ՀՀԿ-ական պատգամավորները հայտարարում են, որ «նադաել են եղել», ուզում են ԱԺ-ն շուտ լուծարվի

Հայաստանի Հանրապետական կուսակցությունում արշալույսները շարունակում են խաղաղ չլինել: Իրավիճակը, հատկապես սրվել է ԱԱԾ վերջին բացահայտումներից հետո: Մասնավորապես, ՀՀԿ-ականների համար ճակատագրական են եղել Մանվել Գրիգորյանի հետ կապված Ազգային անվտանգության ծառայության սկանդալային բացահայտումները: Բանն այն է, որ «զինվորի բաժինը» գեներալ Մանվել Գրիգորյանի ամառանոցում գտնելուց հետո, ՀՀԿ-ականները խեղճացել են, այլ կերպ ասած՝ «լեզուները կարճացել» է: Արդյունքում ՀՀԿ-ականները նոր կառավարությանը քննադատելիս դարձել են զգուշավոր, քանի որ մտավախություն ունեն, որ որպես պատասխան իրենց էլ մատնացույց են արվելու իրենց իշխանության օրոք տեղի ունեցած եւ հիմա բացահայտվող աղմկալի սկանդալները:

ՀՀԿ-ական պատգամավորներից մեկը «Հայկական ժամանակ»-ի հետ մասնավոր զրույցում նշեց, որ կուսակցությունը «կոտրված» է, սակայն քաղաքական թիմի որոշ առանցքային դեմքեր իրենց ցանկությամբ շարունակում են այնպիսի հայտարարություններով հանդես գալ, թե իբր ՀՀԿ-ի գործերը լավ են: Իրականում, այս կուսակցությունում քայքայման լայնամասշտաբ գործընթաց է սկսվել:

ՀՀԿ Գործադիր մարմնի նիստերը Սերժ Սարգսյանի հրաժարականից հետո դարձել են անիմաստ, իսկ ահա Մանվել Գրիգորյանի հետ կապված աղմուկից հետո դրանք տեղի են ունենում ձեւական: Հավաքվում են կազմի մի քանի անդամներ՝ ընդամենը ցույց տալու համար, որ իրենք դեռ գոյատեւում են: ԳՄ-ի գործարար թեւի ներկայացուցիչները հարկ չեն համարում նիստերին ներկայանալ:

Այն, որ ՀՀԿ ԳՄ-ի նիստերը պասիվացել են եւ այլեւս նախկինի նման չեն համարվում քաղաքական թիվ մեկ իրադարձություններից մեկը, չեն հերքում նաեւ ՀՀԿ-ականները: Մասնավորապես, ՀՀԿ խոսնակ, ԱԺ փոխնախագահ Էդուարդ Շարմազանովը, պատասխանելով ՀԺ-ին, թե ինչու՞ են նիստերը թաքուն անում, այսինքն՝ իր մշտական ճեպազրույցները չեն լինում, պատասխանեց.

«Թաքունը ո՞վ է անում: Մինչեւ հիմա բացի Հանրապետական կուսակցությունից էլ ո՞ր կուսակցության նիստերն եք լուսաբանել: Ուրեմն, պետք է ասենք, որ հիմա իշխանությունը իր կուսակցական նիստերը թաքու՞ն է անում: Նախկինում իշխանություն ենք, իսկ հիմա իշխանություն չենք: Նախկինում շատ բաներ կախված էին մեր քայլերից, իսկ հիմա կա գործող իշխանություն, որն իրականացնում է ե՛ւ ներքին, ե՛ւ արտաքին քաղաքականությունը»,- ասաց նա:

Այն դիտարկմանն էլ, որ ՀՀԿ-ն Մանվել Գրիգորյանի հետ կապված աղմուկից հետո վերջնականապես տապալվել է, Շարմազանովը մեկնաբանեց. «Հայաստանի Հանրապետական կուսակցությունը քաղաքական ուժ է եւ շարունակելու է իր դերակատարումը Հայաստանի քաղաքական դաշտում: Ի՞նչ կարգավիճակով, ի՞նչ ծավալով, ի՞նչ ազդեցությամբ, դա կորոշի Հայաստանի ժողովուրդը»:

ՀՀԿ-ական մի քանի պատգամավորներ էլ նեղ շրջանակներում հայտարարում են, որ օր առաջ ցանկանում են Ազգային ժողովը լուծարվի, որպեսզի իրենք ազատվեն պատգամավորական մանդատից, քանի որ արդեն «նադաել են եղել»: Այս տեղեկությունները Էդուարդ Շարմազանովը որակեց խոսակցությունների մակարդակի լուրեր եւ ասաց.

«Ես նեղ շրջանակների խոսակցությունները չեմ մեկնաբանում, երբ փաստեր կլինեն, կխոսեմ, կմեկնաբանեմ, երբեք կարծիքները չեմ մեկնաբանել: Նման ցանկությունները քաղաքական կատեգորիա չեն: Արտահերթ ընտրությունների վերաբերյալ քաղաքական համաձայնություն կլինի քաղաքական ուժերի միջեւ, նաեւ Սահմանադրությունից ելնելով կկարգավորվի: Համենայնդեպս, կառավարությունն արտահերթ ընտրությունների ժամանակացույցի մասով իր ծրագրում նշել է մինչեւ մեկ տարի ժամկետ»,- ասաց ՀՀԿ խոսնակն ու նշեց, որ կառավարության այս ծրագրային կետի շրջանակներում Հանրապետական կուսակցությունում քննարկումներ չեն եղել:

ՀՀԿ-ում վիճակն այնքան ճգնաժամային է, որ դեռ չեն շտապում խորհրդի նիստ հրավիրել եւ ընտրել կուսակցության առաջին փոխնախագահին: Էդուարդ Շարմազանովը մեր զրույցում ասաց, որ առաջիկայում կուսակցության խորհրդի նիստ չի նախատեսվում:

Տպել
18485 դիտում

Թեհրանը շարունակում է մնալ Երեւանի կողքին․ Միրզոյանն ընդունել է ՀՀ-ում Իրանի դեսպանին

Ավարտվել է «Եվրատեսիլ 2019» հայաստանյան երգի հայտերի ընդունման փուլը

Մենք հանրության կողմից պահանջված գործառույթները չենք կրճատում. Վարազդատ Կարապետյան

ԱՄՆ-ում ՀՀ դեսպան Ներսեսյանը հանդիպել է կոնգրեսական Ջիմ Քոսթայի հետ

Անշարժ գույքի շուկան 2018-ին ակտիվացել է․ գործարքների թիվն աճել է 13%-ով

Մխիթարյանը բաց կթողնի «Յունայթեդի» դեմ հանդիպումը

ՀՀ-ԵՄ ՀԸԳ համաձայնագրի իրականացման ընթացքը քննարկվել է Ռիգայում․ դեսպանի հանդիպումը

Նունե Սարգսյանը շրջայց է կատարել «Բարի տնակ» բարեգործական ժամանակավոր կացարանում

Գյուղատնտեսության, զբոսաշրջություն, ենթակառուցվածքներ․ ՀՀ-ն ու Նիդեռլանդները նախանշել են համագործակցության ոլորտները

Նիկոլ Փաշինյանը Դավոսում հանդիպումներ է ունեցել Շվեյցարիայի, Ռուանդայի, Ուկրաինայի նախագահների հետ

Դա շատ լավ որոշում է, եթե այս գներով լինի, ապա մեր գրպանն էլ կթեթեւանա. Հովհաննիսյան

Ամենաբարդը Պետրոսյանի հետ պարտիան էր. Փաշիկյանը՝ ՀՀ շախմատի առաջնության պայքարի մասին

Արտերկրում ապրող կենսաթոշակառուները չեն կարողանում իրացնել իրենց իրավունքները. բաց նամակ վարչապետին եւ ՄԻՊ-ին

Երբ մի աղջկա շատ էր հավանում՝ նրան «գուլո ջան» էր ասում. Քոչարի որդիները պատմում են հանճարի մասին

Արթուր Մեսչյանը մտադիր է Երեւանի գլխավոր ճարտարապետի պաշտոնում աշխատել ընդամենը 2-2.5 տարի

«Գեոպրոմայնինգ Գոլդ» ընկերությունն ու Գեղարքունիքի մարզպետը քննարկել են համագործակցության հնարավորությունները

Փրկարարները կանխվել են քաղաքացու ինքնահրկիզման փորձը․ ԱԻՆ

Երեւանում կկառուցվի մետրոյի 2 կայարան եւ ճոպանուղի. քննարկումներ՝ իտալական եւ շվեյցարական կազմակերպությունների հետ

Թինա Կանդելակին հանդիպել է Նիկոլ Փաշինյանի հետ (տեսանյութ)

ՌԴ-ում ՀՀ պետհամարանիշով միկրոավտոբուսի մասնակցությամբ ավտովթար տեղի չի ունեցել․ դեսպանատուն