Ժառանգությունն այն թիմն է, որն ամբողջացնելու է հեղափոխությունը. քարոզարշավը մեկնարկեց

«Դեպի նոր Երեւան, դեպի նոր մայրաքաղաք: Երեւանի իշխանությունը վերադարձվելու է ժողովրդին: Հուսով եմ եւ հավատացած, որ շարքային հայ մարդը, Երեւանի քաղաքացին կվստահի իր ընտրությանը, որովհետեւ այն քաղաքապետն ու ավագանին, որը դուք եք ընտրելու, պատկանում է ձեզ, ծառայելու է ձեզ»: Այս մասին այսօր նախընտրական քարոզարշավի մեկնարկին հայտարարեց Երեւանի ավագանու արտահերթ ընտրություններում «Ժառանգություն» կուսակցության քաղաքապետի թեկնածու Րաֆֆի Հովհաննիսյանը:

«Ժառանգություն» կուսակցության նախընտրական քարոզարշավը մեկնարկեց Երեւանի Շառլ Ազնավուրի անվան հրապարակից: Թեեւ քարոզարշավի առաջին օրը հրապարակը բազմամարդ չէր, այնուամենայնիվ, քաղաքապետի թեկնածու Րաֆֆի Հովհաննիսյանն ասաց, որ իրենք հայցելու են Երեւանի համաքաղաքացիների հստակ ու համատարած զորակցությունը.

«Մեր խնդիրն է, որ այսօրվանից մինչեւ սեպտեմբերի 23-ը Երեւանի քաղաքացիների մեծամասնությունն արտահայտի իր ընտրությունը: Ընտրեք ազա՛տ, ընտրեք արդա՛ր, որովհետեւ սա լինելու է նոր Երեւանի նոր քաղաքապետարան, նոր ավագանի, որն օր ու գիշեր բոլոր հարցերը լուծելիս հաշվետու է լինելու ձեզ: Եւ եթե ես՝ որպես քաղաքապետի թեկնածու, վայելեցի երեւանցիների մեծամասնության վստահության քվեն, ինձ համար մեծ պատիվ կլինի, որ ես Երեւանի հանրային ծառայողներից մեկը լինեմ: Ծառա, որ մինչեւ պաշտոնավարման ավարտ լինելու է քաղաքացիների կողքին»,- իր ելույթում ասաց Րաֆֆի Հովհաննիսյանը:

Նա քաղաքացիներին հորդորեց լսել քաղաքական բոլոր ուժերին, ապա կատարել իրենց ընտրությունը. «Լսեք բոլորին: Շատ ընդհանուր բաներ կլինեն ծրագրային դրույթների միջեւ, որովհետեւ բոլորը գիտեն, թե որոնք են քաղաքի հիմնական խնդիրները: Յուրաքանչյուր քայլ պիտի ժողովրդի հետ մեկտեղ լինի: Եւ մենք պատրաստ ենք անել այդ քայլը»,- ասաց «Ժառանգություն» կուսակցության քաղաքապետի թեկնածուն:

Հովհաննիսյանը նշեց, որ իրենց թիմը լինելու է ոչ թե քաղաքական թիմ, այլ քաղաքացիական, եւ որ իրենց բոլոր քայլերը համաձայնեցվելու են Երեւանի բնակիչների հետ:

Կուսակցության քաղաքացիական հասարակությունը ներկայացնող ավագանու թեկնածու Սոնա Մալխասյանը քարոզարշավի մեկնարկին ասաց, որ «Ժառանգությունն» այն թիմն է, որն ամբողջացնելու է հեղափոխությունը: Նրա խոսքով՝ իրենց թիմը նպատակ ունի այնպես անել, որ Երեւանը լինի համայն հայության քաղաքակրթական կենտրոնը. «Մենք պատրաստ ենք այնպես անել, որ անապատի փոխարեն կանաչ քաղաք ունենանք, մենք Երեւանը քայլ առ քայլ դարձնելու ենք արեւելքի սիլիկոնային հովիտ՝ բարձր տեխնոլոգիաներով, արեւային էներգետիկայի զարգացմամբ, արդիականացված ենթակառուցվածքերով»,- ասաց «Ժառանգություն» կուսակցության ավագանու թեկնածուն:

Կուսակցության անդամները հայտարարում են, որ Երեւանում այլեւս ոչ մի անօթեւան ընտանիք չի լինելու, բացվելու են շուրջ 70 հազար նոր աշխատատեղեր, եւ որ Երեւանը դառնալու է ժամանակակից կառուցապատման եւ ինքնակառավարվող համատիրությունների քաղաք:

Տպել
1265 դիտում

Քաղցրաշենի ոռոգման խնդիրը կարգավորվել է․ Ջրային կոմիտե

Ոստիկանության Մուշի բաժնի ծառայողներն ապօրինի թմրաշրջանառության դեպքեր են բացահայտել (տեսանյութ)

Չեխիայի Հանրապետության նորանշանակ դեսպանը հավատարմագրերի պատճենը հանձնել է ԱԳ նախարարի տեղակալին

Երևան-Մեղրի ավտոճանապարհին ավտոմեքենան գլորվել է ձորը. վարորդի վիճակը ծանր է (տեսանյութ)

Տավուշի մարզում 42-ամյա վարորդը Honda-ով կողաշրջվել է. նա հոսպիտալացվել է

Երկարատև հիվանդությունից հետո մահացավ ՀՀ վաստակավոր արտիստ Ռուդոլֆ Ղևոնդյանը

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել