Ժողովրդավարական ուղի կուսակցությունն իր ծրագրում կարեւորում է Մարտի մեկի հուշաքարի ստեղծման հարցը

Մենք ո՛չ սեւ ենք, ո՛չ սպիտակ, մենք ժողովուրդն ենք: Այսօր այս մասին լրագրողների հետ զրույցում հայտարարեց «Ժողովրդավարական ուղի» կուսակցության կողմից քաղաքապետի թեկնածու առաջադրված Մանուել Գասպարյանը: 

Վերջինս կարծիք հայտնեց, որ նախորդ իշխանությունները սաբոտաժի ենթարկեցին եւ ստիպեցին ներկայիս իշխանությանը՝ ժողովրդին գույների դասակարգել: «Սակայն, անկախ ամեն ինչից, վստահությունն այսօրվա իշխանության նկատմամբ բավականին բարձր է, կոչ ենք անում բոլոր երեւանցիներին՝ միանալ եւ քաղաքապետի ընտրություններին թույլ չտալ որեւէ կեղծում, եւ թող որ սա դառնա թավշյա հեղափոխության շարունակությունը»,- ասաց նա:

Քաղաքապետի թեկնածուն հայտնեց, որ իրենք ծրագրային մի շարք դրույթներ ունեն, որոնցով տարբերվում են մնացած կուսակցություններից: Վերջինս նշեց, որ գրեթե բոլոր ուժերի կողմից ծրագրերում ներառված են մետրոյի կառուցման, նոր շինությունների, քաղաքի բարեկարգման եւ այլ հարցեր:

«Կուսակցություններ կան, որ խոստանում են ներդրումներ, բիզնես ծրագրեր եւ այլն, մեր կողմից առաջնահերթ թույլ չի տրվելու բարձրահարկ շենքերի կառուցումը, սա մեր ծրագրի ամենակարեւոր դրույթներից մեկն է: Աստված մի արասցե՝ մի երկրաշարժ լինի, մի ցնցում, որեւիցե մի ուժային կառույց, թե արտակարգ իրավիճակների նախարարություն, թե՛ առողջապահական ոլորտ, ոչ մի կերպ չի կարողանալու մաքսիմալ ձեւով ապահովել մեր ժողովրդի անվտանգությունը: Քաղաքի կենտրոնում շենքերը, կներեք արտահայտությանս համար, արդեն համբուրվում են իրար հետ»,- ասաց նա:

«Ժողովրդավարական ուղի» կուսակցության անդամները կարեւորում են Մարտի մեկի հուշաքարի ստեղծման հարցը: «Տասը ընտանիք մեծ կորուստներ են ունեցել եւ այդ ընտանիքներին որպես սփոփանք պարտավոր ենք ծրագրի մեջ եղած դրույքն իրականացնել եւ հուշաքար ստեղծել, ինչպես նաեւ նյութական աջակցություն ենք ցուցաբերելու նրանց»,- ասաց Մանուել Գասպարյանը:

Քաղաքապետի թեկնածուն վստահեցրեց, որ եթե սպասվող ընտրություններում կեղծիք չլինի, ով էլ ընտրվի՝ առաջինն ինքն է շնորհավորելու: Մանուել Գասպարյանը համոզված է, որ հիմա էլ կան կոալիցիոն ուժեր, որոնք սաբոտաժի միջոցով շարունակում են վտանգել ներկայիս իշխանության գործունեությունը, դրանով օգուտ տալիս նախորդ իշխանություններին:

«Մանր ուժեր կան, որոնք տիրապետում են որոշ ֆինանսական ռեսուրսների եւ փորձելու են չկորցնելով իրենց մեծ գումարները ձայներ վաստակել: Նախկինում իշխանությունների կողմից անտեսվել է երեւանցիների ձայնը, սակայն այսօր կարծում ենք, որ թե՛ ոստիկանությունը, թե՛ մյուս ուժային կառույցները թույլ չեն տա որեւէ անարդար քայլ»,-ասաց նա:

Մանուել Գասպարյանը նաեւ նշեց, որ որոշ կուսակցություններ քարորզարշավը սկսվելուց մի քանի օր առաջ արդեն փակցրել էին իրենց բաներները: Նշեց, որ տխուր իրավիճակ է նաեւ լրատվամիջոցների հետ կապված: «Կուսակցություններ կան, որոնք օգտվում են լրատվամիջոցներից, այդ լրատվամիջոցները առիթ անառիթ փորձում են միայն իրենց կուսակցության քարորզարշավը ներկայացնել, սակայն կան լրատվամիջոցներ, որոնք գործում են անաչառ, կարող եմ անգամ թվարկել դրանք՝ որեւիցե մեկին նախապատվություն չտալով»,- ասաց Մանուել Գասպարյանը:

Խոսելով իրենց ֆինանսական ռեսուրսների եւ նախընտրական պարտադիր ծախսերի մասին՝ քաղաքապետի թեկնածուն ասաց, որ երեքից չորս մարդ իրենց կուսակցությանը հանգանակություն են ուղարկել, սակայն իրենք ունեն գումարի խնդիր:

«Բոլորդ էլ գիտեք, որ այս ծրագիրը, պաստառները եւ այլն որոշակի գումարներ են պահանջում, ինչպես նաեւ ընտրագրավ գոյություն ունի, որը 2016 թվականին փոխանակ իջեցնեին, բարձրացրել են: Կարծում եմ՝ սա սխալ է, քանի որ նրանք պետք է մտածեին, որ մանր ուժեր գոյություն ունեն, որոնք ի վիճակի չեն լինի հաղթահարել: Նախկինում գործել է այսպիսի մի մեխանիզմ՝ կա՛մ պետք է հավաքեիր 1000 ստորագրություն, կա՛մ որոշակի գումար մուծեիր, որն այս դեպքում մեկ միլիոնի փոխարեն 3 միլիոն են դարձրել, ինչը կոնկրետ մեր քաղաքական ուժի համար բարդույթներ է առաջացրել»,- ասաց Մանուել Գասպարյանը:

Տպել
1904 դիտում

Հայաստանում կբացվի խոհարարական արվեստի և հյուրընկալության ակադեմիա

Ստեղծվում է ուսուցիչների արհմիություն. առիթը ԿԳՆ-ի մշակած էթիկայի կանոնների նախագիծն է

Արցախում գրանցվել է երկնիշ տնտեսական աճ. ներդրումների նվազման մասին լուրերը տեղին չեն. Արայիկ Հարությունյան

Տիգրան Ավինյանը եւ Մհեր Գրիգորյանը վերանշանակվել են փոխվարչապետերի պաշտոնում

Երջանկության նախագիծ. Սահակ Պողոսյան

Ամանորին ընդառաջ ՀՀ-ում գրանցվեց գնանկում, բայց դա եղավ չվճարված հարկերի եւ չկայացած բիզնեսի հաշվին. ՊԵԿ նախագահ

Թեհրանը կաջակցի Ադրբեջանի տարածքային ամբողջականությանը. Իրանի զինված ուժերի գլխավոր շտաբի ղեկավար

Մոսկվան ողջունում է Բաքվի՝ ԼՂ հակամարտության կարգավորման լուծումներ գտնելու փորձերը. Լավրով

Լավրովը հույս ունի, որ կկարողանան ՌԴ վերադարձնել Ադրբեջանում ձերբակալված Մարատ Գալուստյանին

Ալեքսանդր Սարգսյանի որդին՝ Հայկ Սարգսյանը, խոսել է Պրահայում պահվող եղբոր՝ Նարեկ Սարգսյանի հետ

Մոսկվան պատրաստվում է հյուրընկալել Ռուսաստանի, Իրանի և Ադրբեջանի նախագահների հանդիպումը

Մենք ապրում ենք մշտական հեղափոխություննների ժամանակաշրջանում. Արմեն Սարգսյանի խոսքը Աբու Դաբիի համաժողովում

«Իմ քայլի» պատգամավորը հրաժարվել է մանդատից պատգամավորի ցածր աշխատավարձի պատճառո՞վ

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

2018 թվականին արտաքին առեւտրով ՀՀ է ներմուծվել 67 հազար 255 մեքենա. ՊԵԿ նախագահ

Փարիզում մեկնարկել է Հայաստանի և Ադրբեջանի արտգործնախարարներ հանդիպումը

Փաթաթում ենք, տաքացնում ենք․ Գյումրու թիվ 10 դպրոցը դրսից սառցակալել է. (տեսանյութ)

Ոչ ազնիվ մեղադրանքներ. դեսպան Սերգեյ Մինասյանը պատասխանել է Արման Բաբաջանյանին

ՊԵԿ-ում աշխատակիցների օպտիմիզացիա է կատարվել, 128 աշխատակից ազատվել է աշխատանքից. Անանյան

2018 թվականին 1 տրիլիոն 306 մլրդ 3 մլն դրամ ներհոսք է եղել պետական բյուջե. ՊԵԿ նախագահ