Մամուլի քարտուղարը ձեզ հետ է խոսում, դուք միշտ լսողի դերում եք եղել. Փաշինյան-Սարգսյան թեժ բանավեճ

Մենք համարում ենք, որ եղել է իշխանափոխություն, ոչ թե հեղափոխություն, տվյալ դեպքում եղել է բողոքի ալիք, որը պարոն Փաշինյանը հեծել է եւ եկել իշխանության:

Այս մասին քիչ առաջ Հանրային հեռուստաընկերության եթերում ընթացողնախընտրական մեծ բանավեճի ժամանակ նշեց ՀՀԿ ցուցակը գլխավորող Վիգեն Սարգսյանը՝ անդրադառնալով  Լեւոն Շիրինյանի հարցին, թե արդյո՞ք ՀՀ-ում տեղի ունեցածը հեղափոխություն էր:

«Պարոն Փաշինյանն ասում է՝ տեղի ունեցածը բացառիկ է, բայց պիտի հիասթափեցնեմ, ամեն տեղ էլ դա լինում է եւ սովորաբար լավ չի վերջանում»,-ասաց Վիգեն Սարգսյանը:

Ընթացքում հաղորդավարները հիշեցրեցին, որ միմյանց վիրավորել չի կարելի:

Վիգեն Սարգսյանի խոսքերին արձագանքեց Նիկոլ Փաշինյանը՝ «Բայղուշ բառը վիրավորակա՞ն է»: Վիգեն Սարգսյանը պատասխանեց. «Այո, շատ վիրավորական է ու խորհուրդ չեմ տալիս այդ բառերի մեջ գնալ, որովհետեւ հիմա կոնսոլիդացիայի պահ է: Ես ուզում եմ, որ դուք իմանաք, որ ձեր տապալվելը ոչ մեկին ձեռք չի տալիս: Ինձ ձեռք չի տալիս, որովհետեւ իմ երեխաներն են այս երկրում ապրում: Բայց ես ուզում եմ, որ դուք հաջողեք աշխատանքով, ոչ թե խոսքերով: Որ մարդիկ զգան, որ երջանիկ են: Ձեր պատմածից դուրս է գալիս, որ մենք իդեալական երկրում ենք ապրում, որտեղ թոշակները, աշխատավարձերը ավելացել են, գները իջել են, բայց մարդիկ դա չեն զգում»:

Շարունակելով, ՀՀԿ ցուցակի առաջնորդը նշեց, որ կա զանգված, որն իրենց պաշտպանում է ու պետք չէ բռնանալ այդ զանգվածի վրա, իրենք լավ իշխանություն են եղել, իրենց հետ նախագահներ են խոսել, մինչդեռ Ն. Փաշինյանի հետ խոսում են մամուլի քարտուղարները:

Նիկոլ Փաշինյանը նկատեց, որ երբ Վիգեն Սարգսյանն ասում է՝ բողոքի ալիքը հեծեցին, սա իրենց մտածողությունն է. «Սա քաղաքական գործչի եւ հանրության հարաբերությունների մասին պատկերացում է: Իրենք (ՀՀԿ-ն-խմբ) եւ արտաքին եւ ներքին հարաբերության մեջ պատկերացնում են հենց այդ հարաբերությունը՝ կամ դու պետք է հեծնես, կամ քեզ պետք է հեծնեն: Իրենք ներքին կյանքում աշխատել են ժողովրդին հեծնել, եւ դրա արդյունքում իրենց դրսներում հեծնել են: Հիմա էլ ասում են, թե արտաքին քաղաքականություն է եղել:

Հետո էլ ասում են՝ ձեզ հետ խոսում է մամուլի քարտուղարը: Մամուլի քարտուղարը ձեզ հետ է խոսում: Ինձ հետ որեւէ մամուլի քարտուղար չի կարող խոսել»:

Վիգեն Սարգսյանը հակադարձեց, թե վերջին օրերին Փաշինյանի հետ 4 մամուլի քարտուղար է խոսել, Փաշինյանն արձագանքեց. «Քարտուղարները կարող են խոսել իմ մասին եւ շատ հնարավոր է, աշխարհի բազմաթիվ մամուլի քարտուղարներ խոսեն իմ մասին, բայց ոմանց դա չի սպառնում»:

«Լուսավոր Հայաստանի» առաջնորդ Էդմոն Մարուքյանը շարունակելով թեմայի շուրջ բանավեճը, նշեց, որ տեղի է ունեցել հեղափոխություն, միայն թե պարտվող կողմը չի կարողանում արժանապատիվ պարտվել. «Սերժ Սարգսյանի հրաժարականից հետո պետք է բոլորը հրաժարական տային, ոչ թե աթոռները պահեին, փորձեին սաբոտաժ անել: Դուք գիտե՞ք, որ գյուղերում մեզ ասում են՝ այնպես արեք, որ չխոսեն ՀՀԿ-ի մասին»:

Վիգեն Սարգսյանն արձագանքեց, որ այդպես էլ արել են, հրաժարական տվել են, իսկ ովքեր չեն տվել, ՀՀԿ-ի դավաճաններն են, որոնք կդավաճանեն նաեւ նոր իշխանություններին: Իսկ այն գյուղերում, որտեղ ինքն է եղել, շատ ջերմ են ընդունել ՀՀԿ-ականներին,ինքը բազմաթիվ գյուղերում է եղել, իրենց սիրում են:

«Դուք արժանապատիվ պարտությունը կկրեք ու ցույց կտաք արժանապատվությունը: Մենք այս պահին անում ենք այն, ինչ կուսակցությունը պետք է անի: Կուսակցությունը պետք է ընդունի իրականությունը, որ եղավ եւ գնա նոր քաղաքական փուլի: Մենք ունենք զանգված, հսկայական քանակ մարդկանց, ովքեր մեզ ասում են, որ մեր կարիքն ունեն խորհրդարանում»,-ասաց Վիգեն Սարգսյանը:

Նիկոլ Փաշինյանը կրկին արձանագրեց. «Տեսեք լեզվամտածողությունը՝ մենք ունենք զանգված, ունենք մարդկանց քանակ եւ հեծնել: Սրանով ամեն ինչ ասված է, այլ մեկնաբանություն անելու կարիք չկա, այս մարդիկ տարիներով մտածում են հեծնելու եւ զանգվածի մասին»:

«Մենք» դաշինքի ցուցակը գլխավորող Արամ Սարգսյանն ասաց, որ ինքն այն կարծիքին չէ, որ ՀՀԿ-ն պետք է փակել, պետք է ՀՀԿ-ականներին քառատել, քանի որ ՀՀԿ-ում իսկապես կան մարդիկ, որոնք ծառայություն են մատուցել հայրենիքին, իսկ ՀՀԿ-ն կանցնի, թե չի անցնի, կորոշի ժողովուրդը:

Սրան արձագանքեց «Սասնա ծռերի» առաջին համար  Վարուժան Ավետիսյանը. «Ոչ ոք չի խոսում քառատելու մասին, մասնատելու մասին: Դուք շարունակում եք նախկին ռեժիմի փաստաբանի դերը կատարել, այն ռեժիմի, որը մարդկանց է գնդակահարել, ռեժիմը, որը սպանել է մադրկանց ու մահակի վերածած ոստիկանության միջոցով ապստամբների վրա է գցել մեղքը ու դա կբացահայտվի: Խոսքը մի ռեժիմի մասին է, որի գործողությունները հանգեցրել են ցեղասպանական հետեւանքների, որը տարածք է զիջել եւ պատճառ է դարձել մեր 100-ից ավելի քաղաքացիների մահվան»:

Վիգեն Սարգսյանը Վարուժան Ավետիսյանի խոսքերին զուգահեռ պատասխանեց՝ «Դուք եք գնդակահարել, բառիս բուն իմաստով», Արամ Սարգսյանն էլ հայտարարեց. «Դուք եք մարդկանց գնդակահարել: Ես սպայի պատիվ եմ պահում»:

Տպել
2919 դիտում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը

Ավազակային հարձակում Երեւանում․ պարանը գցել են վաճառողի պարանոցին ու սպառնալիքով հափշտակել խոշոր չափի գումար

Ֆեմիդա. նոր դատական համակարգ` հին դատավորներով

ԳԱԱ. ժողովում լուրջ հարցեր են քննարկվելու

Ոստիկանության Մուշի, Կումայրիի, Անիի եւ Արթիկի բաժիններում քաղաքացիները զենքեր են հանձնել

Սամվել Ալեքսանյանի «Ալեքս Հոլդինգը» 2018 թվականին կտրուկ նվազեցրել է իր հարկային մուտքերը․ ՊԵԿ