Facebook-ն արգելափակել է պատգամավոր Հրաչյա Հակոբյանի էջը․ վերջինիս օրենսդրական նախաձեռնությունը դուր չի եկել օգտատերերին

Ֆեյսբուք սոցիալական ցանցն արգելափակել է ԱԺ «Իմ քայլը» խմբակցության պատգամավոր Հրաչյա Հակոբյանի անձնական էջը։

Խնդիրն այն է, որ պատգամավորի՝ բուքմեյքերական ակումբների եւ տոտալիզատորների գովազդների սահմանափակման վերաբերյալ օրենսդրական նախաձեռնությունը դուր չի եկել այդ ակումբների եւ մի շարք լրատվական կայքերի աշխատակիցներին, վերջիններս էլ, ամենայն հավանականությամբ, բողոք են ուղարկել ֆեյսբուքին՝ Հակոբայնի էջն արգելափակելու պահանջով։ Այս մասին մեր զրույցում հայտնեց պատգամավորը, երբ նախաձեռնության վերաբերյալ հարցման արդյունքներին հետեւելու համար չգտանք Հակոբյանի ֆեյսբուքյան էջը եւ հետաքրքրվեցինք՝ ինչու է ջնջել այն։

Ինչպես ավելի վաղ հայտնել էինք՝ պատգամավորն օրենսդրական մի նախաձեռնություն էր մշակել, ըստ որի՝ լրատվամիջոցները պետք է որոշակի սահմանափակումների ենթարկվեն բուքմեյքերական ընկերությունների, տոտալիզատորների, շահումային խաղերի վերաբերյալ գովազդների տեղադրման հարցում (եւ ոչ միայն լրատվամիջոցները, այլ, ընդհանրապես, տվյալ գովազդների տեղադրման հարցում ոորոշակի սահամափակումներ մտցնել): Պատգամավորի այս նախաձեռնության նպատակը խաղամոլության աճի նվազեցումն է, այդ արատավոր երեւույթի դեմ որոշակի պայքարը։ Հրաչյա Հակոբյանի պնդմամբ՝ կա վիճակագրություն, ըստ որի՝ մեր բնակչության մոտ վեց տոկոսը պարբերաբար մասնակցում է այս վիճակախաղերին, այլ կերպ ասած՝ խաղամոլ է։

Հակոբյանն այս հարցի շուրջ քննարկման էր հրավիրել լրատվական կայքերի, հեռուստա եւ ռադիոալիքների ներկայացուցիչներին։ Վերջիններս կարծիք էին հայտնել, որ այդ սահմանափակումն ուղղակիորեն բացասական ազդեցություն է ունենալու ԶԼՄ-ների վրա, քանի որ դրանք իրենց եկամուտների մի զգալի մաս հենց այդ գովազդներից են ստանում։ Ի վերջո, հանդիպման ընթացքում որոշվեց լրատվամիջոցների ներկայացուցիչների հետ աշխատանքային խումբ ստեղծել եւ մինչեւ փետրվարի 15-ը նոր առաջարկություններ ներկայացնել օրենսդրական նախաձեռնության մեջ փոփոխություններ անելու համար, այնպիսի փոփոխություններ, որոնք «հարմար» կլինեն նաեւ ԶԼՄ-ների համար։

Սրան զուգահեռ՝ երեկ պատգամավորը ֆեյսբուքյան իր էջում վերոնշյալ նախաձեռնության վերաբերյալ հանրային քննարկում ծավալելու համար ստեղծել էր հարցում՝ «կողմ եմ գովազդին» եւ «դեմ եմ գովազդին» տարբերակներով՝ մեկնաբանության հատվածում նշելով հարցի բուն էությունը։ Երեկվա դրությամբ հարցման պատասխանները ցույց էին տալիս, որ քվեարկածների մոտ 90 տոկոսը կողմ էր գովազդների սահմանափակմանը, իսկ 10 տոկոսը՝ դեմ։ Այսօր, երբ փորձեցինք նորից նայել հարցման արդյունքները, չգտանք Հակոբյանի ֆեյսբուքյան էջը։ Պատգամավորը մեր զրույցում հայտնեց, որ իրականում Ֆեյսբուք սոցիալական ցանցն է արգելափակել իրեն․

«Երեկ երեկոյան, երբ հարցումը գրեցի իմ էջում, մի քանի ժամվա ընթացքում մոտ հազար օգտատեր քվեարկեց։ Արդյունքները ցույց տվեցին, որ քվեարկածների մոտ 90 տոկոսը կողմ է այդ գովազդների սահմանափակմանը։ Հետո մի պահ հանդիպում ունեի երեկոյան, այդ ընթացքում չէի հետեւում հարցմանը, երբ նորից ստուգեցի, տեսա որ մի կոնկրետ ժամից մի քանի վայրկյան պարբերականությամբ մեկը մյուսի հետեւից ահռելի թվով օգտատերեր մեկնաբանություն էին գրում, որ դեմ են գովազդների սահմանափակմանը, որ հիմա էլ ընկել ենք լրատվական կայքերի, ռադիոների հետեւից եւ այլն։ Որ նայում էի իրենց էջերը, հիմանակնում նշված էր, որ աշխատում են ինչ-որ բուքմեյքերական ընկերությունում»,- պատմեց Հակոբյանը՝ նշելով, որ այդ ընթացքում քվեարկության տոկոսային հարաբերությունը կտրուկ փոխվել է՝ 40 տոկոսից ավելին նշել էր, որ գովազդների սահմանափակմանը դեմ է։

Հակոբյանը մեր զրույցում ասաց, որ այդ ընթացքում իր լուսանկարներով ֆեյսբուքյան կեղծ հաշիվ է բացվել, որն իր պահանջով Ֆեյսբուքն արգելափակել է։ Արդեն այսօր հարցման մեկնաբանությունները կադրալու ժամանակ սոցիալական ցանցը հանկարծ արգեալափակել է պատգամավորին։ Վերջինս մի քանի ժամ է՝ չի կարողանում ցանցում որեւէ գործողություն կատարել․

«Ենթադրում եմ, որ նույն պահին արված այդ ահռելի քանակությամբ մեկնաբանությունները ինչ-որ տեղից ուղղորդված էին, եւ իմ էջն էլ հենց այդ օգտատերերն են «ռեփորթ» արել, որ Ֆեյսբուքն արգելափակի։ Որովհետեւ արգելափակելու բան չկար, ես հստակ մեկնաբանել էի, թե ինչ նպատակ ունի այդ օրենսդրական նախաձեռնությունը, որ այն ոչ թե լրատվամիջոցների դեմ է, այլ խաղամոլության եւ խաղամոլության պրոպագանդայի»,-շեշտեց պատգամավորը։

Հրաչյա Հակոբյանն ասաց, որ այս պահին իր անձնական տվյալներն ուղարկել է Ֆեյսբուքին՝ խնդրանքով վերականգնել հաշիվը։

Տպել
7013 դիտում

ԵԱՏՄ անդամ բոլոր պետությունները համաձայնեցրել են հայկական կողմի առաջարկը. ի՞նչ են քննարկելու վարչապետները Երեւանում

Գաղտնի երդմնակալություն, միջազգային սպառնալիքներ, շարունակվող ցույցեր ու ձերբակալումներ. Բելառուսն այսօր (լուսանկարներ)

Քանդակները վերականգնման կարիք ունեն, բայց դրա համար հայտարարված երեք մրցույթին էլ ոչ ոք չի մասնակցել

Աշակերտների որոշ խմբերի համար դպրոցում դիմակ կրելը պարտադիր չի լինի. ուղեցույցը վերանայվել է

Մոսկվայում տեղի է ունեցել հանդիպում հուլիսյան դեպքերի հետևանքով կալանքի տակ գտնվող ՀՀ քաղաքացիների իրավապաշտպանների հետ

Լեդի Գագայի՝ փարաջանովյան դրվագներով հոլովակը փորձ է մարդկանց սթափեցնելու. Կարինե Հակոբյան

Մարմաշենում 21-ամյա երիտասարդի սպանության համար մեղադրվողը ազատ չի արձակվի. դատարանը մերժել է միջնորդությունը

Քիչ էր մնում անակնկալը փչացնեիք. ԱՆ խորհրդականը հրապարակել է պարգևատրված բուժաշխատողների ցանկը, որի մեջ է նաև «Նորք»-ը

Արգավանդ համայնքում երեք հակակարկտային կայան է տեղադրվել

Ստուգումներ մարտական հենակետերում. ՊՆ

Շիրակի մարզում կորոնավիրուս է հաստատվել 28 ուսուցչի մոտ. մեկուսացված է 186 աշակերտ

Ներկայացվել է ավիաընկերությունների ցանկը, որոնցով ճամփորդելիս պարտադիր է ՊՇՌ հետազոտության պատասխանի առկայությունը

Վանաձորի կենտրոնում խանութ է պայթեցվել (լուսանկարներ)

Տեղի է ունեցել «Հին Երևան» կառուցապատման ծրագիրը համակարգող աշխատանքային խմբի նիստը

Գործադո՞ւլ, թե՞ բողոքի ակցիա ՀՊՏՀ-ում ու ի՞նչ է սահմանում Աշխատանքային օրենսգիրքը

Երևանի վարչական շրջաններում ապօրինի շինություններ են ապամոնտաժվել

Երեք տասնամյակ շարունակ Թուրքիան մերժում է Հայաստանի՝ դեպի ծով ելք ունենալու իրավունքը. Զոհրաբ Մնացականյանի ելույթը

Էդգար Բաբայանը ցանկանում է կարիերան շարունակել Դանիայից դուրս

«Մուլտի Գրուպ Կոնցեռնը» խախտումներով է շահագործել «Մղարթի ոսկու հանքավայրը». նյութերն ուղարկվել են դատախազություն

Կանխվել է քաղաքացու ինքնասպանության փորձը