդյունավետ աշխատանք: 

Իր հերթին, Վալերի Օսիպյանը շնորհակալություն է հայտնել վարչապետ Փաշինյանին մեծ վստահության համար եւ համոզմունք հայտնել, որ այն խնդիրները, որոնք դրվել են ոստիկանության առջեւ ՝ բարձր մակարդակով կիրականացվեն: 

Ամփոփելով՝ վարչապետ Փաշինյանն ասել է. «Կադրային քաղաքականության մեջ պետք է բացառել, պատկերավոր ասած, կլանային մոտեցումը եւ ՀՀ ոստիկանության համակարգում ծառայողական առաջխաղացման սկզբունքը պետք է լինի պրոֆեսիոնալիզմը, նվիրվածությունը ծառայությանը, Հայաստանի Հանրապետությանն ու նրա ժողովրդին: Կարծում եմ, բոլորս լավ հասկանում ենք, որ ՀՀ բազմաթիվ քաղաքացիներ ոստիկանությանը շարունակելու են ընկալել որպես մի սուբյեկտ, որը կանգնած է փշալարերի այն կողմում: Մեր եւ ձեր ամենակարեւոր խնդիրն է շատ արագ ՀՀ քաղաքացիներին ի ցույց դնել, որ ոստիկանության եւ ժողովրդի միջեւ փշալարեր, վահաններ, հատուկ միջոցներ չկան եւ ոստիկանությունը ծառայում է Հայաստանի Հանրապետությանն ու նրա ժողովրդին: Սա է քաղաքական խնդիրը, որ մենք շատ արագ պետք է լուծենք»,- եզրափակել է կառավարության ղեկավարը: 

Տպել
4913 դիտում

ԱԻՆ-ը 2 օրում արգելափակումից դուրս է բերել ինը ավտոմեքենա

Թուրքիան, Վրաստանը և Ադրբեջանը համատեղ զորավարժություն են պլանավորում

Լարսի ավտոճանապարհով երթևեկությունը վերականգնված է բոլոր տեսակի տրանսպորտային միջոցների համար

Երկար ժամանակով լույս չի լինելու Երևանի և 7 մարզերի մի շարք հասցեներում

Տեղեր գյուղի վանքին հարակից ժայռից 2 քաղաքացի ընկել է ձորակը. նրանց վիճակը միջին ծանրության է

«Հանրապետություն» կուսակցությունը մասնակցելու է Քաջարանի ՏԻՄ ընտրություններին

Քիչ առաջ Լարսում վերականգնվել է երթևեկությունը

Դատական համակարգում կան կլաններ, խմբավորումներ. Փաշինյանը՝ Ջհանգիրյանի և Վարդազարյանի մասնակցությամբ ձայնագրության մասին

Ավտոճանապարհային կապը ՌԴ-ի հետ կվերականգնվի երկու ժամվա ընթացքում. Վահան Քերոբյան

Քննարկվել են հոկտեմբերին Երևանում կայանալիք սամբոյի աշխարհի պատանիների և երիտասարդների առաջնությանն առնչվող հարցերը

Տեղի է ունեցել «ԿԱՆԱՉ Հայաստան» համատեղ հարթակի առաջին՝ քաղաքականությունների երկխոսությունը

Ինչ դիրքորոշում ունի վարչապետը ընդդիմադիր որոշ պատգամավորների մանդատից զրկելու վերաբերյալ

Միայն վերջին 3 ամսում էլեկտրական ինքնագլորից տուժած շուրջ 40 քաղաքացի է տեղափոխվել համալսարանական հիվանդանոց

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԻ նախարարությունում քննարկվել են Հայաստանում սեյսմոլոգիական դպրոց կազմակերպելու հնարավորությունները

Նիկոլ Փաշինյանը հայտնեց, թե ովքեր են Արցախի հարցի նշաձողի իջեցման կոչ ներկայացնողները

Աննա Հակոբյանը այցելել է Ալպ-Մարիտիմի տարածաշրջանի «Սոֆիա Անտիպոլիս» տեխնոպարկ

Հունաստանում քննարկվել են «Պարսից ծոց-Սև ծով միջազգային տրանսպորտային միջանցքի» ստեղծման ուղղությամբ տարվող աշխատանքները

Վարչապետը նշեց պատճառները, թե ինչու Ադրբեջանը չի վերադարձնում հայ ռազմագերիներին

Խորհրդարանն ընտրել է Վճռաբեկ դատարանի վարչական պալատի դատավորների թեկնածուներ

Ադրբեջանը կաթիլ-կաթիլ փորձում է կուտակել նոր պատերազմի լեգիտիմություն. Նիկոլ Փաշինյան

Եթե առցանց չլիներ, կրկին առիթ կգտնեին բոյկոտելու. վարչապետի արձագանքը՝ որոշ լրատվամիջոցների՝ առցանց ասուլիսը բոյկոտելուն

«Վանաձոր» ՔԿՀ տեսակցության գնացած քաղաքացին կալանավորված անձին կասկածելի իր է փոխանցել

ՀԲ ներկայացուցիչները Գնել Սանոսյանին են ներկայացրել ջրային ոլորտում ենթակառուցվածքների զարգացման իրենց հետազոտությունը

Պետությանը պատկանող բնակելի տարածքներ են նվիրատվություն արվել ՀՀ քաղաքացիներին

Ծնողը գումարի պատճառով երեխային չէր տանում ստուգման․ ինչ անվճար հետազոտություններից կարող են օգտվել 0-18 տարեկանները

Արարատ Միրզոյանը Հունաստանի վարչապետին է ներկայացրել Հայաստան-Թուրքիա կարգավորման գործընթացի զարգացումները

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Բուհերի ընդունելության երկրորդ փուլի քննությունները տեղի կունենան հուլիսի 4-ից 9-ը

Թունիսի նորանշանակ դեսպանն իր հավատարմագրերի պատճենն է հանձնել Հայաստանի ԱԳ նախարարի տեղակալին

Զվարթնոց թաղամասի մոտակայքում ավտոմեքենան բախվել է հեղուկ գազի լիցքավորման վահանակին

Անահիտ Ավանեսյանը և Նաթիա Նացվլիշվիլին անդրադարձել են առողջության ապահովագրության հայեցակարգի ներդրման հարցերին

Խաղաղությունը մեր սկզբունքը, մեր քաղաքականությունն ու ռազմավարությունն է. ՀՀ ԱԳ նախարար

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Քաղաքաշինության կոմիտեի ղեկավարը հետևել է մարզական կառույցների շինարարության ընթացքին

Անցած 3 օրում հանրապետությունում արձանագրվել է 48 ՃՏՊ. 2 մարդ զոհվել է

Յունիբանկի Բաժնետերերի տարեկան ընդհանուր ժողովն ամփոփեց 2021թ.-ի արդյունքները

Հայ երիտասարդները մասնակցել են «Eurasia Global» միջազգային երիտասարդական 7-րդ համաժողովին

Համբարձում Մաթևոսյանի գլխավորությամբ շարունակվում են համայնքներից ստացված սուբվենցիայի ծրագրային հայտերի քննարկումները

Մեկնարկել է Հայաստանի և Հունաստանի ԱԳ նախարարների հանդիպումը