Ապրիլյան պատերազմ. վերականգնողական կենտրոնում վիրավոր զինվորների երեք տարիներն ու ձեռքբերումները

Լուսանկրաում՝ Ավետիս Զարգարյան

Ապրլի 2-ին Հայրենիքի պաշտպանի վերականգնողական կենտրոնում էին Աժ «Իմ քայլը» խմբկացության պատգամավոր Նարեկ Զեյնալյանը, Լուսինե Բադալյանը, Արփինե Դավոյանը: Պատգամավորներն այցելեցին Ապրիլյան պատերազմի ընթացքում վիրավորված եւ կենտրոնում բուժվող զինվորներին, զրուցեցին նրանց հետ, ծանոթացան կենտրոնի սարքավորումներին, եւ այն պայմաններին, որտեղ տղաներն իրենց օրվա մեծ մասն են անցկացնում:

Աժ պատգամավոր Նարեկ Զեյնալյանը նշեց, որ շատ կարեւոր է կենտրոնը մշտապես ուշադրության կենտրոնում պահել եւ յուրաքանչյուր ամբիոնից բարձրաձայնել: Պատգամավորի համոզմամբ՝ այն, որ պետությունը պիտի իր բյուջեում ներառի օգնություն տվյալ վերականգնողական կենտրոնին՝ միանշանակ է. «Ես կփորձեմ այդ հարցով դիմել կառավարությանը, որպեսզի հետամուտ լինի, քանի որ շատ եմ կարեւորում, որ կենտրոնն այսուհետ լինի պետության աջակցության տակ՝ պաշտպանության եւ առողջապահության նախարարությունների հետ համատեղ: Այստեղ բավականին լուրջ ներդրումներ են անհրաժեշտ, քանի որ, ինչպես արդեն նշվեց, ունենեք 9 հազար վիրավորված զինծառայողներ, որոնք այսպես, թե այնպես բուժօգնության կարիք ունեն: Մեծ առավելություն է, որ կենտրոնը լուծում է նաեւ զինվորների զբաղվածության եւ կրթության հարցը, նրանք ազատ ժամանակ այստեղ զբաղվում են տարբեր արդյունավետ աշխատանքներով, եւ կարծես թե մեկ ընտանիք են, բացի այդ համակարգչային կրթություն են ստանում, լեզուների իմացություն են ձեռք բերում»,-ասաց Աժ պատգամավոր Նարեկ Զեյնալյանը:

Կենտրոնում բուժում ստացող տղաներին էին այցելել նաեւ Ապրիլյան պատերազմի մասնակից, հերոս Ռոբերտ Աբաջյանի ընտանիքի անդամները: Երեւանի պետական բժշկական համալսարանի ռեկտոր Արմեն Մուրադյանը հատուկ հյուրընկալություն էր կազմակերպել Աբաջյանի ընտանիքի համար, որոնց կենտրոնում անակնկալ էր սպասվում:

Հայրենիքի պաշտպանի վերականգնողական կենտրոնին կից այսօր էլ շարունակվում են շինարարական աշխատանքները, տարածքն ընդլայնվում է տղաների հետագա ժամանցն ու բուժման արդյունավետությանը նպաստելու նպատակով: Արմեն Մուրադյանը հայտնեց, որ նպատակ ունեն նոր կառուցվող եւ դեռ շինարարական ընթացքի մեջ գտնվող կոնֆերանսների դահլիճը Ռոբերտ Աբաջյանի անունով կոչել: Արմեն Մուրադյանը Ռոբերտի ծնողներին ցույց տվեց դահլիճն ու դրան կից գրադարանը եւ պաշտոնական թույլտվություն խնդրեց՝ այն Ռոբերտի անունով կոչելու համար: Չնայած մեծ ցավին ու արդեն երրորդ տարին որդու բացակայության անդառնալի կորստին, զինվորի հարազատները շարունակում են ժպտալ, նրանք սիրով ու հպարտությամբ համաձայնվեցին: «Այն, ինչ կապված է զինվորի առողջության եւ նրանց վերականգնման հետ, մեզ համար մեծ նշանակություն ունի եւ առավել մեծ նշանակություն կարող է ունենալ, երբ այն կոչվելու է մեր Ռոբերտիկի անունով»,-ասաց Ռոբերտ Աբաջյանի պապը՝ Ռոբերտ Աբաջյանը:

Ապրիլյան պատերազմից երեք տարի է անցել, Հայրենիքի պաշտպանի վերականգնողական կենտրոնում բուժվող տղաներից շատերի մոտ արդեն բավականաչափ առաջխաղացում կա: Կենտրոնի աշխատակիցները հպարտությամբ փաստում են, որ իրենց աչքի առաջ կատարվել են անհնարին թվացող բաներ:

Կենտրոնում բուժվող Ավետիս Զարգարյանը մարտերի ժամանակ ամենածանր վիրավորած զինծառայողներից է, որը հատուկ զինվորական ծառայության անցնելու համար եկել էր ՌԴ-ից: Ավետիսը անցել է կյանքի ու մահվան, վիրահատությունների, վերականգնողական բուժման ծանր շրջանն ու շարունակում է պայքարը՝ կորցրած առողջությունը վերականգնելու համար: Նա շարունակում է բուժում ստանալ վերականգնողական կենտրոնում, միակ երազանքը քայլելն է:

«Ուրախ եմ, որ թեկուզ այս ձեւով, բայց ապրում եմ, տխուր եմ, որ ընկերներիս եմ կորցրել, վաշտիս հրամանատարին եմ կորցրել: Ափսոսանք կա, մեծ ափսոսանք...: Ես ապրիլի չորսին եմ վիրավորվել, գնացել էինք վիրավոր տղեքի մարմինները բերելու, այդտեղ էլ վիրավորվեցի»,-ասաց Ավետիսը: Ավետիս Զարգարյանը պատմեց, որ հիմնականում ազատ ժամանակ էլ չեն ունենում, հագեցած գրաֆիկ ունի, սակայն ժամանակը կենտրոնում, տղաների հետ հիանալի է անցնում: Ավետիսը երբեմն գնում տուն, բայց հիմնականում այստեղ է լինում:

Տպել
1468 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները