Մնացականյանն ու Մամեդյարովը կհանդիպեն նաեւ հունվարին. բանակցությունները վերսկսո՞ւմ են

Դեկտեմբերի 5-ին՝ Միլանում ընթացող ԵԱՀԿ արտաքին գործերի նախարարների խորհրդի հանդիպման նախօրեին, առանձին հանդիպում ունեցան Հայաստանի արտաքին գործերի նախարարի պաշտոնակատար Զոհրաբ Մնացականյանը եւ Ադրբեջանի արտաքին գործերի նախարար Էլմար Մամեդյարովը:

Հանդիպման արդյունքում Մնացականյանը, Մամեդյարովը եւ ԵԱՀԿ Մինսկի խմբի համանախագահները համատեղ հայտարարություն են ընդունել, որում համանախագահ երկրները ողջունել են հրադադարի ռեժիմի խախտումների զգալի կրճատումը եւ կողմերին կոչ են արել շարունակել կյանքի կոչել Դուշանբեում ձեռքբերված պայմանավորվածությունները ու «կոնկրետ միջոցներ ձեռնարկել իրենց բնակչությանը խաղաղության նախապատրաստելու համար»: Համանախագահները նաեւ հույս են հայտնել, որ մոտ ապագայում կվերսկսի Հայաստանի եւ Ադրբեջանի ղեկավարների միջեւ բարձր մակարդակի երկխոսությունը, որը «կնպաստի հակամարտության արդարացի եւ երկարատեւ լուծմանը»:

Մնացականյանն ու Մամեդյարովը վերահաստատել են իրենց հանձնառությունը ինտենսիվ աշխատելու՝ հակամարտության խաղաղ կարգավորմանը նպաստելու եւ հետագա լարվածությունները նվազեցնելու ուղղությամբ: Նրանք համաձայնել են ԵԱՀԿ Մինսկի խմբի համանախագահների հովանու ներքո նոր հանդիպում ունենալ 2019 թ. սկզբին:

Այս մոտեցումներն ընդհանուր առմամբ արտացոլված են արտաքին գերատեսչությունների հանդիպմանը հաջորդած հայտարարություններում: ՀՀ ԱԳՆ պաշտոնական տեղեկատվության համաձայն՝ այս հանդիպման արդյունքներով կողմերը պայմանավորվել են առաջիկայում շարունակել հանդիպումները՝ պահպանելով ձեւավորված դինամիկան։

«Հայաստանի եւ Ադրբեջանի արտաքին քաղաքական գերատեսչությունների ղեկավարների թվով երրորդ հանդիպումը եւս միտված էր առավել հանգամանալից ծանոթանալու խաղաղության գործընթացի վերաբերյալ միմյանց դիրքորոշումներին ու մոտեցումներին։ Այս առումով ծավալվեց մտքերի օգտակար փոխանակություն»,- նշված է ՀՀ ԱԳՆ հաղորդագրությունում։

Ադրբեջանի արտաքին գերատեսչութան ղեկավարը հանդիպումից հետո հայտնել էր, որ ՀՀ եւ Ադրբեջանի ԱԳՆ ղեկավարների հաջորդ հանդիպումը, ամենայն հավանականությամբ, տեղի կունենա հունվարին:

«Կարծում եմ, որ երեք ժամ տեւած բանակցությունները կարեւոր եւ օգտակար էին կողմերի դիրքորոշումները հասկանալու տեսանկյունից: Համաձայնեցվել է բանակցությունները շարունակել այս ձեւաչափով մոտ ապագայում, ամենայն հավանականությամբ, հաջորդ ամիս», - «РИА Новости»-ին է հայտնել Մամեդյարովը:

Կողմերն իրենց հայտարարություններում, ըստ էության, հաստատել են նաեւ միմյանց խոսքերն այն մասին, որ խոսակցության ընթացքում ներկայացրել են իրենց դիրքորոշումները:

Հայկական դիրքորոշումը վերջին անգամ ներկայացրել էր ՀՀ վարչապետի պաշտոնակատար Նիկոլ Փաշինյանը դեկտեմբերի 5-ին Հանրային հեռուստաընկերության ուղիղ եթերում նախընտրական բանավեճի ժամանակ: Նրա խոսքով՝ Լեռնային Ղարաբաղի հակամարտության կարգավորման գործընթացում առաջնահերթ խնդիր է բանակցային գործընթացն այն կետին հասցնելը, որտեղ Արցախի ժողովուրդն ու կառավարությունը լիարժեք մասնակցություն ունենան դրան:

«Մենք ասում ենք՝ անհրաժեշտ է, որ հարցը լուծվի Արցախի միջազգայնորեն ճանաչվելու միջոցով: Մենք բանակցությունները վարում ենք 2 հիմնական նպատակով՝ ճանաչվի Արցախի ժողովրդի ինքնորոշման իրավունքը եւ ստեղծենք միջազգային երաշխիքներ Արցախի անվտանգության համար», - ասել էր Փաշինյանը:

Ինչ վերաբերվում է ադրբեջանական դիրքորոշմանը, ապա այն տարբեր է՝ կախված նրանից, թե ով է հասցեատերը: Ներքին լսարանի համար ադրբեջանցի պաշտոնյաներն ունեն «Ղարաբաղն անհապաղ եւ հնարավոր բոլոր միջոցներով ազատագրելու» թեզը, իսկ միջազգային հանդիպումների ընթացքում, որպես կանոն, ավելի զուսպ են՝ սահմանափակվելով «Ադրբեջանի տարածքային ամբողջականության պահպանման» թեզով:

Այդուհանդերձ, ամենակարեւորը դեկտեմբերի 5-ի հանդիպման մեջ հենց բանակցությունների առկայությունն է: Անգամ եթե արտաքին գերատեսչության ղեկավարները 3 ժամ տեւած բանակցությունների ընթացքում ներկայացրել են սեփական երկրների խոշոր հաշվով իրարամերժ դիրքորոշումները՝ նրանք եկել են պայմանավորվածության՝ շարունակել հանդիպումները: Հաջորդ ամսվա հանդիպման գլխավոր թեման, հավանաբար, լինելու է Հայաստանի եւ Ադրբեջանի միջեւ բարձր մակարդակի հանդիպում կազմակերպելու հնարավորությունն ու անհրաժեշտությունը: Ելնելով Դուշանբեում «ոտքի վրա» ձեռքբերված եւ զարմանալիորեն գործող պայմանավորվածությունների տրամաբանությունից՝ լիարժեք հանդիպման անհրաժեշտություն միանշանակ կա: Իսկ դա արդեն կլինի քայլ դեպի լիարժեք բանակցությունների վերսկսում, ինչը, տվյալ պահին, մի կողմից նվազագույն անհրաժեշտ պայման է փխրուն հարաբերական անդորրը պահպանելու համար, մյուս կողմից իրական հնարավորություն՝ խաղաղության ուղղությամբ շարժվելու:

Տպել
2042 դիտում

Փարթին շարունակվում է. Նիկոլ Փաշինյան

Երեւանի քաղաքապետ Հայկ Մարությանը ներկա է գտնվել «Վերջին զանգ»-ի միջոցառմանը

Հայաստանում առաջին անգամ մենահամերգով հանդես կգա օպերային դիվա Վերոնիկա Ջիոևան

Վարչապետը ՊԵԿ նախագահ Դավիթ Անանյանին արձակուրդ տրամադրելու մասին որոշում է ստորագրել

Բաքուն մտադիր է «սև ցուցակում» ընդգրկել «Известия» թերթի՝ Արցախ այցելած ռուս լրագրողին

Տիգրան Գեւորգյանը նշանակվել է Հորդանանում Հայաստանի դեսպան՝ համատեղության կարգով

Գյումրու շուկայում ՊՆ օճառների հայտնվելու վերաբերյալ կարող է մի քանի տարբերակ լինել. ԶՈւ թիկունքի պետի պարզաբանումը

Իշխանությանը դեղին քարտ է ցույց տալիս այն ուժը, որին ժողովուրդը 5 ամիս առաջ կարմիր քարտ ցույց տվեց և «հեռացրեց դաշտից»

Գառնիկ Բադալյանը նշանակվել է ՀՀ արտակարգ եւ լիազոր դեսպան նաեւ Տաջիկստանում

Համոզված ենք՝ կհաջողվի ձևավորել վստահելի դատական համակարգ. վարչապետը հանդիպել է ՀՀ-ում հավատարմագրված դեսպաններին

Օպերային թատրոնի կոլեկտիվը դեմ է կառավարման խորհրդի նախագահի պաշտոնում Նազենի Ղարիբյանի ընտրությանը

Ուժգին քամին քշել է Զույգաղբյուր գյուղի խանութի տանիքը, վնասել ապրանքն ու ցուցափեղկերը

Եթե Ջուլիետին չտեսնեի, գուցե այս պիեսը չբեմադրեի. Ռուսական թատրոնում պրեմիերա է սպասվում

Առողջապահության նախարար Արսեն Թորոսյանը կմեկնի Ուզբեկստան

Երթեւեկության կազմակերպման փոփոխություն Երեւանի Իտալիայի փողոց−Խորենացու փողոց−Վ.Սարգսյան փողոց խաչմերուկում

ԿԳ նախարար Արայիկ Հարությունյան. «ԴասA»-ն և դպրոցներում կյանքի կոչվող մշակութային այլ ծրագրերը լինելու են շարունակական

Ես Փաշինյանին չեմ դատի տվել, եթե անգամ 1 տոկոս կասկած ունենայի, որ չեմ շահի՝ դատարան չէի դիմի. Օրբելյան

Գայանե Մարկոսյանը նշանակվել է Լոռու փոխմարզպետ

ՃՈ հատուկ տարածքներ են տեղափոխվել 116 ավտոմեքենա. 71-ը վարել են անչափահասներ

ԱՄԷ-ն հումանիտար օգնություն է տրամադրել Շիրակի մարզի 350 կարիքավոր ընտանիքի