Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

Ինչպես արդեն տեղեկացրել ենք, վարչապետի պաշտոնակատար Նիկոլ Փաշինյանն այսօր այցելել է Չարենցավանի թիվ 3 հիմնական դպրոց, որտեղ արդեն տասը օր է՝ դասադուլ է՝ ի պաշտպանություն դպրոցի տնօրենի պաշտոնակատար Լուսինե Կարապետյանի: Դպրոցում են եղել նաեւ Կոտայքի մարզպետ Ռոմանոս Պետրոսյանը եւ ԿԳՆ պաշտոնակատար Արայիկ Հարությունյանը։

Դասադուլի պատճառը դպրոցի տնօրենի՝ նոյեմբերի 9-ին կայացած ընտրությունն է, որի արդյունքում իրենց տնօրենը՝ Լուսինե Կարապետյանը չի վերընտրվել: Ծնողներն ու ուսուցիչները վրդովմունք են հայտնել, որ ընտրությունը խախտումներով է եղել, խորհրդի մի քանի անդամներ ուղղորդված են եղել մյուս թեկնածուի կողմից: Լուսինե Կարապետյանը մեկ ձայնով է զիջել ընտրված թեկնածու Աննա Բալյանին։ Ըստ մամուլում տարածված տեղեկությունների՝ ընտրված տնօրենն էլ իր հերթին է պնդում, որ ուղղորդումը եղել է հենց Լուսինե Կարապետյանի կողմից, խախտումները՝ նույնպես:

Դպրոցում խորհրդակցություն է տեղի ունեցել խնդիրը ներկայացնող բոլոր կողմերի մասնակցությամբ: ժամանակավոր պաշտոնակատարն ու ընտրված տնօրենը միասին, երկուսն էլ ի հակառակ իրար պնդեցին, որ ուղղորդումներ են եղել:

Խորհրդի անդամներից մեկն էլ հայտնել է, որ իսկապես իրեն ճնշել են, անգամ սպառնալիքներ են հնչեցրել:

Վարչապետը լսելով կողմերին՝ հայտնեց, որ իրավական առումով որեւէ բան փոխել չեն կարող, ուստի Կոտայքի մարզպետի կողմից Աննա Բալյանը պետք է նշանակվի, օրենքի մեջ այլ տարբերակ չկա:

Փաշինյանի որոշումը ներկաներին չգոհացրեց: Այնուհետ Ն. Փաշինյանը վարչապետը դուրս գալով դպրոցի բակ հայտնել է այն մասին, որ նշանակվում է տնօրենը, որն ընտրվել է, օրենքի առաջ այլ տարբերակ լինել չի կարող, հորդորել է աշակերտներին՝ վերադառնալ բնականոն դասապրոցեսին, նաեւ հիշեցրել է, որ տնօրենի ԺՊ Կարապետյանը կարող է նաեւ արդյունքները բողոքարկել դատական կարգով:

Ն. Փաշինյանի հայտարարությունից ծնողները դժգոհ մնացին, որոշումը ծնողների սրտով չի եղել, ոմանք անգամ լաց են եղել, հայտարարել, որ հանում են երեխաներին դպրոցից, ուսուցիչները դիմումներ են գրել՝ աշխատանքից ազատման մասին:

Փաշինյանի Չարենցավան այցին հաջորդել է Կոտայքի մարզպետի գրառումը ֆեյսբուքում.

«Հայաստանի Հանրապետությունը իրավական երկիր է, որտեղ ՕՐԵՆՔԻ գերակայությունն այլընտրանք չունի. միայն այսպես մենք կարող ենք կառուցել մեր երազանքների ՊԵՏՈՒԹՅՈՒՆԸ։

Չարենցավանի 3-րդ հիմնական դպրոցում մրցույթի արդյունքում ընտրված տնօրենն այսօր կնշանակվի իր պաշտոնում։

Սիրելի՛ Քաղաքացիներ,
Խնդրում եմ տուրք չտալ ավելորդ հուզականության եւ օգնել տնօրենին՚ դպրոցը վերադարձնելու բնականոն գործունեության՝ դրանով նաեւ նպաստելով մեր զավակների ՀԱՆՐԱԿՐԹՈՒԹՅԱՆ ԻՐԱՎՈՒՆՔԻ արդյունավետ իրացմանը»:

 

Տպել
3727 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ