Պատասխանատվություն չեք վերցնում՝ մեզ հետ չեք. սուր դեբատ Փաշինյանի և Մինասյանի միջև

Կառավարության արտահերթ նիստում կրքերը խիստ թեժացան, երբ տնտեսական զարգացման եւ ներդրումների նախարար Արծվիկ Մինասյանը կարծիք հայտնեց «Կուտակային կենսաթոշակների մասին» օրենքում լրացումներ կատարելու մասին» օրենքի նախագծի վերաբերյալ:

Մինասյանը մասնավորապես ասաց, որ չի եղել դեպք, որ ինքը, որպես Դաշնակցության ներկայացուցիչ, կողմ քվեարկի պարտադիր կուտակային համակարգին, այս անգամ նույնպես մնում է իր տեսակետին:

«Ո՞րն է Ձեր տեսակետը, պարոն Մինասյան»,- հարցրեց վարչապետը, երբ Մինասյանն ավարտեց ելույթը:

«Դեմ եմ պարտադիր կուտակայինի այն մոդելին, որ կա, բայց հասկանալով հանդերձ, որ այսօրվա լուծումը պարտադրված լուծում է»,-ասաց Արծվիկ Մինասյանը:

«Ո՞ւ, այսինքն, այստեղ կան մարդիկ, ովքեր չեն հասկանում, որ պարտադրված լուծում է»,- նշեց Նիկոլ Փաշինյանը:

«Ոչ, խոսքն այն մասին է, որ հետաձգումը և քննարկելու հնարավորությունը, կարծում եմ, շատ ավելի լավ լուծումներ կարող էր բերել, չնայած ես ընդունում եմ այն մոտեցումը, որ այսօր մենք մեղմում ենք 200 հազարի ֆինանսական բեռը, ամենևին չեմ ուզում քննադատել այս որոշումը»,-ասաց Ա. Մինասյանը:

Վարչապետը հիշեցրեց՝ պետք է հասկանալ, որ գործում են թիմային պատասխանատվության շրջանակներում: «Ես, որպես վարչապետ, և կառավարությունը, որպես կառավարություն, այս պատասխանատվությունը վերցնում է, և մենք համոզված ենք, որ սա քայլ է, որը պետք է լուծենք առաջ գնալով: Ովքեր այս պատասխանատվությունը վերցնում են, մեզ հետ են, ովքեր չեն վերցնում՝ մեզ հետ չեն: Ուզում եմ սա հստակ արձանագրենք»,-հայտարարեց Նիկոլ Փաշինյանը:

Արձագանքելով՝ Արծվիկ Մինասյանն ասաց, որ որպես կոլեգիալ մարմին այս որոշումը ենթակա է կատարման և ինքը կատարելու է:

«Այլ կերպ չէր էլ կարող լինել, Դուք դրանով որևէ մեկին լավություն չեք էլ անում: Ես թույլ չեմ տա, որ իմ ղեկավարած կառավարությունում այլ հաշվարկներով, այլ մոտեցումներով փորձեն մարդկանց բաժանել առավել սկզբունքայինների և պակաս սկզբունքայինների»,- հայտարարեց վարչապետ Նիկոլ Փաշինյանը:

«Հույս ունեմ՝ մենք հասկանում ենք, որ չենք կարող այդպես կիսադիրքորոշումներով առաջ շարժվել: Կիսադիրքորոշումներից արվելու են հետևություններ»,-ասաց Նիկոլ Փաշինյանը:

Արդյունքում բոլորը նախագծին կողմ եղան, այդ թվում նաեւ Մինասյանը:

Տպել
8951 դիտում

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը

Սուրեն Պապիկյանը Դաժու Յանգի հետ քննարկել է տեխնիկական համագործակցության հեռանկարները

Սամվել Թոփալյանն առաջադրվել է կանադական կինոփառատոնի «Լավագույն դերասան» անվանակարգում

Գեղամ Գևորգյանը հանդիպել է Ռուսաստանի դաշնային հակամենաշնորհային ծառայության ղեկավարի հետ

Գագիկ Ջհանգիրյանը քիչ առաջ արդարացվեց Մարտի 1-ի գործով․ Վճռաբեկ դատարանը հրապարակեց որոշումը

ՎիվաՍել-ՄՏՍ-ն ու «Սինոփսիս Արմենիան» աջակցում են Եվրոպական համալսարանին

Վալերի Օսիպյանը նշանակվել է ՀՀ վարչապետի գլխավոր խորհրդական. որոշում

Ալիևն ու Զասը հանդիպել են. ի՞նչ քննարկելու հարցեր կարող են լինել ՀԱՊԿ-ի ապագա գլխավոր քարտուղարի ու Բաքվի միջեւ

Վանեցյանը ՀՖՖ նախագահի պաշտոնից հրաժարական չի տա. ասում են ՀՖՖ-ից

Ձերբակալվել է «Կոշ» քրեակատարողական հիմնարկի պետն ու ևս 2 անձ. ԱԱԾ

Օսիպյանն առանձնահատուկ գոհունակություն է հայտնել ոստիկանության զորքերի նկատմամբ. վերջին խորհրդակցությունը (տեսանյութ)

Վայոց ձորի մարզպետը դատական հայց է ներկայացրել իրավապաշտպանի դեմ

Բակո Սահակյանը ռազմավարական զորավարժությունների անցկացման հետ կապված խորհրդակցություն է հրավիրել

9 տարի է՝ Էմմիյանը փորձում է 600-800 հազար եվրո արժողությամբ գույքը գրեթե անվճար բերել Երեւան, իսկ ՀՀ-ում ձգձգում են

Վրաստանը և Ուկրաինան իրենց ասոցացնում են Բաքվի հակաժողովրդավարական վարչակարգի հետ. Արցախի ԱԳՆ

Գազի ոլորտում կորուստները և սեփական կարիքների համար ծախսերը երբևէ արձանագրված ամենացածր մակարդակի վրա են. վարչապետ

Քաղաքապետարանն օգոստոսին աշխատավարձ բաժանելու համար բավարար գումար է փոխանցել Սանիթեքին. պաշտոնական