Սահմանադրական փոփոխություններ չեն լինելու, ԱԺ-ի լուծարումը խայտառակություն է. Գալուստ Սահակյան

Սեպտեբերի 27-ին՝ երկարատեւ դադարից հետո, այսօր ՀՀԿ-ն ԳՄ նիստ տեղի ունեցավ: Նիստը վարում էր կուսակցության նախագահ Սերժ Սարգսյանը: Նիստից հետո հանրապետականները լրագրողների հետ զրուցելու ցանկություն ընդհանրապես չունեին: ՀՀԿ փոխնախագահ Գալուստ Սահակյանը «Հայկական ժամանակ»-ի հարցին պատասխանելով նշեց, որ արտահերթ ընտրությունների անցկացման հարցը եւս քննարկվել է: «Մեր հետ խորհրդակցելու որեւէ մեկը դեռ չի եկել, որ ինչ-որ բան ասենք»:

Միաժամանակ ՀՀԿ փոխնախագահն Ազգային ժողովի լուծարումը որակեց սխալ երեւույթ, սակայն չմանրամասնեց, թե ինչու է սխալ: Գալուստ Սահակյանն ավելի քան վստահ է, որ եթե արտահերթ ընտրություններ տեղի ունենան, ապա «Հանրապետական» կուսկացությունն անպայման կմասնակցի: ՀԺ-ի հարցին՝ ՀՀԿ-ում ինչ կարծիք ունեն, որ Նիկոլ Փաշինյանը վերադառնալով Երեւան պատրաստվում է խորհրդարանական եւ արտախորհրդարանական ուժերի հետ բանակցել՝ 6-րդ գումարման ԱԺ-ն ցրելու շուրջ, Սահակյանը պատասխանեց. «Եթե վարչապետը կգա, կցանկանա քննարկումներ անել, այդ ժամանակ կքննարկենք: Մենք արտահերթ ընտրությունների հետ կապված միանշանակ հարց չենք քննարկել: Ես կարող եմ իմ կարծիքն ասել՝ դա սխալ երեւույթ է»:

Լրագրողի հարցին՝ ՀՀԿ-ն կաջակցի՞, որ խորհրդարանը լուծարվի, Սահակյանը նշեց. «Ինքնալուծարումը պետության համար վտանգավոր երեւույթներից մեկը կլինի, դա խայտառակություն է: Չեմ կարծում, որ խորհրդարանական մեծամասնությունը պիտի գնա այն ճանապարհով, որն առաջարկում է, ուզում է կառավարությունը»:

Դիտարկմանը՝ խորհրդարանական ինչ մեծամասնության մասին կարող է խոսք գնալ, երբ Երեւանի ավագանու արտահերթ ընտրություններից պարզ դարձավ, որ ընտրությանը մասնակցած քաղաքացիների 80 տոկոսը վստահության քվեն տալիս է «Քաղաքացիական պայմանագիր» կուսակցությանը, Սահակյանը արձագանքեց. «Մենք զարմացանք, բայց պետք է նկատի ունենալ, որ ՀՀԿ-ն չէր մասնակցում ընտրություններին»,- ասաց նա եւ նշեց, որ  նախկին քաղաքապետ Տարոն Մարգարյանը լավ քաղաքապետ էր, սակայն գործող իշխանությունները նրան չաջակցեցին, նա հրաժարական տվեց, եւ այդ պատճառով էլ ՀՀԿ-ն չմասնակցեց ընտրություններին:

«Հայկական ժամանակ»-ի հարցին՝ ՔՊ-ի 80 տոկոս քվե ստանալն արդեն ՀՀԿ-ի համար ազդակ չէ՞ր, որ նրանք ձեռնարկեին խորհրդարանի ինքնալուծարումը, Գալուստ Սահակյանը պատասխանեց. «Մենք կքննարկենք՝ կլուծարե՞նք, թե՞ կմասնակցենք»,- ասաց նա եւ նշեց, որ բանակցությունների անհրաժեշտության դեպքում ՀՀԿ-ակնները կբանակցեն Նիկոլ Փաշինյանի հետ:

Խոսելով Երեւանի քաղաքապետի ընտրություններից եւ պատասխանելով ՀԺ-ի հարցին, թե ինչու՞ այս ընտրությունների ժամանակ սկանդալային միջադեպեր տեղի չունեցան, Գալուստ Սահակյանը մատնանշեց՝ ՀՀԿ-ն չէր մասնակցում: «ՀՀԿ-ն չէր մասնակցում, որ ես ասեմ՝ ինչու միջադեպ տեղի չունեցավ»:

ՀՀԿ փոխնախագահը պատճառ չի տեսնում, որ ՀՀԿ-ն ընտրություններին չմասնակցի: Այս քաղաքական ուժը նաեւ պատրաստ է նրան, որ անցողիկ շեմը չի հաղթահարելու: Հարցին՝ այդ դեպքում ի՞նչ են անելու, Սահակյանը նշեց. «Անցողիկ շեմը չհաղթահարելու դեպքում ՀՀԿ-ն կմնա ամենաարժանապատիվ եւ միակ կուսակցությունը մեր քաղաքական դաշտում, որովհետեւ մենք ունենք լավ ծրագիր: Հետո դուք մեկ ասում եք, որ պետք է խորհրդարանը լուծարվի, մեկ էլ ասում եք, որ արտահերթ ընտրություններ պետք է տեղի ունենան»,- ասաց նա եւ նշեց, որ ըստ կառավարության ծրագրի՝ ընտրությունները պետք է լինեն մեկ տարվա ընթացքում, իսկ ՀՀԿ-ում սպասում են, որ այդ մեկ տարին լրանա. «Երբ կլրանա, կգաք, կխոսենք»:

Գալուստ Սահակյանն ավելի քան վստահ է, որ Սահմանադրական փոփխություններ չեն լինելու, որը հնարավորություն կտա առանց վարչապետի հրաժարականի լուծարել 6-րդ գումարման ԱԺ-ն: Նա ընդգծում է, որ այսօր կառավարությունում միայն Նիկոլ Փաշինյանն է աշխատում, որը մտահոգիչ է:

Լրագրողները հետաքրքրվեցին նաեւ՝ ՀՀԿ-ն Ռոբերտ Քոչարյանի հետ կհամագործակցի՞: «Ռոբերտ Քոչարյանը, եթե այնպիսի խնդիրներ առաջ կքաշի, որը մեր ծրագրերին մոտ է, այդ ժամանակ հնարավոր է որեւէ փոխհարաբերություն: Ցանկացած քաղաքական ուժ կարող է համագործակցել ցանկացած ուժի հետ»:

ՀՀԿ ԳՄ նիստի ավարտից հետո լրագրողների հետ զրույցում «Հանրապետական» կուսակցության անդամ Դավիթ Հարությունյանը՝ հրաժարվելով մանրամասներ հայտնել, թե ինչ հարցեր են քննարկել նիստի ընթացքում, նշեց, որ Նիկոլ Փաշինյանի հետ բանակցությունների պատրաստ են:

Տպել
5584 դիտում

Ապրիլյան պատերազմի քննիչ հանձնաժողովում լսել են Լելե Թեփեի հատվածում մարտական գործողությունների մասնակցած ավագ սերժանտի

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

2 տղամարդիկ մտել են բջջային օպերատորներից մեկի սպասարկման սրահ ու բռնվել (տեսանյութ)

Տնտեսական հեղափոխությունը ոչ թե մի քանի ամսվա, այլ մի քանի տարվա գործ է. տնտեսագետ

Երեւանի բազմաբնակարան բնակելի 90 շենքի տանիքնի կտեղադրվի արևային ֆոտովոլտային համակարգ

ՊՆ 5-րդ զորամիավորման ստորաբաժանումներն անցկացրել են կրակային պատրաստության պարապմունքներ

Գորիս-Կապան հատվածի 8-14-րդ կմ-երը բեռնատարների համար դեռ փակ են լինելու

Անասնաշուկայում ուսումնասիրություններ են կատարվել, բրուցելոզ չի հայտնաբերվել

Փրկարարները լողավազանից դուրս են բերել շներին

Հայկական ավանդական ընտանիքի իմ պատկերացումը սա է, երբ ամուսինները թեւ ու թիկունք են իրար. Աննա Հակոբյան

Նախարար Սուրեն Պապիկյանն այցելել է «Հարավկովկասյան երկաթուղի» ՓԲԸ Երևանի մասնաճյուղ

Ձերբակալվածի անձնական խուզարկությամբ թմրամիջոց է հայտնաբերվել եւ դանակ (տեսանյութ)

Պաշտոնեական կեղծիք կատարելու կասկածանքով ձերբակալվել է ՀՀ ԱԺ աշխատակազմի ղեկավարի նախկին տեղակալը. ՀՔԾ

Շավարշ Գրիգորյանը նշանակվել է «Առողջապահական ծրագրերի իրականացման գրասենյակ»-ի տնօրենի պաշտոնակատար

ԱՄԷ արհեստական բանականության նախարարն ընդունել է Հայաստան այցելելու՝ Հակոբ Արշակյանի հրավերը

Վարչապետ Նիկոլ Փաշինյանը ցավակցական հեռագիր է հղել Հենրի Էլիբեկյանի մահվան կապակցությամբ

Գյումրիում ծեծի են ենթարկել թոշակառու կնոջն ու բնակարանից հափշտակել ոսկյա մատանիներ և գումար

2019-ի 9 ամիսների ընթացքում գրանցված հանցագործությունների ընդհանուր թվաքանակն աճել է 6,7%-ով

Վերջին սրացումները նաեւ երկկողմանի իրականացվող ինժեներական աշխատանքների հետ են կապված. Բալայան

Կարճաժամկետ շահն ու խնդիրների այսօրեական լուծումները մեզ՝ որպես հասարակություն, զարգացման չեն տանելու. Ղուլյան