Ծանրամարտից ու բռնցքամարտից մինչեւ ֆուտբոլ. ապրիլի 7-ին ընդառաջ ներկայացնենք հայկական սպորտի գեղեցկուհիներին

Այս մարզուհիները որքան ուժեղ են մրցահարթակում, ռինգում, խաղադաշտում, նույնքան հմայիչ ու կանացի են առօրյա կյանքում: Միջազգային ասպարեզում նրանց մեծ մասն անմասն չի մնացել մեդալների պայքարից: Պարբերաբար Հայաստան են վերադարձել մեդալներով: Ապրիլի 7-ին՝ Մայրության եւ գեղեցկության օրվան ընդառաջ ներկայացնենք հայկական սպորտի գեղեցկուհիներին:

Ծանրամարտ

Նազիկ Ավդալյան

2009 թ. նա դարձավ անկախ Հայաստանի ծանրամարտի առաջին աշխարհի չեմպիոնը: Ավտովթարի պատճառով մոտ 5 տարի դադարից հետո իր մեջ ուժ գտավ 2015-ին վերադառնալու մեծ սպորտ եւ 2016-ին նվաճեց Եվրոպայի առաջնության իր 2-րդ ոսկին: Ռիո 2016-ից հետո ավարտեց կարիերան:

Հռիփսիմե Խուրշուդյան

Երկար տարիներ հայկական ծանրամարտը ներկայացրել է նաեւ Հռիփսիմե Խուրշուդյանը: Եվրոպայի կրկնակի չեմպիոն է, բազմակի մրցանակակիր: Նրա կարիերան, սակայն, տխուր ավարտ ունեցավ: Հռիփսիմեն պատժվեց Պեկին 2008-ում ու Լոնդոն 2012-ում արգելված խթանիչներ օգտագործելու համար: Արդյունքում թե նա, եւ թե Հայաստանը զրկվեցին Լոնդոն 2012-ի բրոնզե մեդալից:

Բռնցքամարտ

Անուշ Գրիգորյան

Վերջերս Եվրոպայի առաջնությունում իր ելույթով հայ մարզասերներին ուրախացրեց բռնցքամարտիկ Անուշ Գրիգորյանը: Մարտին Վլադիկավկազում կայացած Եվրոպայի 18-22 տարեկանների 2019 թ. առաջնությունից նա վերադարձավ ոսկե մեդալով: Անուշը նաեւ համաշխարհայի ուսանողական խաղերի բրոնզեմեդալակիր է, երիտասարդների աշխարհի ու Եվրոպայի չեմպիոն:

Անի Հովսեփյան

Վլադիկավկազից մեդալով վերադարձավ նաեւ Անի Հովսեփյանը (լուսանկարում՝ Գարիկ Պապոյանի կողքին): Նա հասավ մինչեւ եզրափակիչ: Այնտեղ պարտվեց Ռուսաստանի ներկայացուցչին. բավարարվեց միայն արծաթով:

Հրաձգություն

Լիլիթ Մկրտչյան

Լիլիթ Մկրտչյանը Եվրոպայի առաջության արծաթեմեդալակիր է: Այդ մեդալը նվաճել է 2017 թ.: Սլովենիայի Մարիբոր քաղաքում տեղի ունեցած մրցաշարում 10 մ վազող թիրախ մրցաձեւում նա զիջեց միայն ուկրաինացի Գալինա Ավրամենկոյին:

Բաթմինտոն

Լիլիթ Պողոսյան

Հիմնականում այս մարզուհու ջանքերով է, որ Հայաստանը ներկայացուցիչ ունի բաթմինտոնի միջազգային մրցումներում: Հաջողության հասնելու համար Լիլիթը տեւական ժամանակ է՝ մարզվում է Դանիայում տարբեր երկրներից ժամանած մարզիկների համար կազմակերպված ճամբարում: Նրա շնորհիվ ամռանը Մինսկում կայանալիք Եվրոպական խաղերում առաջին անգամ Հայաստանը ներկայացուցիչ կունենա բադմինտոնի կանանց մենախաղերում։

Գեղասահք

Անաստասիա Գալուսյտյան

Անաստասիան վերջին տարիների Հայաստանն է ներկայացնում Եվրոպայի ու աշխարհի առաջնություններում: Թեեւ այս մարզաձեւում հզոր երկրների դեմ պայքարել չի ստացվում, սակայն նա միշտ լուրջ նպատակներ է դնում, դրանցից մեկն օլիմպիական խաղերին մասնակցելն է:

Մարմնամարզություն

Հուրի Գեբեշյան

ԱՄՆ-ում ապրող, մարզվող ու աշխատող Հուրին Ռիո 2016-ում դարձավ ՀՀ-ն օլիմպիական խաղերում ներկայացնող առաջին կին մարմնամարզիկը: Մեդալների համար թեեւ նա չպայքարեց, բայց իր հետքը թողեց մարմնամարզությունում: Օլիմպիական խաղերում ցուցադրեց իր հորինած տարրը, որը կոչվեց նրա անունով: Հուրին, ի տարբերություն շատ մարզիկների, այլ հիմնական աշխատանք ուներ, որը ոչ մի պարագայում չէր 2-րդ պլան մղել: Նա ԱՄՆ-ում մանկաբարձական վիրահատություններ կատարող վիրաբույժի օգնական էր ու մարզումները պետք է հարմարեցներ աշխատանքի հետ:

Շախմատ

Էլինա Դանիելյան

Հայաստանի կանանց շախմատի առաջատար, գրոսմայստեր Էլինա Դանիելյանը ՀՀ 6-ակի չեմպիոն է: Նա նաեւ Եվրոպայի թիմային առաջնության հաղթող է:

Լիլիթ Մկրտչյան

Կանանց գրոսմայստեր, միջազգային վարպետ Լիլիթ Մկրտչյանը մի պահ նույնիսկ մոտ էր քաղաքականություն մտնելուն: Նա մասնակցեց ՀՀ ԱԺ 2017 թ. ընտրություններին: Հավաքեց, սակայն, ընդամենը 216 ձայն:

Լիլիթ Գալոյան

Կանանց միջազգային գրոսմայստեր, տղամարդկանց միջազգային վարպետ Լիլիթ Գալոյանի մարզական կարիերան էլ հարցականի տակ է: Այս շրջանում նա դատական գործընթացների մեջ է: Հայց է ներկայացրել ՀՀ Շախմատի ֆեդերացիայի դեմ: Պահանջում է սոցիալական օգնության գումարը եւ պնդում է, որ իրեն ապօրինի փաստաթղթերի հիման վրա են հանել ՀՀ հավաքականից:

Ֆուտբոլ

Լուսանկարը՝ Նենսի Ավեսյանի արխիվից

Եվ 2 մարզուհիներ, որոնք հայաստանցի մարզասերներին դեռեւս անծանոթ են՝ ֆուտբոլիստուհիներ Նենսի Ավեսյանը եւ Մարալ Արթինը: Վերջերս նրանց հետ հանդիպել է Հայաստանի ֆուտբոլի ֆեդերացիայի Կանանց ֆուտբոլի բաժնի պետ Աննա Թադեւոսյանը: 1990 թ. ծնված Նենսին ու 2000 թ. ծնված Մարալը հանդես են գալու ՀՀ կանանց ֆուտբոլի հավաքականում, որը ձեւավորվելու է հաջորդ տարվանից:

Մարալ Արթինը՝ աջից

Տպել
1628 դիտում

Նախագիծն ընդունվեց․ զինծառայողների աշխատավարձը կբարձրանա

35 մլն դոլար հատկացնում ենք ճանապարհաշինությանը եւ ամեն անգամ սթրեսի մեջ ենք՝ կարողանալո՞ւ ենք գումարը ծախսել․ վարչապետ

Մասիսի քաղաքապետի նկատմամբ «Էրեբունիի գործով» քրեական հետապնդումը դադարեցվել է, բայց նա մնում է մեղադրյալ

363 մլն 110 հազար դրամի ներդրում, 13 նոր աշխատատեղ՝ 350,000 դրամ միջին աշխատավարձով․ «Ջերմուկ գրուպ» ՓԲԸ-ն ներդրում կանի

Սիս գյուղի երեխեքը հարցազրույց են տալիս, ասում են՝ Նիկոլն եկավ, խոստացավ, «գլխառադ» արեց․ էդ ճանապարհը խի՞ չեն սարքում

Վարշավան և Վաշինգտոնը մոտ են Լեհաստանում ԱՄՆ ռազմական ներկայությունը մեծացնելուն

Երեւանում կկառուցվի ժամանցային, զվարճանքի այգի․ կգործեն եվրոպական արտադրության վերջին սերնդի կարուսելներ

Քոչարյանի և մյուսների գործով դիմումը ՍԴ-ում նախնական ուսումնասիրության փուլում է. հայտարարություն

ԵԱՀԿ-ն անցկացրել է հայ-ադրբեջանական սահմանագոտու հերթական դիտարկումը

Գործադիրը հավանություն տվեց շուրջ 5 մլն դոլարի ներդրումային ծրագրին․կստեղծվի 20-50 նոր աշխատատեղ

Հայաստանի Հանրապետության եւ Չինաստանի Ժողովրդական Հանրապետության միջեւ վիզային ռեժիմը կվերանա

Գործադիրը հավանություն տվեց «Պետ․ նպաստների» եւ «Կենսաթոշակների մասին» օրենքներում լրացումներ կատարելու մասին նախագծերին

Իռլանդիայի արդարադատության և հավասարության նախարարն ափսոսանք է հայտնել Մխիթարյանի՝ Բաքու չմեկնելու առթիվ

Հասանովն Ադրբեջանում ընթացող լայնամասշտաբ զորավարժությունների շրջանակում այցելել է առաջնագիծ

Մեկնարկել է ՀՀ կառավարության հերթական նիստը․ օրակարգում 49 հարց է, 35-ը՝ չզեկուցվող

Վահե Ղազարյանը նշանակվել է ՀՀ ոստիկանության զորքերի հրամանատար, ոստիկանության պետի տեղակալ

Ոստիկանները թրաֆիքինգի դեպք են բացահայտել․ կասկածյալները տղամարդ ու կին են (տեսանյութ)

Թող Վազգեն Մանուկյանը չվախենա, բացահայտումները լինելու են ի շահ մեր պետականության․ Անդրանիկ Քոչարյան

Ինչպե՞ս ամրապնդել հայ-վրացական տնտեսական փոխգործակցությունը. քննարկում նախարարությունում

Վանաձորում գործադուլը շարունակվում է. քաղաքի երթուղայիններին միացել են միջհամայնքային գծերի վարորդները (լուսանկարներ)