«Որոշվեց Մարտի 1-ի առավոտյան ցրել Ազատության հրապարակի ցույցը». մեղադրանքի այս եւ այլ դրվագներ պարզ չեն Քոչարյանին

Երեւան քաղաքի ընդհանուր իրավասության դատարանում՝ դատավոր Արման Հովաննիսյանի նախագահությամբ, երեկ մեկնարկել է Քոչարյանին առաջադրված մեղադրանքը հստակեցնելու վերաբերյալ ՀՔԾ մերժման դեմ ներկայացված պաշտպանական բողոքի քննությունը:

Այս մասին մեր զրույցում ասաց Քոչարյանի պաշտպաններից Հայկ Ալումյանը: Վերջինս մեր զրույցում սույն բողոքի վերաբերյալ մանրամասներ ներկայացրեց, որը ներկայացնում ենք ստորեւ.

- Պարոն Ալումյան, կմանրամասնե՞ք ինչ բողոք եք ներկայացրել եւ ի՞նչ պահանջով:

- Նոյեմբերի 2-ին իմ պաշտպանյալին առաջադրված մեղադրանքում տառերի, բառերի քանակն ավելացվեց, այդ մեղադրանքի մեջ կան ծայրահեղ անորոշ արտահայտություններ, մասնավորապես նշեմ դրանցից մեկը՝ «որոշվեց մարտի 1-ի առավոտյան ցրել Ազատության հրապարակի ցույցը»: Հիմա ո՞ւմ կողմից որոշվեց, արդյո՞ք նկատի ունեն, որ պարոն Քոչարյանը այդ որոշմանը մասնակից է եղել, թե՝ ոչ, կամ արդյո՞ք համարում են, որ մասնակից չի եղել, բայց տեղյակ է եղել, կամ իմացե՞լ է տվել է հավանություն, ու այս կարգի անորոշ արտահայտություններով հագեցած էր մեղադրանքի որոշումը: Դրանից պարզ չէր՝ պարոն Քոչարյանին ի՞նչ են մեղսագրում, ուրիշ հարց է, որ մարդն իրեն մեղավոր չի ճանաչում, ընդհանրապես պարզ էլ չէր՝ ինչ են վերագրում: Մենք միջնորդել էինք, որպեսզի մեղադրանքը պարզաբանվի, քննիչը մերժել էր, բողոքարկել էինք դատախազին, նա էլ էր մերժել, հիմա բողոքարկել ենք դատարան: Երեկ դատական նիստն էր, բավականին հագեցած, մոտ մեկ ժամ ու կես դատական նիստ տեղի ունեցավ, ներկայացել էին քննչական խմբի ղեկավար Մուշեղյանը եւ մեղադրող դատախազ Պետրոս Պետրոսյանը:

- Քննիչն ու դատախազը ի՞նչ հիմքով էին մերժել ձեր միջնորդությունը:

- Քննիչը նշել էր, որ այդպիսի ընթացակարգ չկա պարզաբանման, դատախազն էլ գրել էր, որ մեղադրանքը առաջադրվելուց պարզաբանված եղել է: Մենք էլ ասում ենք՝ եթե պարզաբանաված է եղել, այդ ինչի՞ քննիչը երբ մեր միջնորդությունը մերժում է, չի գրում, որ ես պարզաբանել եմ: Շատ անորոշ արտահայտություններ կան, ծայրահեղ:

- Մասնավորապես ի՞նչ արտահայտություններ են դրանք:

- Գրված է օրինակ՝ «ոստիկանության մի խումբ ծառայողներ հետին ամսաթվով կազմել, ստորագրել, շրջանառության մեջ են դրել ակնհայտ կեղծ, իրականությանը չհամապատասխանող բովանդակությամբ պաշտոնական փաստաթուղթ»: Հիմա այստեղ պարզ չի նախ այդ մի խումբ ծառայողները ո՞ւմ նկատի ունի, հետո նաեւ պարզ չէ, թե սա պարոն Քոչարյանին ի՞նչ առումով է վերագրվում, որ ի՞նքն է կարգադրել, թե որ ինքը իմացել է այդ մասին, պարզ չի՝ ո՞վ է դա արել ըստ մեղադրանքի: Նաեւ պարզ չի՝ ի՞նչ առումով են իրենք դա ներկայացնում որպես պարոն Քոչարյանի մեղադրանք: Կամ այսպիսի մի բան կա՝ «քաղաքական գործընթացները ճնշելու գործին ներգրավվել են նաեւ Ռոբերտ Քոչարյանի եւ Սերժ Սարգսյանի մերձավոր շրջապատի որոշ անձինք»: Հիմա ի՞նչ անձինք, այդ անձինք ո՞ւմ հետ կապ ունեն, ի՞նչ առումով են վերագրվում, կոնկրետ անձանց անուններ չկան, որպեսզի օրինակ կարելի լինել վիճարկել, որ գիտեք ինչ կա՝ այս մարդիկ իմ մերձավոր շրջապատից չեն, կյանքում 50 մետրից մոտ ինձ չեն եկել, կամ հակառակը. ոնց որ մեկին մեղադրեն որոշ անձանց նկատմամբ բռնություն գործադրելու համար, բա այդ մարդը չիմանա՞ որոշ անձինք ովքեր են, որպեսզի կարողանա այդ մեղադրանքից պաշտպանվել: Կամ գրված է՝ «նախագահի աշխատակազմի ղեկավար Արմեն  Գեւորգյանի ներգրավմամբ տարբեր եղանակներով եւ միջոցներով արվել են այս, այս գործողությունները՝ Սահմանադրական դատարանի անդամների վրա ճնշումներ գործադրելու համար». մարդուն վերագրում են ճնշումը, չեն գրում՝ ինչ եղանակով, որ այս մարդը կարողանա պաշտպանվի: Այ այս կարգի մեղադրանք է եղել, դրա համար մենք ուզում ենք, որպեսզի պարզությունը մտցվի՝ ի՞նչ են վերագրում, ինչո՞ւմ են մեղադրում ի վերջո հստակ, որպեսզի հնարավոր լինի հստակ պաշտպանություն կառուցել: Ընդ որում, կարեւոր է, որ ո՛չ քննիչը, ո՛չ դատախազը երբ մեզ մերժում էին, իրենցից ոչ ոք չասաց, որ սա հստակ մեղադրանք է, այդ փաստարկը իրենք չեն դրել, որովհետեւ իրենց համար էլ է հասկանալի, որ սա հստակ չի, իսկ մեղադրանքը չի կարող լինել անհստակ:

- Ռոբերտ Քոչարյանը ի վերջո ինքը նշո՞ւմ է՝ Մարտի 1-ի լուսադեմին ցույցը ցրելու հրաման տվել է, թե՝ ոչ:

- Իհարկե ոչ, ուժ կիրառելու անհրաժեշտությունն ու մտադրությունը ի սկզբանե չի եղել, առաջացել է այն պահին, երբ ոստիկանությունը մոտեցել է այդտեղ ու բարձրախոսով հայտարարել գալու նպատակների մասին, այդ պահին դիմադրություն է սկսվել ցուցաբարել ու այդ պահի թելադրանքով առաջացել է ուժ կիրառելու անհրաժեշտություն, որի մասին հետո մոտավորապես ժամը 09:00-ի սահմաններում պարոն Քոչարյանին տեղեկացրել են, երբ ինքը ժամանել է աշխատանքի վայր:

- Այսինքն՝ Հայկ Հարությունյանն առանց Ռոբերտ Քոչարյանի գիտությա՞ն է ցույցը ցրելու հրաման տվել:

- Թող իրենք բացատրեն՝ ով է որոշում կայացրել, ում է զեկուցել: Նոր ենք մենք տեսնում, որ բոլոր ցուցմունքներով անխտիր պարզ երեւում է, որ ոստիկանությունը այդտեղ գալուց չի նախատեսել, որ պետք է ուժ կիրառի, ուղղակի այդտեղ անհրաժեշտ էր կատարել զննում, որովհետեւ լուրջ տվյալներ կային, որ այդտեղ որոշ մարդկանց մոտ կա զենք ու պայթուցիկ նյութեր եւ հնարավոր են նաեւ սադրանքներ, դժբախտ պատահարներ եւ դա անհրաժեշտ էր կանխել:

- ՀՔԾ-ն ասում է, որ այդ փաստաթղթերը կեղծ են եղել:

- Իրենք ասում են՝ ոստիկանության փաստաթղթերը կեղծ են եղել, հետին թվով են զեկուցագրերը սարքվել, բայց ոչ ոք չի ասում, որ Ազգային անվտանգության ծառայության զեկուցագրերը ու օպերատիվ տվյալները եղել են կեղծված: Հիմնական ինֆորմացիայի աղբյուրը եղել է հենց Ազգային անվտանգության ծառայությունը եւ բազմաթիվ դատավճիռների մեջ էլ դա գրված է, որ ԱԱԾ-ն ստանում էր ընթացիկ օպերատիվ տեղեկություններ: Երբ Ազատության հրապարակը ազատվել է ցուցարարներից, այդտեղ հայտնաբերվել են տասից ավելի նռնակներ:

- Փաստահավաք խումբը պնդում է, որ ժամը 06:30-ին չէին կարող իրավապահները զննում կատարել՝ հղում անելով ՀՀ քրեական դատավարության օրենսգրքի 218 հոդվածին, որտեղ նշվում է, որ զննումը կատարվում է ցերեկը:

- Որպես կանոն, պետք է իրականացվի ցերեկային ժամերին, եթե որոշակի հանգամանքներից ելնելով հրատապ չի այդ գործողության կատարումը, դա օրենքի մեջ ուղիղ ասված է, այսինքն՝ ասում է՝ որպես կանոն, օրինակ, եթե պետք է ինչ-որ մի տեղ խուզարկություն արվի ու վտանգ չկա, որ առարկաները պետք է տեղափոխվեն այլ վայր, կարող են եւ ցերեկային ժամի անել, կամ հարցաքննությունը, բայց ասում է՝ որպես կանոն: Փաստահավաք խումբը ավելի շատ էմոցիաներով է առաջնորդվել, իրականում օրենքը հրատապ վիճակներում չի ասում, որ մեկ րոպե էլ չպետք է հապաղել, եթե այդպիսի ինֆորմացիա կա, մանավանդ որ ինֆորմացիայի արտահոսք է տեղի ունեցել:

- Իսկ Ռոբերտ Քոչարյանին առաջադրված նոր մեղադրանքը կաշառքի դրվագով պաշտպանական կողմին հասկանալի՞ է:

- Կաշառքի մեղադրանքի իմաստը, բովանդակությունը հասկանալի է, ուղղակի ինքը անհիմն է ու հիմա ինչքան նայում ենք՝ որեւէ ապացույցով հաստատված չէ:

- Այս դրվագով Սիլվա Հաբարձումյանի ցուցմո՞ւնքն է:

- Իր ցուցմունքներն էլ կան, անընդհատ փոփոխվող ինչ-որ մի հատ ցուցմունք է ու ոչ մի ձեւով այդ ցուցմունքից չի հետեւում ոչ մի բան իմ պաշտպանյալի դեմ:

Նշենք, որ Ռոբերտ Քոչարյանի, Յուրի Խաչատուրովի, Արմեն Գեւորգյանի եւ Սեյրան Օհանյանի վերաբերյալ քննվող քրեական գործով նախաքննության ավարտ է հայտարարվել. պաշտպական կողմը ծանոթանում է 76 հատորից բաղկացած քրեական գործի նյութերին:

Տպել
2848 դիտում

«Վարդա» ակումբի տնօրենն իրականացրել է անհրաժեշտ պաշտպանություն. սպանության գործի վարույթը կարճվել է

Պետբյուջեի եկամտային մասը 62 մլրդ դրամով կգերակատարվի. որտե՞ղ են ծախսվելու հավելյալ միջոցները

«Միսս տիեզերք Արմենիան» կանցկացվի Գյումրիում. մանրամասներ գեղեցկության այս տարվա մրցույթներից

Մայիսի 28-ից Հանրապետության հրապարակի ջրային շոուն կլինի ժամը 21:00-23:00-ն

Խառնաշփոթ՝ «Բագրատաշենի» անցակետում. ՄԻՊ-ը միջոցներ է ձեռնարկում ստեղծված իրավիճակի հետ կապված

ՀՀ-ին բնորոշ են անտառային հրդեհները, տեղումների հետևանքով առաջացող աղետները. Ֆելիքս Ցոլակյան

Բակո Սահակյանը շնորհավորական ուղերձ է հղել Արկադի Տեր-Թադեւոսյանին՝ ծննդյան 80-ամյա հոբելյանի կապակցությամբ

Վարչապետը նոր նշանակում է կատարել պետական պահպանության ծառայությունում

Ի՞նչ են քննարկել Հանրային խորհրդում եւ ի՞նչ հաղորդագրություն է տարածվել. Ստյոպա Սաֆարյանը բացում է փակագծերը

Վանեցյանն ու Տոնոյանը ամենաբարձր գնահատականն են ստացել քաղաքացիների կողմից. Նավասարդյան

Հայաստանի զարգացման ռազմավարության մշակման աշխատանքների մասին քննարկում է եղել կառավարությունում

Երեւանի Գրիգոր Լուսավորչի փողոցն անվանափոխվեց Սուրբ Գրիգոր Լուսավորչի. ավագանու նիստը թեժ է, վիրավորանքների պակաս չկա

Վրաստանի կառավարության գործունեությունը բացասական է գնահատում հարցվածների 56 տոկոսը

Վրաստանի դատարանն ուժի մեջ է թողել Սաակաշվիլիի դատավճիռը

Անթույլատրելի ենք համարում. հայաստանյան ՀԿ-ների հայտարարությունը Ռոման Ուդոտի ձերբակալման վերաբերյալ

Երեւանի քաղաքապետարանի ձեռք բերած աղբատար մեքենաները այսօրվանից սկսում են աշխատանքները (տեսանյութ)

Քոչարյանի «հաղթանակը»՝ Հայաստանի ու Արցախի հաշվին. տեղի ունեցավ ամենասարսափելին

ԻՆԵԿՈԲԱՆԿ․ INECOPAY հաջողության պատմությունը ներկայացվեց Թբիլիսում

Հայաստանում որեւէ մեկը թիկնապահներով շրջելու կարիք չունի, եթե իհարկե չի գողանում ու չի թալանում․ Հայկ Սարգսյան

«Ոսկե երիտասարդություն» վարկային գիծ ՀԱՅԲԻԶՆԵՍԲԱՆԿԻ ուսանողական քարտով