Հայաստանում սպորտի կառավարման հարցում խառնաշփոթ է տիրում: Այս մասին այսօր՝ փետրվարի 12-ին, ԱԺ-ում ասաց ՀՀ վարչապետ Նիկոլ Թաշինյանը՝ պատասխանելով այն հարցին, թե ինչպես է կառավարությունը պատրաստվում համակարգել այս ոլորտում աշխատանքները եւ ինչպես է աշխատելու զարգացման ուղղությամբ այն դեպքում, երբ մարզադպրոցները տեղական ինքնակառավարման մարմինների ենթակայության տակ են: Նա նշեց, որ կրթության նախարարությունը, մարզական ֆեդերացիաներն ու մարզադպրոցները, ինչպես նաեւ Հայաստանի ազգային օլիմպիական կոմիտեն այս հարցում պետք է համագործակցեն:

«Նախ այնպես չէ, որ բոլոր մարզադպրոցները պատկանում են ՏԻՄ-երին: Մարզադպրոցների մի հսկայական մասը գտնվում է կրթության եւ գիտության նախարարության ենթակայության տակ: Հետաքրքիր է, որ նույնիսկ սպորտի նախարարության առկայության պարագայում մի շարք սպորտդպրոցներ գտնվում էին կրթության եւ գիտության նախարարության ենթակայության տակ: Այո՛, կան, որ քաղաքապետարանների, համայնքապետարանների ենթակայության տակ են: Կան մարզադպրոցներ, որոնք ենթարկվում են մարզական ընկերություններին, եւ այդ ոլորտում խառնաշփոթ է տիրում: Եվ այո՛, այստեղ պետք է կարողանանք միասնական քաղաքականություն վարել: Այդ է պատճառը, որ մենք կառավարության կառուցվածքի մեջ իրականցնում ենք այսպիսի մոտեցում, որ սպորտի եւ կրթության նախարարությունները միացվեն, որպեսզի նաեւ այդպես քաղաքականությունը լինի միասնական:

Ընդհանուր առմամբ, այդ ոլորտում մենք պատկերացնում ենք, որ պետք է շատ սերտ համագործակցություն լինի մարզական ֆեդերացիաների եւ ՀԱՕԿ-ի հետ, որպեսզի մենք մեր քաղաքականությունները ոչ միայն սինխրոնիզացնենք, այլեւ որոշակի ֆինանսական հոսքերը կարողանանք ավելացնել եւ ավելի խոշոր ֆինանսական հոսքեր ուղղենք մարզադպրոցներին, որպեսզի կարողանանք մանկապատանեկան սպորտի սինխրոն զարգացում ապահովել: Այսինք՝ նախ պետական կառավարման իմաստով պետք է հնարավորինս կենտրոնացնել՝ ֆինանսավորումը հնարավորինս մեծացնելու նպատակով, եւ մարզական ֆեդերացիաների ու ՀԱՕԿ-ի հետ համագործակցության դաշտը մեծացնել, որպեսզի նաեւ նոր ֆինանսական հոսքեր եւ մասնագիտական կարողություններ ներդրվեն այդ ոլորտում»,- ասաց Փաշինյանը:

Կրթության նախարարությունը, որը պատասխանատու է լինելու այս ոլորտի համար անվանափոխության է ենթարկվել: Փետրվարի 2-ին հայտարարվել էին 12 նախարարությունների անունները, եւ այդ նախարարության անվան մեջ սպորտ բառը չկար: Այսօր հայտնի է դարձել, որ նախարարությունը կկոչվի Կրթության, գիտության, մշակույթի եւ սպորտի նախարարություն:

Տպել
1826 դիտում

Զելենսկին խոստացել է ընտրվելու դեպքում հանրաքվե անցկացնել ՆԱՏՕ-ին երկրի անդամակցության հարցով

Շախմատի կանանց անհատական ԵԱ-ի 7-րդ տուրից հետո Էլինա Դանիելյանը 7-րդն է

Հումանիտարն ու պատժիչը իրար հետ չեն բռնում. Ցոլակյանը՝ ԱԻՆ-ը Ոստիկանությանը միացնելու ԼՀԿ-ի առաջարկի մասին

Թուրքիայի քաղաքացին ձերբակալվել է ՀՀ սահմանը հատելիս

Հոկտեմբերի 27-ի գլխավոր անձը նստած ա. Սամվել Բաբայան

Եթե «Իմ քայլը» որոշում ա, որ կլինկերը չհարկվի, շինարարությունը կէժանանա, պատասխանատուն իրանք են, թող անեն․ Ծառուկյան

51-ամյա տղամարդու սպանության համար մեղադրանք է առաջադրվել որդուն. գործը դատարանում է

Ցեմենտի ներկրման 22000 դրամ պետտուրքի դեպքում 1 տարվա ընթացքում պետբյուջեն կունենա 4 մլրդ դրամի մուտք․ Հայկ Սարգսյան

Արցախի ՄԻՊ-ի միջամտությամբ փախստական ընտանիքին տրամադրվել է վարձավճարի փոխհատուցում

Ստամբուլի քաղաքապետարանը Բեյքոզի հայկական եկեղեցու հիմնադրամին 4 մլն դոլարի փոխհատուցում կվճարի

«Արսենալը» ԵԼ կիսաեզրափակչում է. Մխիթարյանը խաղաց, որովհետեւ Ռեմզին վնասվածք ստացավ (տեսանյութ)

Ռուսաստանը մեղավոր է, Թրամփը՝ ոչ. Մյուլլերի զեկույցը

ԱԺ-ն այսօր առաջին եւ երկրորդ ընթերցումներով մի շարք օրենքներ է ընդունել

Մեկնարկեց Մարտի 1-ի գործով դատապարտված Գրիգոր Ոսկերչյանի գործը վերանայելու բողոքի քննությունը

Նախկին իշխանության քարոզիչներն, իբր ինձ պաշտպանելով, փորձում են իշխանությանը թուլացնել. Սանասարյան

ESMT բիզնես դպրոցի ուսանողները գաղափարներ կառաջարկեն Գյումրիի համար

Լույս չի լինի Լեւոն Տեր-Պետրոսյանի տանը, «Նաիրի» եւ «Արամյանց» Բ/Կ-ներում, Շտապ օգնության հիվանդանոցում

Գյումրիում 56-ամյա տղամարդուն դանակահարելու կասկածանքով ձերբակալվել է ընկերը. ՔԿ

Չի լռելու. ի՞նչ անել Սպարտակի հետ

ՍԴ-ում. ապօրինությունների օրինականացում