150 հազար վարորդ 13.7 մլրդ դրամի տույժ ու տուգանք ունի. ԱԺ-ն քննարկում է համաներման հարցը

ՀՀ կառավարության առաջարկով հրավիրված ԱԺ արտահերթ նիստում առաջարկում է քաղաքացիներին ազատել մինչեւ 2017 թվականի դեկտեմբերի 31-ը կիրառված ու չվճարված տուգանքներից: Խոսքը, մասնավորապես, վարորդների կատարած խախտումներին է վերաբերվում: Նախագիծը զեկուցող արդարադատության նախարար Արտակ Զեյնալյանը հայտնեց, որ նախագիծը վերաբերում է 13.7 մլրդ դրամի տուգանքների ու տույժերի եւ տարածվելու է 150 000 մարդու վրա:

«Նրանք, ովքեր մինչեւ 2017թ.-ի դեկտեմբերի 31-ը չեն կարողացել տուգանքը վճարել, նրանց հաշիվների վրա կալանք է կիրառվել, եւ նրանք չեն կարողանում օգտվել այլ ծառայություններից, մասնավորապես` վարկեր ստանալ եւ այլն: Մենք կարծում ենք, որ այս համաներումը բավականին կբարելավի մեր քաղաքացիների սոցիալ-տնտեսական եւ բարոյահոգեբանական վիճակը»,- ասաց Զեյնալյանը:

Նախագծով՝ չվճարված տուգանքներից ազատվում են նշված ժամանակահատվածում տուգանված բոլոր անձինք` բացառությամբ այն դեպքերի, եթե Ճանապարհային երթեւեկության տվյալ խախտման փաստով հարուցվել է քրեական վարույթ եւ գործը չի կարճվել անմեղության հիմքով:

Արտակ Զեյնալյանը նշեց այն իրավախախտումները, որոնց վրա չի տարածվի օրենքը։ Թվարկվածների մեջ ներառված չեն առանց համապատասխան թույլտվության տրանսպորտային միջոցի վրա կարմիր ու կապույտ լուսային ազդանշանով առկայծող փարոսիկներ, հատուկ ձայնային ազդանշաններ արձակելու սարքավորումներ տեղադրելը, ինչպես նաեւ օպերատիվ ծառայությունների տրանսպորտային միջոցների համար նախատեսված գունածածկապատկերներ օգտագործելը, առանց հաշվառման համարանիշի կեղծված կամ փոխարինված հաշվառման համարանիշով տրանսպորտային միջոցներ վարելը, տրանսպորտային միջոցը տնօրինողի կողմից հաշվառման համարանիշն այլ անձին հանձնելը, ոչ սթափ վիճակում մեքենա վարելը, ոստիկանի «կանգ առ» ազդանշանին չենթարկվելը, առանց ԱՊՊԱ կտրոնը փակցնելու երթեւեկելը:

ՀՀԿ-ից Հայկ Բաբուխանյանն էլ հարց բարձրացրեց՝ որքանո՞վ է արդար ճանապարհային երթեւեկության կանոնների խախտման համար տուգանքներ ստացած անձանց նկատմամբ համաներում կիրառել, երբ մի շարք այլ մարդիկ վճարել են այդ նույն տուգանքները:

«Կա արդարության մասին պատկերացում: Որքանո՞վ է արդար, որ մարդկանց մի մասը տուգանքները վճարել են, օրինապաշտ են եղել, շատ անգամ վճարել են ոչ արդար տուգանքների համար, իսկ այն մասը, որը տուգանքները չի վճարել, հիմա ազատվում է դրանք վճարելուց: Որքանո՞վ է սա արդարացի»,- դիմելով արդարադատության նախարար Արտակ Զեյնալյանին հարցրեց պատգամավորը:

Նախարարը պատասխանեց, որ հարցը հավերժական է: Նա նշեց, որ հարցին պատասխան պետք է տրվեր այն ժամանակ, երբ ընդունվում էր Սահմանադրությունը, որով սահմանվում է համաներման իրավունքը:

«Արդյո՞ք համաներմամբ չի խախտվում նրանց իրավունքը, ովքեր համաներման չեն ենթարկվում: Սա հավերժ հարց է»,- նշեց արդարադատության նախարարը:

Ազգային ժողովը շարունակում է քննարկել ճանապարհային երթեւեկության կանոնների խախտման համար տուգանված անձանց համաներում իրականացնելու հարցը:

Պատգամավորներին հետաքրքիր է՝ արդյո՞ք չէին կարողանալու գանձել այդ տուգանքները, որ համաներում են կիրառում:

«Ո՞ր մասն էր այդ տուգանքների անհուսալի: Մարդիկ կա՞ն, որ չեն աշխատում, գույք չունեն, չեն կարող վճարել: Չե՞ք կարծում, որ այս ամենն առաջացել է՝ հաշվի առնելով միջին աշխատավարձերի մակարդակը: Տուգանքներն աշխատավարձերի համեմատ բարձր են, պետք է արմատապես վերանայել»,- ասաց ԱԺ փոխնախագահ Միքայել Մելքումյանը:

Արդարադատության նախարար Արտակ Զեյնալյանն ասաց, որ կառավարությունը վճռական է՝ լրջագույն բարեփոխումներ իրականացնելու ոլորտում: «Որոշակի սղագրումներ կան, ուսումնասիրում ենք: Տարբեր երկրներում տարբեր մոտեցումներ կան. մի տեղ ցածր է, մի տեղ խիստ ու ծանր են: Ճշգրիտ տվյալներ ներկայացնել հնարավոր չէ, ռեգիստր չի վարվել»,- ասաց Արտակ Զեյնալյանը:

ԵԼՔ խմբակցության պատգամավոր Ալեն Սիմոնյանն էլ պարզաբանեց՝ մարդիկ չեն կարողանում վճարել, նրանց վարկային պատմությունը փչանում է, կալանք է դրվում հաշիվների վրա, եւ պետությունը չի էլ կարողանալու վերցնել այդ գումարները նրանցից:

Արտակ Զեյնալյանն արձագանքեց, որ այն պահի դրությամբ, երբ որեւէ մեկը խախտել է ճանապարհային երթեւեկության կանոնները, դրա համար տուգանվել է, որեւէ մեկի մտքով չէր կարող անցնել, որ ապագայում համաներում է լինելու:

«Սա բացառիկ երեւույթ է, օրինաչափություն չէ: Այո, սա ուղղված է վարկային պատմությունները վերականգնելուն»,- ասաց նախարարը:

Տպել
4157 դիտում

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը