Նաիրիտի շուրջ բանակցություններն արդյունք են տվել. 105 միլիոն եվրոյի ներդրում են խոստանում

Այսօր «Պոստ սկրիպտում» մամուլի ակումբում տեղի ունեցավ մամուլի ասուլիս կառավարության եւ ներդրողների միջեւ «Նաիրիտ» գործարանի վերագործարկման վերաբերյալ բանակցությունների արդյունքների մասին։ Ասուլիսին մասնակցում էին Նաիրիտում ներդրումային առաջարկով հանդես եկող «Եվրոպա-Ասիա բիզնես ֆինանսական կենտրոն» հոլդինգի նախագահ Աշոտ Գրիգորյանը, «SynCo Group» ընկերության նախագահ եւ «Եվրոպա-Ասիա բիզնես ֆինանսական կենտրոն» հոլդինգի փոխնախագահ Սամուել Բաբիակը, նույն հոլդինգի նախագահի ավագ խորհրդական Արշակ Ղազարյանը եւ «Նաիրիտ» գործարանի նախկին տնօրեն Կարեն Իսրայելյանը:

Աշոտ Գրիգորյանը տեղեկացրեց, որ վերջին երկու օրերին տարբեր հանդիպումներ են ունեցել: «Հանդիպել ենք տնտեսական զարգացման եւ ներդրումների նախարար Արծվիկ Մինասյանի հետ, որից ստացել ենք, կարելի է ասել, կանաչ լույսեր՝ «Նաիրիտ»-ն աշխատեցնելու հետ կապված»,- ասաց Գրիգորյանը:

Նա ընդգծեց, որ Հայաստանում կատարված թավշյա հեղափոխությունը հետաքրքիր արդյունք է տվել: «Մենք կողմ ենք Հայաստանում արտադրությունների վերականգնմանը եւ մեծ հույսերով ենք ժամանել Հայաստան»,- ասաց Աշոտ Գրիգորյանը:

Գրիգորյանը նշեց, որ Արծվիկ Մինասյանին կարողացել են համոզել, որ արտադրություններից ամենակարեւորը քիմիականն է: «Մեր խնդրանքը շատ հասարակ էր՝ թույլ տվեք մեր միջոցներով աուդիտ անցկացնենք «Նաիրիտ»-ում: «Նաիրիտ»-ի ամբողջ տարածքում մենք ուզում ենք քիմիական արտադրությունը զարգացնել»,- ասաց Աշոտ Գրիգորյանը:

Գրիգորյանը նշեց, որ ՏՏ ոլորտում նույնպես ցանկանում են որոշ ներդրումներ իրականացնել՝ հավելելով, որ մետաքսե ուղղությունը ցանկանում են վերադարձնել Հայաստան:

«Նախկին վարչապետ Տիգրան Սարգսյանը «Նաիրիտ»-ից գողացել է մոտ 300 մլն դոլար: Ես հուսով եմ, որ նա նամուս կունենա եւ դատի կտա ինձ սա ասելու համար, ինչի արդյունքում էլ կապացուցվի, որ ես ճիշտ եմ: Մինչեւ այսօր չէին թողնում աուդիտ իրականացնել, քանի որ թալանել էին, իսկ այժմյան կառավարությունը թույլ է տալիս անել», - ասաց Գրիգորյանը:

«Նաիրիտ» գործարանի նախկին տնօրեն Կարեն Իսրայելյանը նշեց, որ երեկվա բանակցությունները համարում է հաղթանակ, իսկ աուդիտի արդյունքներից հետո կառավարության հետ պայմանագիր են պատրաստվում կնքել: Իսրայելյանի խոսքով՝ Հայաստանը պետք է լինի ոչ թե տուրիզմի, այլ արտադրության երկիր:

Իսրայելյանը հայտնեց, որ երեկվա հանդիպմանը մասնակցել է նաեւ ՀՀ վարչապետի խորհրդականը եւ դրական կարծիք է ունեցել՝ նշելով, որ քննարկումների բովանդակությունը կփոխանցի վարչապետին:

«SynCo Group» ընկերության նախագահ եւ «Եվրոպա-Ասիա բիզնես ֆինանսական կենտրոն» հոլդինգի փոխնախագահ Սամուել Բաբիակն իր խոսքում ասաց, որ դեռեւս տեսնում է շատ մեծ խնդիր ներդրումներ ստանալու մեջ: «Հարկավոր է քաղաքական կայունություն, որպեսզի արժույթն անկում չգրանցի: Եւ եվրոպական բանկերը մեզ ոչ մի ցենտ չեն տա, եթե համոզված չլինեն, որ «Նաիրիտ»-ի վերագործարկման դեպքում մենք ապահովել ենք էկոլոգիան»,- ասաց Բաբիակը:

Հարցին, թե որքա՞ն ներդրում է սպասվում գործարանի վերագործարկման համար, Աշոտ Գրիգորյանը պատասխանեց, որ նախնական 25-30 մլն եվրո, հետագայում այն կհասնի մինչեւ 105 մլն եվրոյի:

Տպել
6991 դիտում

Պարոն վարչապետը բավական համեստ է գտնվել իր հայտարարության մեջ. 2019-ին էլ ենք նոր սպառազինություն ձեռք բերում. Բալայան

Ադրբեջանի ԶՈՒ-ն այլեւս չի վերահսկում Վրաստանից Հայաստան եկող գազատարը. ՊՆ փոխնախարար

Հայոց բանակում պետք է ինքնասպանություն չլինի, սա պիտի լինի մեր բացառիկ ձգտումը․ Անդրանիկ Քոչարյան

Փաստաբան Հայարփի Սարգսյանի հայտարարությունների մի մասը հիմնազուրկ են եւ անբովանդակ. Բալայան

Կառավարությունում շարունակվում են գերատեսչությունների բյուջետային հատկացումների հայտերի քննարկումները

Հայկ Սարգսյանի առաջարկը մեզ համար ընդունելի չէ. ՀՀ ՊՆ փոխնախարար

Մեղրի-Ծավ ավտոճանապարհը ձյան առատ տեղումների պատճառով դժվարանցանելի է, Տավուշում առկա է մառախուղ

Խորհրդարանը քննարկում է զինծառայողին ինքնասպանության դրդելու համար նախատեսված պատիժը խստացնելու նախագիծը

Րաֆֆու փողոցից բերման է ենթարկել 63-ամյա կին՝ փաստաթղթեր հափշտակելու կամ վնասելու մեղադրանքով

Հայազգի ֆուտբոլիստը կարող է հայտնվել արգենտինական հայտնի թիմում

Երևանի Արարատյան 1-ին զանգվածում այրվել է ավտոմեքենա

Նոր տարին՝ 750 հազար դոլարով. Երեւանում նաեւ զբոսաշրջիկների մեծ հոսք է սպասվում

Բողոքի ցույց եւ գործադուլ՝ նախագահ Մակրոնի դեմ. գրեթե 800 հազար մարդ է դուրս եկել փողոց (տեսանյութ)

Քոչարյանի գործով դատավորը հեռացավ խորհրդակցական սենյակ՝ ինքնաբացարկի վերաբերյալ որոշում կայացնելու

Լավ գիտենք՝ ՀՅԴ ժողովը վարող Հրանտ Մարգարյանն ինչով էր զբաղված 90-ականներին, երբ թմրանյութ էր տեղափոխում․ Բաբաջանյան

Հայտնի է՝ ինչու Արսեն Ջուլֆալակյանը չմասնակցեց ըմբշամարտի ՀՀ առաջնությանը ու ինչպես կորոշվի՝ ով է գնալու Տոկիո 2020

«Պետք է սրա դեմն առնել». Քոչարյանն առարկեց դատավորին հայտնած ինքնաբացարկի միջնորդության դեմ

ՄՕԿ-ը հաստատել է Օլիմպիական խաղերի շքերթի հերթականությունը. կմասնակցի նաեւ փախստականների թիմը

Վարդաձոր գյուղի 3 բնակիչ շմոլ գազից թունավորումով տեղափոխվել է հիվանդանոց

Մեկ շնչին ընկնող ՀՆԱ ցուցանիշով Հայաստանը 2020-ին առաջ է անցնելու Ադրբեջանից․ վարչապետ