Ինչու ԵԼՔ-ը չի կատարում կուտակայինը հանելու նախընտրական խոստումը. պարզաբանում է Մարուքյանը

«Մանե Թանդիլյանի որոշումը կուսակցության դիրքորոշումը չի եղել, դա եղել է տիկին Թանդիլյանի անձնական որոշումը՝ պայմանավորված որոշակի հանգամանքներով, որի վերաբերյալ նա երեկ արտահայտվել է»,- խորհրդարանում լրագրողների հետ զրույցում հայտարարեց ԵԼՔ խմբակցության պատգամավոր, Լուսավոր Հայաստան կուսակցության նախագահ Էդմոն Մարուքյանը` անդրադառնալով Մանե Թանդիլյանի ՀՀ աշխատանքի եւ սոցիալական հարցերի նախարարի պաշտոնից հրաժարվելու մասին:

«Այդ որոշումը անակնկալ էր մեզ համար, միեւնույն ժամանակ ես մեծ հարգանքով եմ վերաբերում Թանդիլյանի որոշմանը: Մանեն առաջին հերթին իմ ընկերն է, իմ քաղաքական զինակիցն է, նա կայացրել է անձնական որոշում: «Դեմ եմ շարժման» առաջնորդներից է եղել եւ, բնականաբար պարտադիր կուտակային համակարգը եւ դրա ներդրման հետ կապված խնդիրները նրա համար կարեւոր նշանակություն ունեն, նշված իրավիճակից ելնելով` նա այդ քայլին է գնացել»,- ասաց նա:

Մարուքյանը շեշտեց, որ վարչապետը դեռեւս չի ընդունել տիկին Թանդիլյանի հրաժարականի դիմումը, երբ կընդունի, իրենք կանդրադառնան հարցին` արդյո՞ք այլ մարդ ԼՀ-ն կներկայացնի այդ պաշտոնի համար:

«Այս պահին այլ մարդու հարց չենք քննարկում, որովհետեւ նրա դիմումը դեռեւս ընդունված չէ»,- հայտարարեց նա:

Ինչ վերաբերում է Թանդիլյանի` կուսակցությունից դուրս գալու որոշմանը, Մարուքյանն ընդգծեց, որ կուսակցությունից դուրս գալու հարցը նույն անձնական դաշտում է:

«Որքանով որ մեկնաբանել է տիկին Թանդիլյանը, դա պայմանավորված է նրանով, որ չխոչընդոտի կառավարությանն աջակցելու կուսակցության գործունեությանը: Չնայած, ես ձեզ պետք է ասեմ, որ նման խնդիր չկա, Թանդիլյանը կարող էր հրաժարական ներկայացնել, դուրս գալ կառավարության կազմից, բայց կուսակցությունը շարունակի իր դիրքորոշումը պահպանել»,- ասաց նա:

Հարցին էլ` Թանդիլյանն արդեն իսկ կուսակցությունից դո՞ւրս է եկել, Մարուքյանն ասաց, որ հայտարարություն է արել, բայց կուսակցությունը դիմում չի ստացել:

«Նա սովորական անդամ չէ, կուսակցության փոխնախագահն է, մեզ համար դա շատ ցավոտ որոշում է, բայց մենք հարգում ենք նրա որոշումը»,- ասաց նա, ապա հավելեց, որ կուսակցութունը տեղեկացված չի եղել Թանդիլյանի որոշման մասին:

Նա միեւնույն ժամանակ նշեց, որ իրենք չէին ուզենա, որ Թանդիլյանը հրաժարական տար եւ դուրս գար կուսակցությունից, բայց, ըստ պատգամավորի, որեւէ մեկի որոշման վրա չի կարելի բռնանալ:

ՀԺ-ի հարցին էլ` ԵԼՔ ինքն իրեն չի՞ հակասում, երբ նախընտրական ծրագրում ասել էր` գանք իշխանության, պարտադիր կուտակային համակարգը չեղարկելու ենք, սակայն հիմա եկան իշխանության եւ չեն չեղարկում, նա պատասխանեց, որ ԵԼՔ-ը որպես այդպիսին չի եկել իշխանության:

«ԵԼՔ ինչ ծրագրով, որ մասնակցել է ընտրություններին, ստացել է 9 մանդատ եւ դրա մասին շատ ենք խոսել: Այդ հարցին պատասխանել է նաեւ վարչապետը, որ քայլ առաջ համակարգ է ներդրվել, այն կարող էր հետաձգվել, բայց կառավարության ընդհանուր դիրքորոշումը եղել է այն, որ չի հետաձգվել»,- ասաց նա:

Տպել
1204 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում