Կանանց բանակ զորակոչելուց առաջ պետք է նրանց լիարժեք ներգրավենք քաղաքական ու հանրային կյանքում. վարչապետ

«Երբ ես Ավստրիայի վարչապետի հետ հանդիպման էի, ոտքով գնացի, ու ժամանակ առ ժամանակ ինձ հանդիպում էին հայեր, որոնք ճանաչում էին, մոտենում էին եւ շատ հետքրքիր էր հանդիպել նաեւ ավստրիացիների, որոնք եւս ճանաչում են: Մի աղջիկ հայերեն խոսելով մոտեցավ, ես արտաքինից տեսնում եմ, որ ինքը հայ չէ, հայի նման չէ, ես հարցրեցի՝ դուք հա՞յ եք, նա պատասխանեց, որ ոչ, Վիեննայից էր, բայց խոսում էր մաքուր հայերեն: Երբ հարցրեցի, թե ինչպես գիտի հայերեն, նշեց, որ Երեւանում  է սովորել: Ես սրա մասին պատմեցի Ավստրիայի վարչապետին, սա այն դեպքն է, երբ կարող ենք միասին համագործակցել կրթության ոլորտում, այստեղ կան հայ ուսանողներ, մեր երկրում կան ավստրիացի ուսանողներ: Հանդիպումներ ունեցանք Ավստրիայի վարչապետի ու նախագահի հետ, շատ կառուցողական քննարկումներ ունեցանք, պատրաստակամություն հայտնեցինք ցանկացած պահի փոխադարձ կապի մեջ լինել եւ ավելի գործնականորեն հասկանալ, թե որտեղ կարող ենք համագործակցել: Այնպես որ, ամեն ինչ լավ է»,-ասաց Նիկոլ Փաշինյանը՝ Ավստրիայի հայ համայնքի ներկայացուցիչների հարցերին պատասխանելուց առաջ:

Այնուհետ ներկայացուցիչներից ոմանք ողջունեցին ՀՀ վարչապետին ու հարցեր ուղղեցին:

Ներկաներից մեկը մտահոգություն հայտնեց, որ վերջերս հանրայինը կրճատել է հեռուստածրագրերը, որոնք ներկայացնում են սփյուռքի հայ համայնքների կյանքն ու գործունեությունը ներկայացնող ծրագրերը, Հայկական բարեգործական միության համար այդ ծրագրերը կարեւոր էին:

Ի պատասխան վարչապետը նշեց, որ 10-15 օր առաջ հանդիպում է ունեցել Ռաֆայել Հովհաննիսյանի հետ, վերջինս ներկայացրել է, թե ինչ խնդիր կա.

«Նշվածը արբանյակային հեռարձակում է, Հայաստանում այն չի հեռարձակվում, մենք կքննարկենք ու կհասկանանք, թե ինչում է խնդիրը, եւ եթե այդ ծրագրերը ձեզ համար կարեւոր են , եթե դրանք ապահովում են հայրենիքի հետ ձեր կապը, անպայման կհասկանանք, թե ինչ կարելի է անել այդ ծրագրերը նորից թողարկելու ուղղությամբ»:

Հարցերից բացի վարչապետին նաեւ ներկաներն ուղղակի ողջույնի խոսքեր էին ասում, ներկաներից մեկը քառատող նվիրեց:

Համայնքի ներկայացուցիչներից մեկը հայտնեց, որ համայնքի ներսում կան մարդիկ, որոնք իրապես ցանկանում են իրենց նպաստը բերել, կարող են անգամ առանց գումարի օգտակար լինել տարբեր ծրագրերի իրագործման մեջ.

«Մինչեւ վերջերս Հայաստանի կառավարությունը տարբեր մասնագետներ էր ներառում այս կամ այն ծրագրում՝ օտարերկրացիների, մինչդեռ հայ համայնքը շատ լավ կադրեր ունի, որոնք կարող են օգտակար լինել:  Երկրորդ հարցն էլ այն է, որ Հայաստանը 4 կողմից շրջապատված է թշնամիներով, կներեք, բայց Հայաստանի կյանքում այդ ուղղությամբ ոչինչ չի փոխվի, չե՞ք կարծում, որ ժամանակն է բանակ զորակոչել նաեւ հայ կանանց, նրանց եւս ներգրավել բանակի մեջ այնպես, ինչպես Իսրայելն է անում»:

«Սփյուռքահայ մասնագետների հետ կապված ձեզ հետ լիովին համաձայն եմ, ես էլ բազմիցս նշել եմ, որ շատ միջազգային ծրագրերում պարտադիր ներառվում են խորհրդատվական խմբեր, փորձագետներ եւ որպես կանոն այդ փորձագետները հրավիրվում են արտերկրից, ինչը թվում է, թե վատ չէ, բայց իմ կարծիքով վատ է, երբ այդ փորձագետների 100 տոկոսն է արտերկրից: Հիմա ես հանձնարարական եմ տվել, որ բոլոր ծրագրերում այդ համամասնությունն անպայման պահվի, որ լինեն, այո, նման մասնագետներ, դրսի փորձն էլ է կարեւոր, բայց երբ խումբը 100 տոկոսով լինում է դրսից, կտրվածություն է լինում փորձագետների եւ մեր մասնագետների միջեւ: Հիմա ավելի ու ավելի քիչ է հնչում սփյուռքի ու հայրենիքի տարբերակումը, որովհետեւ ես մի քանի անգամ ասել եմ եւ էլի եմ ասում, որ ինձ համար սփյուռքի եւ Հայաստանի միջեւ սահմանները պետք է ջնջվեն: Հեղափոխության իմաստն էլ այն էր, որ միասին ենք արել ամեն ինչ: Սկզբնական շրջանում քայլարշավից ու գործընթացներից հետո ես ամեն օր իմ նամակներն էի նայում եւ ամեն օր աշխարհագրությունն ավելի էր ընդլայնվում աջակցության՝ աշխարհի տարբեր ծայրերից, բոլոր տեղերից: Ինձ ուղարկում էին տեսանյութեր՝ մարդիկ իրենք իրենց համայնքի ներսում, իրենց փողոցում էին ինչ-որ բողոքի ցույց արել, իրենց տանն են ինչ-որ բան վանկարկել, դա թվում է, թե փոքր բան է, բայց հենց այդ իմաստով դա համահայկական հեղափոխություն է:

Այստեղ նաեւ օրենքի խնդիր կա, օրինակ ըստ օրենսդրության այդ գործընթացներում կարող են ներառվել մարդիկ, որոնք վերջին 4 տարին բնակվել են Հայաստանում, հնարավոր է նաեւ այդ գործընթացներում փոփոխություններ կատարվեն:

Հիմա ՝ կանանց մասին: Ես մեր ականավոր  գիտնականներից մեկի՝ Վարդան Ազատյանի վերլուծությունից մեջբերում կանեմ: Ըստ այդ վերլուծության, որը դեռ չի հրապարկվել, սկզբից փողոց դուրս եկան երեխաները, հետո նրանց հետեւից մայրերը, հետո նրանց հետեւից ամուսինները:

Ես հասկացա, որ հեղափոխությունը հաղթել է, երբ ես տեսա, որ փողոցի մեծ մասը կանայք են: Ես իմ ամբողջ քաղաքական կյանքում նանց նման ներգրավվածություն չեմ տեսել: Հիմա, նախքան բանակ զորակոչելը մենք խնդիր ունենք կանանց մեր հանրային ու քաղաքական կյանքում ավելի ակտիվ ներգրավելու»:

Վարչապետը խոսեց նաեւ կոռուպցիայի դեմ պայքարի մասին, օրերս ձերբակալված դատավորի մասին, որը մեղադրվում է կաշառք վերցնելու մեջ: Նիկոլ Փաշինյանը նշեց, որ զարմանում է այդ ամենից, հարց ուղղելով, թե մի՞թե այդ մարդիկ գոնե հեռուստացույց չեն նայում:

Այնուհետ վարչապետը նշեց, որ այս ամենն ասում է, քանի որ վստահ է, որ կանայք տասնյակ անգամ ավելի քիչ են հակված կոռուպցիայի, քան տղամարդիկ: «Իսկ ավելի շատ ուզում եմ հավատալ, որ ե՛ւ կայանք, ե՛ւ տղամարդիկ հակված չեն  կոռուպցիային»,-եզրափակեց վարչապետը:

Տպել
1220 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը