Գագիկ Մկրտչյանը արյունաքամ էր լինում, ասում էր՝ մի բան արեք, օգնեք, կարող ա մահանամ. նախկին ոստիկանի ցուցմունքը

«Սասնա ծռեր» խմբի 10 անդամների գործով այսօր դատարանում հարցաքննվեց նաեւ տուժող Վլադիմիր Սիրեկանյանը, որ ՊՊԾ գնդի գրավման ժամանակ աշխատելիս է եղել որպես ոստիկան:

Նա դատարանում հայտնեց, որ ՊՊԾ գնդում ծառայություն իրականացնելիս է եղել, երբ դեպքը տեղի է ունեցել: Երբ մեքենայի հարվածի ձայն է լսել, սկզբում կարծել է, թե վթար է եղել, հետո տեսել է գնդի տարածք մտնող ավտոմատներով զինված մոտ 30 անձանց, ովքեր մոտեցել են իրեն, կապել ձեռքերը եւ տարել հսկիչ անցագրային կետում գտնվող հանգստյան սենյակ: Նա պատմեց, որ այդ սենյակ են բերել նաեւ մյուս ոստիկաններին:

«Ճնշումս շատ բարձրացավ, սրտի խնդիր ունեի, պարոն Օսիպյանը նկատեց ու առաջարկեց, որ ինձ տանեն հիվանդանոց, բայց դա երկար տեւեց, պարբերաբար առարկում էին, Նիկոլ Փաշինյանն էլ այդ պահին նկարահանում էր, կարող եք նայել, թե ոնց էր խնդրում պարոն Օսիպյանը: Հետո տեւական ժամանակ մնացի շտապօգնության մեքենայի մեջ, հետո ինձ տարան հիվանդանոց»,- ասաց Սիրեկանյանը:

Մեղադրող դատախազի հարցին, թե այդ օրը ի՞նչ պարտականություններ եք իրականացրել գնդի տարածքում, տուժողն ասաց, որ գնդի տարածքի պահպանությունը պետք է իրականացնեին, 24-ժամյա ծառայության են ընդգրկված եղել: Նա ասաց, որ բացի իրենից գնդում հերթապահություն են իրականցրել եւս մի քանի ոստիկան, նրանց թվում է եղել նաեւ հերթապահի օգնական Գագիկ Մկրտչյանը:

Սիրեկանյանն ասաց, որ գունդ մտնելու ընթացքում կրակոցներ է լսել. «Կրակահերթ էր, մի քանի հոգի վազում էին հերթապահ մաս, մի քանի հոգի գալիս էին դեպի ինձ, ամեն մեկը մի գործողություն էր իրականացնում»,- ի պատասխան մեղադրողի հարցի, ասաց տուժողը:

Հարցին, թե ինչպե՞ս Վալերի Օսիպյանը հայտնվեց ՊՊԾ գնդում, տուժողն ասաց, որ ինքն էլ է զարմացել. «Սենյակում էինք, երբ պարոն Օսիպյանն եկավ առանց պագոնների, ես էլ զարմացա, թե ոնց հայտնվեց»,- ասաց Սիրեկանյանը:

Խոսելով գնդի տարածքում հրազենային վիրավորում ստացած եւ մի քանի օր անց հիվանդանոցում մահացած ոստիկան Գագիկ Մկրտչյանի մասին, տուժողն ասաց. «Ինքը իմ լավ ընկերն ա: Ես որ ներսում էի, իրեն բերեցին էդտեղ (հանգստյան սենյակում), աթոռին նստեց, արյունը գնում էր: Կներեք, բայց էլ չեմ ուզում խոսեմ, կլինի՞»,- ասաց Վլադիմիր Սիրեկանյանը՝ նշելով, որ երբ հիշում է, հուզվում է: Դատավորի պնդմանը, որ հանգամանքները կարեւոր են, տուժողը պատմեց, որ Գագիկ Մկրտչյանը վիրավորվել էր ձեռքից. «շատ ուժեղ արյուն էր գնում, ձեռքն էր բռնել: Ես զգում էի, որ մարդը արնաքամ ա լինում, ասաց՝ մի բան արեք, ինձ դիմեց, ասաց՝ Վալոդ, մի բան արա, ասում էր՝ օգնեք ինձ, ես կարող ա մահանամ: Իմ ձեռքերն էլ կապված էին, ի՞նչ պետք է անեի: Ինքը կես ժամ էլ չմնաց, հետո տարան, չգիտեմ ինչպես դուրս եկավ գնդի տարածքից»,- ասաց տուժողը:

Վերջինս հայտնեց, որ խմբի անդամները հիմնականում զինված են եղել ավտոմատներով, ատրճանակ էլ է եղել, ինչպես նաեւ մարտական նռնակներ:

Հարցին, թե իր նկատմամբ վիրավորանք, բռնություն եղե՞լ է, տուժողն ասաց, որ ճնշումն է բարձր եղել, սակայն իր ձեռքերը կապված են եղել, չեն թույլատրել գնալ հիվանդանոց:

Նա ասաց, որ նյութական վնաս է կրել, մեքենայի մեջ՝ իր քաղաքացիական հագուստում՝ 114 հազար դրամ է եղել, որը չգիտի, թե ով է վերցրել, ինչ է եղել:

Գնդապետ Արթուր Վանոյանի մահվան մասին Սիրեկանյանն իմացել է հիվանդանոցում, մանրամասներ չգիտի: Հարցին, թե գնդի տարածքում գտնվելու ընթացքում խմբի անդամները խոսե՞լ են արդյոք Վանոյանի մասին, տուժողը բացասական պատասխան տվեց:

Ինչ վերաբերում է Յուրի Տեփանոսյանի մահվան հանգամանքներին, Սիրեկանյանը նշեց, որ մամուլից է իմացել, նույնպես մանրամասներ չգիտի:

Պաշտպանի հարցին՝ Գագիկ  Մկրտչյանը հանգստի սենյակում գտնվելու ընթացքում ասե՞լ է, թե ում կողմից է հրազենային վիրավորում ստացել եւ ինչ հանգամանքներում, տուժողը պատասխանեց. «Չէր ասում: Ինձ համար 99 տոկոս պարզ էր, որ իր վրա կրակել են: Չգիտեմ՝ ով ա կրակել, չեմ ճշտել»,- հայտարարեց տուժողը:

Խմբի անդամ Սեդրակ Նազարյանի հարցին ի պատասխան տուժողն ասաց, որ ներկայումս չի աշխատում ոստիկանությունում: Հարցին՝ դուք ձեզ տուժող համարո՞ւմ եք, Սիրեկանյանը դրական պատասխան տվեց: Նազարյանի մյուս հարցին՝ Գագիկ Մկրտչյանին բերե՞լ են հանգստի սենյակ, թե՞ ինքը քայլել է, տուժողը պատասխանեց, որ չի հիշում. «Մի քանի հոգու օգնությամբ բերեցին, չեմ հիշում ոնց բերեցին, իր ոտքերը գետնի վրա էր, բայց ինչքան հիշում եմ՝ օգնելով են իրեն բերել»: Ճշտող հարցին՝ հնարավո՞ր է, որ քայլելով է եկել, բայց դուք լավ չեք հիշում, տուժողը ասաց՝ «կարող ա»:

Վարուժան Ավետիսյանի հարցին՝ երբ այլեւս Գագիկ Մկրտչյանը սենյակում չէր, այդ ընթացքում դուք ձեր դիրքը փոխե՞լ եք, տուժողը դրական պատասխան տվեց. «Բազմոցի կողմից կարող ա մի քիչ գնացել եմ այն կողմ, հետո կանգնում էինք պատի տակ, տարբեր...:»,- ասաց Սիրեկանյանը: Ճշտող հարցին, այսինքն դուք ձեր դիրքը փոխո՞ւմ էիք, դրա համար Մկրտչյանը ձեր տեսադաշտում չի եղել, տուժողը դրական պատասխան տվեց:

«Գուցե ձեզ համար ցավոտ հնչի, ինձ համար էլ ծանր է այս հարցին պատասխանել, դուք ասացիք, որ ձեր ընկերն է, բայց չե՞ք հետեւել՝ ինչպես է գնացել» տուժողին հարցրեց Ավետիսյանը, ինչին ի պատասխան Սիրեկանյանն ասաց, որ միտումնավոր չի գնացել, որ չտեսնի. «Իրավիճակը նենց էր, որ ինձ ասում էին՝ էնտեղ, հետո էնտեղ, ոնց ասում էին, նենց անում էի»,- պատասխանեց տուժողը:

Գագիկ Մկրտչյանի կնոջ՝ Հասմիկ Ոսկանյանի հարցին՝ կարո՞ղ եք ասել՝ ով է վիրակապ արել, նախկին ոստիկանն ասաց. «Արյունոտ էր, ես չեմ հիշում՝ վիրապակն էր արյունոտ, թե շորը: Չեմ կարող ասել՝ վիրակապ կար, թե հագուստն էր, ինչ-որ բանով էր փաթաթված»:

Հասմիկ Ոսկանյանը դիմելով դատավորին ասաց. «Պարոն դատավոր, այստեղ չէր կարող հարց լինել, իրենք նկատել են փորի վնասվածքը, թե՝ ոչ»: Դատավորն ասաց, որ այդ նկատառումները վիճաբանության փուլում պետք է ներկայացնի:

Վլադիմիր Ոսկանյանը հայտարարեց, որ դեմ է, որպեսզի «Սասնա ծռեր» խմբի 10 անդամների նկատմամբ համաներում կիրառվի: Հարցին՝ քաղաքացիական հայցի պահանջ ունե՞ք, Սիրեկանյանը ասաց, որ նյութական վնաս է կրել: Դատավորը նշեց, որ այդ դրվագով այստեղ անցնող ամբաստանյալներին մեղադրանք առաջադրված չէ, ինչին տուժողը արձագանքեց. «Դե թող գնա կորի, ուրեմն»:

Սույն գործով հաջորդ դատական նիստը տեղի կունենա փետրվարի 27-ին:

Տպել
5377 դիտում

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել