Կառավարությունը որոշակի ծրագրեր է իրականացնում, որոնք խթանում են անշարժ գույքի նկատմամբ պահանջարկը. Պետրոսյան

Հայաստանում տեղի ունեցած թավշյա հեղափոխությունն ազդեցությունն է թողել նաեւ անշարժ գույքի շուկայական գների վրա:

«Կառավարության կողմից որոշակի ծրագրեր են իրականացվում, որոնք խթանում են անշարժ գույքի նկատմամբ պահանջարկը»,- այս մասին մեր զրույցում ասաց ՀՀ անշարժ գույքի կադաստրի պետական կոմիտեի ղեկավարի տեղակալ Արման Պետրոսյանը:

- Պարոն Պետրոսյան, անշարժ գույքի շուկայում վերջին ամիսներին ի՞նչ գնային փոփոխություններ են տեղի ունեցել: Բարձրանո՞ւմ են գները, թե՞ իջնում:

- Ընդհանուր առմամբ՝ կոմիտեն արդեն ամփոփել է 2018 թվականի հունվար-օգոստոս ժամանակահատվածում անշարժ գույքի շուկայի թվերը: Ընդհանուր պատկերը հետեւյալն է՝ ունենք ինչպես գործարքների քանակի աճ, այդպես էլ անշարժ գույք գների աճ: Մոտավորապես, եթե գործարքների քանակի առումով ասեմ, այդ ժամանակահատվածում 103 հազար 599 գործարք ենք արձանագրել, որը նախորդ տարվա նույն ժամանակահատվածի համեմատ 23 տոկոսով ավելի է:

Հատկանշականն այն է, որ մենք այսպես թե այնպես գործարքների աճ 2018 թվականի հունվարից արձանագրում էինք, բայց վերջին ամիսներին, մասնավորապես՝ մայիսից սկսած ոչ միայն քանակներն են աճում, այլ նաեւ անցման տեմպերն են ավելանում: Եթե 2018 թվականի մայիսին արձանագրվել է 13 հազար 540 գործարք, որը 2017 թվականի մայիսի համեմատ 17 տոկոսով էր աճել, արդեն հունիս ամսին այդ գործարքների թվի աճը 2017 թվականի հունիսի համեմատ 22.2 տոկոս է կազմում: Մեր մոտ աճել են ոչ միայն ընդհանուր գործարքները, այլ նաեւ ընդհանուր բնութագրող գործարքները` օտարման գործարքները, գրավադրման գործարքները, վարձակալության գործարքները:

- Ինչո՞վ է դա պայմանավորված:

- Գործոնները մի քանիսն էին, մասնավորապես ե՛ւ գնորդների մոտ լավատեսական սպասումները ե՛ւ վիճակագրության վարչության` տնտեսական ակտիվության 7.7 տոկոսը աճի արձանագրումը: Կառավարության կողմից որոշակի ծրագրեր են իրականացվում, որոնք խթանում են անշարժ գույքի նկատմամբ պահանջարկը: Դա եկամտահարկի վերադարձն է, երբ կառուցապատողից անշարժ գույք ես գնում եւ տոկոսը փոխհատուցվում է եկամտահարկի վերադարձով, նաեւ բանկերի կողմից է վարկավորման պայմանների բարելավվում տեղի ունեցել: Մասնավորապես տոկոսների նվազում, կանխավճարի չափի նվազում, ավելի երկար ժամկետներով վարկավորում: Այսինքն, գործոնները բազմազան են:

Եւ քանի որ պահանջարկը խթանվել է՝ առք ու վաճառքի գործարքներն աճել են, դա հանգեցրել է նրան, որ անշարժ գույքի գների աճ ենք արձանագրել: Մասնավորապես, եթե բնակարանների մասով խոսենք՝ Երեւան քաղաքում 2018 թվականի օգոստոսին 2017 թվականի օգոստոսի համեմատ միջինում բնակարանների գները աճել են 10 տոկոսով: Մարզերում այդ աճը մի փոքր քիչ է՝ 7 տոկոս է, բայց ամեն դեպքում աճ ունենք:

- Բայց այդ աճած գները տրամաբանակա՞ն են, թե պարզապես աճել են հնարավոր ներգաղթի ֆոնի վրա:

- Չէ, դա ոչ մի կապ չունի: Ընդհանուր առք ու վաճառքի մեջ օտարերկրյա քաղաքացիների կողմից իրականացրած գնումների քանակը 3.4 տոկոս է կազմում: Մենք 2018 թվականի հունվար-օգոստոսին արձանագրել ենք 29 հազար 10 առք ու վաճառքի գործարք, դրանից միայն 988 գործարքն է, որ իրականացվել է օտարերկրյա քաղաքացիների կողմից: Այսինքն, էական ազդեցություն սրա վրա չունի:

Եթե օրինակ Երեւանի Կենտրոն վարչական շրջանի 2018 թվականի օգոստոսի անշարժ գույքի գները համեմատենք 2017 թվականի օգոստոսի գների հետ, 19.7 տոկոս գների աճ ենք արձանագրել: Նաեւ բավականին մեծ է տոկոսային աճը Դավիթաշեն վարչական շրջանում՝ 15.7 տոկոս:

- Ինչ-որ տեղ գների նվազում չունե՞նք:

- Եթե նայենք 1 ամսվա կտրվածքով, օրինակ 2018 թվականի օգոստոսը 2018 թվականի հուլիսի համեմատ կարող է մարզերի որոշ քաղաքային համայնքներում փոքր նվազումներ ունենանք: Բայց այդ մեկ ամսվա կտրվածքով չենք կարող այն եզրահանգման գալ, որ գները նվազել են: Եթե նախորդ տարվա հետ ենք համեմատում՝ բոլոր տեղերում գների աճ է:

- Անշարժ գույքի 1 քառակուսի մետրը Երեւանի վարչական շրջաններում ի՞նչ արժե:

- Կենտրոն վարչական շրջանում, օրինակ, 2018 թվականի օգոստոսին 1 քառակուսի մետրի գինը կազմել է 541 հազար 800 դրամ, 2017 թվականի օգոստոսին դա եղել է 452 հազար դրամ: Բայց Նուբարաշենում քառակուսի մետրի միջինացված գինը կազմել է 167 հազար դրամ:

Տպել
3334 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները