Սպիտակում խայտառակ վիճակ է. քաղաքացու բողոք-նամակը վարչապետին՝ ընդդեմ ՀԷՑ-ի

Սպիտակ քաղաքի բնակիչ Վահրամ Այվազյանը դիմել է «Հայկական ժամանակ»-ի խմբագրություն՝ խնդրելով հրապարակել «Հայաստանի Էլեկտրական ցանցեր» ՓԲԸ-ի դեմ իր բողոք-նամակը՝ ուղղված ՀՀ վարչապետ Նիկոլ Փաշինյանին: 

Նամակում, մասնավորապես, ասված է. 

«Հարգարժան պարոն վարչապետ, ողջունում եմ Ձեզ Սպիտակ քաղաքից:

Սույն բաց նամակով ցանկանում եմ բարձրաձայնել Սպիտակ քաղաքում էլեկտրաէներգիայի մատակարարման խայտառակ վիճակի եւ պարբերական հոսանքազրկումների մասին: Արդեն շուրջ վեց ամիս է, ինչ ես պայքարում եմ Սպիտակ քաղաքում Հայաստանի Էլեկտրական Ցանցեր ՓԲԸ-ի կողմից իրականացվող ամենօրյա հոսանքազրկումների դեմ: Սպիտակը ինձ ուղղակի հիշեցնում է 1990-ականների Հայաստանը, երբ էլեկտրաէներգիան ժամով էր մատակարարվում բնակչությանը: Այս խնդրի վերաբերյալ սկզբում բարձրաձայնել եմ ՀԷՑ-ի տնօրինությանը, բայց ապարդյուն: Հետո կապ եմ հաստատել Հանրային ծառայությունները կարգավորող հանձնաժողովի հետ, ովքեր ինձ խոստացան ՀԷՑ-ի հետ համատեղ քննարկումներ իրականացնել եւ ներդրումային ծրագրեր բերել Սպիտակ, որպեսզի բարելավեն էլեկտրաէներգիայի մատակարարումը Սպիտակում: 

Սակայն ցայսօր չեմ տեսնում գեթ մի տեղաշարժ այս հարցում: Նաեւ դիմել եմ Պետական վերահսկողական ծառայությանը՝ խնդրանքով, որ ստուգումներ անցկացնեն ՀԷՑ-ի Սպիտակի գրասենյակում, Լոռու մարզը սպասարկող Դեբեդ մասնաճյուղում եւ ՀԷՑ-ի կենտրոնական գրասենյակում, որովհետեւ ինքս, նույնիսկ մասնագետ չլինելով, տեսնում եմ կոռուպցիոն պատմություններ եւ ռիսկեր ՀԷՑ-ում, որի պատճառով էլ այժմ Սպիտակում խայտառակ վիճակ է: Սակայն Պետական վերահսկողական ծառայությունից արձագանքը եղավ այն, որ իմ խնդրանքը ուղարկեցին նույն Հանրային ծառայությունները կարգավորող հանձնաժողովին, որի հետ ես արդեն կապ էի հաստատել եւ չէի ստացել իմ դիմումին լիարժեք պատասխան: Նաեւ հարցի մասին բարձրաձայնել եմ մամուլում:

1)https://analitik.am/news/view/420084

2)https://news.am/arm/news/463491.html  

Եվ հանդես եմ եկել ֆեյսբուքյան բազմաթիվ գրառումներով և կենդանի տեսաձայնագրություններով, որտեղ մանրամասն ներկայացրել եմ խնդրի էությունը.

1) 10/սեպտեմբեր/2018.

https://web.facebook.com/vahram.ayvazyan.5/posts/1837553846291713?__tn__=-R

2) 23/օգոստոս/2018.

https://web.facebook.com/vahram.ayvazyan.5/videos/1815018165211948/

3) 23/օգոստոս/2018.

https://web.facebook.com/vahram.ayvazyan.5/posts/1814938058553292?__tn__=-R

4) 23/հուլիս/2018.

https://web.facebook.com/vahram.ayvazyan.5/posts/1762965257083906?__tn__=-R   

5) 20/հուլիս/2018. https://web.facebook.com/vahram.ayvazyan.5/posts/1758086804238418

6) 10/հուլիս/2018. https://web.facebook.com/vahram.ayvazyan.5/videos/1742253242488441/  

7) 22/հունիս/2018. https://web.facebook.com/vahram.ayvazyan.5/posts/1714543618592737  

8) 20/հունիս/2018. https://web.facebook.com/vahram.ayvazyan.5/posts/1712288992151533  

9) 24/մայիս/2018. https://web.facebook.com/vahram.ayvazyan.5/posts/1681564115224021  

10) 22/մայիս/2018. https://web.facebook.com/vahram.ayvazyan.5/posts/1679240105456422  

11) 21/մայիս/2018. https://web.facebook.com/vahram.ayvazyan.5/posts/1678296098884156  

12) 27/ապրիլ/2018. https://web.facebook.com/vahram.ayvazyan.5/posts/1654955631218203   

13) 2/ապրիլ/2018. https://web.facebook.com/vahram.ayvazyan.5/posts/1630116660368767

Ինչպես երեւում է մամուլում եւ ֆեյսբուքում իմ հրապարակումների արձագանքներից, վերոնշյալ տարօրինակ հոսանքազրկումները փաստորեն ամբողջ ՀՀ-ով մեկ են տեղ գտել վերջին ամիսների ընթացքում: Այս հարցի մասին կարճ քննարկում եմ ունեցել նաեւ ՀՀ ԱԺ պատգամավոր Հայկ Կոնջորյանի հետ: Երբեմն ինձ թվում է, որ ՀԷՑ-ը թաքնված սաբոտաժ է իրականացնում վերջին ամիսներին: 

Ինքս շատ եմ տուժում այս հոսանքազրկումներից, որովհետեւ իմ կապը արտասահմանյան գործընկերներիս հետ մշտական է. ունենում եմ հարցազրույցներ, զանգեր, պրեզենտացիաներ, օնլայն կոնֆերանսներ եւ այլն, բայց ՀԷՑ-ի կամայականությունների պատճառով (հոսանքազրկման պատճառով անջատվում է նաեւ ինտերնետը) շատ անգամներ ձախողվել կամ կիսատ են մնացել իմ հարցազրույցները, պրեզենտացիաները եւ կոնֆերանսները արտասահմանյան ներդրողների, գիտնականների եւ հետազոտական կենտրոնների հետ: Ճանաչում եմ շատ մարդկանց, ովքեր ինձ նման մեծապես տուժում են հոսանքազրկումներից:

Հարգարժան պրն Փաշինյան, խնդրում եմ Ձեզ ՀԷՑ-ի եւ ընդհանրապես ապրանքներ եւ ծառայություններ մատուցող նմանատիպ ընկերությունների հանդեպ ցուցաբերել շատ կոշտ դիրքորոշում, կանգնել ՀՀ սպառողի, քաղաքացու կողքին եւ մեկընդմիշտ լուծել այս «էներգետիկ ճգնաժամը՛» Սպիտակում եւ առհասարակ ամբողջ ՀՀ-ում: Ես՝ քաղաքացի-սպառողս, պատրաստ եմ սատար կանգնել Ձեզ եւ Ձեր թիմին ՀԷՑ-ին կարգի հրավիրելու գործում: Նաեւ որպես բարձր տեխնոլոգիաների գծով ստարտափի հիմնադիր՝ պատրաստ եմ իմ գիտելիքներն ու գաղափարները ներդնել Հայաստանում էներգիայի նորագույն եւ արդյունավետ աղբյուրների զարգացման գործում, որով մենք մեկընդմիշտ կլուծենք բարձրորակ եւ անխափան էլեկտրաէներգիա ունենալու հարցերը:

Պատրաստ եմ պատասխանել ցանկացած հարցի:

Ինքս I-Fourth ստարտափի հիմնադիրն եմ, ԱՄՆ նախկին փոխնախագահ Ալ Գորի թիմակիցն եմ որպես շրջակա միջավայրի միջազգային պաշտպան, իսկ մասնագիտությամբ միջազգայնագետ եւ ցեղասպանագետ եմ, եղել եմ Ցեղասպանագետների միջազգային ասոցիացիայի անդամ (հեռավոր Կոլումբիայում կազմակերպել եմ ծառատունկ Մեծ Եղեռնի զոհերի հիշատակին), իսկ Եվրոպայի Խորհրդում՝ Խաղաղության երիտասարդ դեսպաններ ծրագրի մասնակից:

Հարգանքով՝  

Վահրամ Այվազյան»: