Երևան
27 °C
ԲՀԿ նախագահ Գագիկ Ծառուկյանը եւս կարծում է, որ եկել է բարիկադների քանդման ժամանակը: Այս մասին «Մուլտի գրուպ» կոնցեռնի համագործակցությամբ աշխարհում ամենամեծ մայնինգ ֆերմայի բացման ժամանակ հայտարարեց նա: «Հայկական ժամանակ»-ի հարցին՝ դուք բարիկադների որ կողմում եք, Ծառուկյանը պատասխանեց. «Պարոն վարչապետը ձեզ տեղյակ է պահել, երբ հուշագիր էինք ստորագրում»:
ՀԺ-ի լրագրողի դիտարկմանը՝ տպավորություն էր, որ մինչեւ հուշագրի ստորագրումը ԲՀԿ-ն բարիկադների հակառակ կողմում էր մնացել, քանի որ կողմ քվեարկեց ԱԺ-ի կանոնակարգ օրենքում փոփոխություններ կատարելուն, որով բարդանում էր խորհրդարանը ցրել վարչապետի հրաժարականի եղանակով, Ծառուկյանն արձագանքեց. «Դա ի՞նչ փոփոխություններ էր, գիտե՞ս»:
Երբ ԲՀԿ ղեկավարին հանգամանալից բացատրեցինք կանոնակարգում տեղի ունենալիք փոփոխությունը, արձագանքեց. «Սաղ դուք եք անում, որ ժողովրդին թյուրիմացության մեջ եք դնում: Քո պես լրագրողները յոթ անկյունով հարց են տալիս, խառնում են իրար»:
Այնուհետ Ծառուկյանին ՀԺ-ն հիշեցրեց, որ անգամ «Ծառուկյան» խմբակցության պատգամավորներից Տիգրան Ուրիխանյանն է բարձրաձայնում այն մասին, որ իրեն խաբել են օրինագիծը ներկայացնելու ժամանակ: «Կարող ես Ուրիխանյան Տիգրանին զանգես, ես լսեմ, քո հարցին պատասխանեմ»: Մեր դիտարկմանը, որ Ուրիխանյանը անգամ հայտարարել է, որ իրեն խաբել են խմբակցության անազնիվ անդամները, Ծառուկյանն առաջարկեց պարզել, թե ով է այդ անազնիվ մարդը եւ ինքը կհեռացնի իրենց համակարգից:
ԲՀԿ-ից սկսել են անդամներ դուրս գալ: Մասնավորապես, գրել էինք, որ Լյովա Խաչատրյանը եւ Վահան Կարապետյանը լքել են կուսակցությունը: Գագիկ Ծառուկյանից հետաքրքրվեցինք, թե ինչու՞ են նրա հետ այդպես վարվում եւ ինչ կարծիք ունի նա: «Ամեն մարդ ունի իր քաղաքական մտածելակերպը եւ բոլորի համար դռները բաց են: Բոլորն էլ իրավունք ունեն կուսակցություն բացելու եւ համագործակցելու ում հետ ցանկանան: Ես քաղաքականությամբ չեմ ապրում, բայց ասում եմ, որ լրագրողն են այս երկիրը քանդողները, եկել եք, որ այս լավ օրը Ծառուկյանին հունից հանեք: Ոնց որ այս երկրի չարիքը լինեք, դրա համար էլ ասում եմ, որ զարգացում չի լինի, սաղին խառնում եք, ժողովրդին էլ թյուրիմացության մեջ եք դնում: Ինձ ասում եք, որ ես բարիկադների այն կողմն եմ: Նիկոլ Փաշինյանին, Արարատ Միրզոյանին եւ Սասուն Միքայելյանին, որ ձերբակալեցին, այդ օրը ո՞վ հայտարարեց, որ ես իրենց կողքն եմ»,- ասաց նա:
ՀԺ-ի հարցին՝ իսկ մարտի 31-ին ու՞ր էր, երբ Նիկոլ Փաշինյանը Գյումրիից քայլարշավ էր սկսել, Ծառուկյանը պատասխանեց. «Իմ տեղը նստած էի»: Մեր դիտարկմանը, որ ԲՀԿ-ն համաժողովրդական շարժմանը միացել է Սերժ Սարգսյանի հրաժարականի պաշտոնական հայտարարությունից 1-2 ժամ առաջ, իսկ մինչ այդ բոլորը ներքին խողովակներով գիտեին, որ Սարգսյանը հրաժարական է տալու, Ծառուկյանն ասաց. «Դու չես ամաչում, արի քո հետ մարջ գամ էսքանի առաջ: Սերժ Սարգսյանը դեռ չէր հայտարարել, որ հրաժարական է տալու եւ ոչ մեկի մտքով չէր անցնում, Ծառուկյանն արդեն միացել էր: Սերժ Սարգսյանի հրաժարական տալը հրաշք էր, բոլորս էլ ուզել ենք, որ Մելիք Ադամյանը վերջանա, ժողովրդի կյանքում բան փոխվի, ոչ թե՝ ոնց ուզենք, ինչքան ուզենք կլինի»:
Գագիկ Ծառուկյանը հայտարարել էր, որ պատրաստվում է արտախորհրդարանական ուժերի հետ քննարկումներ ունենալ՝ արտահերթ խորհրդարանական ընտրություններից առաջ: ՀԺ-ն Ծառուկյանից հետաքրրքվեց, թե արդյո՞ք այդ հանդիպումները եղել են, որ ուժերի հետ է համագործակցել ու ինչ արդյունքների են եկել: «Ես ժամանակ չեմ ունեցել»,- ասաց նա: Հարցին՝ արդյո՞ք պատրաստվում է ԲՀԿ ցուցակը գլխավորել, եթե գլխավորի, ապա չի՞ կարծում, որ կհակասի վարչապետին, քանի որ նա հայտարարել էր, որ բիզնեսմենները չպետք է գործադիրում ու օրենսդիրում լինեն: «Ես բիզնեսով չեմ զբաղվում, ես իմ բիզնեսները տվել եմ կառավարման»,- ասաց Ծառուկյանը:
Լրագրողներից մեկը նկատեց, որ Գագիկ Ծառուկյանը ԱԺ-ում ակտիվ չէ, նա էլ հակադարձեց, որ մյուսները գալիս ու ներկա են գտնվում՝ ի՞նչ օգուտ: «Հայկական ժամանակ»-ի հարցին, թե քանի՞ օրենքի նախագծի հեղինակ ու համահեղինակ է, Ծառուկյանն ասաց. «Կարող ես գնալ եւ նայել, թե որտեղ իմ ստորագրությունը կա: Դու Ծառուկյանից խի՞ ես վառված»: Դիտարկմանը, որ «վառված» լինելու խնդիր չկա, այլ հստակ երեւում է, որ նա ԱԺ-ում ոչ մի նախագիծ չի զեկուցել, ոչ մի անգամ կառավարության հետ հարց ու պատասխանին չի մասնակցել, ԲՀԿ նախագահն արձագանքեց. «Այս հարցերը, որ տալիս եք, պատասխանում եմ, կարողա՞ իմ տեղն ուրիշն է պատասխանում: Դու խի՞ ես վառված Ծառուկյանից, դու հատուկ հանձնարարությամբ եկել ես Ծառուկյանի մոտ»:
Ռոբերտ Քոչարյանի կողմից ստեղծվող ընդդիմադիր կուսակցության հետ համագործակցության հետ կապված, Ծառուկյանն ասաց. «Որոշողը ժողովուրդն է: Ես իր հետ գործ չեմ ունեցել, չունեմ: Ես գործ ունեմ ԲՀԿ-ի հետ: Իմ ուզածն այն է, որ իմ ժողովրդի համար լավ բան անեմ, բայց մարդ ինչքան անաղուհաց չի կարող լինել, որքան դուք եք: Ես ոչ մի վատ բան չեմ արել, կարմիր գիծ չեմ քաշել, մարդկանցից փող չեմ հավաքել: Դուք անշնորհակալ եք, մեկդ չեղավ ասի՝ պարոն Ծառուկյան, շնորհակալ ենք: Գնացեք ձեր տերերին պահպանեք, ումից փող եք ստանում եւ պատվեր եք կատարում»:
Գագիկ Ծառուկյանը հայտարարեց, որ ամեն կերպ աջակցելու է կառավարությանը, որն օգուտ կտա ժողովրդին:
ՌԴ նախագահը «ցերեկ ու գիշեր» աշխատել է հայ-ադրբեջանական կարգավորման համար. Լավրովը խոսել է ՀՀ-ԵՄ համագործակցության մասին
Կեղծ են տեղեկությունները, թե հիվանդանոցներում պետպատվերով բուժումները կասեցվել են. ԱՆ
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
Դեպի Ռուսաստան տանող Վերին Լարսի անցակետը փակվել է բեռնատարների համար
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
© 2024 Հայկական ժամանակ