Բաղրամյան 26-ի հետ լիազորություններն էլ կտրվի՞ նախագահին. փոփոխության մասին խոսք չկա

Հունիսի 28-ի կառավարության նիստի ժամանակ վարչապետ Նիկոլ Փաշինյանն արեց հայտարարություն, որն առաջին հայացքից խոսում էր այն մասին, թե սկսվում է սուպերվարչապետական համակարգի «խարխլման» գործընթացը:  Վարչապետ Նիկոլ Փաշինյանը հայտարարեց, որ առաջիկայում Բաղրամյան 26-ի նստավայրը վերադարձվելու է ՀՀ նախագահին: Նիկոլ Փաշինյանը, մասնավորապես, նշեց, որ առնվազն տարօրինակ է, երբ  վարչապետը երկու շենքում է տեղակայվում: Նա նաեւ ընդգծեց, որ չի մոռացել իր նախկին քննադատությունները, երբ հանդես է եկել ընդդիմության ճամբարից:

«Կարծիքներ են հնչում, թե հայտնվել են կառավարությունում եւ մոռանում են, թե ինչն են քննադատել ժամանակին: Այն՝ ինչ քննադատել ենք, իրականություն կդարձնենք եւ կարծում եմ, որ հարցերին ոչ թե անձնավորված մոտեցում պետք է ցուցաբերել, այլ՝ ինստիտուցիոնալ»,- ասաց նա:

Վարչապետի փոխանցմամբ՝ ժամանակի ընթացքում Բաղրամյան 26-ի նստավայրը կվերադարձնեն նախագահի աշխատակազմին: Սակայն, որեւէ հստակ ժամանակահատված չնշվեց: Նա շեշտեց, որ ներկայում արարողակարգային խնդիր կա լուծելու: «Օրակարգային պարտականություններ կան եւ քանի որ Սահմանադրությամբ վարչապետն է պետության ղեկավարը, օրակարգային որոշ հարցեր կապված են շենքային պայմանների հետ, պետք է ուսումնասիրել, թե ինչպես ենք այդ խնդիրը լուծելու»,-մասնավորապես ասաց նա:

Փաշինյանի այս խոսքերից կարելի է ենթադրել, որ միայն Բաղրամյան 26-ն է վերադարձվում նախագահին, իսկ այն լիազորությունները, որ Սահմանադրական փոփոխությունների արդյունքում «գողացվել են» նախագահից, մնալու են կրկին վարչապետին: Համենայնդեպս, նրա հայտարարությունից, որ հարցեր կան՝ կապված շենքային պայմանների հետ եւ պետք է ուսումնասիրել, թե ինչպես են այդ խնդիրը լուծելու, ստացվում է, որ սուպերվարչապետական համակարգը դեռ առաջիկայում էլ կպահպանվի: Այս խոսքերից ենթադրելի է դառնում, որ ցանկություն կա կառավարության շենքում ստեղծել արարողակարգային ատրիբուտներ:

Այնուհանդերձ, հիշենք, որ նախկինում սուպերվարչապետական համակարգը թունդ քննադատության էին ենթարկում նախկին ընդդիմադիր ԵԼՔ խմբակցության պատգամավորները: Մասնավորապես, Նիկոլ Փաշինյանը, խոսելով այն մասին, որ նախագահի լիազորություններն այնքան են սահմանափակել եւ թույլ չեն տալու նստավայրը լինի Բաղրամյան 26-ը, ասել էր.

«Սերժ Սարգսյանը մտածում է, որ Արմեն Սարգսյանը «կաժդիյ դեն Իշտոյանա վիդել», Անգլիայի թագուհուն, Բելգիայի արքայադստերը, էն մեկին, մյուսին, կարող է ընթացս սկսի լուրջ վերաբերվել երկրի պետության գլխի իր կարգավիճակին, դրա համար ասում է` տղեք, դավայ, թեւերը կտրեք: Ներման հարցում նախագահը ո՞վ է, որ ների, ես կասեմ` կների՞, թե՞ չէ: Արդյունքում կբերեն, կասեն, արդեն սկսել են, որ դու նույնիսկ Բաղրամյան 26-ում` նախագահական նստավայրում չես նստելու: Քեզ եվրոռեմոնտ թազա կվարտիրա կտանք, այդտեղ նստի եւ ժպտա, շարունակաբար ժպտա, իսկ այդ ընթացքում մենք կիրականացնենք ինստիտուցիոնալ լրջագույն բարեփոխումներ»,- փետրվարի 8-ին ԱԺ-ի ելույթի ժամանակ հայտարարել էր ԵԼՔ խմբակցության ղեկավար Նիկոլ Փաշինյանը:

Փաշինյանը եւ ԵԼՔ-ի մյուս պատգամավորները բազմիցս են հայտարարել, որ օրենսդրական փոփոխությունները չեն եղել ինստիտուտների համար, այլ եղել են անձերի համար: Մասնավորապես, Սերժ Սարգսյանի: Օրինակ, ներկայում առաջին փոխվարչապետ Արարատ Միրզոյանը «Ներման մասին» օրենքի քննարկման ժամանակ ԱԺ-ից հայտարարում էր. «Պետք է արձանագրել, որ այս օրենքն այն օրենքների շարքից է, որտեղ Անվտանգության խորհրդի կազմից հանվում է ԱԺ նախագահը, կառավարության նիստերն անցկացվելու են դռնփակ, եւ նախարարներին արգելվում է օրինակ իր իսկ ոլորտի օրենքի նախագծի շուրջ մեկնաբանություն տալ: Չորս ծառայություն դրվում է վարչապետի ենթակայության տակ եւ դուրս է բերում ԱԺ եւ կառավարության կոլեգիալ կազմից: Մենք գնում ենք սուպերվարչապետական, միահեծան համակարգի, ավելի ճիշտ՝ մենք չենք գնում, դուք եք տանում»,-ասել էր նա` դիմելով իշխող ՀՀԿ-ին:

Նա նաեւ նշել էր, որ փորձն է արվում իշխանությունը գերկենտրոնացնել վարչապետի շուրջ: «Վարչապետի լիազորությունների ընդլայնումը աղետալի է լինելու մեր երկրի համար եւ համատեղելի չէ ժողովրդավարության հետ»:

Ընդդիմությունից իշխանություն դարձած Փաշինյանը բազմիցս է հայտարարել այն մասին, որ պետք է վերացնի սուպերվարչապետական համակարգը: Սակայն օրենսդրական փոփոխությունների հստակ ժամանակահատված չի նշվել, չի ասվել նաեւ, թե երբ են սկսում օրենքների նածագծերի մշակումը:

«Ես արդեն ասել եմ, որ սուպերվարչապետական համակարգ պետք է չլինի, եւ մենք կաշխատենք այդ ուղղությամբ»,- մասնավորապես, ասել էր Փաշինյանը՝ Ստեփանակերտում ՀԺ-ի հարցին ի պատասխան:

Այնուհանդերձ, սուպերվարչապետությունը «վնասազերծելու» առումով եղել են ոչ մասշտաբային քայլեր: Մասնավորապես, կառավարության նիստերը դարձել են դռնբաց, նախարարները ստացել են խոսքի ազատություն, ինչպես նաեւ երկրի ղեկավարն է դարձել ավելի հասանելի:

Տպել
4751 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ