Մի սպասեք, որ ՔՊ-ի ցուցակում լինելու են քննադատություն բերող անուններ. Ալեն Սիմոնյան

«Այո, խորհրդարանը համարվում է արձակված, բայց դա չի նշանակում, որ ԱԺ նիստեր չեն գումարվելու։ Խորհրդարանը գործելու է մինչեւ նոր խորհրդարանը ձեւավորվի եւ առաջին նիստը հրավիրվի, այսինքն՝ վակուում օրենսդիր իշխանությունում մենք չենք ունենալու»,- այսօր լրագրողների հետ զրույցում ասաց ԵԼՔ խմբակցության պատգամավոր Ալեն Սիմոնյանը։

Հարցին՝ մտավախություն չունի՞, որ գործող խորհրդարանի կողմից հաջորդ տարվա բյուջեն չի ընդունվի, պատգամավորը պատասխանեց՝ այդպիսի մտավախություն չունի։ «Մեր պլանը ժողովրդի օգնությամբ իրականություն դարձավ, եւ մենք այսօր ԱԺ-ն ցրված ենք համարում եւ պատրաստվում ենք նոր ընտրություններին, որոնք տեղի կունենան դեկտեմբերի 9-ին»,- ասաց Սիմոնյանը։

Լրագրողները հետաքրքրվեցին՝ ինչպե՞ս է գնահատում ԱԺ պատգամավոր Հայկ Կոնջորյանի քայլը՝ «Լուսավոր Հայաստան» կուսակցությունից դուրս գալու եւ իրենց միանալու: Ալեն Սիմոնյանը պատասխանեց, որ վերաբերվում է շատ դրական եւ շատ ուրախ է։ «Հայկ Կոնջորյանը լինելու է մեր ցուցակում, տեղերի հետ կապված որեւէ բան չեմ կարող ասել, որովհետեւ դրա հետ կապված քննարկում տեղի չի ունեցել։ Կարծում եմ՝ նա ճիշտ որոշում կայացրեց։ Ես իր աջակցությունը միշտ զգացել եմ եւ շատ ուրախ եմ, որ նա այսօր մեզ հետ է»,- ասաց պատգամավորը՝ միաժամանակ ընդգծելով, որ Կոնջորյանն ուրիշ կուսակցությունից եկած գործիչ չէ, վերջիվերջո նա ԵԼՔ դաշինքի անդամ է եղել, կիսել իրենց տեսակետները։

Իսկ հնարավո՞ր է, որ իրենց ցուցակում ավելի շատ ՀՀԿ-ականներ ներգրավվեն, քան ավելի վաղ հայտարարել էր վարչապետը (վերջինս նշել էր երկու-երեք անձանց մասին), Ալեն Սիմոնյանն ընդգծեց՝ հնարավոր չէ։ «Այն մտավախությունը, որ իբր ՀՀԿ-ին ձայն բերող մարդիկ, ովքեր տանիք են փնտրել, լինելու են մեր ցուցակում, բացառված է։ Մի սպասեք, որ լինելու են քննադատություն բերող անուններ»,- նշեց պատգամավորը՝ չբացառելով, որ իրենք նախընտրական ցուցակը կարող են բարձրաձայնել մինչեւ այն ԿԸՀ տանելը։

Ալեն Սիմոնյանը տեղեկացրեց, որ ռեյտինգային ընտրակարգով պայքարի պետք է դուրս գան բոլորը՝ բացառությամբ Նիկոլ Փաշինյանի։ «Միանշանակ էր, որ նոր ԸՕ-ն շատ ավելի դրական ազդակներ կփոխանցեր մեր երկրին, բայց միանշանակ է, որ մենք պատրաստ ենք ռեյտինգային ընտրակարգով գնալուն։ Մենք կունենանք բավական մրցունակ թեկնածուներ։ Մեր ցուցակը ձեւավորման փուլում է գտնվում, միանշանակ է, որ այն կգլխավորի Նիկոլ Փաշինյանը, նա չի առաջադրվի որպես ռեյտինգային թեկնածու»,- նշեց պատգամավորը։

Լրագրողներն Ալեն Սիմոնյանից նաեւ հետաքրքրվեցին՝ ի՞նչ հռետորաբանություն են պատրաստվում կիրառել առաջիկա նախընտրական քարոզարշավի ժամանակ։ «Կարծում եմ՝ շատ դժվար է գուշակել պարոն Փաշինյանի հռետորաբանությունը։ Իմ կարծիքով՝ այս ընտրությունները լինելու են հնարավորինս այն ԸՕ-ի տրամաբանության մեջ, որը մենք ներկայացրել էինք ԱԺ-ի ընտրությանը, այսինքն՝ մենք փորձելու ենք այն վերածել ընտրական պայքարի, որտեղ կարեւոր կլինի ցուցակը, ոչ թե անհատները»,- եզրափակեց պատգամավորը։

Տպել
1437 դիտում

Տավուշի մարզում 42-ամյա վարորդը Honda-ով կողաշրջվել է. նա հոսպիտալացվել է

Երկարատև հիվանդությունից հետո մահացավ ՀՀ վաստակավոր արտիստ Ռուդոլֆ Ղևոնդյանը

Աշտարակի ոստիկանները հանգստի գոտուց բերման են ենթարկել երիտասարդների և հայտնաբերել թմրամիջոց (տեսանյութ)

Պաշտպանն այց է իրականացրել «Փրկություն» հաշմանդամ երեխաների և երիտասարդների կենտրոն

Սամվել Կարապետյանի եղբորորդին չի ընդունում մեղադրանքը. նա եւ Վահե Պարազյանը առերեսվել են

Մասիսի գերեզմանատան մոտակայքում ցորենի արտ է այրվում. դեպքի վայր է մեկնել 7 հրշեջ մեքենա

Դավիթ Տոնոյանն ընդունել է ՀՀ-ում ԱՄՆ դեսպանին

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում