Ռոբերտ Քոչարյանը այսօր ասել է, որ այս գործով ինքը ենթարկվում է քաղաքական հետապնդման

Ռոբերտ Քոչարյանը հերթական անգամ արձանագրեց, որ այս գործով ինքը ենթարկվում է քաղաքական հետապնդման:

Այս մասին քիչ առաջ Վերաքննիչ դատարանի որոշման հրապարակումից հետո լրագրողների հետ զրույցում հայտարարեց նրա պաշտպաններից Հայկ Ալումյանը՝ պատասխանելով այն հարցին թե ինչպես արձագանքեց Քոչարյանը որոշմանը:

Մեր ճշտող հարցին, թե Քոչարյանը նման բան հայտարարե՞ց, Ալումյանը պատասխանեց. «Մեզ հետ զրույցում նա արտահայտեց այն կարծիքը, որ եւս մեկ անգամ համոզվեց, որ այս գործով արդարադատություն չի իրականացվում այլ քաղաքական հետապնդում»,- ասաց Ալումյանը՝ վստահեցնելով, որ զուգահեռ հերթական բողոքն է ներկայացվելու նաեւ Եվրոպական եւ Վճռաբեկ դատարան:

Լրագրողների ճշտող հարցին՝ կարո՞ղ ենք արձանագրել, որ ձեր պնդմամբ՝ Քոչարյանը քաղբանտարյալ է, Ալումյանը ասաց, որ ինքը այդ մասին արդեն տեւական ժամանակ է ասում  եւ Եվրոպական դատարանում ներկայացված իրենց դիմումի մեջ որոշակի չափով անդրադարձել են դրան:

Անդրադառնալով, Քոչարյանին կալանքի տակ պահելու դատարանի այսօրվա որոշմանը, Ալումյանը նշեց. «Այս գործով մեզ համար ամեն ինչ արդեն սպասելի է, անգամ այսպիսի որոշումը: Որոշումը գնահատում եմ բացասական եւ համարում եմ, որ դրա մեջ իրավաբանական կոմպոնենտը հավասար է 0-ի: Այս որոշումը 100 տոկոսով քաղաքական բնույթի որոշում է, քաղաքական պատվերի շրջանակներում կայացված»:

Նախորդ նիստի ավարտից հետո Հայկ Ալումյանը լրագրողների հետ զրույցում գնահատելով դատավարությունը նշել էր, որ այն քննվեց բազմակողմանի եւ դատարանի կողմից որեւէ կաշկանդվածություն չի նկատել: Հարցին՝ ի՞նչը փոխվեց, որ հիմա նա նման դիրքորոշում է հայտնում, Ալումյանը պատասխանեց, որ նախորդ անգամ լրագրողները հետաքրքվել են, թե պրոցեսն ինչպես է ընթանում եւ ինքը պատասխանել է, որ այն ընթանում էր ամբողջութամբ հավասարության սկզբունքի հիման վրա: Նրա խոսքով՝ դատավորն ընտրվել էր օրինական ճանապարհով, վիճակահանության միջոցով եւ այդ ամենն է, որ ինքը արձանագրել է:

«Որեւէ անաչառ իրավաբան, եթե նայի այն, ինչ ներկայացված է եղել մեր վերաքննիչ բողոքում, առնվազն 10 առանձին հիմք կգտնի, որոնցից յուրաքանչյուրը բավարար կլիներ, որպեսզի պարոն Քոչարյանը ազատ արձակվեր»,-ասաց պաշտպանը:

Մեր հարցին, թե դատարանն իր որոշման մեջ անդրադարձե՞լ է Քոչարյանի անձեռնմխելիությանը, Ալումյանը նշեց, որ դատարանի որոշումը դեռ չեն ստացել. «Բայց սա այն դեպքն է, երբ հնարավոր չէ որեւէ խելամիտ փաստարկ բերել, որով կհերքվի, որ պարոն Քոչարյանը պետք է լինի անձեռնմխելի այս մեղադրանքի շրջանակում»,- հավելեց Ալումյանը: Նա տեղեկացրեց, որ Վճռաբեկ բողոքը, որը պաշտպանական կողմը ներկայացրել էր դեկտեմբերի 7-ի կալանավորման որոշումից հետո, դեռեւս վարույթ չի ընդունվել:

Նշենք, որ նախորդ դատական նիստից հետո Հայկ Ալումյանը ասել էր, թե Քոչարյանը Մարտի 1-ի լուսադեմին տեղի ունեցած ոստիկանության գորողությունների մասին իմացել է պոստ ֆակտում, մինչդեռ Անահիտ Բախշյանը պնդում է, որ «Ժառանգություն» խմբակցությունը զանգեր է ստացել Սերժ Սարգսյանից (նա այդ ժամանակ վարչապետի պաշտոնն է զբաղեցրել,-հեղ.) տեղեկություն են ունեցել, որ նման գործողություն է նախապատրաստվում: Լրագրողի հարցին՝ այսինքն ստացվո՞ւմ է, որ Սերժ Սարգսյանը տեղեկություն է ունեցել այդ մասին, իսկ Քոչարյանը՝ ոչ, Ալումյանը պատասխանեց. «Դուք հիմա պատկերացնո՞ւմ եք, որ ես սկսեմ պատասխանել, թե ինչից է տեղյակ եղել պարոն Սերժ Սարգսյանը»,- ասաց նա եւ հարցին այլ արձագանք չտվեց:

Մեր հարցին, թե այս որոշումից հետո պաշտպանական կողմը պատրաստվո՞ւմ է գրավի նոր միջնորդություն ներկայացնել առաջին ատյանի դատարան, Ալումյանը պատասխանեց, որ որպես հնարավոր տարբերակ կարող է քննարկվել:

Տպել
967 դիտում

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին