ՊՊԾ գնդի գրավման ժամանակ սպանված ոստիկանների հարազատները չեն ուզում հանդիպել Սասնա ծռերին

ՊՊԾ գնդի գրավման օրերին սպանված երեք ոստիկանների՝ Արթուր Վանոյանի, Յուրի Տեփանոսյանի եւ Գագիկ Մկրտչյանի հարազատները չեն ցանկանում հանդիպել «Սասնա ծռերի» անդամներին: Այս մասին «Հայկական ժամանակ»-ի հարցին ի պատասխան ասացին ոստիկանների հարազատները՝ անդրադառնալով Ժիրայր Սեֆիլյանի եւ Վարուժան Ավետիսյանի՝ երեկ հրավիրած ասուլիսի ժամանակ հնչեցրած այն մտքին, որ իրենք պատրաստ են հանդիպել զոհերի հարազատների հետ, եթե վերջիններս ցանկություն ունենան:

ՊՊԾ գնդի գրավման ժամանակ հրազենային ծանր վնասվածքներ ստացած եւ մի քանի օր հետո հիվանդանոցում մահացած ՊՊԾ գնդի հերթապահ ծառայության հերթապահի օգնական Գագիկ Մկրտչյանի մայրը՝ տիկին Անահիտը, վրդովված է Հիմնադիր խորհրդարանի անդամների ասուլիսից. «Անհարմար չեն զգու՞մ: Ես անընդհատ ասում եմ, որ էս դաշտը մոլախոտերից պետք է մաքրվի, որպեսզի բույսերն աճեն, իսկ նրանք նորից մոլախոտեր են ուզում մտցնեն, կուսակցություն կազմեն: Դա ճիշտ է՞: Դահիճների կուսակցություն գոյություն ունի՞: Ես շատ վրդովված եմ, ամբողջ գիշեր չեմ քնել՝ նայելով էդ ասուլիսը»,- մեր զրույցում հայտարարեց տիկին Անահիտը:

Մեր հարցին՝ թե ինքը եւ Գագիկ Մկրտչյանի կինը չե՞ն ուզում հանդիպել ու խոսել «Սասնա ծռերի» հետ, տիկին Անահիտը պատասխանեց, որ իրենք ոչ մի դեպքում նման ցանկություն չունեն. «Եւ եթե ոչ մի դատական պատիժ չքննարկեն, ես պատրաստ եմ անգամ եվրոդատարան բողոքել, մինչեւ կյանքիս վերջը: Նրանք պիտի պատժվեն: Ի՞նչ կուսակցություն: Իմ անմեղ երեխուն հանկարծակի մտնեն ու կրակեն, ինչի՞ համար: Իրենք արեւերես ապրեն, իմ երեխեն գնա կորի իրենց ձեռքով, անիմաստ մահո՞վ: Հիվանդ չէր, ուժեղ տղա, լավ, բարեխիղճ ծառայում էր իր հայրենիքին: Ինչի՞ համար պիտի հանդիպենք: Ոչ մի դեպքում: Նրանք նույնիսկ պիտի անհարմար զգան, որ նման բան են մտածում: Համաձայն չեմ, ես բողոքելու եմ մինչեւ վերջ»:

Տիկին Անահիտը անդրադարձավ նաեւ «Սասնա ծռեր» խմբի անդամ Պավել Մանուկյանի այն հայտարարությանը, որ Գագիկ Մկրտչյանին պատահաբար կրակել է ոչ թե Արմեն Բիլյանը, այլ Էդվարդ Գրիգորյանը: Տիկին Անահիտի խոսքով՝ այդ հայտարարությունը շոու է. «Մի օր էս մարդը, մի օր՝ էն մարդը: Ինչի՞ համար են ուզում մարդ սպանողին ազատել: Ինչի՞ համար: Միշտ էլ հետեւում եմ, նայում եմ, տեղյակ եմ: Նրանք ամեն կերպ ուզում են ազատության մեջ տեսնել սպանողին, ուրիշի վրա են գցում: Բոլորովին չեմ հավատում Պավլիկի խոսքին: Իմ տղան առաջին մի քանի օրը շատ լավ ա զգացել, պատմել ա: Մենք ամեն ինչ էլ գիտենք՝ ոնց ա եղել, ինչ ա եղել: Մտել են, էդ քրջերը կապած իրենց անուղեղ գլխներին, մտել են, սկի մի մետր էլ չի եղել, ասել են՝ ինչի՞ չէիր բացում դուռը ու կրակել են: Թող մեղքն ուրիշի վրա չգցեն: Էնպես չի 100 տարեկան ենք, ոչինչ չենք հասկանում: Ամեն ինչ էլ հասկանում ենք»,- մեր զրույցում վրդովված ասաց Գագիկ Մկրտչյանի մայրը՝ տիկին Անահիտը:

Այս պահին «Սասնա ծռեր» խմբի 10 անդամից կալանքի տակ են գտնվում են Պավել Մանուկյանը, Արմեն Բիլյանը եւ Սմբատ Բարսեղյանը:

Արմեն Բիլյանն ու Սմբատ Բարսեղյանը մեղադրվում են ոստիկանների սպանության մեջ: Մասնավորապես՝ Արմեն Բիլյանը մեղադրվում է ոստիկան Գագիկ Մկրտչյանի սպանության, իսկ Սմբատ Բարսեղյանը՝ Արթուր Վանոյանի եւ Յուրի Տեփանոսյանի սպանության մեջ: Առաջադրված մեղադրանքներում նրանք իրենց մեղավոր չեն ճանաչում:

Տպել
4016 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր