Որոշ ձեւակերպումներ այդքան էլ ճշգրիտ չեն եղել. Փաշինյանը՝ Հայկ Մարությանի խոսքերի մասին

ԱԻՆ հիմնադրման 27-րդ տարվա առիթով կազմակերպված միջոցառման ժամանակ ՀԺ-ի լրագրողը վարչապետին խնդրեց մեկնաբանել ՔՊ-ի քաղաքապետի թեկնածու Հայկ Մարությանի խոսքերը՝ սեւերի եւ սպիտակների ճամբարների հետ կապված: Մասնավորապես, վարչապետից հետաքրքրվեցինք՝ արդյո՞ք Հայկ Մարությանի հայտարարությունը Սերժ Սարգսյանի «որքան ուզեմ՝ կխփեմ» ոճի մեջ չէր, երբ ասում է, որ մեր թիմի դեմ խաղ չկա:

«Ես կարծում եմ, թյուրըմբռնում կա: Հայկ Մարությանն էլ է ընդունել, որ որոշ ձեւակերպումներ այդքան էլ ճշգրիտ չեն եղել: Ես կարծում եմ, որ ցանկացած քաղաքական հայտարարություն պետք է տեղավորվի սիրո եւ համերաշխության հեղափոխության տրամաբանության մեջ: Մենք ավելի վառ գույների մասին պետք է խոսենք, քան սեւի ու սպիտակի»,- ասաց նա:

Նիկոլ Փաշինյանը, պատասխանելով հարցին, որ քաղբանտարկյալ Շանթ Հարությունյանը մամուլի ասուլիսի հնարավորություն է խնդրում, վարչապետն ասաց, որ արդարադատության նախարարին հանձնարարել է՝ օրենքով սահմանված կարգով հնարավորություն տալ:

Նիկոլ Փաշինյանը որեւէ տարօրինակ բան չի տեսնում այն հանգամանքում, որ սեպտեմբերի 2-ին ներկա չի եղել Արցախում: «Ես դրանից մեկ շաբաթ առաջ էի այնտեղ: Արցախի նախագահն ասաց, որ սա աննախադեպ իրավիճակ է, երբ ՀՀ ղեկավարը երեք ամսվա ընթացքում երեք անգամ լինում է Արցախում: Հայաստանն Արցախում շատ բարձր մակարդակով ներկայացված էր: Ներկա էր ՀՀ նախագահը, փոխվարչապետը, նախարարներ, անվտանգության խորհրդի քարտուղարը»:

ՀԺ-ի հարցին՝ Հովիկ Աբրահամյանի ներկայությունը տարօրինակ չէ՞, Նիկոլ Փաշինյանն ասաց. «Այդ հարցը պետք է ուղղել Արցախի իշխանություններին: Ես չեմ որոշում, թե Ստեփանակերտի միջոցառմանը ովքեր են մասնակցում»:

Պատասխանելով հարցին՝ Նիկոլ Փաշինյանն ասաց, որ վարչապետի պաշտոնում Մարտի 1-ի գործով ցուցմունք չի տվել, բայց պատրաստ է: Ինչ վերաբերվում է ԱԺ առաջիկա ընտրություններին Ռոբերտ Քոչարյանի մասնակցել-չմասնակցելուն, վարչապետը նշեց, որ օրենքով սահմանված կարգով ովքեր հնարավորություն կունենան՝ կմասնակցեն:

Տպել
3493 դիտում

Աշխատանքից ազատվել է բնապահպանության եւ ընդերքի տեսչական մարմնի ղեկավար Արթուր Գրիգորյանը

Վիժեցում  մայր թատրոնում

Զինծառայողը զորակոչվելուց 1.5 տարի անց զինծառայությանը ոչ պիտանի է ճանաչվել և վաղաժամ զորացրվել. ՀՔԱՎ

Մեծ Բրիտանիան վավերացրել է ԵՄ-Հայաստան համաձայնագիրը. մնաց 19 պետություն

Սկանդալ Երեւանում. մանկապարտեզի երեխաների սնունդը գողացել եւ տեղափոխել են ռեստորան

Աշոցքի դահուկասպորտի փառատոնին կմասնակցի Սվիտալսկին, գուցե նաեւ ՀՀ կառավարության անդամներ

Ընտրական հանցագործության համար ազատազրկմամբ պատիժ նշանակել. դատախազը և ՀՀ վերաքննիչ դատարանը համակարծիք են

Անընդունելի ենք համարում անհիմն ոտնձգությունները ՀՀ դիվանագիտական անձնակազմի նվիրված ծառայության նկատմամբ․ ԱԳՆ խոսնակ

Ավելի քան 90 մլն դոլար. ԵՄ-ն Վրաստանը դրամական փոխանցումներով առաջ է անցել Ռուսաստանից

Մարկ Գրիգորյանի դեմ նյութեր են նախապատրաստվում. ռադիոյի նոր ԺՊ-ն չի ցանկանում տնօրեն դառնալ

Սերգեյ Խաչատրյանը նշանակվել է հոգեբուժական կենտրոնի տնօրենի ԺՊ. մինչեւ տնօրեն մեկ քայլ է

Երջանկության նախագիծ. Հովիկ Չարխչյան

2 բնակարան, 1 առանձնատուն. ի՞նչ ունեցվածք ունի վերջերս ՀԱՀ-ի քոլեջի դեկան նշանակված նախկին փոխվարչապետը

5455 ապօրինի հատված ծառեր. «Հայանտառ»-ի աշխատակիցները կազմել են 278 արձանագրություն

Վահան Արծրունին ընտրվեց ԵՊԲՀ հոգաբարձուների խորհրդի նախագահ. Շուշան Դանիելյան

Ինչպե՞ս պաշտպանել էլեկտրոնային փոստերը հաքերներից եւ ի՞նչ մեխանիզմով են հաքերները դրանք կոտրում. պարզաբանում

Քոչարյանին կալանքի տակ պահելու ժամկետը երկարացնելու մասին դատարանի որոշումը դեռևս չի տրամադրվել պաշտպաններին

Թալանել են Երեւանում քաղաքապետարանի ճարտարապետի տունը. գողոնը կազմում է մի քանի միլիոն դրամ

Վերահսկողական ծառայության նախկին աշխատակիցը պատրաստ է միլիոնավոր դոլարների չարաշահումների փաստեր ներկայացնել վարչապետին

«Արմավիր» ՔԿՀ-ի դատապարտյալին հայտնաբերել են մահացած