Երևան
29 °C
searchclose
today
menuclose
Երևան
29 °C
Ռոբերտ Քոչարյանը մեդիամագնատ դառնալու հայտ է ներկայացրել: Սոցիալական ցանցերում տեղեկություն տարածվեց, որ 2-րդ նախագահը «առել է» Արարատ, ԱրմՆյուզ հեռուստաընկերությունները, BlogNew.am, News.am, Panorama.am լրատվական կայքերը: Միանշանակ պարզ է, որ Քոչարյանին ձեռնտու է ունենալ լսարան ունեցող լրատվամիջոցներ, որոնցով կփորձի հասարակական կարծիք ձեւավորել: Քոչարյանը ԶԼՄ-ների տեր դառնալու ցանկություն հայտնեց այն ընթացքում, երբ Մարտի 1-ի գործով կալանավորվեց: Ասել է, թե Քոչարյանը, որ փորձում է ներկայանալ որպես «քաղբանտարկյալ», որոշել է իր միլիարդները ծախսել իշխանություններին վարկաբեկելու ուղղությամբ:
Հեռուստատեսության եւ ռադիոյի ազգային հանձնաժողովից «Հայկական ժամանակ»-ին փոխանցեցին, որ 2018 թվականի օգոստոսի 10-ից Արարատ հեռուստաընկերությունն անցել է քոչարյանամերձ գործարարներից մեկին: Խոսքը Արմեն Թավադյանի մասին է:
«Դա բաց աղբյուրներից ստացված տեղեկատվություն է: Այստեղ որեւէ գաղտնիք չկա: Ելնելով նոր սեփականատիրոջ՝ Արմեն Թավադյանի անունից, հետեւելով նրա անվան հետ կապվող կազմակերպությունների եւ բիզնեսների անուններին, որոնք կապվում են Ռոբերտ Քոչարյանի անվան հետ, հիմք են տալիս այդպես մտածելու: Մեր մոտ հիմնովին կասկածներ կան, որ դա կապ ունի Քոչարյանի հետ»,- «Հայկական ժամանակ»-ի հետ զրույցում ասաց ՀՌԱՀ անդամ Տիգրան Հակոբյանը:
Նա միաժամանակ տեղեկացրեց, որ առաջին դեպքն է, երբ հեռուստաընկերության սեփականատեր է փոխվում, բայց հանձնաժողովը չի տեղեկանում այդ մասին: ՀՌԱՀ անդամ Տիգրան Հակոբյանը ՀԺ-ի հետ զրույցում ասաց, որ օրենքով հեռուստաընկերության սեփականատերը պարտավոր չէ հանձնաժողովին տեղեկացնել հեռուստաընկերության սեփականատիրոջ փոփոխության մասին: Սակայն նախկինում իշխանությունների կողմից ոչ օրինական պահանջ է եղել, որ պարտադիր ներքին կարգով տեղեկացվի: Նրա փոխանցմամբ՝ հեռուստաընկերությունը պարտավոր է հանձնաժողովին տեղեկացնել գործադիր տնօրենի փոփոխության մասին: Սակայն Արարատ ՀԸ-ի հետ կապված հանձնաժողովը տեղեկություն դեռ չի ստացել:
«Եթե չեմ սխալվում՝ մեզ պետք է տեղյակ պահեն հինգ օրվա ընթացքում: Մենք դեռ որեւէ թուղթ չենք ստացել, բայց, անպայման ստանալու ենք: Դա բաց տեղեկատվություն է»,- ասաց Հակոբյանը:
ՀՀ կառավարության պետական ռեգիստրի կայքում հրապարակված տեղեկատվության համաձայն՝ «Արարատ» հեռուստաընկերության ամբողջ բաժնետոմսերն այժմ պատկանում են Արմեն Թավադյանին: Հղում անելով նույն կայքին՝ ՀՌԱՀ-ից փոխանցեցին, որ նախկինում հեռուստաընկերության սեփականատերերն են եղել ՀՀԿ-ական պատգամավոր Արման Սահակյանը՝ 67 տոկոս բաժնեմասով եւ Ալեքսանդր Հարոյանը՝ 33 տոկոս բաժնեմասով: Օգոստոսի 10-ից բաժնետոմսերի 100 տոկոս սեփականատերը Թավադյանն է:
Վերջինս քոչարյանամերձ շրջապատից է համարվում, քանի որ ըստ մամուլի հրապարակումների՝ նա բաժնեմաս ունի Քոչարյանի ընտանիքի հետ կապվող «Արդշինբանկի» «Նուռ քարտ» վարկային ծրագրում:
Ի դեպ, Արարատ ՀԸ-ն մինչեւ օգոստոսի 10-ի առքուվաճառքը պատկանում էր ՀՀԿ-ին: ՀԺ-ին տեղեկություններ հասան այն մասին, որ հեռուստաընկերությունը Ռոբերտ Քոչարյանին անցնելուց հետո այն ղեկավարելու է Հ1-ի լրատվական ծրագրերի նախկին ղեկավար Հարություն Հարությունյանը: Այս տեղեկությունը Հարությունյանից հնարավոր չեղավ ճշտել, քանի որ նրա հեռախոսահամարն անհասանելի էր, իսկ Արարատ ՀԸ մեր զանգերը մնացին անպատասխան:
Անդրադառնալով Արմնյուզին, նշենք, որ ՀՌԱՀ-ից փոխանցված տեղեկատվության համաձայն՝ այս հեռուստաընկերությունում բաժնետերերի փոփոխություն չի եղել: 100 տոկոս սեփականատեր համարվում է Արմեն Պողոսյանը:
Վերջին շրջանում ջերմ կապեր են հաստատվել ՀՅԴ-ին պատկանող «Երկիր Մեդիա» հեռուստաընկերության եւ Ռոբերտ Քոչարյանի միջեւ: Քոչարյանը իր կարեւոր հայտարարություններն անում է հենց այս հեռուստաընկերությամբ: Հեռուստատեսության եւ ռադիոյի ազգային հանձնաժողովի իրավաբան Դավիթ Մարգարյանը ՀԺ-ին փոխանցեց, որ այս ՀԸ-ում եւս բաժնետերերի փոփոխություն չի եղել: «Երկիր Մեդիա»-ում 24.9 տոկոս բաժնետոմս ունի Արսեն Մանուկյանը, մոտ 17 տոկոս՝ Նարինե Ասատրյանը եւ եւս մի քանի հոգի ունեն 8-ական տոկոսներ:
Ռոբերտ Քոչարյանի հետ է կապվում նաեւ Հայկական երկրորդ հեռուստաալիքը եւ Yerevan.today կայքը, որը մինչեւ Քոչարյանի շուրջ տեղի ունեցող աղմուկը վերազինվեց նոր կադրերով:
Հ2-ի բաժնետոմսերը 2003-ից պատկանում են Նատալիա Մարտինյանին եւ Սամվել Մայրապետյանին՝ յուրաքանչյուրին 50 տոկոս: ՀՌԱՀ-ից փոխանցեցին, որ գործադիր տնօրենը Մայրապետյանն է: Նա Քոչարյանին հավատարիմ մարդկանցից է, ղեկավարում է նաեւ Քոչարյանի որդիներին պատկանող «Տոյոտա-Երեւան» ընկերությունը:
ՀՌԱՀ անդամ Տիգրան Հակոբյանը ՀԺ-ի հետ զրույցում ասաց, որ հնարավոր է փոխվի խմբագրական քաղաքականություն թելադրողը, սակայն բաժնետերերը մնան նույն մարդիկ:
Անդրադառնալով News.am կայքին, նշենք, որ գործակալության գլխավոր խմբագիր Արմենիկա Կիվիրյանը ՀԺ-ի հետ զրույցում առաջարկեց իրեն զանգել մեկ ժամ անց, սակայն մեր մյուս զանգերին նա այդպես էլ չպատասխանեց: Պետռեգիստրի կայքի համաձայն՝ News.am-ի սեփականատերն Արմենիկա Կիվիրյանն է, նախկինում համասեփականատեր է եղել նաեւ Աշոտ Մանուկյան անունով քաղաքացին, սակայն աղբյուրի համաձայն՝ նա այլեւս կապ չունի լրատվամիջոցի հետ:
Blognews.am կայքը Միքայել Մինասյանին պատկանող ՊանԱրմենինա հոլդինգում էր, սակայն, Քոչարյանի հայտնվելուց հետո կայքը հանվեց հոլդինգի կազմից, իսկ որոշ ժամանակ անց շրջանառվեց տեղեկություն, որ այն գնվել է Քոչարյանի կողմից: Պետռեգիստրի կայքի համաձայն՝ այս լրատվամիջոցի սեփականատերը միայն Կարեն Անտինյանն է:
Panorama.am-ն էլ մինչեւ Քոչարյանի անվան հետ կապվելը պատկանում էր ԱԺ աշխատակազմի ղեկավար Արա Սաղաթելյանին: Սակայն նշենք, որ պետռեգիստրի կայքի համաձայն՝ Panorama.am-ի սեփականատերերը շարունակում են մնալ Արա Սաղաթելյանը եւ Մարինա Մանուկյանը: ՀԺ-ն փորձեց Սաղաթելյանից ճշտել՝ արդյո՞ք իր այս կայքն արդեն Քոչարյանի «տիրապետության» տակ է, բայց չհաջողվեց: ԱԺ աշխատակազմից փոխանցեցին, որ նա երկրում չէ:
Ժուռնալիստների «Ասպարեզ» ակումբի խորհրդի նախագահ Լեւոն Բարսեղյանը ՀԺ-ի հետ զրույցում նշեց՝ Քոչարյանի եւ նրա թիմի ընտրած պայքարի մեթոդը հնացած է:
«Իրենց թվում է, թե այդ քարոզչական մեքենաներով կարող են մեղադրանքներն իրենց վրայից հանել: Իրականում սա ոչ մի արդյունք չի տալու: Որոշ մարդիկ փող են աշխատում, թող աշխատեն: Ուրիշ առանձնահատուկ բան չկա: Իր մոտեցումը հնացած է, որովհետեւ ասելիքն առանց լրատվամիջոցների էլ տեղ է հասնում շատ արագ: Քարոզչության տեսանկյունից, որ դրական կերպար ստեղծեն իր անվան շուրջը, ոչ մի օգուտ էլ չի տալու»,- նման կարծիք հայտնեց Բարսեղյանը:
Վերջին շրջանում ֆեյսբուք սոցիալական ցանցում շատացել են նաեւ կեղծ էջերն ու օգտատերերը, որոնք փորձում են Ռոբերտ Քոչարյանին ներկայացնել դրական լույսի ներքո: Լեւոն Բարսեղյանի խոսքով՝ նրանց կարծիքը որեւէ ազդեցություն չի կարող ունենալ:
«Ֆեյքերի մեջ որեւէ վտանգավոր բան չկա: Մի բան է, որ հանրահայտ մարդն է քննադատական խոսք ասում եւ բոլորովին այլ բան է, որ ֆեյքն է ասում: Ֆեյքի ասածը չասածի հաշիվ է: Եթե ինքը վճարում է ֆեյքերի համար, ապա իրեն համոզել են, որ փող կթեն»,- եզրափակեց Լեւոն Բարսեղյանը:
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
