ՔՊ-ն ժողովրդին ասելու է՝ վարչապետ եք ընտրում. սեւերի ու սպիտակների բաժանումն անխուսափելի՞ է լինելու

Կենտրոնական ընտրական հանձնաժողովը պաշտոնապես հայտարարեց, որ Ազգային ժողովի արտահերթ ընտրությունները տեղի են ունենալու դեկտեմբերի 9-ին: ԱԺ արտահերթ ընտրություններին մասնակցելու համար կուսակցությունները փաստաթղթերը պետք է ԿԸՀ ներկայացնեն մինչեւ նոյեմբերի 14-ը՝ ժամը 18։00-ն: Կուսակցությունների կամ դաշինքների ընտրական ցուցակների գրանցումը պետք է կատարվի նոյեմբերի 14-ից մինչեւ նոյեմբերի 19-ը՝ ժամը 18։00-ն: Նախընտրական քարոզչության ժամանակահատվածը կսկսվի նոյեմբերի 26-ից եւ կտեւի մինչեւ դեկտեմբերի 7-ը։

7-րդ գումարման Ազգային ժողովի առաջին նիստը տեղի է ունենալու 2019 թվականի հունվարի 7-ին: ԱԺ կանոնակարգ սահմանադրական օրենքի 32-րդ հոդվածի համաձայն՝ Ազգային ժողովի արտահերթ ընտրության դեպքում առաջին նստաշրջանը հրավիրվում է նորընտիր Ազգային ժողովի կազմավորումից հետո` երկրորդ երկուշաբթի օրը՝ ժամը 10:00-ին։ Դրա մասին հայտարարում է Կենտրոնական ընտրական հանձնաժողովի նախագահը: Ընտրությունները կայանալու են դեկտեմբերի 9-ին։ Ընտրական օրենսգրքի 75-րդ հոդվածի համաձայն՝ Կենտրոնական ընտրական հանձնաժողովը քվեարկության օրվանից հետո` 7-րդ օրը, այսինքն՝ դեկտեմբերի 16-ին, հիմք ընդունելով ընտրական տեղամասերում քվեարկության արդյունքների վերաբերյալ արձանագրությունները, վերահաշվարկի արդյունքները, քվեարկության արդյունքների վերաբերյալ ընդունած որոշումները, կազմում է արձանագրություն քվեարկության վերջնական արդյունքների վերաբերյալ:

Դեկտեմբերի 16-ին հրապարակվելու են ընտրությունների վերջնական արդյունքները, որից հետո հինգ օր տրվում է Սահմանադրական դատարան դիմում-բողոք ներկայացնելու համար: Այս մասին ՀԺ-ի հետ զրույցում փոխանցեց «Քաղաքացիական պայմանագիր» կուսակցության վարչության անդամ Վահագն Հովակիմյանը: «Սա արդեն լինում է դեկտեմբերի 21-ը, եթե ՍԴ բողոք ներկայացվեց, ուրեմն սա էլ առաջին նիստը հետաձգում է 15 օրով: Եթե ՍԴ բողոք չի ներկայացվում, ապա ԿԸՀ-ն կարող է դեկտեմբերի 22-ին ամփոփել քվեարկության արդյունքները: 22-ը շաբաթ օր է, 22-ին ԿԸՀ-ն նիստ չի անի, քանի որ ոչ աշխատանքային է, ուստի՝ ամփոփումը կատարվում է 24-ին: Սահմանադրության մեջ ասվում է, որ ամփոփումից հետո երկրորդ երկուշաբթի օրը գումարվում է նիստ, 24-ը երկուշաբթի է, որին հաջորդող 2-րդ երկուշաբթին ընկնում է հունվարի 7-ը: Եթե բողոքարկում եղավ, ապա բողոքի մուտքագրումից 15 օր հետո ՍԴ-ն պետք է որոշում կայացնի, որից հետո նոր տեղի է ունենում նիստը»,- ասաց նա:

Ի դեպ, եթե ամեն ինչ այս սցենարով ընթանա, ապա խորհրդարանը ՀՀ վարչապետ է ընտրելու հունվարի 7-ին:

Ընդդիմադիր ՀՀԿ-ում այնքան էլ ոգեւորված չեն այս գործընթացով: ՀՀԿ-ում խորհրդարանական արտահերթ ընտրություններին մասնակցելու մասին կարծիքները շարունակում են տարբեր մնալ: Կուսակցության փոխնախագահ Արմեն Աշոտյանի խոսքով՝  մի մասը կարծում է, որ պետք է մասնակցել ընտրություններին, մյուս մասը՝ ոչ, պնդելով, որ մասնակցությունն անիմաստ է, եթե չեն հաղթելու: Միաժամանակ Աշոտյանը փոխանցեց, որ կուսակցության գրասենյակում աշխատանքներն ակտիվ շարունակվում են ու այս պահին վերջնական որոշում չկա: «Աշխատում ենք այն տրամաբանությամբ, որ գուցե մասնակցելու ենք: Համաժողով կլինի ու կորոշենք»,- ասաց նա՝ ընդգծելով, որ համաժողովը, ամենայն հավանականությամբ, կլինի հաջորդ շաբաթվա վերջին, որին, ամենայն հավանականությամբ, կմասնակցի նաեւ ՀՀԿ նախագահ Սերժ Սարգսյանը:

Հարցին՝ արդյո՞ք Սերժ Սարգսյանը կգլխավորի ցուցակը՝ Աշոտյանն ասաց, որ այս մասով իր վերջնական որոշումը Սերժ Սարգսյանը չի արտահայտել: Ի դեպ, ՀՀԿ ԳՄ անդամներից Հերմինե Նաղդալյանը ՀԺ-ի հետ զրույցում վստահեցրել էր, որ Սերժ Սարգսյանը մասնակցելու է ՀՀԿ համաժողովին:

Ի տարբերություն ընդդիմադիր ՀՀԿ-ի, իշխող «Քաղաքացիական պայմանագիր» կուսակցությունում ոգեւորված են նախընտրական քարոզարշավի մեկնարկի նախապատրաստական աշխատանքներով: ՔՊԿ վարչության անդամ Ալեն Սիմոնյանը մեր զրույցում նշեց, որ դեռ քննարկում են, թե քարոզարշավում ինչ մարտավարություն են ընտրելու, ինչ ոլորտներ են թիրախավորելու եւ այլն: Սիմոնյանը կարծում է, որ դեկտեմբերի 9-ի խորհրդարանական ընտրությունները վերածվելու են վարչապետի ուղիղ ընտրության։ «Ժողովուրդը պետք է բացի իր պատգամավորին ընտրելուց, հասկանա, որ այս ընտրությունը ինքը կատարելու է նաեւ հօգուտ պարոն Փաշինյանի կամ ընդդեմ պարոն Փաշինյանի»,- ասաց Սիմոնյանը: Այսինքն, ընտրելով ՔՊ-ի ցանկացած թեկնածուի, վստահության քվե է տրվելու Նիկոլ Փաշինյանին՝ ժողովրդի հաղթանակը վերջնակետին հասցնելու համար:

ՔՊ-ի պատգամավորները մասնավոր զրույցներում չեն բացառում, որ հնարավոր է՝ այս քարոզարշավը եւս լինի սեւերի եւ սպիտակների պայքար:

Տպել
3905 դիտում

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների դրանք կուղղվեն

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին

Իրավիճակը հասարակներից չէ, մինչև ապրիլի 5-ը վտանգն առկախված է, ներքին առումով ևս հանգիստ չէ. Հարություն Մկրտչյան

Վերանորոգված և արդիականացված «Մհեր Մկրտչյան» արտիստական թատրոնն իր դռները կբացի առաջնախաղով (տեսանյութ)

ՀՀ-ն կարևորում է ԵՄ դիտորդական առաքելության տեղակայումը Հայաստան-Ադրբեջան սահմանին․ Ալեն Սիմոնյանը՝ Անն-Լորանս Պետելին

13-ամյա թոռը պապին հայտնաբերել է կախված վիճակում

Մոսկվայում պայթյունի սպառնալիքի պատճառով տարհանվել է «Щука» առևտրի կենտրոնը (տեսանյութ)

Գոշ գյուղի լճի մոտակայքում ավտոմեքենան բախվել է ծառին և արգելափակվել ցեխակույտի մեջ

Crocus City Hall-ի ահաբեկչությունից հետո նույնականացվել է 84 զոհի մարմին․ նրանց թվում 9-16 տարեկան 5 երեխա կա

Նիկոլ Փաշինյանի՝ հունական Kathimerini օրաթերթի հարցազրույցը հրապարակվել է ամերիկյան The New York Times-ում (լուսանկար)