Ապամոնտաժված կառույցի սեփականատերը պնդում է՝ դատարանը կասեցրել էր շինությունը քանդելու որոշումը

«Մենք երբեք չենք վիճարկել, թե շինությունն ինքնակամ չէ: Անընդհատ շեշտադրում են դա ու դրանից առաջ չեն գնում: Ինչի՞, որովհետեւ ձեռք չի տալիս դրանից առաջ գնալ: Բայց ամբողջ հարցը դրանից հետո է: Մենք ասում ենք՝ պետք չի, որ պետական մարմինն անօրինականությանը պատասխանի անօրինականությամբ, բայց իրենց անօրինականությունը հանցագործություն է, իսկ էդ մարդու անօրինականությունը զանցանք է, վարչական իրավախատում»: «Հայկական ժամանակ»-ի հետ զրույցում նման հայտարարություն արեց երեկ ապամոնտաժված շինության սեփականատիրոջ փաստաբանը՝ Արմեն Օհանյանը:

Նա ասաց, որ էական հարցը շինարարությունը չդադարեցնելը չէ, այլ այն, որ որոշում է կայացվել շինությունը քանդելու՝ առանց բացարձակ ուսումնասիրության.

«Օրենսդրությամբ այսպես է, որ եթե ինչ-որ մի ինքնակամ կառույց է հայտնաբերվել, ինքը սկզբում համարվում է համայնքային սեփականություն, հետո վաճառվում է կամ մնում համայնքին՝ որպես սեփականություն: Պատրաստի շենքը քանդելը բարբարոսություն է: Ինչ-որ եզրակացություններ են տվել, բայց քաղաքապետարանի ճարտարապետը սեյսմիկ եզրակացություն տալու լիցենզիա չունի, դա լիցենզավորված իրավասություն է: Իրենք չեն եկել, հեռվից մի հատ նկար են արել: Մարդ չի եկել: Իրենք մի շարք ստուգումներ պիտի անեին, ոչինչ չեն արել, գրել են՝ մենք գտնվում ենք 9 բալանի սանդղակում, պետք է քանդվի: Կամ ինչ է նշանակում՝ համայնքային հողի վրա է կառուցել, եթե էդ համայնքային հողը օրինականորեն տրված է էդ մարդուն, վարձակալությամբ տրված է: Ճարտարապետն ասում է՝ բոլոր ինքնակամ կառույցները քանդվելու են: Ինքնակամ կառույցները շատ-շատ են, բայց առաջինը պետք է դրա օրինականացման հնարավորությունը ստուգեն: Իսկ իրենք ասում են՝ օրենք է խախտվել, պետք է քանդվի: Սա անհասկանալի լուծում է»,-ասաց փաստաբանը:

Ապամոնտաժված շինության սեփականատերը՝ Դավիթ Ահարոնյանը, մեր զրույցում պնդեց, որ իրենք մի քանի անգամ դիմել ենք քաղաքապետարան, որ իրենց սեփական հողի վրա օրինական շինություն կառուցեն, բայց մի քանի անգամ դիմելուց հետո չեն տվել, Ահարոնյանն էլ որոշել է ինքնակամ կառուցել.

«Ընդհանրապես, որ քեզ թույլտվություն են տալիս, քո մուծումը լինում ա մոտ 200 հազար դրամ, տուրքը էլի, բայց եթե ես ինքնակամ եմ սարքել, իմ սեփական հողի վրա, մոտավորապես 100 միլիոնի մուծում եմ անելու: Այսինքն՝ երկրորդ տարբերակ չի եղել, եթե տարբերակ լիներ, հաստատ ես 200 հազար դրամը կմուծեի, 200 հազարով կպրծնեի, ոչ թե 100 միլիոնով, վերջում էլ գային քանդեին»,- ասաց շինության սեփականատերը:

Ըստ Ահարոնյանի՝ դատարանը որոշել է կասեցնել քաղաքապետարանի՝ տվյալ շինությունն ապամոնտաժելու որոշումը, սակայն առանց այդ որոշումը հաշվի առնելու՝ սկսվել են ապամոնտաժման աշխատանքները: Սեփականատերը նաեւ նշեց, որ շինությունն իրականում զբաղեցրել է ոչ թե 1100 քմ տարածք, այլ՝ 770, եւ համայնքապատկան տարածքի վրա ոչինչ կառուցված չի եղել:

Երեւանի քաղաքապետի խոսնակ Հակոբ Կարապետյանը, սակայն մեր զրույցում պարզաբանեց, որ դատարանը ընդունել է որոշում՝ Դավիթ Ահարոնյանի հայցը վարույթ ընդունելու մասին: Խոսքը քաղաքապետի՝ հոկտեմբերի 29-ին կայացրած որոշման մասին է, ըստ որի՝ պետք է քանդվեր ապօրինի կառույցը, այսինքն՝ որոշում չի եղել ապամոնտաժումը կասեցնելու. «Դավիթ Ահարոնյանը դատարանում բողոքարկել է այդ որոշումը: Մինչ վճիռ կայացնելը, առերեւույթ բոլոր օրինական հիմքերը կային շինությունը քանդելու»:

Ինչ վերաբերում է Ահարոնյանի փաստաբանի պնդմանը, թե ապամոնտաժման աշխատանքներից առաջ շենքի որեւէ ստուգում, սեյսմակայունության գնահատման աշխատանքներ չեն կատարվել, Հակոբ Կարապետյանն ասաց՝ ստուգումներ ինչպե՞ս իրականացվեին, եթե այդ կառույցը քաղաքապետարանի փաստաթղթաշրջանառության մեջ չկա.

«Դա ապօրինի կառույց է, երբ հայտնաբերվել է, հրահանգվել է կասեցնել կառուցումը, քանի որ թույլտվություն չկա: Իսկ Հայկ Մարությանն արդեն հայտարարել է, որ ապօրինի շինություններն օրինականացնելու պրակտիկան վերանալու է: Բացի այդ, իրենց պատկանող տարածքի վրա էլ չեն կարող կառուցել ապօրինի ինքնակամ շինություն»,-ասաց քաղաքապետի մամուլի խոսնակը՝ հավելելով, որ համայնքապատկան տարածքի վրա եւս եղել է շինություն, որն էլ ապամոնտաժվել է:

Երևանի քաղաքապետի 12.11.2018թ. 3395-Ա որոշմամբ երեկ Երևան համայնքի սեփականություն հանդիսացող 160 քմ ընդհանուր մակերեսով հողամասում՝ Գյուրջյան փողոցի N 1/3 հասցեում, իրականացվել են ինքնակամ շինության քանդման աշխատանքներ: Այդ շինությունը պատկանում է «Անի-97» ընկերության սեփականատեր Դավիթ Ահարոնյանին: Վերջինս ու իր փաստաբանը պնդում են՝ անօրինական ապամոնտաժում իրականացնողները պետք է պատասխանատվության ենթարկվեն:

Տպել
3224 դիտում

21-րդ դարում 30 աշակերտ օգտվում է 19-րդ դարի զուգարանից. Սիփան Փաշինյանը՝ Տավուշի 3 գյուղերի դպրոցների խնդրի մասին

Այս տարի ԿԲ կողմից գնված արտարժույթը հասավ 398 միլիոն դոլարի. սա շատ լավ նորություն է. վարչապետ

Ադրբեջանում «Երեւան» անունով ֆուտբոլային ակումբ է բացվել

Ինչ եմ ցանկանում լսել Փաշինյանի ՄԱԿ-ի ելույթում

Ոստիկանության պետի ու ԱԱԾ նախագահի ժամանակավոր պաշտոնակատարները նշանակվեցին

Վրաստանն օգոստոսին կորցրել է զբոսաշրջիկներից ստացվող եկամուտների 10 տոկոսը

Վրաստանում հայալեզու դպրոցների դասագրքերում գրված են ադրբեջաներեն տեքստեր (լուսանկարներ)

Ռեկտորը պնդում է՝ կոնսերվատորիայի միջոցառումը սատանիստական չէր

ՊԵԿ-ը կանխել է ԵԱՏՄ պետություններից կեղծ հաշվարկային փաստաթղթերով ապրանքների ներկրման դեպք

«Պատերազմական գործողություն» է. Փոմփեոն՝ Սաուդյան Արաբիայի նավթային օբյեկտների վրա հարձակման մասին

Պարապ եմ համարում բոլոր քննադատությունները. Տեր Վահրամը՝ Կարապետյանների մեծադիր կտավի մասին

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդիպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում