Երևան
17 °C
Նոյեմբերի 11-ին Փարիզում անցկացվել են Առաջին համաշխարհային պատերազմի ավարտի հարյուրամյակին նվիրված հանդիսավոր արարողությունները: Ֆրանսիայի նախագահ էմանուել Մակրոնի նախաձեռնությամբ աշխարհի շուրջ վեց տասնյակ երկրների ղեկավարներ հարգանքի տուրք են մատուցել Առաջին համաշխարհային պատերազմի միլիոնավոր զոհերի հիշատակին: Հյուրերի թվում էին ՌԴ նախագահ Վլադիմիր Պուտինը, Գերմանիայի կանցլեր Անգելա Մերկելը, ԱՄՆ նախագահ Դոնալդ Թրամփը, Իսրայելի վարչապետ Բինյամին Նեթանյահուն, ինչպես նաեւ ՄԱԿ-ի գլխավոր քարտուղար Անտոնիու Գուտերեշը: Պատերազմի ավարտի հարյուրամյակին նվիրված միջոցառումներին մասնակցել է նաեւ ՀՀ վարչապետի պաշտոնակատար Նիկոլ Փաշինյանը:
Փաշինյանը ելույթ է ունեցել «Փարիզի խաղաղության համաժողովի» շրջանակներում: Իր ելույթում նա անդրադարձել է Առաջին համաշխարհային պատերազմի դասերին՝ նշելով, որ հակառակ այն համոզմունքին, որ պատերազմներում կան հաղթողներ եւ պարտվողներ՝ մարդկային տեսանկյունից, ոչ ոք չի հաղթում: Պատերազմները բերում են միմիայն կորուստ, տառապանք եւ ավերածություններ: Նա խոսել է նաեւ Հայոց ցեղասպանության, ինչպես նաեւ դրան հետեւած 20-րդ դարի մյուս ցեղասպանությունների մասին
Սակայն, Փաշինյանի ելույթի առավել հետաքրքրական մասը վերաբերվում է Առաջին համաշխարհային պատերազմի ավարտից հետո ձեւակերպված ժողովուրդների ինքնորոշման իրավունքին:
«Պատերազմի դասերից էր ժողովուրդների ինքնորոշման իրավունքի ձեւակերպումը Վիլսոնյան հայտնի 14 կետերում: Այնուհետեւ այն ընդգրկվեց ՄԱԿ-ի կանոնադրության մեջ, Հելսինկիի եզրափակիչ ակտում եւ հիմք դարձավ ժամանակակից երկրների շուրջ կեսի անկախության համար», - նշել է վարչապետը:
Նա անդրադարձել է նաեւ oրերս Նոր Կալեդոնիայում տեղի ունեցած անկախության հանրաքվեին, որտեղ կղզու բնակիչների 59 տոկոսը դեմ արտահայտվեց Ֆրանսիայի կազմից դուրս գալուն:
«Առաջին աշխարհամարտի արդյունքում աշխարհի ժողովուրդներն օրենքի ուժով հաստատեցին ազատ կամքի դրսեւորմամբ սեփական ճակատագիրը տնօրինելու իրենց իրավունքը: Այստեղ` Ֆրանսիայում, հարկ եմ համարում ընդգծել, որ ընդամենը մի քանի օր առաջ Ֆրանսիան հստակորեն վերահաստատեց իր սկզբունքային դիրքորոշումն այս հարցում. Նոր Կալեդոնիայի ժողովուրդը հնարավորություն ստացավ հանրաքվե անցկացնել: Ցավոք, այդ իրավունքի նկատմամբ մոտեցումն ընտրովի է», - ասել է նա:
Իհարկե, Փաշինյանի խոսքը Արցախի մասին էր: Սակայն հատկանշական է, որ նույն ընթացքում Դոնեցկի եւ Լուգանսկի ինքնահռչակ հանրապետություններում ընթանում էին հանրապետությունների ղեկավարների եւ խորհրդարանական ընտրություններ, որոնք պաշտոնական մակարդակով քննադատվեցին Ֆրանսիայի եւ Գերմանիայի կողմից:
Գերմանիայի կառավարության մամուլի ծառայության տարածած` Մերկելի եւ Մակրոնի համատեղ հայտարարության համաձայն՝ «Դոնեցկի եւ Լուգանսկի ժողովրդական հանրապետություններում անցած ընտրությունները խաթարում են Ուկրաինայի տարածքային ամբողջականությունն ու ինքնիշխանությունը»: Մինչ այդ նրանք հանդիպել էին Ուկրաինայի նախագահի հետ եւ քննարկել հակամարտության գոտում խաղաղապահների տեղակայման հարցը:
Ոչ բոլոր երկրների ղեկավարներն էին Պորոշենկոյի հետ այդքան սիրալիր: Դոնալդ Թրամփը Հաղթական կամարի մոտ հանդիսավոր արարողությունից առաջ երկրների ղեկավարների համար նախատեսված տրիբունայի վրա անգամ չմոտեցավ Պորոշենկոյին՝ ձեռքը սեղմելու, մինչդեռ վերջինիս հայացքից զգացվում էր, որ նա սրտանց սպասում է դրան: Այս դրվագի տեսագրությունը արագորեն տարածվել էր համացանցում եւ Ուկրաինայի նախագահի հասցեին բազմաթիվ կատակների առիթ հանդիսացել:
Փարիզյան միջոցառումների ընթացքում ամենասպասվող իրադարձությունը Թրամփ-Պուտին հնարավոր հանդիպումն էր: Այդուհանդերձ, լիարժեք առանձին հանդիպում տեղի չունեցավ: Նախագահները շփվեցին Ելիսեյան պալատում կայացած աշխատանքային նախաճաշի ընթացքում:
Հանդիպման չկայանալու տարբեր պատճառներ են նշվում: Համաձայն «Коммерсантъ» թերթի աղբյուրի՝ հանդիպում չանցկացնելու խնդրանքով կողմերին դիմել է Էմանուել Մակրոնը՝ պատճառաբանելով, որ այն «կստվերի օրվա մնացած միջոցառումները»: Ռուսաստանի նախագահի խորհրդական Յուրի Ուշակովը «Россия-1»-ի հետ զրույցում նշել էր, որ նման խնդրանքով դիմել է ֆրանսիական կողմը եւ հայտնել, որ Պուտին-Թրամփ հանդիպումն, ամենայն հավանականությամբ, տեղի կունենա Բուենոս Այրեսում՝ G20-ի գագաթնաժողովի ընթացքում:
Ինչ վերաբերվում է ֆրանսիական կողմի խնդրանքին, ապա այն լիովին տեղավորվում է վերջին շրջանում Եվրոպայում եւ, մասնավորապես Ֆրանսիայում տեղի ունեցող իրադարձությունների եւ հնչող հայտարարությունների սահմաններում:
Նոյեմբերի 6-ին Europe 1 ռադիոկայանին տված հարցազրույցում Մակրոնը հայտնել էր, որ եվրոպացիների անվտանգությունը լիովին ապահովելու համար անհրաժեշտ է համաեվրոպական բանակ ստեղծել եւ կրկնել դեռեւս օգոստոսին արտահայտած իր միտքն առ այն, որ Եվրոպայի անվտանգությունն այլեւս չպետք է ամբողջովին կախված լինի ԱՄՆ-ից: Իսկ Ֆրանսիայի ֆինանսների նախարար Բրունո լե Մերն ընդհանրապես կարծում է, որ Եվրոպան պետք է դառնա «խաղաղասեր կայսրություն»՝ հիմնված իրավական պետության սկզբունքների վրա:
Այս համատեքստում Մակրոնի ելույթը փարիզյան միջոցառումների ընթացքում միանգամայն ներդաշնակ է: Իրեն հայրենասեր անվանելով եւ հակադրելով հայրենասիրությունն ու նացիոնալիզմը Մակրոնը երկու խնդիր էր փորձում լուծել: Նախ եւ առաջ դա հարված էր Ֆրանսիայի աջակողմյան ուժերին, որոնք նրա հիմնական մրցակիցն են եւ գաղափարական հակառակորդը հաջորդ տարվա Եվրախորհրդարանի ընտրություններում: Բացի դրանից, այդ հայտարարությունով Մակրոնը հակադրվում է Թրամփին, որը ԱՄՆ Կոնգրեսի միջանկյալ ընտրությունների ընթացքում իրեն նացիոնալիստ էր անվանել:
Այդպիսով՝ Մակրոնը շարունակում է առաջ տանել անկախ եւ միասնական Եվրոպայի թեզը: Համաեվրոպական բանակի անհրաժեշտության եւ եվրոպական «խաղաղասեր կայսրության» մասին մտքերը, Թրամփ-Պուտին հանդիպման աննպատակահարմարությունը եւ հայրենասիրություն-նացիոնալիզմ հակադրությունը հուշում են, որ Ֆրանսիան հայտ է ներկայացնում ինքնուրույն Եվրոպայում հատուկ՝ գուցե նաեւ կենտրոնական դեր զբաղեցնելու:
ՄԻՊ-ին առընթեր հասարակական խորհրդի նիստում քննարկվել է «Ազգային փոքրամասնությունների մասին» օրենքի նախագիծը
«No Energy». Բրյունետը նոր երգ ու տեսահոլովակ է ներկայացրել
Գազալցակայանի մոտ «Մերսեդես»-ից կրակոցներ են լսել․ հայտնաբերվել են ատրճանակ և կրակված պարկուճ, կա ձերբակալված
Երևան-Ագարակ մայրուղու՝ Մեղրի քաղաքի հատվածում պայթեցման աշխատանքներ են կատարվելու
Մեկ տարի առաջ սեպտեմբերի 19-ին Ադրբեջանի հարձակման հետևանքով ԼՂ բնիկ բնակիչները ստիպված լքեցին սեփական բնակավայրերը. ԱԳՆ
Սիրո և համերաշխության տեռոր. 4*250.000 ռուբլի՞, թե՞ բոլորին միասին 250.000. Ստյոպա Սաֆարյան
ՃՈ տեսուչը և ևս 1 անձ 25 քաղաքացու վարորդական վկայական տալու դիմաց շուրջ 5 մլն դրամ կաշառք են ստացել. գործը դատարանում է
Որոնվում են 31-ամյա տղամարդուն ծեծի ենթարկած, դանակի բազմաթիվ հարվածներ հասցրած 24-ամյա և 34-ամյա կասկածյալները
Հայաստանի դեսպանը «Բարեկամության շքանշան»-ներ է հանձնել ֆրանսիացի խորհրդարանականներին
Կատարի պատվիրակության ներկայացուցիչների հետ բացեցինք Ետուարտ Սագաեանի նկարների ցուցահանդեսը. Աննա Հակոբյան
Լիբանանում հաղորդակցության սարքերի վերջին պայթյունների հետևանքով 20 մարդ է զոհվել
Նոր Նորք վարչական շրջանի որոշ հասցեներում ջուր չի լինի
Մինչև հոկտեմբերի 1-ը Ստեփանծմինդա-Լարս ճանապարհը որոշակի ժամերի բոլոր տեսակի մեքենաների համար փակ է լինելու
Երևանի և 8 մարզի բազմաթիվ հասցեներում մի քանի ժամ լույս չի լինի
Ավտոմեքենան բախվել է գազատար խողովակին և կողաշրջվել (լուսանկար)
Լիբանանում հաղորդակցության սարքերի նոր պայթյունների հետևանքով զոհերի թիվն ավելացել է
27 ընկերության հետ 52 պայմանագիր է կնքվել. ինչ գնումներ է արել ՊՆ-ն տեղական արտադրողներից
Հայաստանի տղամարդկանց հավաքականը առավելության է հասել Անգլիայի նկատմամբ
Ծանրության կենտրոնը տեղափոխվում է հյուսիս. Իսրայելը հայտարարել է պատերազմի նոր փուլի մասին
Քննարկվել են ՀՀ-ում ընթացող շինաշխատանքներին միջազգային՝ այդ թվում ղազախական ընկերությունների ներգրավածության հարցերը
Ուկրաինայի հաղթանակի ծրագիրը պատրաստ է, ամենակարևորը այն իրականացնելու վճռականությունն է. Զելենսկի
Դեսպան Ամանին փեյջերի պայթյունից տեսողությունը չի կորցրել. Իրանը հերքել է տարածված լուրերը
Երևանի գերեզմանատներում երկաթբետոնե կոնստրուկցիաների տեղադրման վճարը նվազել է. տեղը տրամադրվում է անվճար (տեսանյութ)
ՌԴ-ն ուզում է իր շահերը առաջ տանող իշխանություն ունենալ ՀՀ-ում, անընդհատ զինված հեղաշրջումների փորձ է անելու. Միսկարյան
Աննա Հակոբյանի հրավերով Հայաստանում է Կատարի մշակութային ամենամեծ հիմնադրամի՝ «Կատարայի» ղեկավար կազմը (տեսանյութ)
ԱՄՆ-ը կշարունակի աջակցել վրաց ժողովրդին՝ Վրաստանը դարձնելու ավելի ուժեղ, տնտեսապես զարգացած երկիր. ԱՄՆ դեսպան
Քաղցկեղը հաղթահարած Ուելսի արքայադուստրը վերադարձել է աշխատանքի
Ներկայացվել է Հարավային Կովկասում խաղաղության հասնելու Հայաստանի տեսլականը. քաղաքական խորհրդակցություններ Բրատիսլավայում
1990-ին նա ստիպեց մի ամբողջ ազգի երազել Իտալիայի կախարդական գիշերների ժամանակ. մահացել է Սալվատորե Սկիլաչին
Անահիտ Ավանեսյանը մի շարք առաջարկներ է արել. տեղի է ունեցել ԱԱՏՄ-ի կառավարման խորհրդի արտահերթ նիստը
Պաշտպանական ոլորտում մենք ՌԴ-ի հետ ոչ մի ընդհանուր շահ չունենք, պետք է խիզախենք և ՀԱՊԿ-ի մասով կայացնենք քայլը. Խալաթյան
Երևանի քաղաքապետարանը և Տաշքենդը կհամագործակցեն հասարակական տրանսպորտի ոլորտում. հուշագիր է ստորագրվել
Հեռահաղորդակցության միջոցների նոր պայթյուններ Բեյրութում և հարավային Լիբանանում. հրդեհներ են բռնկվել (տեսանյութ)
Գյուղացիները խաղողի իրացման խնդիր չեն ունենա. Պապոյանն Արմավիրում հետևել է մթերումների ընթացքին, քննարկել առկա հարցերը
Շեշտվել է Հարավային Կովկասում կայուն և տևական խաղաղության հաստատման հրամայականը. ՀՀ նախագահը պարգևատրել է Միխայել Ռոթին
Քաղաքացուն առևանգել, հարվածել, սպառնացել են սպանել, նաև վնասել ընտանիքի անդամներին. 3 անձ է ձերբակալվել
«Թեժ աշնան» վրա լցված սառը ջուրը․ Ալխաս Ղազարյանը՝ ՀՀ-ում հեղաշրջման փորձի մասին
Մինչ ընդդիմությունը պատրաստվում է, ՀՀ-ում հեղաշրջման փորձ նախապատրաստող զինված խումբ է բացահայտվում. Հովհաննիսյան
Հրազենից արձակված կրակոցից զինծառայողին անզուշությամբ ծանր մարմնական վնաս պատճառելու համար մեղադրվում է ծառայակիցը
Աննա Հակոբյանը «KATARA CULTURAL VILLAGE»-ից ժամանած հյուրերի հետ այցելել է Մատենադարան (տեսանյութ)
