Մանվել Գրիգորյանի հետ կապված աղմկոտ բացահայտումներից հետո ԱՀ-ում «Արցախի հերոս» կոչումը կշնորհեն միայն հետմահու

Արցախի ազգային ժողովում ամենամեծ`«Հայրենիք» խմբակցության ղեկավար Արթուր Թովմասյանը պատրաստվում է հանդես գալ օրենսդրական նախաձեռնությամբ եւ առաջարկել, որ «Արցախի հերոս» կոչումն այսուհետեւ շնորհվի միայն հետմահու:

«Ես գտնում եմ, որ հերոսի կերպարը պետք է օրինակ լինի հանրության համար, իսկ կենդանի հերոսները մարդիկ են, ովքեր սխալներ գործելուց ապահովագրված չեն»,- այս մասին ՀԺ-ի հետ զրույցում ասաց ԱՀ պատգամավոր Արթուր Թովմասյանը:

- Պարոն Թովմասյան, տեղեկություն ունենք, որ պատրաստվում եք նախագիծ ներկայացնել, որ «Արցախի հերոս»-ի բարձրագույն կոչումը այսուհետեւ միայն հետմահու շնորհվի, դա համապատասխանո՞ւմ է իրականությանը:

- Այո, համապատասխանում է իրականությանը:

- Ո՞րն է պատճառը, որ նման նախագիծ եք պատրաստվում ներկայացնել, ինչո՞ւ է առաջացել այդ գաղափարը:

- 1997 թվականին այդ մտավախությունը չկար: Երբ մենք առաջին անգամ Սամվել Բաբայանին շնորհեցինք «Արցախի հերոս» եւ պարգեւատրեցինք «Ոսկե արծիվ» շքանշանով, այդ տարիներին չկար այդ մտավախությունը: Այդ տարիներին ես ԱԺ նախագահն էի, եւ մենք ուսումնասիրել ենք տարբեր պետություններ, ովքեր ունեն այդ բարձր կոչումը: Օրինակ, Իսրայելում դեռեւս 1948թ.-ին, երբ քննարկվում էր այդ օրինագիծը, վարչապետ Դավիդ բեն Գուրիոնը դեմ էր արտահայտվել՝ հիմնավորելով, որ երկիրը, որտեղ անկախության համար մղված պայքարում մասսայական հերոսություններ են կատարվել, որևէ մեկին պարգևատրելը անպատվություն կլինի նրա մարտական ընկերների նկատմամբ: Նրա կարծիքով՝ հերոս է ողջ Իսրայելի ժողովուրդը, եւ իշխանության մոտեցումը պետք է այդպիսին լինի:

Վերջին տարիներին, երբ որեւէ անձի պարգեւատրում էինք «Արցախի հերոս» կոչմամբ՝ ճիշտ չէր նաեւ նախկինների նկատմամբ, որովհետեւ մարդը անսխալական չէ եւ կենդանության օրոք հերոսի կոչման արժանացողների հետ կապված մտավախություն առաջացավ: Ես գտնում եմ, որ հերոսի կերպարը պետք է օրինակ լինի հանրության համար, իսկ կենդանի հերոսները մարդիկ են, ովքեր սխալներ գործելուց ապահովագրված չեն:

Այս բանը ես ինձ վրա եմ վերցրել, որովհետեւ ես էի խորհրդարանի նախագահը, որ ընդունեցինք «Արցախի հերոս» բարձրագույն կոչումը եւ «Ոսկե արծիվ» շքանշանը եւ բարոյական իրավունք ունեմ մեր իսկ կողմից ընդունված օրենքում այդ փոփոխությունը կատարել: Իհարկե, ակնկալում եմ, որ այդ հարցում էական նշանակություն կունենան նաեւ հանրային քննարկումները:

- Կարո՞ղ ենք սա կապել վերջին շրջանում տեղի ունեցած իրադարձությունների հետ, քանի որ «Արցախի հերոս»-ի կոչմանն արժանացած մի շարք մարդիկ շատ ծանր հանցագործությունների մեջ են մեղադրվում:

- Այո: Հանրային գիտակցության մեջ ինչ-որ բան է փոխվել, եւ այդ մտավախությունը վերջին իրադարձություններից հետո է մտել իմ մեջ:

- Հնարավո՞ր է նաեւ ինչ-որ նախագիծ ներկայացնեք եւ հերոսի կոչումից զրկեք այն մարդկանց, ովքեր հանրության շրջանում վատ կարծիք են ձեւավորել:

- Մարդիկ հերոսի կոչումը ստացել են իրենց կատարած բացառիկ ծառայությունների համար: Կենդանության օրոք մարդը կարող է սխալներ գործի, եթե կոչումը հետմահու շնորհվի, արդեն այդ մտավախությունը չի առաջանալու, որովհետեւ հետմահու պարգեւատրված հերոսների մասով որեւէ խոսակցություն չկա ո՛չ Արցախում, ո՛չ էլ ՀՀ-ում:

- Այսինքն՝ կարծում եք, որ սխալ որոշո՞ւմ է ողջ մարդկանց հերոսի կոչում շնորհելը:

- Օրենքը հետադարձ ուժ չունի: Նրանց պարգեւատրել են ոչ թե նրա համար, թե ոնց են իրենք ապրելու հասարակության մեջ, այլ իրենց կատարած բացառիկ ծառայությունների համար: Ես չեմ ուզում անդրադառնալ այդ թեմային:

Գիտեք, երբ Իսրայելում 1949 թվականին հերոսի կոչմամբ պարգեւատրեցին 12 մարդու, 4-ին՝ հետմահու, այդ 8 հերոսները, ովքեր քայլում էին Իսրայելի փողոցներով, ամեն մի զինվորական անկախ իր կոչումից պատիվ էր տալիս այդ հերոսներին: Բայց հետագայում, մոտ 21 տարի հետո Իսրայելի հերոսի կոչմանը ոչ մեկը չի արժանացել: Ավելին, 1970 թվականին երկրում փոփոխություն եղավ, ըստ որի՝ վերացվել է «Իսրայելի հերոս» բարձրագույն կոչումը եւ փոխարենը առաջարկվել է «Հանուն հերոսության» մեդալը եւ այդ մեդալը շնորհվել է նաեւ 1949 թվականին հերոսի կոչում ստացած այդ 12 հոգուն:

- Իսկ խորհրդարանի ձեր գործընկերները կո՞ղմ են ձեր նախագծին: ԱՀ ԱԺ-ում ընդգրկված է նաեւ «Արցախի հերոս»-ի կոչմանն արժանացած Ժաննա Գալստյանը, նա ինչպե՞ս է վերաբերվում այս նախագծին:

- Ես ասեմ, որ բազմաթիվ հեռախոսազանգեր կան: Եւ հիմնականում ասում են, որ ավելի խստացրեք: Դեռեւս արձագանք չկա Արցախի կենդանի հերոսներից, որովհետեւ նորից եմ ասում՝ օրենքը հակադարձ ուժ չունի:

Տպել
5086 դիտում

Հայաստանյայց Առաքելական Սուրբ Եկեղեցին տոնախմբել է Համբարձման տոնը

Մեզ հետաքրքրող ցանկացած տարածք կարող ենք նկարել. Արծրուն Հովհաննիսյանը՝ ՀՀ առաջին տիեզերական արբանյակի մասին

Քրեական ոստիկանության և ՊԵԿ ծառայողները թմրամիջոցներ են հայտնաբերել. բերման է ենթարկվել 27-ամյա մի երիտասարդ

Գնել Սանոսյանն ընդունել է Եվրոպայի խորհրդի Կոնգրեսի տնօրեն Ռաֆայել Բենեդիկտին

Երբ նոր էի սկսել նվագել, պապիկս ասաց՝ դա պաշտոն չէ, որ ես քեզ տամ, ինքդ պիտի հասկանաս՝ քոնն է, թե չէ. Ջիվան Գասպարյան

Ծիծեռնակաբերդի խճուղին շարունակում է մնալ երկկողմանի փակ

Հայտնի է «Դիմադրություն» շարժման այսօրվա հանրահավաքի մասնակիցների թիվը

Բուլղարիայի ԱԳՆ-ն ողջունել է Հայաստանի ջանքերն ու տարածաշրջանային անվտանգային միջավայրի ձևավորմանն ուղղված քայլերը

Բյուրականի անտառպետությունում հրդեհաշիջման աշխատանքներին մասնակցել է նաև ՊՆ ուղղաթիռ. ուսումնավարժանք է անցկացվել

ՀՀ վարչապետը Չեռնոգորիայի նախագահին է ներկայացրել ԼՂ հիմնախնդրի խաղաղ կարգավորման հայկական կողմի դիրքորոշումը

Ինչ ունեցվածք են հայտարարագրել ընդդիմադիր պատգամավոր Հռիփսիմե Ստամբուլյանը և նրա ամուսինը՝ Վահե Անդրիասյանը

Ընթանում է «Դիմադրություն» շարժման հերթական հանրահավաքը

Նա ծաղրի է ենթարկվում և չի արժանանում հարգանքի. ուսուցիչների՝ աշխատանքը թողնելու խնդիրը վերջին շրջանում մտահոգիչ է

Զորամասերից մեկում հավաք-խորհրդակցություն է կայացել

ՀՀ առաջին տիեզերական արբանյակի կողմից արված լուսանկարները կօգտագործվեն արտակարգ իրավիճակների կանխարգելմանը և կառավարմանը

Կառավարությունը գումար կհատկացնի Լոռի Բերդ ամրոցի պարսպի հյուսիսարևելյան հատվածի ամրակայման և մասնակի վերականգնման համար

Աննա Հակոբյանը Դավոսում մասնակցել է «Կին քաղաքական առաջնորդներ» ամենամյա միջոցառմանը

ՀՀ բռնցքամարտի ֆեդերացիան ամփոփել է 1-ին մրցահերթը. այսօր հաղթանակ է տոնել հայաստանյան 3 պատվիրակ

Դոլարի փոխարժեքը նվազել է եւս 3,5 դրամով. ՀՀ կենտրոնական բանկը հրապարակել է նոր փոխարժեքներ

Աբովյանում վեց ժամ ջուր չի լինի

Ընդդիմադիրները բողոքի ակցիա են իրականացնում Կառավարության դիմաց

ՊԵԿ-ը հրապարակել է համալիր հարկային ստուգումների տարեկան ծրագիրը

ՀՀ Ազգային ժողովն արտահերթ նիստ կգումարի հունիսի 3-ին

Չեռնոգորիայի նախագահը հարգանքի տուրք է մատուցել Հայոց ցեղասպանության զոհերի հիշատակին (տեսանյութ)

Նիկոլ Փաշինյանը տեսակապի միջոցով մասնակցել է Բիշքեկում անցկացվող Եվրասիական տնտեսական ֆորումի աշխատանքներին (տեսանյութ)

Կարեն Անդրեասյանը հանդիպել է Ագնե Բիլոտաիտեին. հանդիպմանը անդրադարձել են երկկողմ հետաքրքրություն ներկայացնող հարցերի

Ինեկոբանկն Android օգտատերերի համար գործարկում է Mastercard քարտերով NFC վճարումները

ՀՀ վարչապետն ընդունել է Հակամարտությունների գոտիներում ժառանգության պաշտպանության միջազգային դաշինքի գործադիր տնօրենին

Ծաղկաձորում տաքսու վարորդը գողացել է զբոսաշրջիկի դրամապանակը (տեսանյութ)

Պաշտոնական այցով Հայաստան է ժամանել Չեռնոգորիայի նախագահ Միլո Ջուկանովիչը (լուսանկարներ)

Դաշնակցությունը որևէ գործարան, օբյեկտ չունի, դաշնակցականի ունեցվածքը տարբեր է, քաղաքական ուժինը՝ տարբեր. Սաղաթելյան

Միրզոյանը ընդունել է Հակամարտությունների գոտիներում ժառանգության պաշտպանության միջազգային դաշինքի տնօրենին (տեսանյութ)

Ելնելով Հայաստանում տիրող իրավիճակից՝ ցանկացա բեմադրել այս ներկայացումը. պրեմիերա Ազնավուր քոլեջի ուսանողական թատրոնում

Կալանքի երկարաձգման միջնորդությունը չբավարարվելու հետևանքով մեղադրյալը նոր հանցագործություններ է կատարել և թաքնվել

Առանձին շրջաններում սպասվում է կարճատև անձրև. առաջիկա օրերի եղանակային կանխատեսումը

Կառավարությունը 200 մլն դրամով ավելացրել է 2022 թ. մարզական ֆեդերացիաներին հատկացվող ֆինանսական միջոցները

ՀՀ նախագահը շնորհավորական ուղերձ է հղել իր վրաց գործընկերոջը ազգային տոնի առթիվ

Ամենայն հայոց կաթողիկոսը վավերացրել է Իրաքի հայոց թեմի առաջնորդի ընտրությունը

Դատախազությունն Առուշ Առուշանյանի դատավճռի դեմ վերաքննիչ բողոք է ներկայացրել

ԲԴԽ-ում ընդունել են զոհված զինծառայողների ծնողների՝ 30 հոգուց բաղկացած խմբին