Արամի 23-ում գտնվող շենքի պատի փլուզումը պետք է դաս լինի․ Արթուր Մեսչյան

Արամի 23-ում գտնվող շենքի պատի փլուզումը պետք է դաս լինի, որ մյուս կառույցների շրջակայքում կատարվող աշխատանքները կառուցվեն այնպես, որ չլինի նույն պատմությունը։ Այս մասին ասել է Երեւանի գլխավոր ճարտարապետ Արթուր Մեսչյանը։

Ինչպես արդեն հայտնել ենք՝ «Հայաստանի փոքրիկ երգիչներ» մանկական երգչախմբին տրամադրված պատմական շենքի պատը նախօրեին՝ հունվարի 11-ի երեկոյան փլվել է։ 2017թ-ի սեպտեմբերից մինչեւ 2018թ-ի մարտն ընկած ժամանակահատվածում Արամի փողոցում անցկացվել են շինարարական աշխատանքներ, որոնց ժամանակ մշակութային եւ պատմական հուշարձանների օգտագործման ու պահպանության մասին օրենքի խախտումներ են եղել։ 

Մեսչյանի խոսքով՝ արտակարգ պատահարը կանխելու նպատակով առաջարկվել են շենքն ամրացնելու մի քանի տարբերակներ, սակայն մշակույթի նախարարությունը դրանցից ոչ մեկը չի հաստատել։ 

«Կարծում եմ, որ Արամի 23-ի պատի փլուզումը խորհրդանշական էր, որովհետեւ բավական անկազմակերպ եւ անտրամաբանական քաշքշուկների հետեւանք էր: Կարելի էր պատը հանգիստ ամրացնել, խուսափել փլուզումից եւ հանգիստ շարունակել աշխատանքները», - ասել է Մեսչյանը։

Նա հավելել է, որ պատը հնարավոր է վերականգնել եւ վերադարձնել շենքի մշակութային արժեքը։ Մեսչյանի խոսքով՝ «Հին Երեւան» նախագծի գլխավոր ճարտարապետի հետ նախագիծ կմշակի ճարտարապետական հուշարձանների պահպանության վերաբերյալ։

Նշենք նաեւ, որ Մեսչյանի այս հայտարարությանը լրագրողների հետ զրույցում հակադարձեց ՀՀ մշակույթի նախարարության աշխատակազմի պատմության եւ հուշարձանների պահպանության գործակալության պետ Արմեն Աբրոյանը։ Նա, մասնավորապես, ասաց, որ Մշակույթի նախարարությունը դեռ ամիսներ առաջ ծրագիր է ուղարկել քաղաքաշինության կոմիտե։ Այդ ծրագիրը մերժվել է, դրանից հետո քաղաքապետարանը հայտարարել է, թե կան այլ նախագծեր, բայց, ինչպես պնդեց Աբրոյանը, այլ նախագծեր՝ 2-րդ, 3-րդ, չեն եղել․

«Նախարարությունը «Հայաստանի փոքրիկ երգիչներ» երգչախմբի հետ մեկ նախագիծ է մշակել, ուղարկել ենք քաղաքապետարան ու քաղաքաշինության կոմիտե։ Իսկ քաղաքապետարանը, փոխանակ ընթացք տա տվյալ նախագծին, կազմակերպի դրա իրականացման աշխտանքները, թույլտվություն տա, հարակից սեփականտիրոջը հարցնում է՝ կարելի է՞ ձեր տարածքում անենք, դե իսկ վնաս տվողն ասում է չէ, եւ մեզ պատասխանում են, որ նպատակահարմար չեն գտնում նախագծին թույլտվություն տալ»,-ասել է Աբրոյանը։

 

Տպել
8962 դիտում

Կա՞ արդյոք նոր եզրակացության կարիք. «Էլարդի» եզրակացությունը գործադիրն ուղարկում է Շրջակա միջավայրի նախարարություն

Շարունակում ենք աշխատել այս խիստ կարեւոր թեմայի վրա. Փաշինյանը խորհրդակցություն է անցկացրել «Ամուլսարի» հարցով

Արսեն Թորոսյանի «հեռացող խորհրդատուն» նախարարություն չի ներկայացրել հեռանալու դիմում. խոսնակ

«Լիդիան Արմենիա»-ն պարտավորվում է հանքի տարածքից չմաքրված կոնտակտային ջրերը բաց չթողնել շրջակա միջավայր. ՔԿ

Արմեն Ղազարյանը պնդում է՝ Ադրբեջանում հայտնված զինծառայող եղբայրը սպաների հետ խնդիրներ է ունեցել

Ryanair-ի նախագահի տեղակալի հետ քննարկեցինք ընկերության Հայաստան հնարավոր մուտքի հետ կապված հարցեր. Ավինյան

Հրապարակվել է Ամուլսարի գործով փորձաքննության եզրակացության վերաբերյալ վերլուծություններն ու գնահատումը

Վատնվել է ավելի քան 21 մլն դրամ. ԱԱԾ–ն հափշտակման նոր դեպք է բացահայտել ՊՆ–ում

Հայաստանն ու Խորվաթիան ցանկանում են զարգացնել միջհամայնքային կառուցողական շփումները

Խաչատուրյան քույրերի հորը մեղավոր են ճանաչել դուստրերին անարգանքի ենթարկելու համար

ՀՅԴ-ն առաջարկում է Ամուլսարի հանքի հարցը լուծել հանրաքվեով

Կդադարեցվի արդյո՞ք Լեռնային Ղարաբաղում ականազերծման ծրագիրը. Բաքուն ակտիվորեն աշխատում է այդ ուղղությամբ

Հրդեհ Արայի լեռան ստորոտում. այրվում է մոտ 1800 հա խոտածածկույթ

Արմավիրում հողային զանգվածի քանդման հետևանքով տեղի է ունեցել հողի դեգրադացիա. պատճառվել է 1.1 մլն դրամի վնաս

Քննարկել են բնակչության պաշտպանությանն ուղղված հարցեր. ԱԻՊԾ տնօրենն ընդունել է Արցախում ԿԽՄԿ առաքելության ղեկավարին

Այս տարի Սեւանա լճից 51 միլիոն խ/մ ջուր պակաս է բաց թողնվել. վարչապետ

«Կանեփ-կակաչ-2019» միջոցառման շրջանակում 2 օրում մոտ 2,5 տոննա բույս է ոչնչացվել (տեսանյութ)

Մի շարք համայնքներում գազամատակարարումը ժամանակավորապես կդադարեցվի

Խոշոր ավտովթար Վանաձորում. կան վիրավորներ (լուսանկարներ)

Փաստեր Նիկոլ Փաշինյանի կողմից հիշատակված ամերիկյան հանքի մասին