«Իմ քայլի» պատգամավորը վստահեցնում է՝ կառավարության նոր ծրագիրն ունենալու է թիրախային թվեր, որին ձգտելու է գործադիրը

Ազգային ժողովում շուտով քննարկվելու է կառավարության ծրագիրը: Նախատեսվում է փետրվարի 12-ին հրավիրել ԱԺ արտահերթ նիստ, որի օրակարգում կլինի կառավարության ծրագրին հավանություն տալու հարցը: Մի քանի օրից էլ հավանաբար կառավարության ծրագիրը կուղարկվի խորհրդարան՝ փակ քննարկման եւ դիտարկումներ անելու համար:

Ազգային ժողովի «Իմ քայլը» խմբակցության ղեկավար Լիլիթ Մակունցը «Հայկական ժամանակ»-ի հետ զրույցում ասաց որ այս շաբաթ ծրագիրը կքննարկեն, բայց հավելեց, որ չի կարող ասել, թե ծրագիրն ինչ տեսք կունենա: «Հանձնաժողովներն առանձին իրենց դիտարակումները կներկայացնեն տարբեր ուղղություններով, այդ թվում՝ տնտեսական առումով, այնպես որ կտեսնենք՝ ինչ են առաջարկում կառավարությունից, ըստ այդմ էլ առաջարկներ կներկայացնենք»,-ասաց նա:

Հայաստանի վարչապետ Նիկոլ Փաշինյանն ԱԺ արտահերթ ընտրություններից հետո հայտարարել էր, որ այսպիսով՝ հեղափոխության քաղաքական մասն ավարտված է եւ տրված է տնտեսական հեղափոխության մեկնարկը: Վարչապետի հայտարարությունից ենթադրելի է, որ կառավարությունն այնպիսի ծրագիր է ներկայացնելու, որը նպաստելու է տնտեսական հեղափոխությանը: «Հայկական ժամանակ»-ը տնտեսագետ, «Իմ քայլը» խմբակցության պատգամավոր Հայկ Գեւորգյանից հետաքրքրվեց, թե կառավարության ծրագիրն ինչպե՞ս է նպաստելու տնտեսական հեղափոխությանը:

«Տնտեսական հեղափոխությունն այն առաջնահերթությունն է, որն այս փուլում կարեւորում է կառավարությունն ու վարչապետը, ինչպես նաեւ քաղաքական ուժը: Տնտեսական քաղաքականության էլեմենտները ինչպես կարտահայտվեն ծրագրում, կարծում եմ, որ պարզ է: Մենք հիմա փաստացի գնում ենք տնտեսական ֆարմացիայի փոփոխության, ինչպես նախկինում ասում էինք՝ քրեաօլիգարխիկ տնտեսական համակարգից անցում ենք կատարում շուկայական համակարգի: Խորհրդային միությունը փլուզվելուց հայտարարեցին, որ վարչահրամայական համակարգից անցնում ենք շուկայական համակարգի, բայց չստացվեց: Հիմա մենք ուզում ենք եւ նպատակադրվել ենք, որ պետք է անցնենք իրական շուկայական համակարգի»,- նշեց Հայկ Գեւորգյանը:

Այնուհետ, Գեւորգյանը հստակեցրեց, թե հեղափոխական կառավարության ծրագիրն ինչ մեսիջներ է պարունակելու: «Թե դա կառավարության ծրագրի մեջ ինչպիսի դրույթներով կամրագրվի (նկատի ունի տնտեսական հեղափոխությանը նպաստող գործոնները- հեղ.), կարելի է կռահել: Մասնավորապես, ամրագրված կլինի, օրինակ, արհեստական մոնոպոլիաների բացառումը, հովանավորչության բացառումը, բիզնեսի եւ քաղաքականության սերտաճման բացառումը: Այն դրսեւորումները, որոնք հիմա ունենք, կամրագրվեն եւ կկրեն համակարգային բնույթ: Ցուցանիշային մասով պետք է կարեւորվի նաեւ տնտեսության արդյունավետության բարձրացումը: Այսինքն՝ մեր տնտեսությունը պետք է լինի մրցունակ արտաքին շուկայում, եւ ներսում տնտեսվարողների միջեւ պետք է լինի մրցակցություն»:

«Հայկական ժամանակ»-ի հարցին՝ կառավարության նախորդ ծրագիրը թվեր չէր պարունակում, ինչը նախկին իշխանությունների կողմից քննադատվեց, այս ծրագրում թվաբանություն լինելո՞ւ է, Հայկ Գեւորգյանը պատասխանեց.

«Նախորդ ծրագիրը, որ թվեր չէր պարունակում, դա բնական էր, որովհետեւ դա ժամանակավոր կառավարության ժամանակավոր ծրագիր էր, որը պետք է հենված լիներ այն իրողությունների վրա, որոնք այդ պահին կային: Հիմա արդեն հնգամյա ծրագիր է կազմվելու, որը կունենա մակրոտնտեսական ցուցանիշների մասով որոշակի տվյալներ՝ թիրախային, որին ձգտելու է կառավարությունը»:

Տնտեսական հեղափոխության կարեւոր գործիքներց է նաեւ «Հարկայի օրենսգիրքը», որի փոփոխման հարց է այս պահին քննարկվում: Հանրային քննարկման դրված նախագիծը խնդրահարույց կետեր ունի: Հայկ Գեւորգյանն ասում է, որ վերանայումներ պարտադիր են լինելու: «Այն նախագիծը, որը դրված է հանրային քննարկման, կարծում եմ, շատ էական փոփոխություններ կկրի: Այստեղ կարեւոր է գործադիրի եւ օրենսդիրի համատեղ աշխատանքն այդ նախագծի վրա: Կարծում եմ, որ մենք լավ արդյունքներ կգրանցենք»:

Կառավարության ծրագրից զատ հաջորդ ինտրիգային նախագիծը կառավարության կառուցվածքի փոփոխությունների նախագիծն է: Այս նախագծով նախատեսվում է նախարարությունների թվի կրճատում: Ազգային ժողովի «Իմ քայլը» խմբակցության ղեկավար Լիլիթ Մակունցը մեր զրույցում տեղեկացրեց, որ կառավարության կառուցվածքի փոփոխության հարցը եւս մոտ ապագայում կլինի Աժ-ում: «Հստակ չեմ կարող ասել՝ ինչ ժամկետում, բայց վերջնական փուլում է»,-ասաց նա եւ նշեց, թե ենթադրում է, որ ինչպես նախապես ասվել է՝ նախարարությունների թիվը 17-ից 12- կդառնա:

Սուպերվարչապետական համակարգի վերացման հետ կապված էլ Լիլիթ Մակունցը նշեց, որ դրան պետք է հասնել քայլ առ քայլ: «Հայկական ժամանակ»-ի հարցին, թե ինչ նկատի ունի քայլ առ քայլ սուպերվարչապետական համակարգը վերացնելու մասին հայտարարելով, Մակունցը նշեց. «Այս պահին չեմ կարող ասել՝ որոնք կլինեն այդ քայլերը, բայց ամենաառաջինը պետք է խորհրդարանն իր վերահսկողական եւ բոլոր գործառույթներն ամբողջովին անի եւ ապա տեսնի, թե ինչ է մեզ ավելի անհրաժեշտ եւ այդ ուղղությամբ էլ գնա, բայց նախ օգտագործի այն ամբողջ գործիքակազմը, որ ունենք, որը սովորաբար չենք կիրառում»,-ասաց նա:

Դիտարկմանը, որ, երբ «Քաղաքացիական պայմանագիր» կուսակցությունն ընդդիմություն էր, անընդունելի էր համարում, որ Ազգային անվտանգության ծառայությունը եւ ոստիկանությունը լինեն վարչապետին առընթեր մարմիններ, այժմ, երբ իշխանության են, այդ փոփոխությունները չիրականացնելով, չի՞ ստացվում, որ ինչ-որ տեղ իրենց սկզբունքներից հետ են կանգնում, «Իմ քայլը» խմբակցության ղեկավարը պատասխանեց.

«Ցանկացած հարց, երբ քննարկում ենք, պետք է հաշվի առնենք այն իրավիճակը, որում տեղի են ունեցել այդ քննարկումները: Մենք ունենք թափանցիկ անցկացված ընտրություններ, որոնք չեն վիճակվում որեւէ մեկի կողմից, որի արդյունքում ժողովրդի կողմից ձեւավորվել է իշխանություն: Այս պարագայում ասել, որ անձերով պայմանավորված կարող է որեւէ կամայականություն գործել՝ չի կարող: Մենք ուզում ենք, որ ոստիկանությունն ու ԱԱԾ-ն խորհրդարանին հաշվետու լինեն: Պետք է մտածենք այն ձեւաչափը, որով հաշվետու կլինեն այդ կառույցները»:

Տպել
1782 դիտում

«Ֆլայ Արմենիա Էյրվեյզը» դատի է տվել Քաղաքացիական ավիացիայի կոմիտեին

Նախագահը շարունակում է շնորհավորական ուղերձներ ստանալ տարբեր երկրների և միջազգային կազմակերպությունների ղեկավարներից

Միասնական քննությունների ավարտից հետո են ուսումնասիրվելու բողոքարկման դիմումները. ԳԹԿ

Հայ երկու բռնցքամարտիկ կպայքարի Եվրոպայի երիտասարդների առաջնության ոսկե մեդալի համար

Արմեն Սարգսյանին ծննդյան օրվա առթիվ շնորհավորել է ՌԴ նախագահ Վլադիմիր Պուտինը

14-րդը. ձյուդոյի միջազգային ֆեդերացիան հաստատեց Ֆերդինանդ Կարապետյանի օլիմպիական ուղեգիրը

Վաղարշակ Հարությունյանը ՊՆ վարչական համալիրում ընդունել է Հայկ Չոբանյանին

Կինոյի տան շենքը ենթարկվում է անօրինական զավթումների․ Կինեմատոգրաֆիստների միությունն ահազանգում է (լուսանկարներ)

Հայտարարվել է ՎՏԲ-Հայաստան Բանկի Խորհրդի նոր կազմը

Կերժակովի հետևից. Արտյոմ Սիմոնյանը կհամալրի Ռուսաստանի Պրեմիեր լիգայի նորեկի կազմը

էլեկտրահարված տղաներից մեկը շնչում է արհեստական սարքի միջոցով. մյուսի կյանքի համար բժիշկները պայքարել են 5 օր

Չսպասելով ընտրական հանձնաժողովների կամ ներգրավված սուբյեկտների քայլերին՝ դատախազությունը նախաձեռնելու է գործընթաց

Պետք չէ ստեղծել տպավորություն, թե ընտրությունները համակարգված կերպով կեղծվել են․ Դավիթ Խաժակյան

«ՆԶՊ-ն բոլորիս համար ունի առանցքային նշանակություն». մեկնարկել է ռազմամարզական ճամբարի ծրագիրը

«Քաղաքացիական պայմանագիր» կուսակցության ներկայացուցիչը դատի է տվել ԿԸՀ-ին

Նիդերլանդների խորհրդարանի թուրքական խմբակցությունը միացել է հայ ռազմագերիներին անհապաղ ազատելու պահանջին

Հարգում ենք ժողովրդի մեծամասնության ընտրությունը․ «Ինքնիշխան Հայաստան» կուսակցությունը բաց է համագործակցության համար

Շենգավիթում կատարված սպանության փորձը բացահայտվել է. հետախուզվողը ներկայացել է ոստիկանություն (տեսանյութ)

Արմեն Սարգսյանին ծննդյան օրվա առթիվ շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևը

Մաթեմատիկայի միասնական քննությունից անբավարար է ստացել դիմորդների 22.5 տոկոսը. հայտնի են նախնական արդյունքները

Ես մեր քաղաքացիներին ասում եմ մոլորյալներ. Արթուր Վանեցյան

Հանցագործության համար պատիժը պետք չէ մեկնաբանել որպես քաղաքական հետապնդում. Տիգրան Ավինյան

Անչափահասների մասնակցությամբ մահվան ելքով ավտովթարի դեպքի առթիվ քրեական գործ է հարուցվել (տեսանյութ, լուսանկարներ)

Պետք է կայունացնենք իրավիճակը և կենտրոնանանք բազմաթիվ խնդիրների վրա․ նախագահի հարցազրույցը՝ El Pais պարբերականին

Աջափնյակի թաղապետն ազատվել է աշխատանքից. Մարությանը ստորագրել է նրա դիմումը

Հանդիպել են Տիգրան Արզաքանցյանն ու Նիկոլ Փաշինյանը (տեսանյութ)

Նիկոլ Փաշինյանը հանդիպել է Դավիթ Սանասարյանի հետ

Արման Բաբաջանյանի մեքենայի վրա կրակելու գործով ձերբակալվածին մեղադրանք է առաջադրվել

Մինչ աշխարհը պայքարում էր համավարակի դեմ, Արցախում երեխաները թաքնվում էին ապաստարաններում. Հայրապետյանի ելույթը ԵԽԽՎ-ում

Լավրովն ու Բայրամովը քննարկել են Ղարաբաղի հարցով եռակողմ հայտարարությունների ընթացքը

Նիկոլ Փաշինյանը հանդիպում է ունեցել Պահպանողական կուսակցության նախագահ Միքայել Հայրապետյանի հետ

Բոլոր երեք նախագաների օրոք թալանված գումարները ես վերադարձրել եմ. Վանեցյան

Ողբերգական դեպք Երևանում. էլեկտրահարված երեխաներից մեկը մահացել է, մյուսի վիճակը ծանր է

Ռուս խաղաղապահները Սյունիքում կարող են տեղակայվել միայն այն ժամանակ, երբ ադրբեջանական ԶՈՒ-ն դուրս գա. Ավինյան

Արթուր Վանեցյանն անդրադարձավ իր «Крым наш» և «Я чекист» արտահայտություններին

Նուրհան արքեպիսկոպոս Մանուկյանը շնորհավորել է Նիկոլ Փաշինյանին

Օձունի գյուղապետը հաստատում է, Լոռու մարզպետը՝ հերքում. ինչ է կատարվել մարզպետի աշխատասենյակում

Սուրենավանում տեղի ունեցած վթարից տուժած 14-ամյա տղան գիտակցության է եկել

Քաղաքական խորհրդակցությունների շրջանակում Նիկոլ Փաշինյանը հանդիպել է Տիգրան Ուրիխանյանին (տեսանյութ)

Քայքայված վագոն-տնակը լքել է ևս մեկ ընտանիք (լուսանկարներ)