Քոչարյանն ասել է, որ 08:30-ի կողմերը նոր իր հատուկ կապով զեկուցել են լուսադեմի գործողությունների մասին

Ռոբերտ Քոչարյանը իր խափանման միջոցի հարցի քննության ընթացքում անդրադարձել է Մարտի 1-ի լուսադեմին տեղի ունեցած իրադարձություներին նախորդող իրադարձություններին:

Այս մասին նիստի ավարին լրագրողների հետ զրույցում ասաց Քոչարյանի պաշտպաններից Հայկ Ալումյանը: Մեր հացրին, թե մասնավորապես ինչ է նշել Քոչարյանը, Ալումյանը պատասխանեց. «Իրադարձությանը նախորդող իրադարձություններին է անդրադարձել, մասնավորապես նշել է, որ մի քանի օր ԱԱԾ տնօրենը (խոսքը հանգուցյալ Գորիկ Հակոբյանի մասին է,-հեղ.) իրեն անընդհատ զեկուցում էր, որ այնտեղ կան զինված մարդիկ, երեկոները եւ գիշերները մարդիկ կան, ովքեր հարբած վիճակում զենքի հետ անզգույշ վերաբերմունք ենք ցույց տալիս: Անգամ նկարագրեց, որ ըստ օպերատիվ տվյալների՝ մարտական գործողություններին մասնակցած անձ, որը այդ ժամանակ վրաններից մեկում էր, խմած վիճակում վերցրել էր մարտական նռնակը եւ նռնակի օղակի մեջով մատը անցկացրել եւ պտտացնում էր...: Այդպիսի մտահոգիչ զեկույցներ են պարբերաբար եղել: Նաեւ նշեց, որ ոստիկանական գործողություններից հետո բավականին մեծ քանակությամբ զենք-ռազմամթերք է այդտեղից հայտնաբրվել, ինչը նաեւ 60-ից ավելի դատավճիռներով հաստատվել է: Ի դեպ, ես ձեզ ասեմ, Մարտի 1-ին նախատեսվելիք ոստիկանության գործողությունների մասին 4 ժամ առաջ՝ գիշերը ժամը 2-ին, ոստիկանության մի փոխգնդապետ արդեն տեղեկացրած է եղել Ազատության հրապարակում գտնվող անձանց, կա համապատասան գաղտնալսման սղագրությունը, ու պատկերացրեք, նախապես տեղեկացված լինելով, այնուամենայնիվ ցուցարարների մոտ դեռ մեծ քանակությամբ զենք ու ռազմամթերք է հայտնաբերվել, երբ այդ գործողությունը իրականացվել է: Իհարկե, ոչ բոլոր ցուցարարաների եւ մեծամասնության մասին է խոսքը, բայց այդտեղ գտնվող անձանցից ոմանք եղել են զինված ոչ միայն սառը զենքով, ոչ միայն նախապես հարմարեցված պատվիրված սառը զենքով, այլ նաեւ հրազենով ու նռնակներով,- ասաց Ալումյանը:

Մեր դիտարկմանը, որ, ըստ մամուլի տեղեկությունների, նռնակով զինված տղամարդը խոստովանել էր, որ ինքը հրապարակ է եղել Գորիկ Հակոբյանի հրամանով, Ալումյանը պատասխանեց. «այ, լավ կլիներ, որ այդ անձի ասածները լավ ստուգվեին, ես չգիտեմ՝ ստուգվել է, թե՝ ոչ...: Հիմա, թե այդ մարդը ինչ ձեւի է ներկայացնում իր կողմից այդ նռնակը պտտացնելը եւ այլն, թե ով է իրեն ուղարկել, շատ լավ կլիներ, որ քննությունը պարզեր»:

Մեր մյուս հարցին, թե Ռոբերտ Քոչարյանն է հրամայել այն ժամանակ ոստիկանապետի պաշտոնը զբաղեցնող Հայկ Հարությունյանին ներխուժել Ազատության հրապարակ, պաշտպանը պատասխանեց, որ Քոչարյանին անգամ չի մեղսագրվում, որ ինքն է դա արել. «Ինքը չի արել, հավանաբար գործով հաստատված է, որ ինքը չի հրահանգել: Պարոն Քոչարյանը ասաց, որ երբ ինքը այդ օրը, 08:30-ի կողմերը եկել է աշխատանքի, նոր իր հատուկ կապով զեկուցել են, որ այդպիսի բան կա»,- հավելեց Ալումյանը:

Անդրադառնալով դատական նիստի ընթացքին եւ սպասվող որոշմանը, Հայկ Ալումյանն ասաց, որ տեղի ունեցավ լիարժեք դատավարություն, կողմերի բոլոր փաստարկները քննարկվեցին, կողմերին հնարավորություն տրվեց ցանկացած ծավալի փաստարկներ ներկայացնել: Հարցին, թե դատարանին ի՞նչ հարցեր են հետաքրքրել, Ալումյանը պատասխանեց. «Անձեռնմխելիության հետ կապված մենք խնդիր էինք դրել Վերաքննիչ բողոքում. դատարանին հետաքրքրում էր մյուս կողմի դիրքորոշումը պարոն Քոչարյանի անձեռնմխելիության հետ կապված, դատարանի մոտ ինչ-որ հարցեր էր առաջացել՝ կապված անձեռնմխելիության վերաբերյալ մեր դիրքորոշման հետ: Ըստ մեղադրանքի կողմի՝ փաստացի դադարել են գործել Սահմանադրության որոշակի նորմեր, դատարանը փորձեց ճշտել, թե որ նորմերն են դադարել գործել եւ ի՞նչ կերպ է դա արտահայտվել»:

Այսօր տեղեկացրել էինք, որ փետրվարի 1-ին Մարտի 1-ի գործի շրջանակում որպես վկա հարցաքննվել է Սերժ Սարգսյանը: Անդրադառնալով նրա հարցաքննությանը, Ալումյանը նշեց, որ բացարձակ տեղյակ չէ նրա հարցաքննությունից՝ նշելով, որ Սերժ Սարգսյանի հարցաքննվելը մեծ հաշվով իրենց հետաքրքիր չէ: «Պարոն Սարսգյանի ցուցմունքներն էստեղ չեն ներկայացվել, կան շատ ցուցմունքներ, քննիչի կողմից ներկայացված էդ մի ցուցմունքը չկա»,- ասաց Ալումյանը՝ չմանրամասնելով, թե ում ցուցմունքների մասին է խոսքը:

Մեր դիտարկմանը, որ Ռոբերտ Քոչարյանը պնդում է, թե 0038 գաղտնի հրամանից տեղյակ չի եղել, այնինչ, Միքայել Հարությունյանը Փաստահավաք խմբում հարցաքննության ժամանակ հրամանի հարցին ի պատասխան ասում է՝ այդ հարցը ինչո՞ւ եք ինձ տալիս, պետք է տաք Գերագույն գլխավոր հրամանատարին, որը Ռոբերտ Քոչարյանն էր, Ալումյանն ասաց. «Ես Միքայել Հարությունյանի ասածները չեմ կարող մեկնաբանել, դա սխալ կլիներ՝ հատկապես հաշվի առնելով, որ ես այդ հատվածը չեմ հիշում, չեմ հիշում, թե ինքը իր միտքը ինչ կերպ է ձեւակերպել: Ես կարող եմ ասել հետեւյալը, որ հանձնարարություն է տրվել նախագահի կողմից, որպեսզի բացառվի բանակի ներգրավվածությունը այդ պրոցեսներին, գնացել են մարդիկ կատարելու այդ հրամանը ու հետո զեկուցել են, ասել են՝ ամեն ինչ նորմալ է, ձեր ասածը իրականացրել ենք, այդ խնդիրները աշխատել ենք չեզոքացնել»:

Պաշտպանը նշեց, որ կանխակալ մոտեցում դատավարության ընթացքում չի տեսել, դատավարությունն անց է կացվել հավասարակշռված ձեւով, սակայն կանխատեսելի չհամարեց դատավարության ելքը:

Հիշեցնենք, որ դատարանն այսօր հեռացել է խորհրդակցական սենյակ՝ Քոչարյանի խափանման միջոցի հարցով որոշում կայացնելու: Որոշումը կհրապարակվի փետրվարի 7-ին, ժամը 12:00-ին:

Տպել
4567 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ