Բոլորիդ ճակատներին կարմիր արյունով գրված ա՝ Արթուր, Յուրի, Գագիկ. տուժող ոստիկանը՝ «Սասնա ծռերին»

Երեւան քաղաքի ընդհանուր իրավասության դատարանի Շենգավիթի նստավայրում՝ դատավոր Մեսրոպ Մակյանի նախագահությամբ, այսօր շարունակեց «Սասան ծռեր» խմբի անդամների գործով դատական նիստը:

Դատարանում այսօր ցուցմունք տվեց տուժող ոստիկան Գեղամ Խաչատրյանը, որը դեպքի ժամանակահատվածում աշխատելիս է եղել որպես ՊՊԾ գնդի 4-րդ հատուկ գումարտակի հրամանատար: Խաչատրյանն ասաց, որ ներկայումս համակարգում չի աշխատում. «Դուրս եմ եկել համակարգից»,- ասաց նա:

Տուժողն ասաց, որ 2016 թվականի հուլիսի 17-ին, ժամը 02:30-ի սահմաններում գնդից դուրս է եկել քաղաքում ծառայությունները ստուգելու նպատակով, գանցել է «Զվարթնոց» օդանավակայան. «Ժամը 06:00-ի սահմաններում իմ տղաներից մեկը զանգահարել, ասել է, որ գունդը գրավել են: Զանգից անմիջապես հետո գնացել եմ դեպքի վայր, տեղում եղել են բազմաթիվ ոստիկաններ, որից հետո սկսել ենք մեր ծառայությունը իրականացնել տվյալ տարածքում: Դեպքի վայրի զննության արդյունքում իմ աշխատասենյակի մուտքի մոտ նկատեցի իմ չհրկիզվող պահարանը, որը գտնվել է իմ աշխատասենյակում. այն կոտրված էր: Այդ պահարանում եղել է գումար, որը գոյացել էր ավտոմեքենայի վաճառքի արդյունքում՝ մոտ 3500 ԱՄՆ դոլար, 340 հազար ՀՀ դրամ 500 կամ 700 եվրո: Դրանից հետո հրաձգարանում նորից չհրկիզվող պահարանում հայտանաբերվել է գումար ինձ պատկանող կապույտ պայուսակի մեջ, գումարը կազմում էր մոտ մեկ միլոին  դրամ, եթե չեմ սխալվում, հայտնաբերվեց նաեւ նոթատետր»,- պատմեց Խաչատրյանը:

Մեղադրող դատախազ Արամ Արամյանի հարցին՝ ի՞նչի եք ականատես եղել, ի՞նչ տեղեկատվության եք տիրապետել այդ ընթացքում նշված դեպքի վայրում տեղի ունեցող իրադարձություններից եւ մանրամասնություններից, տուժողը պատասխանեց, որ տեղում տեղեկացվել են, որ մոտ 30 հոգի գունդը գրավել են՝ վնասելով գնդի դարպասները, պատանդ պահել ոստիկաններին. «Դրանից հետո միանգամից ես գործառութային պարտականություններս եմ կատարել, ապահովել եմ հասարակական կարգը»,- հավելեց նա:

Հարցին, թե դեպքերի ժամանակ զոհված անձանց դեպքի վերաբերյալ ի՞նչ տեղեկությունների եք տիրապետում, տուժողն ասաց. «Մեր գնդի հրամանատարի տեղակալի մահվան փաստը իմացանք մեր տղաներից՝ այնտեղի ոստիկաններից, իսկ մեր Յուրի Տեփանոսյանի մահվան փաստը նորից տղաներից եւ լրատվամիջոցներից: Ինչ վերաբերում է Գագիկ Մկրտչյանին, ապա նա վիրավոր է եղել, տեսել եմ արյունահոսությունը»:

Պաշտպան Զարուհի Փոստանջյանի հարցին, թե «Զվարթնոց օդանավակայան» գնում էիք ի՞նչ անելու, տուժողը պատասխանեց. «Ես այնտեղ ծառայություն ունեի, գնացել էի ծառայությունները ստուգելու: Հարցին՝ ձեր ծառայությունը կանոնակարգվա՞ծ է, Խաչատրյանը պատասխանեց՝ ճիշտ այդպես: Փոստանջյանի հարցին՝ ծառայությունում այդպե՞ս է նշված, որ 02:30-ին պետք է լինեք օդանավակայանում, Խաչատրյանը բացասական պատասխան տվեց՝ նշելով, որ ինքը հրամանատար է. «Ինքս եմ որոշում՝ որտեղ եւ ում պետք է ստուգեմ»,- պատասխանեց նա: Ճշտող հարցին՝ խնդիր կա՞ր, տուժողը պատասխանեց. «Ոչ մի կերպ»:

Փոստանջյանի մյուս հարցին՝ Գագիկ Մկրտչյանին որտե՞ղ տեսաք, Խաչատրյանն ասաց, որ գնդից դուրս գալուց: Հարցին՝ ո՞ւմ հետ էր դուրս գալիս, նա ասաց՝ չեմ հիշում: Փոստանջյանի հարցին՝ որ տեսաք արյունահոսությունը, չմոտեցա՞ք իրեն, Գեղամ Խաչատրյանը պատասխանեց. «Շատերը մոտեցան, կողքից տեսել ենք, կարիք չկար 100 հոգով մոտենայինք էդ տղուն, հազիվ շտապօգնությունը եկել է, հասցրել են հիվանդանոց»: Պաշտպանի հարցին՝ շտապօգնությունը որ եկավ, ինչ արեց, տուժողն ասաց, որ չի կարող պատասխանել, իսկ դատավոր Մակյանն էլ նկատեց, որ պաշտպան Փոստանջյանը տուժողին բժշկական հարցեր է տալիս:

«Ձեր աչքի առջեւ Գագիկ Մկրտչյանը արյունահոսում էր, ձեր ընկերն է, չհետաքրքրվեցի՞ք՝ ո՞ւր են տանում նրան»,- հարցրեց Փոստանջյանը: Ի պատասխան Գեղամ Խաչատրյանն ասաց, որ հետաքրքրվել են, որ հիվադանոցում է: Պաշտպանի մյուս հարցին՝ ե՞րբ իմացաք, որ Գագիկ Մկրտչյանը մահացել է, տուժողն ասաց, որ չի հիշում: Փոստանջյանի հարցին՝ չե՞ք էլ հետաքրքրվել, Խաչատրյանը արձագանքեց. «Հետաքրքրվել ենք, իհարկե, ո՞նց կարող էինք չհետաքրքվել, եթե մեր ընկերոջը վիրավորել են կամ սպանել»: Փոստանջյանի հարցին՝ հիվանդանոց այցելե՞լ եք, տուժողը պատասխանեց, որ շատ կցանկանար, բայց չի հասցրել, 15 օր ծառայություն է իրականացրել եւ չէր կարող դեպքի վայրը թողնել գնալ:

Այսինքն՝ դուք շուրջ 15 օր ազատ ժամանակ չե՞ք ունեցել, տուժողը չպատասխանեց, քանի որ դատավորը հարցը հանեց. «Հանդիմանո՞ւմ եք, որ չի գնացել, բարոյախրատական զրո՞ւյց եք վարում»,- դիմելով Փոստանջյանին՝ ասաց դատավոր Մակյանը: «Եթե չէին թողնում մտնել Գագիկի մոտ, ո՞ւր գնար»,- արձագանքեց Գագիկ Մկրտչյանի այրին՝ Հասմիկ Ոսկանյանը:

«Սասնա ծռեր» խմբի անդամ Սմբատ Բարսեղյանի հարցին՝ Գագիկ Մկրտչյանի արյունահոսությունը որտեղի՞ց էր, տուժողն ասաց, որ չի կարող ասել, չի հիշում:

Բարսեղյանի ճշտող հարցին՝ տեսել եք արյունահոսություն եւ չեք կարող ասել որտեղի՞ց էր, Խաչատրյանը ասաց. «Վերքը չեմ տեսել, սպիտակ մայկա էր, եթե չեմ սխալվում, արյունահոսում էր, ես չեմ կարող ասել՝ որտեղից էր»: Ապա դատավորի ճշտող հարցին ի պատասխան տուժողն ասաց, որ Գագիկ Մկրտչյանի մայկան արյունոտված էր. «Արյունը կաթում էր»:

Բարսեղյանի հարցին՝ հնարավո՞ր է, որ չեք տեսել, ասել են, ասելու հիման վրա դուք հիմա այստեղ այդպես եք ասում, տուժողը արձագանքեց. «Ինձ ոչ ոք չի կարող ասել ասելու համար»:

Պաշտպանի հարցին՝ արյունահոսություն ասելով ի՞նչ եք հասկանում, Գեղամ Խաչատրյանը ասաց. «Բառացի եմ հասկանում՝ արյունը հոսում էր»:

Արմեն Բիլյանի հարցին՝ շտապօգնության մեքենան որտեղ էր կանգնած, տուժողը կրկին պատասխանեց, որ չի հիշում: «Որպես ոստիկան ոչ մի բան չեք հիշում, կարող ա Ազատության հրապարակում էր կանգնած»,- շարունակեց Բիլյանը, ինչին ի պատասխան ոստիկանն ասաց, որ ինչ հիշում է, դա է պատասխանում:

«Գեղամ Խաչատրյան, հիշո՞ւմ եք՝ ոնց էիք ՀՀ քաղաքացիներին լավ ծեծի ենթարկում»,- հարցրեց Բիլյանը: «Իսկ դուք հիշո՞ւմ եք, որ բոլորիդ ճակատներին կարմիր արյունով գրված ա՝ Արթուր, Յուրի, Գագիկ»,- պատասխանեց տուժողը: Ի պատասխան Բիլյանն ասաց. «Հլը էդ շատ մեծ հարց ա՝ ում ճակատին ա գրված»:

Ապա նրա պաշտպան Զարուհի Փոստանջյանը հետաքրքրվեց՝ երբ դեպքի օրը ՊՊԾ գնդից դուրս եկաք, Արթուր Վանոյանին տեսաք, ինչպե՞ս հրաժեշտ տվեցիք նրան, տուժողն ասաց, որ չի հասկանում, թե ինչի մասին է խոսքը: Փոստանջյանը ասաց՝ ձեր ենթակաների մասին է խոսքը, ինչին ի պատասխան տուժողն ասաց. «Ասեմ, իմանաք՝ ես եմ պարոն Վանոյանի ենթական եղել»:

Տուժող Գեղամ Խաչատրյանը դատարանի հացին ի պատասխան ասաց, որ իր անհետացած գումարների մասին տեղեկություն չունի, ոչ ոքից պարտք պահանջ բողոք չունի:

Տպել
1851 դիտում

Վանաձոր-Ալավերդի-Բագրատաշեն ճանապարհը բեռնատարների և ավտոբուսների համար փակ է

Ամբողջական ու միացյալ Հայաստանի տեսլականի իրագործումն Արցախի միացումն է Հայաստանին. Արամ Ա

Սյունիքում մեքենան մոտ 50 մետրից ընկել է ձորակը․ կա մեկ զոհ, երկու վիրավոր

Դպրոցի տնօրենի 17-ամյա որդին հոր մեքենայով վթարի է ենթարկվել․ 3 դպրոցականներ հիվանդանոցում են

Ըմբիշ Արթուր Ալեքսանյանը ոսկե մեդալ է նվաճել Ղազախստանի միջազգային մրցաշարում

Ջիվան Աբրահամյանն ազատ է արձակվել

Անակնկալ Հայաստանի համար. եկան, կարդացին, գնացին

Քաղաքական լեզվամարտ. ճշմարտությունը միայն կոնյակն էր

Էս ո՞վ է. նա մի տղա էր՝ միշտ տխուր աչքերով

Պատրաստ ենք խորացնել փոխշահավետ գործակցությունը. Վվարչապետն ընդունել է Չինաստանի ԱԳ նախարարին

Հայաստանի և Չինաստանի ԱԳ նախարարները Երևանում ստորագրել են մի շարք փաստաթղթեր

ՀՀ մի մասում տեղումները կշարունակվեն առաջիկա օրերին. սպասվում է անձրեւ,տեղ-տեղ՝ կարկուտ

Հրդեհ Լուսառատ գյուղի պահեստի տարիքում. այրվել է շինությունը, անասնակեր ու վառելափայտ

Ըստ Թուրքիայի սահմանադրական դատարանի՝ Հայոց պատրիարքի ընտրություններում խախտվել է կրոնի ազատությունը

Ազատության հրապարակի ակցիայի հետ մենք կապ չունենք՝ ոչ ուղղակի, ոչ անուղղակի. «Իմ քայլը» դաշինք

ՌԴ Հարավային ռազմական շրջանը ստեղծել է զինվորների ջերմահարումից պաշտպանելու համար նախատեսված 50 կետ

«Մայր Հայաստան» թանգարանում տարածք կհատկացվի ապրիլյան պատերազմի բոլոր զոհերի հիշատակի անկյուն ստեղծելու համար

Զոհրաբ Մնացականյանը հանդիպել է չինացի գործընկերոջ հետ

Հանրահավաքի ընթացքում սպառնալիքներ հնչեցնելու կասկածանքով բերման է ենթարկվել Ջիվան Աբրահամյանը

Վանաձոր-Դիլիջան ճանապարհին մինչև հիմնանորոգումը սկսելը կատարվում են ժամանակավոր անցանելիության համար աշխատանքներ