ՔՊ-ին համարում ենք բարեկամ կուսակցություն եւ կհամագործակցենք. «Լույս» դաշինքի շտաբի պետ

Երեւանի ավագանու արտահերթ ընտրություններին մասնակցող «Լույս» դաշինքում հակված չեն կարծելու, որ ՀՀ վարչապետ Նիկոլ Փաշինյանի սեպտեմբերի 10-ի ելույթը որեւէ կապ ունի իրենց հետ: Մալաթիա-Սեբաստիա վարչական շրջանում՝ քարոզարշավի ժամանակ, «Հայկական ժամանակ»-ի հետ զրույցում նման կարծիք հայտնեց դաշինքի շտաբի պետ Դավիթ Խաժակյանը: Հիշեցնենք, վարչապետը նախօրեին հայտարարել էր, թե կան քաղաքական ուժեր, ովքեր հեղափոխության անունն են շահարկում, բայց կուլիսներում ՀՀԿ-ի հետ պայմանավորվածություն են ձեռք բերում: Վարչապետը նաեւ հավելել էր, որ ՀՀԿ-ն ում կողքին կանգնի, այդ ուժը կվարկաբեկվի:

«Կիսում եմ պարոն Փաշինյանի մտահոգությունը եւ այդ սատարման գործոնը չի աշխատելու: Մարդիկ ում կողքին տեսնեն Հանրապետական նախկին ընտրակաշառք բաժանողներին, այդ ուժը կվնասվի»,- նշեց Խաժակյանը: Իսկ «Լույս»-ի քաղաքապետի թեկնածու Արտակ Զեյնալյանը ՀԺ-ի նույն հարցին խուսափողական պատասխան տվեց. «Ես ժամանակ չեմ ունեցել ելույթը լսել եւ ընկալել ամբողջությամբ: Ձեր փոխանցածի վերաբերյալ կարծիք չեմ կարող ասել: Ես կասեմ հետեւյալը, որ Հայաստանում պետք է անցկացվեն արտահերթ խորհրդարանական ընտրություններ, դա անհրաժեշտություն է»:

Արտակ Զեյնալյանը այս ընտրություններում իր շանսերը շատ բարձր է գնահատում: Մեր հարցին, եթե չընտրվի քաղաքապետ, պատրա՞ստ է որպես ավագանու անդամ մնալ ավագանու կազմում, Զեյնալյանը փիլիսոփայական պատասխան տվեց: «Ես ընտրում եմ Երեւանը: Որքանո՞վ է շնորհակալ գործ, որ ես իմ շանսերը գնահատեմ: Ես եւ իմ թիմը իմ ընտրվելու շանսը բնականաբար շատ բարձր ենք գնահատում: Կարծում եմ, որ քաղաքական պայքարին մասնակցող ցանկացած ուժ հենց այս պատասխանն էլ պետք է տա»:

Արտակ Զեյնալյանի շտաբի պետ Դավիթ Խաժակյանն էլ նշեց, որ եթե համագործակցության առիթ լինի, ապա «Լույս» դաշինքը կհամագործակցի «Քաղաքացիական պայմանագիր» կուսակցության հետ: «Այդպիսի քննարկում չենք ունեցել, բայց «Քաղաքացիական պայմանագիր» կուսակցությանը համարում ենք բարեկամ, գործընկեր կուսակցություն: Համարում ենք, որ մենք մեկ քաղաքական ընտանիքին ենք պատկանում: Անկախ ընտրությունների արդյունքներից՝ կհամագործակցենք խնդիրների լուծման շուրջ»:

Դավիթ Խաժակյանը չի կարծում, որ ՀՀ վարչապետ Նիկոլ Փաշինյանի գործոնը անհավասար մրցակցություն է ստեղծում քաղաքապետի թեկնածուների պայքարում: ՀԺ-ի հարցին՝ վարչապետի վարկանիշն արդյո՞ք փոխում է խաղի կանոնները, Խաժակյանը պատասխանեց. «Օրենքը սրան չի հակասում, եթե օրենքի առումով խնդիր չկա, ապա մենք էլ խնդիր չպետք է տեսնենք»:

«Լույս» դաշինքն ընտրվելու դեպքում խոստանում է ապահովել ժամանակակից տրանսպորտային համակարգ, ճանապարհային բեռնաթափում, վերելակային տնտեսության բարեկարգում, ինչպես նաեւ խոստանում է ներդնել քաղաքապետարանի գործունեության թերացումների արդյունքում բնակիչներին հասցված վնասների փոխհատուցման համակարգ: Դավիթ Խաժակյանը նշեց, որ Երեւանում վերելակները, ավտոբուսները եւ փողոցների անցումները հարմարեցված չեն հաշմանդամություն ունեցող անձանց համար:

«Նոր ավտոբուսները, որոնք ձեռք կբերվեն, պետք է ունենան հարթակներ՝ հաշմանդամություն ունեցող անձանց համար: Առ այսօր կան բարեկարգման աշխատանքներ, որոնք չեն ներառում շենքի մատչելիությունը, եթե ներառում էլ են, ապա միայն առաջին հարկերին: Սա վերաբերվում է նաեւ վարչական շենքերին: Կարծում եմ, որ ավագանին այստեղ գործ ունի անելու, Երեւանի ՏԻՄ օրենքը թույլ է տալիս, որ ավագանին կարող է խստացնել պահանջները, որպեսզի շենքը 100 տոկոսով լինի մատչելի: Վերելակների դռները նեղ են, սայլակները չեն կարողանում մուտք գործել: Նոր վերելակային տնտեսության դեպքում պետք է հաշվի առնել մուտքերի լայնացումը: Ճիշտ է, սա ծախսերը շատացնում է, բայց լուծվում է հստակ խնդիր»,- ասաց նա:

Քարոզարշավի ժամանակ քաղաքացիներից մեկն էլ բարձրաձայնեց այն մասին, որ միայն ֆիզիկական հաշմանդամություն ունեցող անձանց մատչելիությունն ապահովելու մասին է խոսք գնում: «Արդյո՞ք տրանսպորտը, վերելակը եւ փողոցը հարմար է լինելու տեսողության, լսողության հետ խնդիրներ ունեցող անձանց համար»,- հարցրեց ներկաներից մեկը:

Դավիթ Խաժակյանը նշեց, որ, օրինակ, վերելակների հագեցվածությունը քաղաքացու նշած չափանիշներով ապահովելը ենթադրում է ավելի շատ ծախսեր: «Դա լինելու է փուլային, մենք առաջարկում ենք՝ լայնացնել վերելակների մուտքերը, հետո զբաղվել մյուս հարմարությունների ստեղծմամբ»:

Արտակ Զեյնալյանն էլ իր հերթին հայտարարեց, որ ընտրվելու դեպքում ձեռնարկելու են հաշմանդամությունը կանխող գործողություններ: «Երեւանում կառավարում իրականացնելու ենք մենք, մենք դառնալու ենք խնդիրների լուծողը: Մենք փողը ստեղծելու ենք եւ անելու ենք բոլոր գործերը, պաշտպանելու ենք մեր իրավունքները: Մենք Երեւանում իրականացնելու ենք խելքով եւ սրտով: Մենք, որպես իշխանություն, անելու ենք ամեն ինչ, որպեսզի նվազեցնենք հաշմանդամության ռիսկերը: Բարելավելու ենք առողջապահությունը, երթեւեկությունը, արտադրությունը: Մեր խնդիրները չենք հանձնելու ուրիշին, նրանք, ովքեր նշանակվելու ենք քաղաքապետ, ծառայելու են մեզ: Մենք առանց մուննաթի լուծելու ենք բոլոր խնդիրները: Ես հաշմանդամ եմ, բայց երբեք չեմ նվնվացել, գնացել եմ առաջ եւ լուծել եմ հանրային խնդիրներ: Ես ինձ հավասարապես համարել եմ պատասխանատու: Չեմ սպասել, որ ինձ ինչ-որ մեկը ինչ-որ բան տալու է»,- ասաց նա:

«Լույս» դաշինքի՝ սեպտեմբերի 11-ի քարոզարշավը եզրափակվեց Մալաթիա-Սեբաստիա վարչական շրջանում տեղի ունեցած հանրահավաքով:

Տպել
3141 դիտում

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր

Ձյուն է տեղացել նաեւ Հայաստանի ամենատաք վայրում՝ Մեղրիում․ Գագիկ Սուրենյան

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 250 անգամ

ԵՄ-Հայաստան. եկան, քլնգեցին, գնացին