Ոչինչ չկարողացավ խանգարել ինձ. «Արսենալի» խաղի ժամանակ դաշտ ներխուժած հայ երկրպագուն՝ իր քայլի մասին

Սպարտակ Ադմայանը Եվրոպա լիգայի «Արսենալ»-«Քարաբագ» հանդիպման ժամանակ խաղադաշտ ներխուժելով հասել է իր նպատակին: Այս մասին նա նշեց «Հայկական ժամանակ»-ի հետ զրույցում: Երիտասարդը պատմեց, որ Լոնդոնի «Էմիրեյթս» մարզադաշտում 2018-19 մրցաշրջանի խմբային փուլի վերջին տուրում նման քայլ անելը նախօրոք պլանավորած է եղել եւ հատուկ նպատակով:

«Ես դա 1-2 ամիս առաջ էի որոշել՝ այն օրվանից, երբ Մխիթարյանին չթողեցին «Արսենալի» կազմում խաղալ Ադրբեջանում: 2-րդ պատճառն էլ այն էր, որ ադրբեջանցիներն իրենց թիմը կոչել են «Ղարաբաղ» ու ուզում են ողջ աշխարհի ներկայացնել, թե Արցախն իրենցն է: Որոշեցի Արցախի դրոշով դաշտ վազել խաղի ժամանակ, որ ողջ աշխարհին ցույց տամ, որ նախ Ղարաբաղ չէ, այլ Արցախ, հետո էլ Արցախն իրենցը չէ, այլ մերն է: Իմ նպատակները լիովին իրականացան: Ինչպես նախատեսել էի այդպես էլ եղավ: Ոչինչ չկարողացավ խանգարել ինձ: Ամեն ինչ հաջող անցավ, ու բոլորն էլ հայերի կողմից էին, բոլորն էլ գիտեին՝ ով է ադրբեջանցին, ով է հայը, ու ումն է Արցախը: Դրա համար էլ իրնձ երկար չպահեցին ոստիկանությունում»,- պատմեց նա:

Հանդիպման ժամանակ սպասել է մինչեւ «Արսենալի» 3-րդ փոփոխությունը: Տեսնելով, որ Մխիթարյանն այդպես էլ չի մասնակցելու խաղին, որոշել է վազել դեպի պահեստայինների նստարան, որտեղ նա նստած է եղել: Նա Մոնթեի պատկերով շապիկով վազել է դաշտ, պարզել Արցախի դրոշը, սակայն Մխիթարյանին մոտենալ չի հասցրել, հսկիչները նրան հեռացրել են: Ամեն դեպքում հայ ֆուտբոլիստի հետ նա խոսել է:

«Մխիթարյանն ինձ հետ կապ է հաստատել, հեռախոսով խոսել ենք հանդիպման հաջորդ օրը»,- ասաց նա:

Սպարտակը ծնվել է Ուկրաինայում, մինչեւ 3 տարեկանն ապրել  է Հայաստանում, որից հետո արդեն մոտ 21 տարի է բնակվում է Բելգիայում: Անցած տարի օգոստոսին այնտեղ «Սպարտակ Արմենիա» անունով ֆուտզալի ակումբ է բացել: Նա թիմի տնօրենն ու մարզիչն է: Գոհ է ընթացիկ արդյունքներից: Նպատակն է թիմով միջազգային խաղերի մասնակցել ու, ինչպես ինքն է ասում, այդպիսով էլ բարձր պահել հայերի պատիվը:

Օրերս նա երկար տարիների անց ժամանել էր հայրենիք: Մասնակցեց ՀՀ ֆուտբոլի ազգային հավաքականի ֆան ակումբի՝ «Առաջին հայկական ճակատի» (ՖԱՖ) ամանորյա միջոցառանն ու հատուկ մրցանակի արժանացավ իր քայլի համար: Նշում է, որ տպավորված է հայրենիքով:

«Մեծ տպավորություններ ունեմ: Այստեղ ծնողներիս կողմից շատ բարեկամներ ունեմ: Այս մի քանի օրվա մեջ հասցրել եմ տեսնել Երեւանը, Թալինը, Խոր Վիրապը: Շատ այլ մտադրություններ էլ կային, ուղղակի ժամանակս չհերիքեց: Կարեւորը՝ ես ինձ վերջապես իմ տանը զգացի»,- ասաց նա:

Սպարտակ Ադամյանը Հայաստանում է անցկացրել 1 շաբաթից մի փոքր ավելի: Մեկնել է այսօր առավոտյան:

Տպել
821 դիտում

Գյումրի քաղաքի բնակարաններից մեկի պատշգամբից բետոնե կտորներ են ընկել. կա փլուզման վտանգ

Ժամանակակից աշխարհում մարդկային ներուժը հանդիսանում է գլխավոր ռեսուրսը. Գեոպրոմայնինգ ընկերության նախագահ Ռոման Խուդոլիյ

19-ամյա զինծառայողի մահվան դեպքով հարուցվել է քրգործ՝ ինքնասպանության հասցնելու հոդվածով

Անիի ավերակների տարածքում հրդեհ է բռնկվել

Սփյուռքի գործերի գլխավոր հանձնակատարն այցելել է Մոսկվայի հայկական եկեղեցական համալիր

2 օրում ՀՀ տարբեր բնակավայրերում փրկարարները 8 օձ են հայտնաբերել եւ տեղափոխել անվտանգ տարածք

Գեղարքունիքի մարզի Մադինա գյուղի մոտակայքում քաղաքացին ջրահեղձ է եղել գետում

Նախօրեին Երեւանի Ազնավուրի հրապարակի համերգի կազմակերպիչը քաղաքապետարանը չի եղել. պարզաբանում

Ջերմաստիճանն այսօր բարձր է 3-4 աստիճանով. ԱԻՆ-ը զգուշացնում է առաջիկա օրերի՝ բարձր կարգի հրդեհավտանգ լիենելու մասին

Վրաստանի բնակչության 66%-ը հայ-վրացական հարաբերությունները դրական է գնահատում. IRI

Իրականացվել է հսկվող այրում մոտ 6500 քմ տարածքում

Բինգյոլում հայերից մնացած մշակութային հետքերը օր օրի ոչնչանում են

Տավուշում վթարի է ենթարկվել քաղաքագետ Ստյոպա Սաֆարյանը (լուսանկարներ)

Զարեհ Սինանյանը հանդիպել է ՀՅԴ Հայ Դատի մոսկովյան հանձնախմբի ներկայացուցիչների հետ

Երևանում ծառն արմատախիլ է եղել և ընկել էլեկտրական լարերի վրա

Հրազդան քաղաքի բնակարաններից մեկում գազի արտահոսքից հրդեհ է բնկվել

Ուսումնասիրվում են պատմական փաստերը. Հայ եկեղեցին պատասխանել է ասորական համայնքին

Հրազդան քաղաքի բնակարաններից մեկում հայտնաբերվել է դի

27-ամյա երիտասարդը ձերբակալվել է` ծնողների նկատմամբ սպանության փորձ կատարելու կասկածանքով

Շախմատային փառատոն խորհրդարանի այգում. երեխաները մրցել են պատգամավորների հետ