Ադրբեջանական արձագանքը Դուշանբեի պայմանավորվածություններին

ՀՀ վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի միջեւ խոսակցությունը տեղի է ունեցել ՀՀ վարչապետի նախաձեռնությամբ: Այդ մասին հայտարարել է Ադրբեջանի նախագահի աշխատակազմի արտաքին քաղաքականության բաժնի պետի տեղակալ Հիքմեթ Հաջիեւը: Ըստ նրա՝ այդ փաստը հերթական անգամ ցույց է տալիս, որ բանակցությունների ձեւաչափը չի փոխվել, եւ դրանք ընթանում են Հայաստանի եւ Ադրբեջանի միջեւ:

Ստեփանակերտի հնարավոր մասնակցությունը հետագա բանակցություններին մեծ անհանգստություն էր առաջացրել Ադրբեջանում: Թերեւս, դրանով էլ բացատրվում են պաշտոնյաների եւ փորձագետների կարծիքները, որ Փաշինյան-Ալիեւ երկխոսությունը բացառում է Արցախի հետագա մասնակցությունը բանակցային գործընթացին:

Ադրբեջանական Trend.az լրատվականի հետ զրույցում Ադրբեջանի խորհրդարանի պատգամավոր Էլման Նասիրովը, մեկնաբանելով Փաշինյանի նախաձեռնությունը, կարծիք է հայտնել, որ «Հայաստանի վարչապետը հասկացել է, որ իր նախորդ դիրքորոշումը միջազգային աջակցություն չի ստացել»:

Vestikavkaza.ru ընդգծված ադրբեջանամետ կայքում քաղաքագետ Միխայիլ Բելյաեւը հոդված է հրապարակել, որում կարծիք է հայտնում, թե Դուշանբեի պայմանավորվածություններին հետեւելը ինքնըստինքյան բացառում է Ստեփանակերտի մասնակցությունը բանակցություններին: Բելյաեւը դա բացատրում է նրանով, որ օպերատիվ կապը ստեղծվելու է Ադրբեջանի եւ Հայաստանի Հանրապետության, այլ ոչ թե Արցախի միջեւ:

Այսպիսով, վերոնշյալ գործիչները փորձում են սահմանային լարումը թուլացնելուն ուղղված քայլերը ներկայացնել որպես ադրբեջանական դիվանագիտության եւ անձամբ Իլհամ Ալիեւի հաղթանակ: Խնդիրը, սակայն, նրանում է, որ այս պայմանավորածությունները դեռեւս շատ հեռու են բանակցություններ կոչվելուց: Դրանք ընդամենը քայլ են, որոնք ուղղված են լարումը թուլացնելուն եւ փոխվստահության մթնոլորտ կառուցելուն: Ընդ որում, որեւէ երաշխիք, որ այդ պայմանավորվածություններն իրականացվելու են՝ չկա: Ուստի դեռ վաղ է հաղթողներ եւ պարտվողներ փնտրել:

Պայմանավորվածությունների պահպանման վերաբերյալ ավելի անկեղծ դիրքորոշում է հայտնել Ադրբեջանի արտաքին գործերի նախկին նախարար Թոֆիգ Զուլֆուգարովը: Minval.az լրատվականին տված հարցազրույցում նա դժվարացել է ասել, թե որքանով կպահպանվեն Դուշանբեում ձեռք բերված պայմանավորվածությունները: Միեւնույն ժամանակ նա նշել է, որ այդ խոսակցությունը ազդակ էր միջազգային հանրությանը, որ Ադրբեջանը պատրաստ է հարցը կարգավորել քաղաքական հարթությունում՝ չբացառելով, սակայն, ռազմական տարբերակը:

«Մյուս կողմից, այն փաստը, որ Ադրբեջանը պահպանում է ուժ կիրառելու եւ սեփական տարածքներում սահմանադրական կարգը վերականգնելու իրավունքը՝ մնում է օրակարգում», - հայտնել է Զուլֆուգարովը:

Զուլֆուգարովն անգամ ներկայացրել է, թե ինչպես է պատկերացնում խնդրի կարգավորումը: Նրա խոսքով՝ «հայտարարված արեւմտամետ ձգտումներն իրականացնելու նպատակով Փաշինյանը պետք է ազատի հայ հասարակությունն այն պատրանքից, որ Ռուսաստանը պաշտպանելու է իրենց»:

«Ամեն դեպքում, քաղաքական լուծում պետք չէ սպասել: Այն կլինի միայն ռազմական գործողություններից հետո: Դրանցից հետո նոր պայմաններ կստեղծվեն»,- ասել է Զուլֆուգարովը:

Ըստ նախկին նախարարի՝ ռազմական գործողությունները եւ Մոսկվայի կողմից աջակցության բացակայությունը ՀՀ ներկայիս կառավարությունն օգտագործելու է Արեւմուտքի հետ սերտ հարաբերություններ հաստատելու եւ ներդրումներ ստանալու համար: Մյուս կողմից, սակայն, Զուլֆուգարովը նշում է, որ «Արեւմուտքն առանձնապես չի վստահում Հայաստանի նոր ղեկավարությանը»: Նախկին նախարարը չի մանրամասնում, թե ինչի հիման վրա է նա նման կարծիքի հանգել, սակայն եզրակացնում է այս ամենից, որ Հայաստանը փորձելու է սադրանքներ իրականացնել սահմանին, իսկ «Ադրբեջանը անհամբերությամբ սպասելու է որոշ սադրանքների՝ հարված հասցնելու նպատակով»:

Ինչպես երեւում է, ադրբեջանական փորձագիտական տիրույթում արմատապես սխալ են հասկացել, կամ սխալ են ներկայացնում Դուշանբեում ձեռքբերված պայմանավորվածությունները: Ամեն դեպքում, նման արձագանքը նախ եւ առաջ ուղղված է ներքին լսարանի մոտ տպավորություն ստեղծելուն: Բացի այդ, արձագանքներում ուրվագծվում են Ադրբեջանի պատկերացմամբ հետագա քայլերը՝ ռազմական ճանապարհով հարցը լուծելու փորձ կատարելու: Թե որքանով է հնարավոր Դուշանբեում ձեռքբերված պայմանավորվածությունների կատարումը փոխադարձ անվստահության պայմաններում՝ ցույց կտա ժամանակը, սակայն փաստ է նաեւ այն, որ խնդրի կարգավորման համար ինչ-որ պահի առաջին քայլը պետք է կատարվի:

Տպել
6266 դիտում

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Ռեստորանում «Ջերմուկ»-ի շիշը կոտրվել է, ապակյա բեկորը վնասել է 32-ամյա երիտասարդի աչքը

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել